Home arte y espectaculo Zuleika Coffie keto bay como actriz y modelo ta mantene Aruba su...

Zuleika Coffie keto bay como actriz y modelo ta mantene Aruba su nomber na halto

38
0
SHARE
- Advertisement -

ORANJESTAD (AAN): Den pasado, na varios ocasion caba DIARIO a yega di mustra con positivo e bida ta bayendo pa e actriz local, Zuleika Coffie.

Bibando na Hulanda, su imagen a aparece den diferente catalog, posters, y tambe a haya rol den diferente pelicula.  El a yega di aparece den un pelicula di Lifetime Television tambe.

Zuleika a indica recien na DIARIO, cu e ta hopi entusiasma cu tur e rolnan cu e ta haya den pelicula.  Y el a mustra cu e tin hopi fanatico di islanan ABC, principalmente Aruba cu ta sigui sostene.

E deseo di mi famia mes, ta pa mi sigui pone ‘footprints’ rond di mundo como actriz y modelo di Aruba.

El a admiti den un entrevista na DIARIO, cu aña 2019 tabata uno un tiki dificil.  Pero asina mes el a logra posiciona su mes y demostra talento di modelo y actriz pa ta den pelicula y series.

Esnan cu no sa, lo por mira con Zuleika Coffie ta aparece como un ‘extra’ den e pelicula internacional cu ta riba Netflix, esta “100% Coco”.  Tambe e ta como extra den e serie “Baptiste” produci pa BBC.  Tambe como un extra den e pelicula “Bloody Marie”, e pelicula “The Spy Who Dumped Me”, y “Get Lost”.

Pero Zuleika no ta su so!  E ta drentando mundo di showbiz hunto cu su yiu muher Lilian Coffie.

Como modelo, nan dos ta den screensavers di Smartmatch, y tambe pa un borchi grandi di “Veilig Thuis” di Polis Hulandes.

Zuleika su imagen a wordo usa como modelo pa productonan femenino di Silk’n Tightra International, tambe Volksbank, y Psiorasis.

Su yiu Lilian a aparec como edelfigurant den “Wat Is Dan Liefde” den Pathé.  Tambe e ta modelo pa winter/lente collectie Gosoacky.

Aworaki Zuleika ta traha na schooltandarts den Amsterdam como asistente y Lilian Coffie ta bay school y bso, y un biaha pa siman e ta bay les di baile, canto, y di actuacion na Telekids Musical School.  Y cu orguyo nan ta demostra e disciplina den e arte di modelahe y actuacion, baile y Lilian den canto tambe.

DIARIO a compronde cu Lilian Coffie a ricibi su prome rapport di telekids cu e ta bayendo hopi bon.

- Advertisement -

DUNA COMENTARIO

Please enter your comment!
Please enter your name here