Archivo di e Categoria ‘Deporte’
ORANJESTAD (AAN)— Diasabra siman pasa den classic a start oficialmente e Campeonato Febiar bola-8 2011. E aña aki mane tur aña FEBIAR ta dedica e campeonato na un persona y e aña aki e ta worde dedica ta Carnacion “Shon Ne” Geerman, kende ta un persona cu a stima e wega di billiard y a dedica hopi na e deporte. E aña aki mane aña pasa a cuminsa cu e “Derby Night “ cual ta tin 8 team ta hunga y cu a bira un evento cu hopi emocion y yen di fanaticada.
ORANJESTAD(AAN)— Diasabra ultimo, a tuma lugar e weganan di Inter League Baseball entre e tres liganan.
Riba tereno di Ripoldo Croes a tuma lugar e promer wega entre South y North den division little caminda cu North ta coi nan promer Victoria cu e score di 10-0.
A gana e ESPN Rise Girls Showcase den Woman’s International Taekwondo Cup
ORANJESTAD (AAN)— Den e weekend cu a pasa ESPN a organisa e campeonato pa damas pa prome biaha pa asina promove e muhernan na Merca, e campeonato aki a wordo livestream pa ESPN na unda cu Merca henter por a mira e campeonato aki via computer. Aischal van der Linde a bringa den e categoria damas adulto te cu -49 kilo. Den Aischal van der Linde su poule tabata tin e siguiente Americanonan: Shelby Nicole Olson, Guiliana Gil, Samery Moras y Carolina Alvarez.
ORANJESTAD(AAN)—Den tenniscentrum Nieuwe Sloot, Alphen aan den Rijn a tuma lugar e noveno edicion di Arubastation Tennis Challenge.
E final di e cabayeronan a bai entre Maikel Ninaber (Aruba) y Jeremy Croes (Aruba). Un final spectacular cu a termina 6-2 / 6-2 na fabor di Maikel Ninaber. Medaya di brons tabata pa Anton van Blijswijk.
Happy Brothers Softball Organisation ta informa
Calabas Blue Jays ta aplasta Baranka 22-8 den final
ORANJESTAD(AAN)—Siman pasa desde 31 di mei pa 5 di Juni a tuma lugar riba veld di Dragon Hitters tambe conosi bow di e nomber di Veld di Duracell grandioso Copa ABC 2011 cual cual e aña aki a wordo organisa pa Happy Brothers Softball Team.
ORANJESTAD (AAN)- Den e wega di best of out three di little league entre e teamnan Pepsi Cola y Aruba Bank, e muchanan di Aruba Bank a sa di bira campeon y Pepsi Cola sub campeon.
Aki ta sigi e resultadonan di e weganan./
ORANJESTAD(AAN)—Dia 28 di Mei e campeonato di Little League softball a cuminsa riba tereno di Heineken na San Nicolas. Na e apertura e hoben atletanan a goza di nan desfile y e palabranan di elogia y motivashon di Minister di deporte Dr. Richard Visser y e director di Idefre Sr. Jesse Beukeboom.
ORANJESTAD (AAN)— Logrando un bon actuacion cu jueznan a califica cu notanan den rango di 7 pa 7.5, e equipo di landamento sincroniza a logra cumpli cu nan obhetivo, na caminda pa e Weganan Panamericano 2011. E equipo a competi den e “1st Brazil Open Synchronized Swimming Championships”, cu a tuma lugar den e piscina di Julio Delamare, parti di e compleho deportivo Maracana den e ciudad di Rio de Janeiro. Aunque cu esaki tabata e prome biaha cu e campeonato aki a wordo teni na Brasil, toch e organizadornan a logra atrae ocho equipo di taya mundial, loke ta remarcable. Entre e paisnan participante, tabata aparece paisnan cu ta pertenece na e top mundial, manera Canada, USA, Francia, e propio Brasil, Argentina, Colombia, Alemania y Aruba, como tambe algun club di Brasil.
ORANJESTDA (AAN): Diadomingo tabata e final di recaudacion di fondo pa instancianan caritativo, na unda cu pa 17 aña caba Café The Plaza ta organisa e evento aki conhuntamente cu Renaissance Market Place, nan ta escohe cada aña un di e instancianan di Aruba y e aña aki a toca e turno na e Fundacion “Man Na Curazon”. E actividad aki acuminsa Diahuebs mainta 7or na unda cu nan a start cu e acostumbrado reto di ken ta sinta mas largo riba un stul di palo, e dia aki a cuminsa cuater participante tres hende muher y un hende homber, cada participante a busca nan mes un sponcer cu a cubri e pago di e oranan cu e personanan a sinta y cada participante a pone un prise riba nan ora y un parti di esaki a bay pa e fundacion cu lo bai wordo yuda.
ORANJESTAD (AAN): E astronan
di Ajax Andre Ooijer, Ajacied Rob
Witschge y algun otro hungado
hulandes tabata na Aruba pa
duna un tayer na e coachnan
di nos ekiponan di futbol.
A combina esaki cu training pa
nos hobennan. 125 deportista hoben di diferente ramo di deporte, no solamente futbol, a entrena estilo H-Extreme dia 4 di juni for di 9’or di mainta pa 4’or di atardi na Stadion Frans Figaroa.
Awenochi no perde e final entre Deportivo Nacional y La Fama
ORANJESTAD (AAN)— Den e penultimo wega di e di dos rond di e Playoff di e campeonato di Futbol Division Honor cu a tuma lugar ayera anochi entre e oncenanan di Britannia y RCA, a produci finalmente un di e finalistanan na e final pa Campeon y Sub Campeon, cual den e caso aki a resulta den un victoria pa e equipo di RCA, cu a gana e wega aki cu score di 2-1. Durante e prome tempo, nos por a mira cu ambos equipo a subi tereno cauteloso pero cu algun ocasion di atake. Nos por a mira cu bayendo na e mitar di e prome tempo, RCA a pone un poco mas presion ariba Britannia y a logra dal varios escapada den direccion di e area di Britannia pero sin resultado di gol, mientras cu Britannia tabata purba di domina e bala mas tempo cu tabata posibel.
Un total di 41 miembro di clubnan di servicio a participa
Aruba Lions Club a logra uni e clubnan di servicio pa un bon causa
ORANJESTAD(AAN)— Aruba Lions Club por mira atras na un evento hopi exitoso. Ta trata aki di e “The 1st Fellowship Fundraising Tournament” di cual tur fondo recauda a bay pa Koningin Wilhelmina Kankerfonds. Ta pa prome bes den historia di clubnan di servicio cu ta organisa un evento asina pa recauda fondo, den cual a uni e clubnan di servicio, manera ta Rotary Club of Aruba, Quota Club, Women’s Club y Aruba Lions Club mes.
ORANJESTAD (AAN)— Den e continuacion di e Playoff di Division Honor ayera atardi na Stadion Guillermo Trinidad a enfrenta e equiponan di La Fama contra di Britannnia. La Fama a subi tereno e biaha aki cu un alineacion di 4-2-4, mientras cu Britannia su alineacion tabata 4-4-2. La Fama a cuminsa poco peligroso pa Britannia y a domina durante mayoria di e prome mitar di e wega. La Fama a mira un oportunidad di oro bai perdi na momento cu referee a fluit un penalty na favor di La Fama, tiro cu a wordo cobra pa Silvester Schwengle pero e tiro a bai net afo y aki Britannia a hala un rosea pisa.
ORANJESTAD (AAN)— E weganan di Playoff di campeonato di Futbol Division Honor di AVB a continua durante fin di siman ultimo. Un di e encuentronan aki tabata e wega entre Deportivo Nacional y RCA. E encuentro aki tabata uno hopi importante pa ambos equipo pero especialmente pa e team di RCA cu tabata tin mester di e victoria di e encuentro aki pa asina practicamente sigura su pase pa e final. Durante e prome mitar di e wega, nos por a mira tanto Nacional como RCA dunando un bataya feros pa busca anotacion.
Ceremonia a tuma lugar ayera atardi na Compleho Frans Figaroa
ORANJESTAD (AAN)— Den oranan di atardi di ayera, a tuma lugar e ceremonia di Apertura oficial di e Olimpiada Escolar organiza pa IDEFRE. Un atardi bunita unda cu nos por a tuma nota di e tremendo participacion di practicamente tur scol di Aruba, unda cu nan a manda nan respectivo delegacion pa participa den un of otro evento deportivo di e Olimpiada aki cu lo bai dura 2 siman di tempo.
