Home General Indice internacional di COVID-19 Aruba ta sigui subi

Indice internacional di COVID-19 Aruba ta sigui subi

168
0
SHARE
- Advertisement -

E careda mundial di coronavirus ta acelera pa yega Mey Miyon

*Cifranan concreto Diamars a confirma cifranan DIARIO

*Menos caso serio pero riesgo grandi pa trahado cuido medico

Mientras instancianan oficial na Aruba ta cumpli cu nan tarea y ta duna tur informacion di e forma cu COVID-19 ta haci su avance den comunidad.

Cifranan oficial mundial ta indica cu manera DIARIO a adverti, e efecto di infeccion pa persona lo haci cu e cantidad di casonan lo cuminsa acelera nan mes mas rapido.

E conteo oficial di casonan riba escenario mundial ayera, a cuminsa conoce cambio continuo mientras e malesa tabata parce den un ansha pa alcansa e cifra di Mey Miyon caso mundialmente.

Pa por duna un resumen di loke tabata pasa, por papia di un total di 445.853 te 2or di ayera ora DIARIO tabata prepara edicion di awe.

Un total di 19.786 morto tabata e saldo mundial te na e momento ora a anuncia tambe cu 112.037 persona a recupera.

E indice di e porcentahe di morto enfrente recuperacion a baha atrobe pa 85% recupera y 15% cu no a sobrevivi e enfermedad.

E cantidad di casonan severo tambe a bira menos cu e tabata na nivel mundial y a bira 4 porciento loke ta nifica cu 4 di cada 100 persona por experencia un situacion severo di e malesa.

Manera DIARIO a indica, pa por mira Aruba den e situacion mundial, mester haci un comparacion den cual ta mira e cantidad di caso di tur pais si den nan tabata tin un Miyon di habitante.

Riba e grafico por mira, cu si Aruba tabata tin Un Miyon di habitante, e total di caso cu e conoce awor, lo a nifica cu di e Un Miyon habitante, 159 lo tabata sufri di e coronavirus, loke ta nifica cu e cifra a subi di 112 pa 159 den un solo dia. Esaki tabata tambe e realidad di e cantidad di casonan cu Aruba a registra cu den un solo dia a aumenta cu 5 caso.

Pa poblacion di Aruba e actual situacion ta demostra necesidad di hopi responsabilidad pasobra ya no mester di persona cu tabata den exterior pa haya mas caso, pero e infeccionnan ta subi a base di e hecho cu e malesa ta plama na Aruba.

Importante ta e informacion riba e peliger cu e coronavirus nobo ta pa trahadonan den cuido medico, manera dokter, enfermero, personal di laboratorio y botica pa nan trabou ta confronta casonan di e malesa directamente.

Pashentnan mester tene esaki na consideracion pa evita cu personal di cuido medico ta wordo contagia y ta hiba e malesa cas pa nan famia.

Con ta atende cu e coronavirus nobo ta keda un pregunta cu henter poblacion mester duna un contesta cu mester ta basa riba responsabilidad cu hende tin pa nan mes y pa otro den comunidad.

- Advertisement -

DUNA COMENTARIO

Please enter your comment!
Please enter your name here