Home Policial Algun hende di berdad no ta hayando e mensahe di Toque de...

Algun hende di berdad no ta hayando e mensahe di Toque de Queda

1998
0
SHARE
- Advertisement -

ORANJESTAD (AAN): Siman a habri cu un pensamento hopi positivo ofreci pa un lector, kende a identifica su mes como Maria.  El a expresa cu e tin hopi admiracion pa e trabao dificil cu Polis tin pa controla anochi pa 9 ora largo pa ta sigur cu habitantenan riba e isla ta safe durante e Toque de Queda.

Pesey mes, e ta haci un suplica na comunidad, pa tur hende inclui Polisnan den nan oracion e dianan aki.  Pidi Todopoderoso e proteccion extra pa tur agente policial na Aruba pa asina haci nan trabao sin peligro.  Alavez un suplica pa tur habitante mantene nan mes na forma decente y civico y evita di sali for di bo cas.

   MULTA NA CANTIDAD:

Ora cu Diasabra anochi e Toque de Queda a cuminza, pueblo tabatin speranza cu tur hende lo sa di keda nan cas, no sali pafo ni pa hala auto, ni pa benta sushi, ni pa core tras di cacho.

Pa sorpresa di tur hende, por a nota cu tin un man yen di hende cu no a cumpli cu e simple peticion pa no subi caya.

No obstante cu a menaza tur hende cu bo por haya te cu 10.000 Florin di boet, awor ta parce cu e multa no ta yudando.

Algun hende a keda un tiki decepciona cu riba e Dia #1 di Toque de Queda, cu Ministerio Publico a ‘suavisa’ e boet asina minimo.  Un boet di apenas 1.000 Florin lo no spanta hende mas.  A aresta 31 hende di cual 29 hende a haya boet.   Di e 29 personanan ey, 27 a haya multa di 1.000 Florin, y 2 hende a haya multa di 1.400 Florin.

Pero e decepcion a bira mas grandi riba Dia #2 di e Toque de Queda.  Increible pa kere cu 45 persona di un of otro forma ta busca forma pa viola Toque de Queda of busca confrontacion cu Polis.

Educacion di un pueblo ta importante, y pesey na prome instante a kere cu e menaza di 10.000 Florin como boet lo pone tur hende cana straight y corecto.  Pero ta parce cu esey no ta pone hende haya miedo.

   CASNAN SIN CURA PAFO:

Corda bon cu ora di un Toque de Queda, bo tin di percura pa bo no subi caya.  Ni na pia, ni riba bicicleta, ni riba skateboard, ni riba brommer, y ni den auto.

Ministerio Publico ta mustra cla y raspa cu bo tin di keda den cas of riba bo tereno durante un Toque de Queda.

E problema aki ta cu tin algun cas na Aruba cu no tin cura rond di nan tereno.  Ni cura di bloki, di cement, di cadushi (trankera), di piedra (transhi), di heki, ni di waya.  Den e caso aki, un agente Policial NO sa unda bo tereno ta, y aki ta mas safe pa bo ta paden di bo cas.

E nucleo di tur e decision aki, ta pa evita cu hendenan ta ‘aglomera’ anochi den eventonan, stadionnan, nightclubs, y mas.  Pues e Toque de Queda aki nifica tambe cu bo tin di evita di bay aglomera na cura di bisiña.  Djis mantene Social Distancing pa asina yuda stop cu e brote di Coronavirus.

 

- Advertisement -

DUNA COMENTARIO

Please enter your comment!
Please enter your name here