Archivo di e Categoria ‘Deporte’
ORANJESTAD (AAN)— “Commission Campeonato mundial di BMX” tin e honor di presenta su atleta cu lo representa Aruba na e BMX World Championship 2010 na Sur Africa. Zaithyel Soekandar lo ta defendiendo nos bandera y su titulo di 5to puesto logra aña pasa na Australia. Lastimamente, Juanriq Martis y Zyqion Soekandar lo no por ta presente pa motibo financiero y un lesion na su schouder cu ela sufri durante entrenamento. Despues di un periodo di entrenamento severo bao guia di Jozef Everon, Zaithyel a logra cumpli cu tur su exigencianan y a sa di demostra cu logronan positivo durante su weganan di fogeo.
ORANJESTAD (AAN)— Aruba Triathlon Association a organiza recientemente un competencia internacional di Triathlon na Eagle Beach. Cu hopi animo y perseverancia 97 tri-atleta di Aruba, Venezuela, Merca, Curaçao y Colombia a competi cu otro den landamento, ciclismo y coremento. Esun cu a competi den e distancia olympico mester a landa 1.5 km, después core 40 km riba bais, sigui dor di core 10 km na pia. E distancia sprint tabata net mitar di e ditancia olympico.
Den deporte di Tiro IPSC
ORANJESTAD (AAN)— Dia 29 di Juni pa 6 di Juli a tuma lugar e competencia di tiro practico IPSC, Bogota Open. E competencia tabata fuerte y Sr. Giovanni Heyliger a logra bay cu e di tres lugar den e categoria di standard, cu e logro aki awor Sr. Heyliger ta bay entrena mas duro pa e competencia na luna di Oktober cu lo tuma lugar na Argentina y esun na luna di November cu lo tuma lugar na Medellin.
ORANJESTAD (AAN)— E hoben pelotero di Aruba cu ta hungando den Travel Team di Florida a recibi un invitacion pa reforsa e equipo di West Boynton Lightning den e ultimo torneo di Triple Crown Sport den SF State Championship 2010 cu a tuma lugar dianan 3-5 di juli pasa na Coral Springs Florida. Jerrick Francees ta un hungador di Lake Worth Warriors for di aña 2009 y awor despues cu el a hunga na luna di mei ultimo den USSSA na Ft Pierce cu e equipo di Warriors, e manager di Lightning a wak su prestacion y a aserca mayornan di Jerrick pa asina bai hunga na Disney den un tournament organisa pa AUU y tambe pa Triple Crown Sports.
ORANJESTAD (AAN)— Despues di Diabierna cu e careda nan tabata ceda interumpi cada biaha pa oildowns y mester a stop e careda pa motibo di awasero cu a cuminsa cai, Diasabra cos a cana smooth te cu pa 11:15 ya careda nan a termina. Aparte di e bon caredanan di drag cu tabata tin riba Diabierna e mihor reaction time a bai pa brommer cu Burnard Schmidt di “Most Wanted Racing” cu un reaccion perfecto na e lus di .000. Pa corona e obra Diasabra, mihor reaction time a bai pa e veterano coredor di auto Otmar Baloche Sr. di “Mito Racing” cu tambe riba un reaccion perfecto di .000 na e lus.
ORANJESTAD (AAN)- Awe lo hiba sra. Jeanine Jansen na su ultimo lugar di sosiego. Na bida sra. Jeanine Jansen tabata un persona cu a dedica hopi tempo na e deporte di futbol, specialmente e futbol infantil na unda di 2003 te cu 2007 e tabata presidente di e tricolornan di Solito esta RCA Lifida. Pero su amor pa RCA ta data for di mucho mas prome, esaki den añanan ochenta na unda como hoben e tabata compaña su querido papa Fenchi Jansen, den feliz memoria, un pilar den RCA, bishitando e club y su actividadnan.
ORANJESTAD (AAN)— Despues di un temporada di hopi dedicacion e muchanan di Stars ta titula campeon. Esaki no tabata e campeonato di mas facil pa e edad di 9 pa 10 aña ya cu cada team a traha duro, siman tras di siman pa por a logra nan victoria. Diasabra ultimo riba tereno di Caribe e berdad a wordo papia ora Stars a topa e fuerte equipo di San Nicolas PMC. Batasonan poderoso, atrapadanan sensacional y un pitcheo hermetico a duna finalmente e victoria di 10 pa 9 na e equipo Stars.
ORANJESTAD (AAN)— For di Humacao, Puerto Rico nos a ricibi e informacion di e prome encuentro di nos Seleccion Little League, cu mester a enfrenta e team di St. Croix, ganando cu score di 17-0. Aruba na su turno na bate den top di prome inning, a anota 3 careda , pero den top di inning #2, St. Croix a cera e chensnan pa Aruba por a score careda. Den top di Inning #3, Aruba a bolbe score 4 careda mas y dos careda mas den top di inning #4 y den top di inning #5, Aruba a cera e wega aki cu broche di oro 8 coredor mas na Home pa un total di 17 careda pa Aruba y ningun careda pa St. Croix.
ORANJESTAD (AAN)— Recientemente St.Croix a tene su 1st Annual Youth International bowling tournament. E torneo aki a tuma lugar di 24 pa 27 di Juni. Pa Aruba a participa na e evento aki 2 mucha den e categoria di pee wee, 1 hoben den Junior y 1 den Juvenil. Nos bowlernan a sa di representa Aruba dignamente y a sa di conquista algun premio.
Den PeeWee nos muchanan a logra e siguiente premio nan:
ORANJESTAD (AAN)— Dialuna ultimo Brazil Taekwondo Stichting a tene su di dos Club Kampioenschappen. E luna aki tabata tin otro gay ta cantando; den e chikitonan Nigel Geerman a bin raso e biaha aki ganando for di Justin Ras y Mark Giel, awor cu esaki ta e di dos Club Kampioenschappen e muchanan cu normalmente no ta competi den campeonato lo haci esaki despues cu nan custuma cu e sistema electronico di bringa awor lo bay den campeonato. Tambe nos tin Jeandrick Gumbs ta bin ta ganando for di Glenn Junior Werleman 1-0 den sudden dead, aki por mira cu cos ta cambiando entre e chikitonan.
ORANJESTAD (AAN)— Diadomingo Ultimo esta dia 27 Juni e team di Marlins Rookie A, a titula campeon invicto. Despues di a clasifica na prome lugar, Marlins a titla campeon invicto den nos campeonato 2010; Marlins a hunga best of 5 contra e team di White Sharks, aki nan a derota e team di White Shark 3 wega sigui pa asina titula campeon. Un pabien ta bai na prome lugar e muchanan, sigui pa e Manager Angelo di Marlins y su coachnan, tambe nos kier a felicita e team di White Sharks pa e titulo di Sub-campeon, un pabien tambe na e muchanan sin laga afor e manager Dyron y su coaching staf. Tambe CLPA kier a gradici e fanaticonan cu a bin apoya e muchanan masal, un gradicimento tambe ta bai na nos medionan di prensa.
ORANJESTAD (AAN)— Aruba a perde contra di Venezuela cu e score abulta di 12 pa 3, caminda Aruba a comete un total di 6 error cu a yuda e ekipo di Venezuela tuma un ventaha amplio for di principio di e partido. Aruba a bringa bek trese e wega te diferencia di 4 careda pero despues a lage bay atrobe cu un par di error y a yuda cu un homerun di 3 careda di e cuarto bate di Venezuela. Apesar di esey Aruba a bati bon cu un total di 7 hit un par di bon bataso pa center field caminda cu e Center a scapa Venezuela sigur na 2 ocacion.
RCA Kliphunters vs Dakota Basketball den Liga Menor y RCA Romar Trading vs YMCA Ling & Sons den Liga Superior
ORANJESTAD (AAN)— Diabierna awor ta inicia riba e cancha di Aruba Juniors e finalnan di nos basketball superior, Liga Superior y Liga Menor. Despues di un exitoso campeonato regular unda cu cada team a hunga 15 wega, a tuma lugar siman pasa e playoffnan semifinal unda cu a saca e finalistanan cu lo bataya pa e titulo di campeon. Diamars cu a pasa riba e cancha di YMCA na San Nicolas, e prome weganan a tuma lugar unda cu RCA a supera Estrella cu score di 54 pa 49.
ORANJESTAD (AAN)— Aruba Mixed Martial Artrs Foundation (AMMA Foundation) ta e prome fundacion oficial di Mix Martial Arts cu orguyosamente ta presenta King of the Mat Submission Tournament, esaki lo bai tuma lugar ariba Diasabra 3 di Juli 2010. E mision poni pa AMMA Foundation ta pa crea un ambiente cual atletanan nacional di arte marcial di diferente background por participa hunto y desaroya nan habilidadnan den un competencia di nivel mientras cu na mes momento ta crea un concientizacion naciona di e deporte aki riba nos isla.
ORANJESTAD (AAN)- Diabierna, Diasabra y Diadomingo pasa tabata tin tremendo weganan di softball na Kudawecha Ball Park organiza pa CSI Crew.
E weganan di Diabierna a cuminza pa 7’or di anochi entre Happy Brothers y Los Guereros, sigui pa Bad Boys vs Guess Power y ultimo wega tabata 10’
Or di anochi Redskin vs. Defender. Diasabra e weganan a sigi pa 1’or di merdia entre Crystal Casino y Men in Pink sigui pa Splash y Dem Gyalz.
ORANJESTAD (AAN)— “Commission Campeonato mundial di BMX” tin e honor di presenta su atleta cu lo representa Aruba na e BMX World Championship 2010 na Sur Africa. Zaithyel Soekandar lo ta defendiendo nos bandera y su titulo di 5to puesto logra aña pasa na Australia. Lastimamente, Juanriq Martis y Zyqion Soekandar lo no por ta presente pa motibo financiero y un lesion na su schouder cu ela sufri durante entrenamento. Despues di un periodo di entrenamento severo bao guia di Jozef Everon, Zaithyel a logra cumpli cu tur su exigencianan y a sa di demostra cu logronan positivo durante su weganan di fogeo. 
