Home General “Bida ta obliga nos di tene pasenshi”

“Bida ta obliga nos di tene pasenshi”

61
0
SHARE
- Advertisement -

Robert Leal psicologo

ORANJESTAD (AAN)- Psicologo Robert Leal den un entrevista a bisa cu bida ta obligando nos pa tene pasenshi den e momentonan di crisis aki.

Pero door cu nos no a desaroya e pasenshi cu cosnan no ta bay na e tempo cu bo kier, y cu no ta bay asina liher manera bo kier.

E situacion actual ta pone cu awor ta obliga bo di ta hunto mas tempo. Hopi no ta custumbra di ta cu e famia, nan ta bay trabao, esey ta bay scol, ta topa atardi, anochi un rato, weekend y cla. Y ya cu esey caba tin suficiente pleitamento lamentablemente.

Pero awor cu ta famia ta mas hopi ora hunto, e pleitamentonan a bira mas grandi, mas insulto, mas kibramento di otro y ta hayando mas violencia tambe. Tin mas violencia di hende homber contra muher, pero tambe violencia di insultonan di hende muher contra hende homber. E cosnan aki ta bibando cu frecuencia hopi mas halto.

Esaki ta bin door cu no a desaroya nos mes den dominio den personal pa hopi aña, y awor no por hacie den un paar di dia.

Pesey segun Sr. Leal tin un tool importante. Cada biaha cu bo corda, hala un rosea. Bo ta cana di sala pa cushina, hala un rosea. Bo ta wak bo cel, hala un rosea. E idea di esaki ta pa bo mantene bo curpa mas hopi posibel cu oxigeno y bo celnan ta haya mas oxigeno y ta bay busca spiernan y musculonan y bo musculonan ta relax. Hala rosea cada biaha y cada bez cu bo corda.

Bo yiu a haci algo cu no a gusta awor aki, of bo tata of mama a haci algo cu bo no a gusta, esey no kier meen c nan a haci algo malo, pero e ta pone cu bo no a gusta y ya bo ta cla pa zundra, bo ta cla pa dal of cla pa kibra otro.

Hala un rosea profundo y conta te 7 y despues contesta. Duna bo mes tempo pa mas calmo, pasobra si bo sigui actua impulsivo bo tasigui kibra e hendenan ey cu ta bo famia, pasobra bo sa cu e cos aki no ta caba awe, ni Dialuna, e cos aki ta dura full un periodo.

Nos mester cuminza trin nos mes pa e tempo dificil aki.

Awor aki ta wordo pidi pa keda cas, pero tog hendenan ta Sali bay supermarket, bay botica etc.

Tin hende no ta worry mes, pero mester mester a bin e toue de queda anochi. Y cuidao cu no bin un toque de quedia. Nos no sa.

Si e hendenan no responde na e manera efectivo na e ordennan aki mester bay pa pone toque de queda den dia.

Anto ta pesey ta importante pa train nos mes na cas. Ora bo cuminza perde pasenshi cu bo yiu, mama, ruman, pareha, corda hala un rosea. Hala un rosea y conta mentalmente te 7 prome cu bo contesta.

 

 

- Advertisement -

DUNA COMENTARIO

Please enter your comment!
Please enter your name here