Home Policial Riba Dialuna anochi a aresta 18 hende durante Toque de Queda

Riba Dialuna anochi a aresta 18 hende durante Toque de Queda

258
0
SHARE
- Advertisement -

Total den 3 anochi ta 94 detencion

ORANJESTAD (AAN): No ta Aruba so, sino ta diferente isla den Caribe y paisnan grandi a impone “Toque de Queda” den un intento pa reduci e plamamento di e brote di Coronavirus.

E ta algo simple:  Keda paden di bo cas for di 9:00 pm te cu 6:00 pm, y solamente esnan cu permiso special mag di ta riba caya.  Gobierno a introduci un boet maximo di 10.000 Florin.

E ta simple!  No bay sinta riba bo cura di cas ta wak pafo.  No keda para banda di e baki di sushi ta wak pafo.  No pone stul den porta di garashi pa wak pafo.  Djis keda paden.

   PROME DIA:

Diasabra 21 di Maart 2020 a cuminza cu e prome anochi di Toque de Queda.  Ora cu a kere cu tur hende lo a compronde esaki, y cu pa 9:00 pm ya tur hende lo ta na cas y no ta coriendo mas den auto, ata Polis a haci un total di 31 detencion.  Na final di e anochi, ta 29 di nan a haya multa.

Si tabatin 2 hende den auto, ta cada uno lo haya un multa.

   DI DOS DIA:

Diadomingo 22 di Maart 2020 a cuminza cu e di dos anochi di Toque de Queda.  Pensando cu e resultado di e prome dia lo pone pueblo realiza cu esaki ta un asunto serio, y tur hende lo keda den cas, ata situacion a bay for di man.   Na final di e anochi, a detene un total di 45 persona.

Aki tabatin algun hende cu a resisti tambe contra detencion, y esaki a bira un acusacion extra riba nan caso.

   DI TRES DIA:

Dialuna 23 di Maart 2020 a cuminza cu e di tres anochi di Toque de Queda.  Varios observador tabata convenci cu pa awor si ya tur hende sa di e reglamento estricto aki y lo no subi caya.  Pa sorpresa di tur hende, un biaha mas tabatin un sorto di retamento pa cana riba caya sin preocupa cu e ley.

Pues un biaha mas Polis a haya nan ta actua cu man duro y a detene 18 persona.

Cuerpo Policial kier a recorda cu ora ta papia di Toque de Queda, cu e ta algo hopi serio y mester cumpli cu esaki.  Toque de Queda kiermen no ta permiti pa abo ta riba caya. Abo como ciudadano keda bo cas.  Tene bon cuenta cu esaki .

Aruba ta pasando den un tempo dificil pa loke ta e Coronavirus y ta pesey gobierno di Aruba a bin cu e Toque de Queda.

Cuerpo Policial ta gradici tur funcionario Policial, y tambe esnan di e parti administrativo cu a sa di traha incansablemente, lagando nan famianan na cas pa asina eherce e trabao di mantene e orden publico y percura pa tur hende cumpli cu ley.

Cuerpo Policial kier ta pidi pueblo di Aruba pa corda riba e distanciamento social, corda laba bo man y desinfecta constantemente. Corda cuida nos grandinan y esnan vulnerabel pa cu e virus aki.  Corda cu hunto nos por!  Pues keda cas y flatten the curve.

 

- Advertisement -

DUNA COMENTARIO

Please enter your comment!
Please enter your name here