Home Salud “Mi ta pensa cu nos hospital ta bon prepara pa locual posiblemente...

“Mi ta pensa cu nos hospital ta bon prepara pa locual posiblemente por ta na caminda”

107
0
SHARE
- Advertisement -

Babet Latour:

ORANJESTAD(AAN): Diaranzon durante e update riba Coronavirus di tur atardi, Babet Latour di asociacion di specialistanan di Horacio Oduber Hospital a hiba palabra.

Latour a indica cu e specialistanan di hospital tambe ta hopi ocupa pa guia e cuido na un bon manera, rond di e Covid-19.

“Nos no por haci tur cos nos so como docter y pesey nos ta haci esaki cu tur empleado di hospital y specialmente cu e enfermeronan”.

“E enfermeronan ta trahando hopi duro y ta flexible pa combati e crisis aki”.

“Den hospital nos a train seccionnan specialmente con pa atende cu pashentnan cu a test positivo pa Covid-19, pero tambe hendenan cu ta wordo sospecha di tin e virus”.

“Nos a train nos personal con pa na un manera safe pa nan mes atende cu pashentnan di Coronavirus, pero tambe na un manera safe pa otro pashentnan”.

“Pesey mi ta pensa cu nos hospital ta bon prepara pa locual posiblemente por ta na caminda”, segun Latour.

El a sigui bisa cu ta un periodo di tension no solamente pa e empleadonan di hospital, sino tambe pa hendenan na Aruba y hendenan rond mundo.

Segun Latour tin hopi cos nos tur sa caba di e virus, pero ainda tin un cantidad di cos cu nos no sa y esey ta trece un tension y preocupacion.

Sinembargo, e ta pensa cu nos tur mester djis mantene nos mes na e reglanan entre otro di social distancing y purba di keda trankil, nos lo vence e virus.

“Nos mester tin confianza den e hecho cu hopi hende ta trahando riba combatimento di Covid-19”, segun Latour.

- Advertisement -

DUNA COMENTARIO

Please enter your comment!
Please enter your name here