Home Editorial E siguridad di bienestar cu Ministro Andin Bikker ta garantisa

E siguridad di bienestar cu Ministro Andin Bikker ta garantisa

45
0
SHARE
- Advertisement -

Editorial

E siman aki atrobe Ministro di Husticia, Andin Bikkker, a entrega solucion pa uno di e problemanan mas serio riba tereno di Husticia.

Den e situacion cu a presenta su mes den region di Caribe a base di desaroyonan na Venezuela, Aruba tabata tin necesidad di un experto huridico pa por a formula un maneho dirigi na bienestar di Aruba y su ciudadanonan.

Manera semper DIARIO a sostene, e bienestar di e Arubiano ta e deber principal di gobernantenan cu mester deshaci di tur peliger pa siguridad nacional cu ta crucial pa e pais.

Na 2017 Ministro Andin Bikker a hereda un situacion sumamente peligroso pa Aruba cu a ta situa dilanti Venezuela cu ta un peliger enorme pa Aruba, cu mester tene su mes na ley y tratado pa por garantisa cu e ciudadanonan por haci uzo di nan bienestar constitucional.

E base pa continuacion di un bon maneho pa husticia, no tabata presente ora Ministro Andin Bikker a tuma timon siguridad nacional den su man. Diferente aspecto cu tabata stroba efectividad, no tabata presente.

Uno di e prome tareanan tabata pa introduci e helicopter cu a sostene vigilancia necesario pa garantisa un bon siguridad nacional.

Criminalidad general a wordo combati y durante dianan di fiesta 2019/2020 y Carnaval por a sinti cu autoridad a duna prueba di ta presente na interes di e Arubiano.

Accion contra ilegalidad na tera, den aire y riba lama a wordo amplia cu medidanan concreto, cu a sali dilanti tambe e siman aki.

E introduccion di metodonan pa regula e entrada di Aruba na un forma controlabel, sin duda ta sostene e bienestar y sigur e siguridad nacional cu mester brinda proteccion pa e pais na momentonan sumamente dificil y peligroso.

DIARIO e siman aki a sostene accionnan directo pa preveni traspaso di leynan cu ta sirbi e bienestar di e ciudadano y ta honra e cuadro di ley di nos pais.

Actuacion di Ministro Andin Bikker y e forma cu tambe cuerponan cu ta resorta bou su maneho a actua na bienestar di Aruba e siman aki, ta duna confiansa cu e bienestar di Aruba ta wordo sirbi na un forma concreto den situacionnan mundial y regional peligroso pa Aruba.

- Advertisement -

DUNA COMENTARIO

Please enter your comment!
Please enter your name here