Archivo di e Categoria ‘Deporte’
Awenochi no perde e final entre Deportivo Nacional y La Fama
ORANJESTAD (AAN)— Den e penultimo wega di e di dos rond di e Playoff di e campeonato di Futbol Division Honor cu a tuma lugar ayera anochi entre e oncenanan di Britannia y RCA, a produci finalmente un di e finalistanan na e final pa Campeon y Sub Campeon, cual den e caso aki a resulta den un victoria pa e equipo di RCA, cu a gana e wega aki cu score di 2-1. Durante e prome tempo, nos por a mira cu ambos equipo a subi tereno cauteloso pero cu algun ocasion di atake. Nos por a mira cu bayendo na e mitar di e prome tempo, RCA a pone un poco mas presion ariba Britannia y a logra dal varios escapada den direccion di e area di Britannia pero sin resultado di gol, mientras cu Britannia tabata purba di domina e bala mas tempo cu tabata posibel.
Un total di 41 miembro di clubnan di servicio a participa
Aruba Lions Club a logra uni e clubnan di servicio pa un bon causa
ORANJESTAD(AAN)— Aruba Lions Club por mira atras na un evento hopi exitoso. Ta trata aki di e “The 1st Fellowship Fundraising Tournament” di cual tur fondo recauda a bay pa Koningin Wilhelmina Kankerfonds. Ta pa prome bes den historia di clubnan di servicio cu ta organisa un evento asina pa recauda fondo, den cual a uni e clubnan di servicio, manera ta Rotary Club of Aruba, Quota Club, Women’s Club y Aruba Lions Club mes.
ORANJESTAD (AAN)— Den e continuacion di e Playoff di Division Honor ayera atardi na Stadion Guillermo Trinidad a enfrenta e equiponan di La Fama contra di Britannnia. La Fama a subi tereno e biaha aki cu un alineacion di 4-2-4, mientras cu Britannia su alineacion tabata 4-4-2. La Fama a cuminsa poco peligroso pa Britannia y a domina durante mayoria di e prome mitar di e wega. La Fama a mira un oportunidad di oro bai perdi na momento cu referee a fluit un penalty na favor di La Fama, tiro cu a wordo cobra pa Silvester Schwengle pero e tiro a bai net afo y aki Britannia a hala un rosea pisa.
ORANJESTAD (AAN)— E weganan di Playoff di campeonato di Futbol Division Honor di AVB a continua durante fin di siman ultimo. Un di e encuentronan aki tabata e wega entre Deportivo Nacional y RCA. E encuentro aki tabata uno hopi importante pa ambos equipo pero especialmente pa e team di RCA cu tabata tin mester di e victoria di e encuentro aki pa asina practicamente sigura su pase pa e final. Durante e prome mitar di e wega, nos por a mira tanto Nacional como RCA dunando un bataya feros pa busca anotacion.
Ceremonia a tuma lugar ayera atardi na Compleho Frans Figaroa
ORANJESTAD (AAN)— Den oranan di atardi di ayera, a tuma lugar e ceremonia di Apertura oficial di e Olimpiada Escolar organiza pa IDEFRE. Un atardi bunita unda cu nos por a tuma nota di e tremendo participacion di practicamente tur scol di Aruba, unda cu nan a manda nan respectivo delegacion pa participa den un of otro evento deportivo di e Olimpiada aki cu lo bai dura 2 siman di tempo.
ORANJESTAD (AAN)— Simpatisantenan di Special Olympics Aruba y amantenan di bolas criollas tuma nota cu diasabra dia 28 di Mei venidero lo bay tin un torneo di Bolas Criollas caminda 24 team di Aruba (categoria di damas y caballeros) lo bay enfrenta otro na Papaya Ranch cuminsando pa 7:00 di anochi. E anochi aki tambe lo bay tin tambe un encuentro entre e atletanan di Special Olympics. Recaudacion di Bar y Cushina di e anochi aki lo ta pa yuda cubri e gastonan di e Atletanan Special cu lo bay representa Aruba na Weganan Mundial cu lo tuma lugar na Juni venidero na Athenas, Greecia.
ORANJESTAD (AAN)- Copa Alegria Domino Bush League ta drentando su ultimo dia cu ta Diasabra awor di 28 di Mei cuminsando 8or na Centro di Bario Noord. Despues cu nos a haya e ultimo 8 teamnan cu a pasa pa 4rt final caminda Bena di Coper a gana Caba Cos 21 – 19, Stone Strikers a gana Bo Orgullo 21 – 19, Madiki Kavel a gana Bou Palo 21 – 17 y Red Stone a gana Hut Stones 21 – 13 ta e 4 ganadornan a pasa pa semi final. Akinan den 2 tremendo wega Red Stone ta gana Bena di Coper 21 – 15 y Stone Strikers ta gana Madiki Kavel 21 – 17 pa nos haya un final entre Red Stone y Stone Strikers Diasabra awor dia 28 di Mei.
ORANJESTAD (AAN)— Manera nos a mensiona den nos edicion di ayera: …Bala ta rondo!… y esei a sosode un biaha mas den e encuentro di ayera anochi na Stadion Guillermo Trinidad unda cu a tuma lugar e candeloso wega entre Deportivo Nacional contra di Britannia. Despues di un empate y dos derota y acumulando un punto den e playoff aki, Britannia ta den un posicion basta preta si su intension ta pa logra clasifica pa e semifinal, mientras cu Deportivo Nacional tabata tin mester di e victoria contra Britannia pa posiciona su mes na cabes di e Playoff.
Seminario FIFA Com-Unity Project
ORANJESTAD (AAN)— Medionan di comunicacion di Aruba cu tabata presente durante e seminario di FIFA di Com-Unity Project a brinda un exposicion relaciona cu nan apreciacion di e desaroyo di e deporte di Futbol na Aruba. Durante nan presentacion, cada medio segun su area (Television, Corant y Medionan Online, debi cu ningun representante di ningun radio a participa), a expone diferente puntonan entre otro:
ORANJESTAD (AAN)— Siman pasa Alberto Klabér di Brazil Taekwondo Stichting a bishita Russell Beneby su scol di Taekwondo na Coral Springs. Russell Beneby lo bay ta na Aruba for di dia 6 pa 18 d Juli pa duna e atletanan les di Taekwondo dos biaha pa dia na e cede di Brazil Taekwondo Stichting. Dia 9 di Juli e team di Miami lo topa cu varios atleta di Aruba y Surinam den arena di combate. Te ainda tin 20 hende for di Merca cu ta bay bin Aruba pa e camp entrenamento y campeonato.
Cu su hoya di gol anota na di 94 minut
ORANJESTAD (AAN)— Un pesadiya completo e prome ronda di playoff final di futbol Division di Honor a parce di a bira pa e equipo cu ta defende su titulo esta SV Britannia di Piedra Plat. Si den nan prome wega nan a bin mira cu Deportivo Nacional a bin empata e partido cu gol na di 92 minut, diamars anochi contra di e tricolornan di RCA, esaki no tabata un excepcion. Un gol anota na di 94 minut pa Raul “Boys” Aparicio, a pone Britannia perde su di dos wega tras di otro y ta a punto di ser elimina den e playoff final aki.
ORANJESTAD (AAN)— Ayera anochi na Compleho Deportivo Frans Figaroa, a tuma lugar e delaster encuentro di e prome rond di e Playoff di Futbol Division Honor entre e equiponan di La Fama y Deportivo Nacional. E dos equiponan cu te na e momento aki ta lidera e Playoff a duna un tremendo bataya na otro, pero tambe nan a duna un bon espectaculo di futbol. Durante e prome mitar di e wega, no tabata tin ningun hecho relevante mas cu algun oportunidad di manda e bala na gol pero sin exito.
ORANJESTAD (AAN)— Ayera anochi a tuma lugar e encuentro di Playoff di Futbol di Division Honor entre e equiponan di RCA y Britannia. Lamentablemente no por bisa cu nos por a aprecia e mihor wega di e henter e campeonato, pero mas bien lo contrario, pa trata di e dos mihor equiponan di futbol di e campeonato di Division Honor, e nivel di wega tabata hopi abao. Durante practicamente 90 minuut di wega e hugadanan cu nos por a aprecia tabata mas tanto pasenan halto, pasenan leu na ningun hungador y hasta nos por a mira un sake di man na ningun hungador, pa menciona entre otro.
ORANJESTAD (AAN)— Den e edicion di awe comicion The Ultimate Challenge ta splica kico tur e atletanan cu ta bai forma parti di evento aki mester tin cu nan y e reglanan cu lo ser aplica.
The Ultimate Challenge ta un Adventure Race y e tin como meta pa stimula comportacion saludabel. Manera cu a ser anuncia, ningun ekipo ta na altura di e ruta y e tareanan cu nan mester cumpli ne. Un rato prome cu e Start, cada ekiponan ta ricibi nan Mapa y coordinacionan pa Plot esaki ariba nan mapa. Cada ekipo ta decidi ki ruta nan ta tuma haciendo uso di nan Mapa y Compas. Atravez di esaki cada ekipo ta trata di yega mas liher cu ta posibel na e diferente CP’s/TA (Check Points /Transition Areanan)
A gana “Low Volume Tour of the Season” pa 2009/10 y 2010/2011 den e waf di Aruba
ORANJESTAD (AAN)— Bobbie Jo Barker, Shore Excursion Coordinator, Princess Cruises Florida, a wordo representa a bordo di e Island Princess, cual tabata ancra den e Waf di Oranjestad, pa Kirsty Fox, kende a conduci e ceremonia di premiacion cortico y ameno diseña pa reconoce excelencia entre operadornan local di gira cu ta sirbi e pasaheronan di Princess Cruises ora nan ta di bishita riba e isla. E ceremonia a inclui un presentacion di premionan, un gira di e barco y desayuno abordo, y a conta cu presencia di Luis “Lucho” Claro y Ramon Herrera, doñonan di Rancho La Ponderosa Horseback Tours NV.
