Home Salud Wit Gele Kruis tambe ta pone enfasis pa mucha menor di 5...

Wit Gele Kruis tambe ta pone enfasis pa mucha menor di 5 aña no bay Carnaval

16
0
SHARE
- Advertisement -

ORANJESTAD (AAN):   Wit Gele Kruis a tene un conferencia di prensa y nan director Gino Goeloe a trece diferente punto importante dilanti.

El a indica cu Wit Gele Kruis ta pone hopi atencion riba e temporada di carnaval cu nan programanan cu nan tin radial y na television.

Actualmente tin diferente spot ta pasando na Telearuba cu e mensahe pa concientiza comunidad, e mayornan pa cuida nan yiunan, a bisa.

Nan mensahe ta cu ora cu tin yiu, den e caso aki mas cu 5 aña, preferibel pa no bay carnaval cune. Nan mester sa cu e dañonan cu e mucha por haya durante carnaval ta varios. Por ehempel, daño di oido.

Por constata cu a pesar di e labor di Quota Club, hopi mucha no ta uza earplugs. Pero esey no kiermen cu mester stop di concientiza comunidad. Tin cu keda bisa tambe cu e musica halto ta malo pa e oido di e mucha, Goeloe a subraya.

Ta berdad cu ta na e mayor pa dicidi si e ta hiba e mucha of no carnaval. Pero Wit Gele Kruis ta bisa cu no mester hiba e mucha carnaval si e ta bao di 5 aña.

Awendia tin hopi crèche cu ta cuida mucha. Fundacion Pa Nos Muchanan tin un lista di créchenan cu ta traha den e temporada aki di carnaval.

Gino Goeloe a agrega cu Sociaal Crisis Plan tambe a haci un bon trabao cu un spot unda cu nan ta ilustra kico un mucha ta pasa den carnaval.

Pesey WGK ta keda bisa e mayornan cu sunblock, cu ta algo esencial pa hunta e mucha cune. Uza sombre of un petchi y tambe pañanan cu ta proteha e mucha su curpa.

Awa, bebe hopi awa. Ora di haya soft drinks e mucha ta haya mas sed y no ta yud’e cu nada.

Ora di bay carnaval, wak pa e mucha come bon. Y si ta bay carnaval bay cu cosnan cu no ta bay daña cu calor, a enfatiza.

E uzo di earplugs ta conta pa mucha y mayornan. E musica ta daña e oido. Ora un persona ta jong no tin problema, pero ora di bira grandi ta cuminza haya defectonan na un banda di orea, na otro banda di orea y e consecuencia por ta cu tin cu bay uza aparato pa scucha of te hasta perde e oido.

WGK ta keda pone focus pa e mayor wak pa e yiu tambe. Pa un mucha por goza ta 5 aña pariba. Pa e corda algo mester tin mas cu 5 aña. “Si bo kier pa bo yiu goza di carnaval e mester ta 5 aña pariba”.

- Advertisement -

DUNA COMENTARIO

Please enter your comment!
Please enter your name here