Home Salud Cuarentena awo ta obligatorio y por bay asina leu di implementa medidanan...

Cuarentena awo ta obligatorio y por bay asina leu di implementa medidanan mas drastico

3025
0
SHARE
- Advertisement -

Sharline Koolman: Task Force a cuminsa actua

ORANJESTAD (AAN):  Sharline Koolman di Departamento di Salud y miembro di e Coronavirus Crisis Team a duna di conoce cu entrante diaranzon 26 di Maart atardi, e asina Task Force a cuminsa actua contra esnan cu no cumpli cu cuarentena.

El a bisa cu esnan cu ta wordo pidi pa keda cas durante 14 dia ya sea pasobra nan a bin di afo of tabata tin contacto cu un persona cu Coronavirus tin cu keda cas den isolacion. Den caso di no cumpli a bin cu medidanan nobo di parti boet cual por bay entre 1000 y 10.000 mil florin.

Koolman a remarca cu aworaki ta un obligacion pa cumpli cu e cuarentena y pesey e Task Force lo cuminsa bishita of yama e personanan cu ta den cuarentena.

Te cu dialuna tabata haci tur hende un yamado civico pa keda cas, pero mirando cu e cantidad ta keda subi y cu atrobe ta keda busca nan y ta hayando, esey kiermen cu tin casonan cu ta broei.

Pesey awor a bay over na e cuarentena obligatorio riba esnan cu a viaha y riba esnan cu tabata den contacto cu personanan cu ta isola y cu ta positivo, a indica.

Pa loke ta e Task Force, esaki ta inicia su trabao diaranzon atardi pa motibonan cu mester a haci algun areglo den e parti di personal pa por a pone esaki riba pia.

“Nos no a pensa cu e poblacion no lo a coopera cu cuarentena. Pero ya cu ta bay asina leu cu nos tin cu bay na e pida aki, nos lo tin cu hacie”, Sharline Koolman a expresa.

Si mester tuma mas medida, a agrega, DVG lo conseha Minister pa tuma medidanan mas drastico.

 

 

- Advertisement -

DUNA COMENTARIO

Please enter your comment!
Please enter your name here