Home Salud Ningun trahador di WEB cu tabata den cuarentena a haya e malesa

Ningun trahador di WEB cu tabata den cuarentena a haya e malesa

222
0
SHARE
- Advertisement -

ORANJESTAD (AAN): Entrante awe Diahuebs nan por bay trabao bek!  Esey ta e bon noticia cu Diaranson merdia, Jurette Croes di Departamento di DVG a revela durante update di Gobierno.

E ta referi na e trahadornan di WEB Aruba NV cu a wordo poni den cuarentena dos siman pasa e momento cu a haya sa cu un turista cu a bin duna servicio di consultancy na e planta di awa y electricidad, a test positivo pa Covid-19.

Tabata Diabierna 13 di Maart 2020, cu Gobierno a revela cu e prome 2 caso di Coronavirus a wordo detecta positivamente na Aruba.  Uno di nan ta e turista di California, cu a bin cune.

E momento ey mesora Departamento di DVG a drenta den accion y a cuminza cu un contact-tracing pa check cu kende exactamente el a comunica su mes na e Hotel, cu cual taxi el a core, y tambe check cu cua trahador y hefe na WEB Aruba NV el a papia relaciona cu un Printer System nobo cu e compania a cumpra pa imprimi cobranzanan nobo.

Diferente hefe cu e turista aki a comunica cune, mesora a wordo manda pa bay sinta cuarentena na nan cas, y vigila nan salud.  Esaki claro a pone hopi hende bay den panico, pero en general e empleadonan di WEB Aruba NV a cumpli cu esaki cabalmente.
Segun Croes, durante e 14 dianan cu a pasa, e seccion di malesanan contagioso di DVG a monitor e trahadornan aki.  Nan no a haya ningun sintoma.

“Esey nifica cu entrante Diahuebs nan por ta bek na trabao,” e funcionario di DVG a indica.

Esaki ta un gran alivio y sigur trankilidad lo regresa bek cerca tur esnan di WEB Aruba NV.

- Advertisement -

DUNA COMENTARIO

Please enter your comment!
Please enter your name here