Archivo di e Categoria ‘Deporte’
ORANJESTAD (AAN): Riba e tercer dia di competencia durante e campeonato CCCAN a toca turno na e categoria di edad di esnan mas hoben, esta e categoria di 12 aña y menos.
Akinan e equipo di ocho landadornan a enfrenta nan contrincantenan di e region. Aunque cu e resultadonan completo ainda no ta conoci, ya caba ta conoci cu Aruba a logra gana dos medaya mas! Giulia Brezovar a logra gana dos medaya di plata, uno den e prueba di solo y e segundo medaya den e prueba di figuranan tecnico.
ORANJESTAD (AAN)— Durante e competencianan di BMX cu a tuma lugar ariba nos isla durante e weekend tras di lomba, a tuma lugar e inaururacion oficial di e pista di BMX, durante e competencianan den cuadro di e Campeonato Centro Americano y del Caribe di BMX, aki Minister di Deporte y Salubridad, Dr. Richard Visser tabata presente pa mira e competencianan pero tambe pa e apertura oficial di e pista.
ORANJESTAD (AAN)— Diario Deportivo tabata presente ayera den dia na e pista di Bike Cross na Jaburibari caminda tabata tin e sesion di entrenamento pa tur e coredornan cu lo ta participando den e competencianan internacional cu lo ta tumando lugar awe y mañan ariba e pista aki. Awe tardi pa 4:30 p.m y te cu 9:30 di anochi, lo bai tuma lugar e campeonato Suramericano di BMX, esaki ta un competencia fuerte pa clasificacion pa e Weganan Olimpico vooral pa e coredornan den e categoria Elite.
ORANJESTAD (AAN) – Den e fin di siman nos equipo nacional bao di hungadornan masculino bao di 17 aña a bolbe realiza 2 wega di training, pa a completa 13 wega y ainda falta 4 mas. Diabierne nan a gana di e team di RCA cu a bira campeon B-klas den e ultimo campeonato y tabata un wega dramatico. E seleccion no por a haya su draai den e prome mitar. Den e prome quarter nan ofensiva a keda stanca y e score di 9-16 a kibra nan confianza den ataca.
ORANJESTAD (AAN)— Diadomingo ultimo, Boretti y BTA a organiza e di 6 torneo di Beach tennis di aña 2011, mas cu 70 equipo a compete riba un Eagle Beach completamente yen di fanatico.
Tabata tin algun avance den un par di categorianan cu ganadornan nobo. E nivel di wega tabata excelente cu hopi rally spectacular. Bin y wak e deporte cu mas liher ta creciendo ariba nos isla na Moomba Beach (mey mey di Marriot y Holliday Inn). Tin huurmento di racquet y court disponibel pa un y tur y lo bo wak cu den 10 minuut di practica ya caba bo por ta hungando contra otro competidornan.
Campeonatonan Internacional di BMX Bike Cross
ORANJESTAD (AAN)— Dia 20 juni 2011 Aruba Wieler Bond seccion BMX a tene un rueda di prensa di e campeonatonan den e ballroom di Tropicana Resort & Casino.
Organisa pa IDEFRE:
ORANJESTAD (AAN)— Deporte di Atletismo tambe a forma parti di e competencianan den Olimpiada Escolar 2011 y a conta cu participacion grandi un biaha mas di atletanan hoben cu a representa nan school.
ORANJESTAD (AAN)— Brazil Taekwondo Stichting tin e honor di organisa e Ultimate Taekwondo Cup pa di 3 aña consecutivo. E aña aki Merca lo bay ta presente cu nan team di 8 atleta atrobe. Tambe Russell
ORANJESTAD (AAN)— E ekipo di Legend di Aruba a sa di titula Campeon pa di dos biaha den tres aña di e torneo clasico 40 plus ABC di softball veterano 2011 diadomingo pasa na veld di Kudawecha organisa pa Kibaima softball team torneo a cu tuma lugar for di diahuebs 2 te cu diadomingo 5 di juni. Sub Campeon e keda Baranca di Corsow y na di tres lugar Kibaima. Campeon Batter a bai pa Rudy Angela tambe di Lengend cu un promedio di bateo di 587 punto. Na e torneo a participa 6 ekipo parti den dos poule, den poule A: Flatstone, Legend, Padres y den poule B: Kibaima, Los Amigos, Baranca, hunto cu 10 otro wega amistoso y algun bon wega di domino e torneo a finalisa den gran forma diadomingo cu un tremendo wega yena cu emocion te den ultimo inning caminda cu Legend a bin gana cu score di 13 – 10.
ORANJESTAD (AAN)— Durante e dianan cu ta tras di lomba Aruba tabata tin e honor di por a ricibi bishita di dos miembro di Comité Olimpico Internacional. Señor Sam Ramsamy, procedente di Sur Africa, a participa como orador na e conferencia internacional tocante obesidad, organisa pa Ministro di Salubridad Publico y Deporte Dr. Richard Visser, mientras cu e estadia na nos isla di señor Dae Sung Moon di Korea tabata tin di haber cu un seminario di Tae Kwon Do cu el a ofrece den colaboracion cu Aruba Taekwondo Bond.
ORANJESTAD (AAN)— Aruba su cancha di golf campeonato, Tierra Del Sol, a tene e di tres di cinco evento di Heritage Cup di Boolchand’s, diasabra ultimo. E premionan pa e ganadornan di e cinco rondanan ta cortesia di Boolchand’s den forma di holoshinan grandi y moderno di TW Steel.
Riba diasabra, Aruba su biento suave no tabata asina suave durante e di tres ronda di e Heritage Cup. Asina tambe, na final di tres evento, e Heritage Cup a produci tres diferente ganador, haciendo e evento final un di e partidonan mas interesante pa wak. E ganador cu 39 punto di stableford tabata Rafael Gallardo, un hungador di golf cu te awor no a wordo mira riba e borchi di lider di e ultimo eventonan.
Den e campeonato di San Nicolas Taekwondo Center na memoria di Anashia Murray
ORANJESTAD (AAN)— Alyeska Lake tabata na pik di su rosea diasabra ultimo den e campeonato organisa pa San Nicolas Taekwondo Center na memoria di srta. Anashia Murray q.e.p.d. Alyeska Lake cu tin varios aña ta prakticando Taekwondo a yega na su pik diasabra ultimo ora cu e’la topa cu Claudia Arends di Moi-Dum Taekwondo Center. Claudia Arends a faya e biaha aki na unda cu Alyeska Lake tabata atento di tur e scopnan di Claudia Arends. Claudia Arends a yega di gana for di Alyeska Lake den pasado, pero e biaha aki cos a cambia. Zulaika Lake, mama di Alyeska Lake tabata na top apoyando su yiu muher den tur dos combatenan. Zulaika Lake ta sigui su yiu muher su trainingsnan y unda cu Alyeska Lake bay e semper ta wordo compaña.
ORANJESTAD (AAN)— E hoben atletanan di e deporte di landamento sincroniza, Kyra Hoevertsz y Ariadne de Goeij a regresa hopi satisfecho cu e resultadonan cu nan a logra na Gatineau, Canada, den e campeonato cu ta carga como nomber “Synchro Canada Espoir Nationals”. Solamente e top landadornan sincroniza di Canada por participa na e “Espoirs” (cu ta nifica “speransa” na frances), e campeonato nacional hubenil mas importante di e deporte aki. Pa yega eynan, e atletanan di Canada mester pasa den un proceso largo di clasificacion na nivel di cada provincia. Un total di 220 atleta a participa na e campeonato, entre nan pues Kyra y Ariadne, ambos di 13 aña di edad.
Jesus a subi cancha na jockey y Icho Matos a mande tera!
ORANJESTAD (AAN)— Durante e di dos encuentro pa e final di e campeonato di Futbol Division Honor entre Deportivo Nacional y RCA, a sosode un incidente basta comico cu sigur ta marca un record e historia di Aruba su futbol. Faltando mas of menos 5 minuut pa finalisa e prome tempo, un personahe a subi tereno di wega y a ocasiona un confusion grandi entre e hungadornan cu no por a kere cu nan wowo kico ta pasando e momento ey. Un tal Jesus H. M, a burla e seguridad cu tabata tin den e tribuna banda pariba y a subi tereno durante cu e wega tabata andando.
ORANJESTAD (AAN)— Diasabra siman pasa den classic a start oficialmente e Campeonato Febiar bola-8 2011. E aña aki mane tur aña FEBIAR ta dedica e campeonato na un persona y e aña aki e ta worde dedica ta Carnacion “Shon Ne” Geerman, kende ta un persona cu a stima e wega di billiard y a dedica hopi na e deporte. E aña aki mane aña pasa a cuminsa cu e “Derby Night “ cual ta tin 8 team ta hunga y cu a bira un evento cu hopi emocion y yen di fanaticada.
