Archivo di e Categoria ‘Economia’
ORANJESTAD (AAN) – Señor Leo Maduro, advisor di maneho di Camara di Comercio y Industria y Aruba, a splica den entrevista cu nos redaccion, cual ta e otro motibonan pa diversifica nos economia.
Entre otro, el a subraya cu ta un riesgo na momento cu tin un sector primario so manera den e caso di Aruba cu ta su turismo, y aworaki, mirando e perspectivanan cu tin riba e refineria si e ta sigui of no, ta urgente pa diversifica.
“ E refineria cu tabata nos di dos pilar, ta haci e urgencia di diversificacion mas grandi y Camara di Comercio ta trece den su vision tambe diferente propuesta dilanti pa mehora e clima di inversion na Aruba, cu ta algo sumamente necesario”, sr. Leo Maduro a remarca.
ORANJESTAD (AAN) – Den entrevista cu señor Leo Maduro, consehero di maneho pa Camara di Comercio, el a elabora tocante e temporada di campaña pa eleccion di un gobierno nobo, riba dia 25 di September proximo y KvK su vision pa e gobernacion cu lo ehecuta e mando den e periodo 2009-2013.
Maduro a referi na un punto hopi importante cu segun KvK den e ultimo añanan no a haya suficiente atencion y cu realmente mester tabata un decision caba riba ki rumbo Aruba ta bay.
Esaki ta e desaroyo demografico cu nos pais ta experienciando ya cu den e ultimo 20 añanan Aruba su poblacion a crece hopi.
ORANJESTAD(AAN):Un berguensa y daño grandi na turismo di Aruba ta loke e sindicalista y lider politico di Curacao Errol Cova a comete dor di su gritonan den un restaurant hopi famoso den wilhelminastraat.
Manera custumber Rudy Croes su parandanan ta cuminsa trempan den fin di siman y hopi biaha te hasta den siman. E no ta e mihor ehempel como minister di husticia sigur ora bo ta core auto bao influencia.
Diabierna e minister y Errol Cova a topa den e restaurant famoso y despues a yama algun miembro di prensa yega na gobierno pa bin atende un conferencia di prensa.
ORANJESTAD (AAN): DIARIO a tene un entrevista cu Sr. Ambrosio “Booshi” Curiel, director di Parke Nacional Arikok riba e caso den corte entama door di un comerciante cu tin su negoshi den e area cu ta cay maneha pa e parke.
Ta asina cu mester a cuminza cobra pa drenta tereno di Parke Nacional Arikok prome di Augustus pero esaki no a sigui. Prome cu yega na e negoshi di e comerciante mester paga pa drenta parke. Esaki e comerciante ta haya cu ta inhusto y pesey a entama un caso.
Segun Ambrosio Curiel, e negoshi di restaurant cu tin na Boca Prins a sinti cu e cobranza na porta pa e tarifa di conservacion di Parke Arikok lo trece problema pa su negoshi door cu e hendenan lo mester gasta mas hopi pa por drenta parke y bay restaurant.
ORANJESTAD (AAN): Durante di su discurso nacional, lider di A.V.P. mr Mike Eman no a laga lugar pa duda y a declara cu enfasis cu BBO TA BAY. “Lo tene impuesto riba salario na e nivel reduci di 1 di Januari 2009 mientras cu lo elimina otro medidanan tuma durante di ultimo ocho aña cu a causa aumento di costo di bida”, e lider amigo a declara.
Esaki ta un declaracion importante ya cu politiconan pro gobierno a laga sa cu no por kita BBO. Awor mr. Mike Eman durante su discurso nacional a indica cu definitivamente lo kita BBO. No solamente esey, sino tambe lo kita tur e otro medidanan cu a causa aumento di costo di bida.
ORANJESTAD(AAN): Indicacionnan ta fuerte, cu awe den oranan di mainta, na WEB Aruba NV, miembronan di SIWA lo bay den un reunion cu nan sindicato.
Manera ta conoci tin un investigacion grandi tumando lugar e momentonan aki na e refineria Valero riba un suma miyonario cu a ser malversa. Ya caba tin varios nomber di hendenan den top di Valero cu por ta envolvi y entre nan tin cu te hasta no tey mas awe den Valero.
ORANJESTAD (AAN): Bo lista di compras ta largo, paña pa e aña escolar nobo, material pa school, keds y hasta un hero di strika nobo pa reemplaza esun cu a kibra. Poder di compra ta e balor di bo placa ora bo midi e cantidad y e calidad di producto y servicionan cu e por cumpra, asina Michelle Winklaar di Partido AVP a enfatisa. E ta referi na e discusion cu tin ultimamente riba e fenomeno di nos poder di compra cu a bay atras considerablemente.
Den varios estado na Merca a introduci un “Sales Tax Holiday” den fin di siman pasa pa asina promove compra di articulonan pa school bou di e consumidornan. Esaki a resulta den un efecto masha positivo pa e economia den dos sentido.
ORANJESTAD (AAN): Diahuebs a tuma lugar un caso na corte di husticia, den cual Blue Green Corporation di Merca a pidi un abogado purba para deportacion di su empleado Garret Ulewicz, kende a bin Aruba aña pasa y a yuda drecha e situacion di time share di La Cabana.
Despues di un control di autoridadnan local, a sali na cla cu ULewicz na diferente occasion a keda Aruba mas tempo di cual tabata worde permiti, sin pidi pa esaki oficialmente.
ORANJESTAD(AAN)– No tin lugar pa dos operador di nos waf(nan) pa motibo cu e volumen di carga ta mucho chikito na Aruba y ademas, no por tin dos operador riba e mesun waf.
Si APA (Gobierno) dicidi cu lo muda e actividadnan di carga pa Barcadera, ASTEC no lo stroba, alcontrario, ASTEC a declara repetidamente cu nan ta dispuesto pa inverti y pa muda pa Barcadera. Pues, e argumento cu mester core cu ASTEC pa por muda waf no ta cuadra cu realidad.
ORANJESTAD (AAN): Durante Congreso 2009 di partido AVP un di e discursonan cu mas a hala atencion tabata esun di Otmar Oduber caminda cu el a mustra cu nos isla ta den crisis y con turismo lo bira e solucion un biaha mas, pero un turismo cu ta haya e atencion y sosten debido for di nos gobernantenan.
ORANJESTAD (AAN) – Matutino DIARIO a entrevista señor Michael Kuiperi, ken tabata e prome director di Oficina di Turismo di Aruba. El a expresa cu a base di esey Otmar Oduber a invite pa participa den e Comision cu el a lanta, cu ta consisti di un grupo di personanan cu tin hopi aña di experiencia y cu por contribui talvez, na e mehoramento y progreso di e turismo den nos pais.
ORANJESTAD (AAN):Keda pega den historia y discuti locual a pasa añanan anterior, no tin relevancia pa e desaroyo actual. E momentonan aki, no tin tempo di perde di discuti pasado y keda stagna den tempo.
Awor mas cu nunca nos mester ta pragmatico, creativo y uni pa hunto resolve retonan grandi cu nos dushi isla ta confrontando. Keda discuti diferencianan di opinion of di color politico di 10 of 20 aña pasa, no ta aporta na solucionan pa nos futuro.
