Home Policial Ta actonan di ignorancia ora cu ta tene actividadnan cu aglomeracion di...

Ta actonan di ignorancia ora cu ta tene actividadnan cu aglomeracion di hende

599
0
SHARE
- Advertisement -

Cuerpo Polis tambe cu apelacion pa keda cas

ORANJESTAD (AAN):   Ta asina cu Gobierno di Aruba a haci un yamado na comunidad di Aruba pa keda cas y mantene un distanciamento social.

Pero parce cu tin personanan cu no ta worry cu e peliger ora cu tin fiesta of aglomeracion di hende. Awor Gobierno a bin cu e medida pa cera establecimentonan 10or di anochi.

Tin paisnan unda a hacie caba pa motibo cu pueblo no tabata atende cu e medidanan di precaucion.

Relaciona cu e medida aki, Vocero di Polis, Lito Lacle a indica cu e meta principal aworaki ta pa preveni cu e virus COVID-19 sigui expande.

Prome Minister, a bisa, a saca un decreto cu ta bisa cu tur permiso duna door di Polis ta wordo cancela obligatoriamente y tin cu cumpli cune.

E decreto aki ta algemeenbelang y si Prome Minister dicidi di kita e permisonan y dicidi cu nan no ta valido mas, tin cu cumpli e ordo, a remarca.

El a bisa cu ta keda na e persona si e ta haci un BBQ den cura di su cas. Ta conseha tur hende pa keda na cas. Pero ta aconseha pa tin un distancia di 1 meter for di otro y mester zorg pa mantene esaki.

Lito Lacle a sigui bisa cu mester abstene pa ta ariba caya, pa socializa menos cu ta posibel. Esaki riba termino largo ta bay haci e trabao di hospital mas facil ya cu lo tin menos pa atende cu e virus aki.

El a cataloga e tipo di actividadnan cu tabata tin y cu a ocasiona aglomeracion di hende como un acto di ignorancia. El a bisa cu ta compronde cu tin hende cu kier pa pueblo disfruta di e coremento cu brommer, etc, pero tin cu tene cuenta cu ta bay trece cu e virus lo por plama.

Vocero di Polis a recomenda pa yama Polis solamente ora tin casonan urgente.

- Advertisement -

DUNA COMENTARIO

Please enter your comment!
Please enter your name here