Home General Cifranan COVID-19 Venezuela no por ta corecto!

Cifranan COVID-19 Venezuela no por ta corecto!

999
0
SHARE
- Advertisement -

Tur ciudadano mester yuda Aruba actualmente

*Mester introduci boet pa tur cu trata di sconde ilegal

*Orden di gobierno como autoridad mester wordo manteni

ORANJESTAD(AAN)–“Aruba mester ta den estado di maximo alerta pa peliger cu ainda Venezuela por produci. Henter poblacion mester duna maximo yudansa na Gobierno y na tur cuerpo cu ta representa autoridad pa evita un problema serio importa di Venezuela.”

DIARIO, cu ta analisa tur cifra na mundo pa midi e desaroyo rapido di e coronavirus nobo na mundo, ayera a tuma nota di e informacion oficial cu Venezuela ta suministra.

Segun e cifranan di regimen Nicolas Maduro, cu ta bisa cu China ta yuda e pais pa combati COVID-19, Venezuela solamente a conoce un total di 84 caso di cual ya 15 a recupera. Venezuela no a conoce ningun caso nobo ayera, ningun morto te awor segun e informacion cu e regimen a suministra.

Un analisis di e informacion aki hunto cu expertonan ta mustra cu Venezuela no por ta suministra informacion corecto ya cu na momento cu e malesa presenta su mes na Venezuela tur condicion ta na fabor pa e plama rapidamente.

E peliger pueblo di Venezuela ta asina halto cu Nacionnan Uni e biaha aki ta sostene Juan Guaidó cu Maduro mester tene e portanan di Venezuela habri pa ayudo humano debi na e indice di miseria di e pais.

Situacion contra di higiena, e cantidad di hende cu ta biba hunto y no tin cuminda pa come pa no papia mes di awa pa laba man continuamente, ta faborece un situacion cu no por controla na Venezuela.

Analisis di e cifranan cu Venezuela, cu no ta permiti pa tuma paso pa frena actividad economico cu mester produci placa pa gobierno di Nicolas Maduro, a emiti, ta duna tur indicacion di ta falso.

E cifranan oficial ta wordo estableci a base di informacion cu cada pais mester manda pa e Organisacion Internacional di Salud pero tin cifra di basta pais cu ta na duda serio pa loke ta trata e pregunta si nan ta berdad.

Den analisis di e situacion na Venezuela, hunto cu expertonan mester a conclui cu e informacion di Venezuela no ta corecto y cu mas bien tur Arubiano mester yuda pa evita presencia ilegal y scondi na Aruba.

E forma cu autoridad local ta controla Aruba no ta laga espacio pa ilegal sigui drenta pero no mester descarta cu tabata tin hende scondi na Aruba. Si nan bira malo, nan lo tin e tendencia pa no presenta na autoridad pa asina no haya nan mes den problema.

DIARIO ta sostene gobierno y tur autoridad den tur accion pa evita e progreso peligroso di e coronavirus nobo. Tur cu ta sconde hende cu a drenta ilegal y awe ta scondi na Aruba, mester wordo castiga cu boet!

- Advertisement -

DUNA COMENTARIO

Please enter your comment!
Please enter your name here