Home Policial Cuerpo policial a raporta 31 detencion durante Toque de Queda di Diasabra...

Cuerpo policial a raporta 31 detencion durante Toque de Queda di Diasabra pa manece Diadomingo

616
0
SHARE
- Advertisement -

ORANJESTAD (AAN):  Diasabra 21 di maart 2020 Aruba a conoce loke ta TOQUE DE QUEDA.  E la bay na vigor di 9or di anochi te pa su mainta 6or. E TOQUE DE QUEDA ta keda na vigor te cu dia 31 di maart 2020.

Cuerpo Policial a pone diferente unidad riba caminda pa controla. Den oranan tempran por a conta caba cu e prome detencion.

Personanan cu tabata keda mobilisa riba e careteranan di Aruba maske a adverti di tempran cu no ta permiti.

Cuerpo Policial a conta cu total di 31 detencion pa e prome anochi di TOQUE DE QUEDA.

Cuerpo Policial kier a recorda cu ora ta papia di TOQUE DE QUEDA ta algo hopi serio y mester cumpli cu esaki.

TOQUE DE QUEDA kiermen no ta permiti pa abo ta riba caya. Abo como ciudadano keda bo cas. Tene bon cuenta cu esaki .

Aruba ta pasando den un tempo dificil pa loke ta e Coronavirus ( COVID-19) y ta pesey gobierno di Aruba a bin cu e TOQUE DE CUEDA.

Un palabra di danki y hopi aprecio pa e coleganan polis y e parti administrativo cu a sa di traha incansablemente , lagando nan famianan na cas pa asina eherce e trabao di mantene e orden publico y percura pa tur hende cumpli cu ley.

Cuerpo Policial kier ta pidi pueblo di Aruba pa corda riba e distanciamento social, corda laba bo man y desinfecta constantemente. Corda cuida nos grandinan y esnan vulnerabel pa cu e virus aki.

Corda cu hunto nos por.

Keda cas y flatten the curve

 

- Advertisement -

DUNA COMENTARIO

Please enter your comment!
Please enter your name here