Home Gobierno Esnan cu viola regla di cuarentena tambe por haya multa di 10...

Esnan cu viola regla di cuarentena tambe por haya multa di 10 mil Florin

116
0
SHARE
- Advertisement -

ORANJESTAD (AAN): Pueblo mes a bin ta reclama, cu nan ta notando di nan propio famia, cu algun hende cu a wordo poni bao di cuarentena no ta cumpliendo cu e exigencia pa nan keda na cas, y no mag di sali pafo ni subi caya.

Gobierno tambe a haya varios prueba di esaki, y pa tal motibo riba Diamars a tuma un decision nobo.

Esey ta encera cu tur persona cu ta den cuarentana (sea esnan cu tabatin contacto cu un hende positivo, of esnan cu a bin di exterior ultimo dianan), ta bay ricibi un carta cu instruccion specifico di Gobierno, unda ta mustra e persona cu e tin di mantene su mes estrictamente na regla di cuarentena.

Si acaso e persona no ta cumpli cu e reglamentonan di cuarentena, e ora nan lo por hay aun multa cu ta core entre 1.000 pa 10.000 Florin.  Si esaki ainda no ta suficiente, lo bay via Decreto Ministerial cu e instruccion un biaha mas, pa obliga y forza nan cu un cuarentena obligatorio.

Ripara cu no ta tur hende ta atene nan mes na e cuarentena, na e social distancing, y ni ta mira e gravedad cu e Coronavirus ta trece cune pa salud.  Pesey ta urgi tur ciudadano pa nan cuida nan mes, nan prohimo, y nan sernan keri.  Keda paden y sigui instruccion di Gobierno.

 

- Advertisement -

DUNA COMENTARIO

Please enter your comment!
Please enter your name here