Archivo di e Categoria ‘Deporte’
ORANJESTAD (AAN)— Dialuna anochi e grupo di 19 atleta for di e 4 scolnan di Taekwondo di Aruba a yega Kendall cerca Juan Moreno pa un siman di training combina cu un Taekwondo Feast cu lo tuma lugar Diasabra entre otro scolnan di Miami. E trainingnan ta mainta 10’or y anochi for di 7’or te cu 9’or. Despues di un vuelo di 2 ora y mey e muchanan por a pone nan maletanan na hotel, cambia nan panianan y bay direction pa Kendall cerca Juan Moreno kende a ricibinan cu dos man habri. E atletanan a train cu e grupo grandi di Peak Performance.
Wernher Dijkhoff cu plata y Mark Bruin cu brons a encabeza 17 di e 22 atletanan di Aruba cu a bai final
ORANJESTAD — For di dianan 4 te cu 11 di juli 2010 e selección di 10 jinete y 12 amazona di Aruba a participa na e Mundial di equitacion Paso Fino pa Jinete y Amazona na San Juan, Puerto Rico. Aunke cu un desventaha grandi dor cu nan ta participa cu ehemplarnan cu a wordu asigna na nan pa medio di un sorteo, mientras cu e jinete y amazonanan di e pais organizado Puerto Rico y algun di Estados Unidos a participa cu nan propio ehemplar di alta calidad, nos jinete y amazonanan a demostra nan gran capacidad pa saca lo maximo hasta di e ehemplarnan di menos calidad y ta clasifica pa e competencia final.
Minister di deporte, Dr. Richard Visser:
No solamente den organisacion, pero den competencia tambe
ORANJESTAD(AAN)– “Nos a demostra un bes mas cu nos por”, esaki tabata e prome reaccion di Minister di Deporte, Dr. Richard Visser despues di a pone su mes na altura di e victoria di Aruba durante e di 36 campeonato latino americano di baseball senior division. El a referi na un bes mas pasobra esaki sin duda no ta e prome bes cu Aruba ta titula campeon di e campeonato aki, sino ta e di 2 bes cu nos isla ta bin cas cu e trofeo.
ORANJESTAD- (AAN)– Ayera den oranan di atardi capitan di e seleccion Hulandes na Sur Africa a yega Aruba pa disfruta di un vakantie bon mereci. Manera tur hende ta bon na altura e equipo Hulandes a titula sub campion mundial. Un logro grandi. Prome cu nan a bai Sur Africa caba Giovanni van Bronckhorst a anuncia cu e lo stop despues di e mundial aki. Den un wega amistoso diadomingo cu a pasa den “de Kuip”, e stadion di su equipo Feyenoord na unda el a cuminsa su carera na edad di solamente 7 aña, van Bronckhorst a hunga su ultimo wega contra e equipo Real Mallorca.
ORANJESTAD (AAN)— Ayera anochi na Stadion Crismo Angela – Nadi Croes Ballpark a tuma lugar e encuentro di Semi Final entre e seleccionnan di Aruba 1 contra di Seleccion di Corsou, un encuentro cu a bai basta cera pero Aruba a sa di resulta victorioso ganando cu score di 3-0.
E team di Corsow a duna nos seleccion basta dolor di cabes pa busca e victoria, sin embargo nos muchanan a sa di purba di mantene e bentaha cortico ariba nan contrincantenan.
ORANJESTAD (AAN)— Diarazon anochi na Sha Sha na Noord directiva di Fedeveta a bin hunto pa dicidi por medio di lot ken lo bai enfrenta otro den e quart final 2010. E quart final lo inicia dia 31 di Juli riba tereno di Caiquetio na Paradera. E schedule pa e weganan di play offs ta lo siguiente: E prome wega ta cuminsa 6:00 p.m y lo bai ta entre SCA di Paradera y BuBali, e di dos wega ta programa pa 7:15 p.m y lo bai entre Inter y San Luis. E ultimo wega di e anochi valido pa e play offs lo cuminsa pa 8:30 p.m y lo bai entre Roma y Arusur.
ORANJESTAD (AAN)— Despues cu Alexander a gana Curaçao Olympic Triathlon y Gino na segundo lugar e dos mihor tri-atleta di Aruba na e momento aki a sali pa Cartagena, Colombia pa participa na e Copa Panamericano di Triathlon. Dia 12 di Juni ultimo nan a competi den e distancia olimpico 1500 m. landa, 40 Km core bicicleta y 10 Km na pia. Den un calor tremendo di 34-36 grado caminda 25% di e participantenan no por a caba e competencia, Alexander a logra un 3 lugar medaya di brons de e categoria 16-19 aña, Alexander a landa 27:01 core bike 1:14:00 y core na pia 56:20 pa un total di 2:37:21.
Y ambiente di Baseball den Latino Americano
ORANJESTAD (AAN):Weganan di e seleccionnan di Aruba ta tuma lugar tur dia riba Crismo Angela – Nadi Croes Ballpark. E dos ultimo wega di dia ta di e seleccion di Aruba contra otro di e paisnan participando den e XXXVI Campeonato Latino Americano, dunando asina e oportunidad na un y tur pa yega na e Parke di Baseball pa disfruta di e tremendo weganan, e dushi ambiente pero tambe pa apoya nos hoben peloteronan den nan gran hazaña.
ORANJESTAD (AAN)— Recientemente na Ripoldo Croes Ballpark a tuma lugar e di dos wega entre Aruba y Curacao den Minor League, e intercambio deportivo aki cu durante vacantie a sali masha great mes pa e muchanan. E wega mes a cuminsa bon cu den e prome inning caba Aruba ta bai dilanti 1-0 ora cu Jean Claude Hernandis a conecta hit pa center y Lyonell Briesen a saca un bataso duro riba cabes di e short stop cu a bai te cura, asina hasi cu Jean Claude a score di primera pa home.
ORANJESTAD (AAN) – -Dianan 26 y 27 June utlimo Arubaanse Atletiek Bond a viahe cu 6 atleta y 2 coach pa competi na e Dutch Caribbean cu a tuma lugar na Curacao.E Atletanan cu a forma parti di e seleccion Arubano tabata Liza Nedd, Lixandra Geerman, Quincy Breell, Jeffrey Gomez, Shakyll Lourens y Levon Brown y bond coachnan tabata Evelyn Farrell y Kenneth Lucas.Tabata tin un totaal di 195 atleta di Curacao, Aruba, Dominica, St. maarten, Greneda, St. Eustatuis, Antigua.
“Pueblo di Aruba: …Yega, Apertura ta AWE…”
ORANJESTAD(AAN)—Aruba ta orguyoso di por tin dos seleccion campeon ta participa den e Campeonato Latino Americano di Baseball categoria Senior cu ta inicia awe diasabra 17 di juli 2010 riba nos isla. E ceremonia oficial cu desfile di e paisnan cu ta participa ta cuminsa exactamente pa 6’or di atardi riba e veld completamente nobo di Winston na Macuarima, Sta. Cruz.
ORANJESTAD (AAN) – Relacionnan amistoso di hopi tempo ta trece e Equipo Nacional di Canada di e deporte di landamento sincroniza na Aruba den e dianan aki, pa entrena hunto cu e atletanan di nos país. Pa e selección Arubano e entrenamento conhunto aki ta forma parti di nan proceso di preparación pa e Weganan Centro Americano y del Caribe (CAC) cu lo inicia próximamente na Mayaguez, Puerto Rico. Canada ta un di e paisnan mas reconoci históricamente den e deporte di landamento sincroniza. Desde cu synchro a bira deporte Olimpico na 1984, pero tambe den campeonatonan mundial, Canada a titula mayoría biaha den e puestonan di honor.
Despues di a participa den Copa Mundial na Sudafrica
ORANJESTAD (AAN): Actualmente ta na Aruba cu vakantie diferente hungador di e team di futbol hulandes cu a representa Hulanda dignamente durante e Copa Mundial di Futbol.
DIARIO tambe a haya sa cu tin un dirigente di futbol argentino cu ta di vakantie na Aruba. Ta trata akinan di Carlos Portell, actual presidente di Club Atlético Banfield desde aña 1998.
ORANJESTAD (AAN)— Aruba Paintball Series kier a informa e resultado oficial di nos di dos evento pa 2010 cu a tuma lugar dia 4 July 2010 na Parkietenbos. Evento aki a conta cu 9 Team participante den e categoria “amateur”. Pa 12’or di merdia e evento aki a cuminsa cu un Captain y Referee Meeting aki, nan a pasa riba tur e reglanan di e series y kico e Refreenan lo paga extra atecion riba dje. Asina tur participante lo ta na altura di esaki.
Atletanan a logra entre otro 9 medaya di oro, 9 di Plata y 6 di Bronze
ORANJESTAD (AAN)— Siman pasa e seleccion di landamento di Aruba a regresa for di Cuba despues di a participa den e di XVIII Caribbean Islands Swimming Championships na Havana, Cuba. Na e Campeonato a participa e mihor landadornan di Caribe den e 4 disciplina acuatico: esta landamento, waterpolo, landamento sincroniza, y landamento den lama. Aruba a participa solamente den landamento cu 14 atleta.
ORANJESTAD (AAN)— Dialuna anochi e grupo di 19 atleta for di e 4 scolnan di Taekwondo di Aruba a yega Kendall cerca Juan Moreno pa un siman di training combina cu un Taekwondo Feast cu lo tuma lugar Diasabra entre otro scolnan di Miami. E trainingnan ta mainta 10’or y anochi for di 7’or te cu 9’or. Despues di un vuelo di 2 ora y mey e muchanan por a pone nan maletanan na hotel, cambia nan panianan y bay direction pa Kendall cerca Juan Moreno kende a ricibinan cu dos man habri. E atletanan a train cu e grupo grandi di Peak Performance.
