Home Policial A confisca Boto sin luz nabegando pazuid di Aruba

A confisca Boto sin luz nabegando pazuid di Aruba

740
0
SHARE
- Advertisement -

ORANJESTAD (AAN): E avion Dash-8 di Guardacosta di Caribe Hulandes a detecta Diadomingo anochi un boto sospechoso riba lama cerca di Aruba.  Mesora a raporta esaki na Centro RCC.

Inmediatamente a pasa e mensahe pa e punto di sosten di Guardacosta na Aruba.  Un unidad a subi lama pa bay purba intercepta e boto, cu e momento ey ta nabegando sin luz rumbo pa Rodgers Beach.

Oficialnan abordo di speedboat tipo Metal Shark a logra di intercepta e boto, y a obliga e capitan pa e nabega direccion di Pier di Guardacosta na Savaneta.

E Capitan ta di Venezuela, y e no tabatin ningun documento oficial cune.  E nomber y number di registro di e boto tampoco no tabata corecto.

Autoridad Hudicial a impone un boet riba e Capitan, como cu e tabata nabega sin luz y tambe cu e no tin papel oficial di declaracion di su salida di Venezuela.

Ministerio Publico di Aruba a dicidi pa confisca e boto pa lo demas investigacion.

 

- Advertisement -

DUNA COMENTARIO

Please enter your comment!
Please enter your name here