Home General Mayoria di personanan contagia cu Coronavirus na Aruba a bin for di...

Mayoria di personanan contagia cu Coronavirus na Aruba a bin for di Merca

2571
0
SHARE
- Advertisement -

ORANJESTAD (AAN):   Prome Minister Evelyn Wever-Croes a duna un update dialuna anochi relaciona cu e casonan di Coronavirus na Aruba.

El a bisa cu te cu dialuna 23 di Maart 2020 Aruba tabata tin 12 caso di Coronavirus. Un di e casonan aki tabata esun di e consultant cu a bay Merca y aworaki ta den bon estado di salud. E resto di casonan cual ta 11 ta na Aruba.

For di e 11 casonan aki, tin 1 turista cu ta recuperando y 10 ta local.

For di e 10 casonan local ta bon pa laga sa cu 6 a bin for di exterior. Mayoria a bin Merca. A identifica e persona local cu a bin di New York, e local cu a bin di Miami y e local cu a bin di Colombia, e mandatario a indica.

4 transmision local te cu dialuna anochi

E resto di casonan local, cual ta 4, ta trata di transmision local. Kiermen, personanan cu no a viaha ningun caminda y cu a wordo contagia na Aruba.

E datonan di diamars merdia lo keda anuncia den un otro articulo apart, despues di e conferencia di prensa di 2 pm.

- Advertisement -

DUNA COMENTARIO

Please enter your comment!
Please enter your name here