Archivo di e Categoria ‘Deporte’
Hurricanes a titula campeon den baseball Infantil A di Liga Menor di ABBA 2011
ORANJESTAD(AAN)—-E final tan spera entre Hurricanes y Grasshoppers den e categoria di Infantil A di baseball di ABBA a tuma lugar diasabra merdia den un Centro di Bario Noord, yena di fanatico. Un wega tan spera pa motibo, cu e serie final tabata empata na dos y for di anja pasa caba e wega number cinco mester a ser hunga, pero pa motibo di awacero a pospone esaki y a lage pa e anja aki. Centro di Bario Noord tabata tur na color cora y oranje cual ta e colornan di Hurricanes y Grasshoppers. Mester bisa cu e wega a inicia cu e pitchernan di ambos equipo luciendo un poco nervioso, mirando cu ta trata di un wega desicivo y e desordo di publico, cual un hende grandi mes lo spanta di dje ta ki ta un mucha. Den prome inning caminda cu Grasshoppers ta pika dilanti anotando 2 careda, pero Hurricanes ta reacciona mesora anotando 4 careda pa bai ariba, aki e equipo di Grasshoppers a haye ta cambia 2 pitcher rapidamente den e prome entrada, cual tabata algo sigur cu a deblita e equipo den pitcheo. No obstante di e cambio, Grasshoppers a reacciona den nan siguiente inning y ta bai ariba 7 – 4, caminda cu e biaha aki Hurricanes ta haye ta cambia su pitcher habridor. Pero a lo largo e muchanan guia pa Lyle Rombley y su crew di staf tecnico, esta Hurricanes tabata tin e rosea mas largo caminda nan a bini gana Grasshoppers cu e score final di 20 – 12 pa asina bai cu e titulo di Campeon den e categoria di Infantil A di ABBA 2011. Un pabien sigur na ambos equipo cu e deleita e publico den tur e cinco weganan hunga cu un tremendo spectaculo di baseball. For di ABBA Liga Menor nos a haya e Boxscore cu ta como lo siguiente: Grasshoppers 12 careda 3 hit y 0 error, mientras Hurricanes 20 careda 8 hit y 0 error. Miho bateadornan: pa Grasshoppers Antione Tromp 5-2, Miho bateadornan: pa Hurricanes Keshawn Rombley 6 -2 . Di parti Hurricanes Baseball Foundation nos kier a manda un danki na prome lugar Dios Tata poderoso cu a guia e muchanan pa nan victoria. Na tur mayornan cu un manera of otro a sa di juda pa e muchanan por a jega asina leu di bira Campion. Y sin laga afo nos Managers Y Coachnan semper y manera un Team a dirigi nos muchanan pa nan victoria.
Team Thrill Walkers ta haci e diferencia:
ORANJESTAD(AAN)—Diadomingo ultimo, e 3rd 5.5-K United Walk & Run 2012’ organisa pa Thrill Walkers S.V. a resulta den un a exito rotundo un biaha mas y esaki ta danki na e tremendo trabou di tur miembro cu a prepara pa e evento grandi aki como tambe tur atleta y deportista cu a sa di yega pa participa. E mas di 350 canado y coredo a haci di e atardi uno grandi, ora cu a cuminsa y caba na ora. For di trempan e atletanan a registra y tabata prepara pa e salida. Esaki a tuma lugar exactamente pa 5:30 pm y tur atleta a cuminsa e trayecto di 5.5K cu a recorre area di Sombre, Cas Ariba, Sero Compa, Cadushi Largo, Coba Lodo y Angochi. Un ruta cu tur participante ta keda disfruta y ta duna bon ‘feed-back’, entre otro cu e ta un tremendo ruta, duro, pero hopi dushi pa habri aña y cuminsa move pa pone e curpa den condicion. Alabes e participantenan ta disfruta di nos naturalesa y aire fresco pero tambe e comportacion ehemplar di automobilistanan den e area aki cu ta duna nos participantenan e respet riba caminda. Algo sigur di aprecia.
ORANJESTAD(AAN)—E Premio Excelencia den Deporte ta un muestra di gratitud, reconocimento, y estimulo cu un pais ta duna na esnan cu a destaca den mundo di deporte. Gobierno di Aruba pa medio di e gremionan di deporte y prensa local den un forma organisa y imparcial ta studia y repasa e curiculo di tur e nominadonan, pa na final scohe e deportista di aña y reconose e figura deportivo aki durante di un anochi espectacular. Mescos cu otro paisan ta reconose nan atletanan, dirigentenan, entrenadoranan y oficialnan pa nan bon trabou, Aruba tambe na final di aña ta tira un bista atras y como pais hopi activo den deporte simplemente no por keda atrás. Gobierno, mediante e ‘Comision Excelencia den Deporte’ cada aña lo duna reconocimento na su mihor deportista, dirigente, entrenador y oficial di wega.
ORANJESTAD(AAN)—Diahuebs anochi a tuma lugar e reunion di Brazil Taekwondo Stichting na unda tabata tin ariba
agenda diferente topiconan cu mester a wordo atendi cual un di nan ta forma un directiva
nobo y tambe vota pa un banco. Mirando cu aña 2012 ta dilanti porta Alberto Klabér a habri mas
posicion y tambe uno pa presidente cu a wordo nenga rotundamente. Alberto Klabér a menciona si
cu esaki lo ta su ultimo aña, pasobra mester traha lugar pa un otro haya e oportunidad pa duna
otro e oportunidad tambe pa dirigi e fundacion.
ORANJESTAD (AAN)—Durante e continuacion di e campeonato di futbol Division Honor, recientemente e equiponan di Juventud Tanki Leendert y SC Bubali a enfrenta otro na Stadion Guillermo Trinidad, partido cu a finalisa cu un otro victoria pa e equipo di Bubali cu score di 2-0.
E hungador Alexander Tejada tabata e hungador cu a destaca durante e encuentro aki door di a anota e dos golnan pa su equipo Bubali. Pa lo cual ta trata e wega nos por bisa cu aunque e team di Bubali ta un equipo cu a demostra e ultimo 3 campeonatonan di ta un di e “Duronan” pa vence, toch e “Bufalonan” di Juventud Tanki Leendert a duna e “Orguyonan di Noord” un tiki dolor di cabez, sin embargo tabata Bubali kende a domina un poco mas ariba tereno.
“Jaragua di Brazil a sali Campeon Super Master”
ORANJESTAD(AAN)— Diahuebs ultimo den Compleho Deportivio Frans Figaroa a termina e campeonato di COPA ARUBA 2011. Pa motibo di viaje di e ekipo di Brazil cu mester a subi avion e mesun atradi e wega final di Master entre Caravel di Aruba y Cooper di Brazil mester a tuma lugar pa 1 or di merdia. E horario no tabata esun mas favorabel pa fanaticonan jega stadion na masa pa apoya Caravel. A pesar di esaki e equipo di Caravel a sa di saca nomber di Aruba, cu of sin fanatico nan a hunga cu cuerpo y alma y bira Campeon ganado Cooper 2-1 y asina bai cu e trofeo bunita di cristal.
ORANJESTAD (AAN)—Diadominhgo manera ya caba Diario a trece pa tur nos lectornan, a tuma luga na pista di Karting na Bushiri, caredanan di Go Kart, tanto di machinenan drecha como tambe esunan cu ta wordo gehuur na publico. Puclico tabata bon y e ambiente tambe a bira uno hopi agradabel.
ORANJESTAD (AAN): E grupo di hobennan aki, a sa di demostra grandemente cu Aruba tin bon futuro den deporte! DIARIO aki ta referi na e team hoben cu apenas tin par di aña di existencia na Aruba, esta di team di Marlins.
E grupo aki di Noord, despues di mas di un aña di preparacion, a haci e viahe pa Florida, y esaki a resulta den un gran exito. Pesey un danki ta bay na tur comerciante cu a pone nan confianza den Stichting Marlins Sport Aruba, cu a haci e soño di nos muchanan pa bay hunga baseball y bishita e parke nan di Walt Disney World y Universal studios.
Ruzischka “Yuyika” Tromp di Brazilian Flash Racing
ORANJESTAD (AAN)—Manera ya ta conoci, Ruzischka Tromp yama cariñosamente Yuyikia, a pasa na bira e prome driver femenino di Aruba y Caribe cu den su rond ta logra di marca un tempo di 7 seconde ariba un ¼ mile. Yuyika ta yiu muher di Tito Tromp y Mildred Thijzen Tromp. No ta un secreto cu Yayita ta bini di un famia cu tin hopi tempo exitoso den e deporte di Drag Racing y no tabata nada straño cu cualkier rato nos lo a tende di e bon noticia cu Brazilian Flash lo a haya un driver nobo y e sorpresa tabata cu e biaha aki tabata un yiu di Tito mes cu lo ta tras di stuur di un autonan.
Un kiebro di contacto a perhudica coredornan di Dragrace di Aruba cu a bay Merca
ORANJESTAD (AAN): Manera ya ta conoci, algun dia tras dos auto di Aruba a Sali caminda pa Merca, pa asina bay defende e bunita nomber y bandera di Aruba den e deporte di Drag Racing.
Lamentablemente e dos coredonan aki den persona di Kady Koolman cu a bay cu su Mustang Don’t Panic pa competi den Box Class y Steven Geerman kende tambe a bay cu un Mustang pa competi den no box class, a haya diferente sorpresa desagradabel ora cu nan a yega pista y a ripara cu tin cosnan cu ta tumando luga y di cual nan no a worde informa di dje na ningun rato na Aruba pa e track operator encarga di e pista International Raceway Park Palo Marga.
Specialmente Kady cu a haye ta confronta un situacion, caminda e coredonan di Merca tabata core cu e cross over box y e no tabata sa mes cu esey tabata mag. Ora cu nan a puntra kico ta pasando, esnan di IHRA a reacciona mesora, cu tur informacion a bay Aruba, pero lamentablemente esun encarga como track operator no a haci su huiswerk bon y ni sikiera tabata contesta e E-mailnan tampoco e yamadanan cu a worde haci pa nan.
Pa sorpresa di e coredo nan di Aruba, algun Americano cu a mira e situacion a acerca Kady y a ofrece pa instala un crossover Box pe den su auto pa e por a continua cu su caredanan. Ya un poco laat, pero almenos nan a mustra nan cooperacion ya yuda te caminda tabata por.
Ta di lamenta, cu un situacion asina mester a tuma luga, specialmente mirando cuanto placa tin envolvi den algo asina pa bay te Merca y core bou di e nomber di Aruba. Pa colmo segun cu nos a worde informa, cu na Aruba durante di un reunion teni na January 2011, esnan encarga pa maneha e pista a laga sa di lo para responsabel pa paga pa e container cu mester transporta e dos autonan cu ta bay defende e nomber di Aruba y ora cu a yega e ora clave, esaki no a sosode.
Den pasado e asunto di contacto cu IHRA tabata den un bon atmosfera y tabata cana hopi al dia, pero e ultimo tempo por a mira cu esun (nan) encarga cu e parti aki ta laga hopi di desea y na final di caminda ta e coredonan ta esnan cu ta haya e sabor amargo. Pa e coredonan, aña 2011 ta den caba pa loke ta Drag racing y ta di spera cu pa 2012, cambionan grandi tuma luga pa mehoracion di e deporte, sino esaki tin hopi chens di bay fondo atrobe. A yega ora pa gobierno di Aruba, apunta un comision nobo di cinco persona cu tin deseo pa traha pa e pista, kisas dos persona di brommer tambe y sigur dos persona di Gobierno pa cuida di e bukinan y bienestarnan di e pista aki, pa asina International Raceway Park Palo Marga bolbe lanta cabes manera antes y bira un di e pistannan mas renombra den e zona aki.
Aischal van der Linde y Jendrique Gumbs di Brazil Taekwondo Stichting
ORANJESTAD (AAN)— Weekend ultimo tabata tin e promer Daedo True Score Internatioanl Open di Taekwondo organisa pa Nick Yacobucci. Brazil Taekwondo Stichting a participa cu no menos cu 10 bringador. Hunto cu e bringadornan aki a viaha tambe 1 coach, 1 VIP y 11 mayornan di e comucion di mayor. Por cierto un danki grandi ta bai na e comicion di mayor cu a traha duro pa hasi e viahe aki posibel. Robert Giel tabata e coach cu mester a coach e atletanan di Brazil Taekwondo Stichting. E la wordo asisti pa Clifford Rasmijn kende tambe a bringa pero lamentablemente no a logra pasa di 2 vuelta.
ORANJESTAD (AAN)— Teo Rodriguez di Tiger Taekwondo Academy kende a biaha cu su team di atletanan pa Orlando tabata tin su mannan yen. Banda di coach su propio atletanan, Teo tambe e mester a coach otro atletanan di Aruba, e atletanan aki tabata Aischal van der Linde di Brazil Taekwondo Stichting y tambe Herrich Lo-A-Njoe di Moi-Dum Taekwondo Center.
E bon trabao di coach di Teo Rodriguez a duna su fruta si bo mira cu su atletanan di Tiger Taekwondo Academy a gana 4 Oro, 4 Plata y 1 Bronze. Teo Rodriguez ta un persona cu tin masha hopi experiencia Internationalmente den Taekwondo como coach. E la sa di coach bastante atletanan di Aruba den exterior, manera weganan di Reino y Sur America, ta pa e motibo aki tambe e tabata esun yama pa duna Aruba un man na Orlando.
ORANJESTAD (AAN)— Un otro evento cu a hala hopi atencion tabata e evento di Interpaso 2011, un evento di cabai Paso Fino cu a conta cu e participacion di exponentenan di varios pais manera Corsow, Colombia, Republica Dominicana, Chile, Panama, Venezuela, Estados Unidos y mas cu claro Aruba.
Bou encargo di Grand Master Chaco Jose Cornelio
ORANJESTAD (AAN)— Diaranson dia 17 di Augustus Noord Taekwondo Center a cumpli 30 aña.
Grand Master Chaco Jose Cornelio a habri e scol cu e idea pa duna les di Taekwondo.
ORANJESTAD (AAN)— Aruba a cai venci contra di Asia Pacific cu score di 20-3, Asia Pacific a logra tambe 19 Hit y no a comete Error, mientras cu Aruba a logra solamente 7 Hit y a comete 1 Error.
Pitcher Ganador tabata Wu Yu-Kwan y Pitcher Perdedor tabata Anthony Laclé.
E mihor bateadornan di Asia Pacific tabata: Yang Chin-Hao 4-4, Wu Yu-Kwan 3-3, Chun-Yen Kuo 2-2, Chen-Tso Tseng 4-2, Chia-Hao Ko 5-2 y Chi-Ling Hsu 3-2.
