Archivo di e Categoria ‘Economia’
ORANJESTAD (AAN) : Miembronan di Aruba Timeshare Association (ATSA) a topa durante cena y a brinda pa e logronan di 2009 y cu un bista padilanti pa envolvimento continuo den e industria turistica cu iniciativanan pa 2010.
E asociacion su get-together a ser teni na Windows on Aruba, na Divi Village Golf & Beach Resort, cu representantienan di e propiedadnan di timeshare di, Marriott’s Aruba Surf Club, Marriott’s Aruba Ocean Club, Casa del Mar, Costa Linda Beach Resort, Aruba Beach Club, La Quinta, Paradise Beach Villas, Caribbean Palm Village, Amsterdam Manor, La Cabana, Divi Aruba Phoenix, Renaissance, Occidental y Playa Linda Beach Resort como tambe De Palm Tours.
ORANJESTAD (AAN) – Ayera, banda di 10.30’ or di mainta, Minister Presidente mr. Mike Eman, a entrega e ley pa eliminacion di BBO den dos fase, den man di Presidente di Parlamento, drs. Andy Lee. Awor Parlamento ta bay traha riba kitamento di e prome 1.5%.
Esaki a sosode den Sala di Parlamento, den presencia di seis di e ministernan di Gabinete Mike Eman 1, y logicamente, prensa tabata tey tambe.
ORANJESTAD (AAN) — Premier Eman a agrega cu hunto cu e ley aki tin un otro ley, cu no ta directamente un Landsverordening, pero e ta tambe hopi importante pa e poder di compra di esnan di menos recurso.
“Cu e ley aki nos ta aumenta e bijstand di esnan cu ta cabes di cas, di 325 pa 407 florin, cu ta un aumento di 25% den e prome fase, y esnan cu ta depende di e ahuste aki den un famia, tambe worde aumenta cu 25%. Kiermen, e suma cu tabata antes como miembro di famia 140 florin, ta bira 175 florin, y pa cada hoben den cas e aumento aki lo haya un aumento di 100 florin pa muchanan cu ta bay school”, Minister Eman a agrega.
ORANJESTAD (AAN) – Den conferencia di prensa di gobierno, Minister Presidente mr. Mike Eman a señala kico ta e importancia di eliminacion di BBO, cuminzando cu 1.5% entrante 1 Januari 2010, y e otro 1.5% entrante 1 Januari 2011.
Premier Eman a bisa cu analizando con e poder di compra den nos comunidad a desaroya su mes, durante e ultimo añanan, un rapport di Oficina Central di Estadistica (CBS) ta mustra, den un investigacion tocante presupuesto familiar na aña 1998 y otro igual na aña 2006, cu e poder di compra di esnan cu entrada promedio na Aruba, prome cu e introduccion di BBO a bay atras cu 16% y esnan di menos recurso a bay atras cu casi 30%. Kiermen, cu esnan cu tin un entrada bao di mil florin e perdida tabata di casi 30%.
ORANJESTAD (AAN) – Despues di e entrega di e “Landsverordening tot wijzing van de landsveordening belasting op bedrijfsomzetten” na Presidente di Parlamento drs. Andy Lee, a sigui pa un conferencia di prensa, den cual Prome Minister mr. Mike Eman a papia tocante e nificacion di esaki.
E mandatario a splica cu un par di siman pasa e cambio den ley aki a bay na Raad van Advies y siman pasa gobierno a haya nan reaccion.
ORANJESTAD (AAN)—Den encuentro cu miembronan di prensa, Formador a subraya ayera mainta, cu definitivamente BBO tabata e factor fatal pa e refineria.
Atrobe, durante e presentacionnan cu Valero a haci, por mira cu aña 2006-2007 tabata e aña crucial pa decisionnan importante, y si na e momento ey gobierno lo a yega na un acuerdo cu e refineria cu lo no bin BBO y cu nan lo bay paga un impuesto fiho di 40 pa 50 miyon Florin cu nan a ofrece e momento ey, garantiza, awe lo tabata papiando di 150 miyon den tres aña caba.
ORANJESTAD (AAN) – Ayera mainta, Formador mr. Mike Eman, a contesta preguntanan di prensa relaciona cu su encuentro cu autoridadnan di Valero.
Formador mr. Eman a duna di conoce cu den diferente ocasion e dianan cu a pasa, e tabata den contacto cu Valero, tanto cu sr. Bill Klessey na Merca como cu e gerencia na Aruba.
ORANJESTAD (AAN) – Prome cu gobierno nobo sinta y cu e cumpli cu su promesa di kita BBO, ya caba tin cierto supermercado y tiendanan cu a hisa prijs atrobe di nan productonan. Den entrevista cu Economista drs. Ben Marapin, DIARIO a pidi su opinion tocante e desaroyo aki.
E noticia a bin y dal manera un baño di awa frieu. Valero a laga sa Diaranzon merdia, cu nan lo stop mesora cu trabaonan di mantencion cu diferente Contratista ta ehecutando den e refineria na San Nicolas, y lo bay mantene e status di “shut-down” pa un tempo indefini.
Pabien Nel! Esaki a bira un otro logro pa bo! Ademas, el a bira e di dos biaha cu di berdad MEP ta conoce un cierre di refineria bao di su gobernacion! Cualkier hende cu bisabo un otro storia, bo sa mesora cu esey no ta berdad!
ORANJESTAD (AAN): “BBO ta bay causa un inflacion grandi. Esaki kiermen pobreza y problema social na Aruba. Pueblo cu a perde hopi di poder di compra lo perde mas. Negoshinan ta bay haya nan mes den dificultad.
Nos hendenan ta bay perde entrada y cai atras cu fianzanan personal y hipoteca di cas”, esaki ta resulta awe e realidad, nos a adverti pa esaki. Cu compasion pa pueblo y determinacion pa sirbi nos pais nos a drenta un lucha grandi pa para BBO, e lider di AVP, mr. Mike Eman ta recorda. Awe nos ta biba e desaster di BBO y e deroche di placa di Gabinete Oduber.
ORANJESTAD (AAN) – Señor Leo Maduro, advisor di maneho di Camara di Comercio y Industria y Aruba, a splica den entrevista cu nos redaccion, cual ta e otro motibonan pa diversifica nos economia.
Entre otro, el a subraya cu ta un riesgo na momento cu tin un sector primario so manera den e caso di Aruba cu ta su turismo, y aworaki, mirando e perspectivanan cu tin riba e refineria si e ta sigui of no, ta urgente pa diversifica.
“ E refineria cu tabata nos di dos pilar, ta haci e urgencia di diversificacion mas grandi y Camara di Comercio ta trece den su vision tambe diferente propuesta dilanti pa mehora e clima di inversion na Aruba, cu ta algo sumamente necesario”, sr. Leo Maduro a remarca.
ORANJESTAD (AAN) – Den entrevista cu señor Leo Maduro, consehero di maneho pa Camara di Comercio, el a elabora tocante e temporada di campaña pa eleccion di un gobierno nobo, riba dia 25 di September proximo y KvK su vision pa e gobernacion cu lo ehecuta e mando den e periodo 2009-2013.
Maduro a referi na un punto hopi importante cu segun KvK den e ultimo añanan no a haya suficiente atencion y cu realmente mester tabata un decision caba riba ki rumbo Aruba ta bay.
Esaki ta e desaroyo demografico cu nos pais ta experienciando ya cu den e ultimo 20 añanan Aruba su poblacion a crece hopi.
ORANJESTAD(AAN):Un berguensa y daño grandi na turismo di Aruba ta loke e sindicalista y lider politico di Curacao Errol Cova a comete dor di su gritonan den un restaurant hopi famoso den wilhelminastraat.
Manera custumber Rudy Croes su parandanan ta cuminsa trempan den fin di siman y hopi biaha te hasta den siman. E no ta e mihor ehempel como minister di husticia sigur ora bo ta core auto bao influencia.
Diabierna e minister y Errol Cova a topa den e restaurant famoso y despues a yama algun miembro di prensa yega na gobierno pa bin atende un conferencia di prensa.
ORANJESTAD (AAN): DIARIO a tene un entrevista cu Sr. Ambrosio “Booshi” Curiel, director di Parke Nacional Arikok riba e caso den corte entama door di un comerciante cu tin su negoshi den e area cu ta cay maneha pa e parke.
Ta asina cu mester a cuminza cobra pa drenta tereno di Parke Nacional Arikok prome di Augustus pero esaki no a sigui. Prome cu yega na e negoshi di e comerciante mester paga pa drenta parke. Esaki e comerciante ta haya cu ta inhusto y pesey a entama un caso.
Segun Ambrosio Curiel, e negoshi di restaurant cu tin na Boca Prins a sinti cu e cobranza na porta pa e tarifa di conservacion di Parke Arikok lo trece problema pa su negoshi door cu e hendenan lo mester gasta mas hopi pa por drenta parke y bay restaurant.
ORANJESTAD (AAN): Durante di su discurso nacional, lider di A.V.P. mr Mike Eman no a laga lugar pa duda y a declara cu enfasis cu BBO TA BAY. “Lo tene impuesto riba salario na e nivel reduci di 1 di Januari 2009 mientras cu lo elimina otro medidanan tuma durante di ultimo ocho aña cu a causa aumento di costo di bida”, e lider amigo a declara.
Esaki ta un declaracion importante ya cu politiconan pro gobierno a laga sa cu no por kita BBO. Awor mr. Mike Eman durante su discurso nacional a indica cu definitivamente lo kita BBO. No solamente esey, sino tambe lo kita tur e otro medidanan cu a causa aumento di costo di bida.
