Archivo di e Categoria ‘Editorial’

Editorial: E MENTIROSO

Publication: Thursday, 13 November 2014. Categoria: Editorial

            Mas Evelyn papia na radio o aparece den cualke conferencia di prensa o na television, mas Pueblo ta haya sa ki clase di mentiroso e ta. El a purba sconde tras di su casa, pero e flie ey no a subi. E suerte di su casa ta cu el a haya un Huez Hulandes condescendiente, cu no tin ningun simpatia pa DIARIO o mi persona. Pero, mi ta custumbra caba cu na Aruba no tin husticia, djis un apariencia di dje. Mi a mira demasiado caso cu sentencianan grotesco pa mi bay sinta reacciona riba cada un di nan. Mi ta sigui biba cu e confianza cu algun dia nos lo tin nos propio Hueznan Arubiano, hendenan cu conoce nos idioma y sa interprete corectamente. 

            Djey el a purba acusa otronan (ridiculamente) di e falsificacion di su nomber, siendo cu e ta aparece bon cla riba e cuentanan bancario di e oficina di abogado fantasma. E ta nenga (inutilmente) te awe cu e ta haya placa extra, aunke e pruebanan ta preto riba blanco den e relatonan financiero di su cuenta, entradanan cu nunca el a declara na su coleganan di Parlamento y cu e ta hayando na bohoti! Ta ki clase di respet o consideracion un persona asina por tin pa su mes? Pa mi, e ta riba un nivel hopi abao, manteni eynan pa e cumulacion di mentiranan cu e ta sigui pak un riba otro. Caminda e ta ekiboca su mes ta den su pensamentonan cu hopi hende ta kere den su inventonan, su falsedadnan, su engañonan. Pueblo no ta bobo, e mester por sa esey, y e por analiza henter e situacion pa su mes, sin e ayudo di prensa o partidonan politico contrario.

Editorial: HENDRIK NO POR SCAPA NI SU MES, CORDA SU YIU MUHER!

Publication: Friday, 7 November 2014. Categoria: Editorial

           Su uso di ofensanan personal ta pas den e mentalidad tipico di MEP, cu ta parce di no tin otro recurso pa discuti riba issuenan. Tur cos mester ta atakenan personal, acusacionnan sin ningun base, y expresionnan cu ta califica e persona cu ta haci nan un inculto, un bandido, un desgraciado, un porkeria di hende. Hendrik a caba di demostre un biaha mas, pesey mi no ta mira ningun clase di recuperacion posible pa e partido funda pa Betico y destroza pa e lenguahe, actitud y acusacionnan falso cu no ta bay hibe riba e caminda di progreso, ni evita su decadencia.

EDITORIAL: E CASO DI KENNETH VS DIARIO

Publication: Thursday, 6 November 2014. Categoria: Editorial

Ayera Huez NoordHuizen a dicta sentencia den e caso cu Kenneth a lanta contra DIARIO, pa tapa pa su casa Evelyn cu tabata demasiado cobarde pa hacie e mes, y pa sconde e envolvimento di Hendrik Croes, e elemento mas maligno y di mayor maldad cu nos isla a yega di produci. El a bay radio ayera pa yamami un porco, pero el a lubida cu si acaso mi ta un  porco, anto mi ta un porco di raza, y e mes porta un porco di chiké, cu tinainda riba dje e holo inmundo di su mesun porkerianan. E publicacionnan reciente di su envolvimento cu Ocando, Sanchez, etc., y su guera contra e dos fiscalnan Hulandes, Hoogland y Wijland pasobra nan a nenga di obedece pa pone e narcotraficante Sanchez den Libertad, y su funcion como Polis Venezolano siendo Ministro di Husticia den Reino, ta califike como tal.

Den e sentencia di Huez nos ta prohibi pa haci comentario riba e sentencia mes, loke nos ta respeta y ta pone loke Huez a ordena tal manera cu el a ordene. Pero corda cu ta Huez a obliganos pone nan, no pasobra nos ta di acuerdo cu nan. Al contrario. Mi ta haya, personalmente, cu Huez Noordhuizen, sinembargo, a profundiza su mes hopi den e caso y a bin cu argumentonan aparentemente valido riba diferente topico. Ey nos no tin nada di reclame. Ademas, no ta asina cu Kenneth a djis gana e caso, pasobra el a perde tambe riba e puntonan mas importante cu el a pidi Huez. Pa cuminza e no por a scapa Evelyn, e no a haya loke el a pidi, o sea 25 mil florin di “Adelanto”, e no por a prohibi DIARIO di antemano pa no haci comentarionan cu e no a specifica, y riba cual Huez Noordhuizen a sentencia corectamente, y varios otro punto di interes cu e no por a logra. Pa cera nos boca tin mester di hopi mas cu un caso di prueba pa purba scapa su casa.

EDITORIAL: DROGA, LABAMENTO DI PLACA Y HENDRIK CROES (3)

Publication: Monday, 3 November 2014. Categoria: Editorial

            E storia ta sigui. Awe mi ta publica 4 pagina di pasado pa Hendrik compronde bon cu ora e kier resucita casonan difunto di mas di 20 aña pasa, e ta core e riesgo cu esnan completamente negativo cu ta referina dje tey mes, cla pa mira luz di dia un biaha mas. Den e edicion aki e por lesa algun di e barbaridadnan cu el a comete como Ministro di Justicia di MEP, y cu ta completamente censurable, criticable y condenable, pa e no keda cu ningun illusion cu e ta bay sali ileso di e confrontacion cu el a busca innecesariamente. Y falta ainda e paginanan di meymey, su aventura cu badge y huramento como polis di un pais stranhero, y su participacioncomoMinistro di Justicia di MEP den e tristemente celebre caso conoci como CARGOZAAK, den cual mas di 5 mil kilo di marijuana a bay para riba e cayanan di Amsterdam y vecindario, y cu a ser bendi completamente y cobra, y e placa reparti entre diferente cuerpo di e autoriadnan di e tempo ey. Tambe su relacionnan cu Bouterse, cu a ser asina hopi critica den medionan di comunicacion na Hulanda.

EDITORIAL: DROGA, LABAMENTO DI PLACA Y HENDRIK CROES (2) (Ocando…y mas)

Publication: Friday, 31 October 2014. Categoria: Editorial

 
          E nomber di Ocando Paz ta bon conoci na Aruba, ya cu su relacionnan cu Hendrik Croes, como su abogado (y socio?), a permitie haci su negoshinan via nos isla. E tabata bin cu su avionetanan priva, den cual e tabata trece droga den e parti patras, djey e tabata sali rumbo pa Miami y Fort Lauderdale, unda e droga tabata ser bendi. DEA tabata completamente na altura di su movimentonan, y den nan archivonan nan tin henter e historial di e narcotraficante ey y su aliadonan. Despues di bende e droga nan tabata recoge e placa y e tabata bin cune Aruba, unda nan tabata hiba e maletanan hotel Concorde, unda Ocando tabata tin un suite (721) reserva henter aña. Ey nan tabata conte cu e ayudo di algun croupier despues di nan trabao. Ey tambe e tabata  hunga hopi placa den casino cu Hendrik sinta banda di dje!

            Awe mi ta publica algun nota relaciona cune, pa hende mira ta te ki extremo Hendrik tabata dispuesto di yega pa calma su hamber insaciable pa placa. No tabata importe di unda o con e tabata bin, con tal cu e tabata caba parcialmente den su saco. Ocando Paz a trafica mas di 5 mil kilo di cocaina via Aruba, cu tabata e punto intermedio di su vuelonan pa e parti sur di Merca, y e centro di su operacionnan clandestino. E tabata un piloto di e Forzanan Aereo Venezolano, cu lazonan di Amistad y comercial cu algun politico ayega na e Gobierno di MEP di e tempo ey. Hendrik tabata e Ministro di Justicia!

EDITORIAL: DROGA, LABAMENTO DI PLACA Y HENDRIK CROES (1)

Publication: Thursday, 30 October 2014. Categoria: Editorial

            Mi tabata dispuesto di laga tur loke a sosode den pasado keda eynan, y mi a splike publicamente, pero a resulta cu ni MEP ni Hendrik ta dispuesto di laga cosnan den nan tempo y kier bin cu un tou di mentira, suposicion, y speculacion. Ami no ta bay kedabrazacruzadilanti di tantoshisheria y engaño, y mi ta bay dedica mi un rato na clarifica y pasa e bala pa e ekipo contrario, no cu mentira y difamacion sino cu e berdad mi dilanti, respalda pa evidencia nan irefutable.

            Cu mi ta e labador di placa mas grandi na mundo tin mi intriga pasobra mi ta loco pa sa unda tur e placa procedente di e negoshi fantasma ey ta deposita, pasobra mi tin uso pe. Loke ta pasa ta cu pa papia o skirbi soketada ta facil, pero pa presenta pruebanan concreto ta otro cos. Mi a yega di declara caba y ta ripiti: nunca mi a ser deteni, ni interoga, y ningun caso hamas a ser lanta contra mi pa ningun hende o autoridad na ningun parti di mundo relaciona cu droga o labamento di placa. Mi no a yega di mirani un solo papel, o foto, o copia di un cuenta bancario relaciona cu e negoshi nan maligno ey.

Editorial: KICO ARUBA TA GANA CU ACCIONNAN DESTRUCTIVO?

Publication: Thursday, 9 October 2014. Categoria: Editorial

             Na Aruba parce cu ultimamente desesperacion politico ta obligando algun aventurero pone henter e bienestar di e isla na peligro. Ta inconcebible cu di algun manifestacion fracasa, awor kier pasa pa mete cu e pilar economico di Aruba, comosifuera cu si e ser afecta den cualke medida, nos lo por recupere cu facilidad. No, shonnan. boso no tin nada di perde, pero e Pueblo si por ser afecta mas seriamente cu cualke persona por imagina. Mete cu turismo, o haci campaña politico negativo entre e turistasnan cu ta na Aruba, ta parcemi un locura di tamaño mayor.

           Evelyn mester por a compronde cu ta e mes e tin di culpa pa loke a sali publica ultimamente di placanan na granel cu e ta ricibi riba su cuenta bancario. Y pa su informacion, NADA ta falsifica! E unico falsificacion confirma ta uno di un diploma cu un miembro di su partido a yega di comete den pasado. Loke DIARIO a publica ta legitimo, completamente real y condenatorio. Si Evelyn no tin e honestidad suficiente pa reconoce, y awor kier respalda actonan di locura, e no tin e derecho di keda como lider di un partido cu a logra cosnan glorioso pa nos isla den pasado. Ta imposible imagina cu den MEP no a keda ningun activista cu tin e interesnan di Pueblo na pecho, y ta para un banda pa mira den otro direccion mientras un par di inconsciente ta comete actonan antipatriotico djis pa purba logra baha Gobierno.

Editorial: NO TIN SUBSTITUTO PA DIALOGO!

Publication: Tuesday, 23 September 2014. Categoria: Editorial

          Ta hopi notable con e manifestacionnan teni te awor dilanti di e oficinanan di Gobierno a bin ta deteriora, yegando te na confrontacionnan marca pa violencia. Te ainda nos ta na tempo pa coregi e aspecto ey, y ta miho pa nos hacie awor prome cu e bira intratable o coregible. Diferencianan di opinion semper ta bay existi, y e chokenan ideologico o politico entre Gobierno y cualke oposicion tambe, pero mester por yega na un sistema den cual dialogo por substitui violencia permanentemente.

                 No ta cumbini ningun hende ora pasionnan desborda y na lugar di recapacitacion, ta cay den e garanan di enfrentamentonan nada amigable o sostenible cu argumentonan sano. Nos a mira un manifestacion asina poco dia pasa, unda tiramento di obhetonan tabata na ordu di dia, y kimamento di dump a corona tristemente un evento cu mester a cuminza y caba den trankilidad. Cu cualke grupo tin e derecho di protesta riba caya o unda otro cu nan kier no ta ni sikiera discutible, pasobra e ta un derecho hancra den nos Constitucion.   Pero, esey no ta duna ningun hende e libertad pa abusa di e derecho ey tampoco!

                        Mañan cu e oposicion actual asumi poder, ta bon pa nan corda cu nan tin di bay somete nan mes na e mesun violencia cu nan a introduci den e ultimo manifestacion. Laga nan no pensa mes, ni pa un seconde, cu e relacionnan ta bay cambia pasobra nan a drenta Gobierno! E ‘modus operandis’ cu nan a introduci den e manifestacion reciente ta bay impone su mes cu facilidad den man di otronan cu di Gobierno lo pasa pa oposicion. Lanta Pueblo pa e protesta contra loke e por considera un mal maneho publico, no ta mescos cu lante pa un confrontacion violento cu por na algun momento resulta den un tragedia pa nos isla. Ningun hende sensato por tin un idea o plan asina den su cabez, pasobra e ta contra tur forma logico di pensa. Pone presion a base di violencia pa invoca cambionan desea no ta mescos cu exigi e cambionan ey cu un presion politico (no violento) cu por logra e mesun resultado, pero sin laga atras dañonan ireparable.

              Ta logico cu tin un disgusto grandi den hopi hende na Aruba contra tur e medidanan tuma te awor, y otronan cu lo drenta den vigor na algun momento den e futuro inmediato. Mester, pesey mes, crea un sistema di dialogo entre Gobierno y oposicion cu ta permiti discusionnan franco y al caso ora cu tur otro avenida ta cera y un di e dos partinan ta haya su mes lomba contra muraya. Desesperacion no ta un bon consehero den un caso asina, y tampoco un confrontacion violento, pero si por logra crea un manera di topa otro sin condicionnan previo pa discuti cosnan cu ta afecta casi henter Pueblo, ta imperativo hacie pa e bon di nos isla. Ningun hende tin algo di gana cu confrontacionnan violento cu por pusha nos riba un caminda sin retorno. Tur dos parti, Gobierno y oposicion tin hendenan cu cerebro suficiente pa construi un sistema cu ta permiti ambos parti enfrenta otro sin boter o piedra den man. Mi ta nenga di kere cu riba nos isla  no tin esnan cu cabez frio cu por hacie.

         Obtene un cambio rapido fundamental den nos custumbranan publico y politico ta hopi dificil, pero no imposible. Buske sin descanso ta nos deber como ciudadanonan cu ta stima nos isla y ta desea solamente loke ta bon pe.

Editorial: HOPI ACUSACION RECIENTE Y INHUSTO CONTRA MIKE EMAN

Publication: Thursday, 4 September 2014. Categoria: Editorial

                       Ta berdad cu e ta e responsable cu awa no ta yobe? Cu Aruba ta baña casi tur dia den un calor insoportable? Cu e ta responsable cu Gobernador no kier firma e presupuesto? Cu Hulanda a medio bira lomba pe? Cu oposicion a sintie fortaleci na momento cu Hulanda ta menazando interveni na Aruba y asina atenta contra nos autonomia? Un tou di suposicion, di speculacion, di ridiculeznan sin precedente, y di intentonan di abusa di e afan di credulidad grandi cu tin nos Pueblo casi completamente domina. E ta practicamente den e capacidad actual di kere den cualke cos, di cay pa cualke speculacion con tal cu e ta respalda pa un par di cifra o estadistica, aunke  absurdo. E no por sigui rindi homenahe na cualke profeta cu surgi di e camponan pobla di populista.

            Si nos studia nos isla bon, y nos nota e rumbo cu nos Pueblo a tuma, nos mester por compronde cu e no ta e resultado di  un inferioridad di cultura cu ta determina e nivel di nos custumbranan, sino cu nos ta pega den un periodo turbulento di nos desaroyo, cu si nos no pone bon tino na dje y cambia oportunamente loke nos por, e ta bay hiba nos den un franco regresion pa e desaparicion di varios di nos virtudnan civico.

Editorial: HOPI DECEPCION ARUBIANO DEN AMERICAN AIRLINES

Publication: Monday, 25 August 2014. Categoria: Editorial

                Hopi aña pasa tur cos a cuminsa masha bon, nos tabata contento cu un linea aereo Americano a dicidi di pone vuelonan constante pa uni Aruba cu Merca y otro destinacionnan, y e gesto ey a dura hopi decada funcionando manera debe ser, o sea faboreciendo e Arubianonan y e Americanonan cu gusta bishita nos isla. Djey a bin e establecimento di Imigracion y Duana Americano, cu a caba di facilita nos ingreso pa Merca, y e viahanan di e Americanonan cu ta bishita nos cu tanto frecuencia. Pero, ultimamente, desde cu e homber di e pajarito a cuminza goberna Venezuela, y a causa di paso un exodo di gruponan grandi di hende di su pais pa Aruba y pa Merca, factornan a cuminza incidi riba nos relacionnan cu American Airlines cu no ta nada di gaba. Djey a bin e impase cune den e asunto di General Caravajal, y kico el a haci? Manda para tur e vuelonan di y pa Aruba, Corsow y Bonaire, un bunita gesto di “hermandad”!

Editorial: HOPI CONFUSION!

Publication: Wednesday, 6 August 2014. Categoria: Editorial

            Mi no sa ta den kico e confrontacion entre Mike y Hulanda a para caba (si acaso el a yega su fin), pero con cu el a caba e no ta pronostica nada bon pa nos. Al fin y al cabo e presupuestono a worde firma pa Gobernador y no tin ningun splicacion di parti di Gobierno tocante e asunto. Lo ke si ta core rond manera un bala di candela ta un confusion grandi, pasobra ningun hende sa unda nos ta para, con e relacionnan cu Hulanda a keda, y si Gobernador ta bay firma of no e bendito presupuesto. Y pa bay mas leu cu esey, despues di e firmamento of no firmamento, kico ta bay tuma lugar?

Editorial: UN BRUHAMENTO FORMAL

Publication: Monday, 7 July 2014. Categoria: Editorial

            Den tur e bruhamento cu a surgi entorno e firmamento di parti di Gobernador  di e presupuesto, un cos sigur a sali na cla: ni Hulanda ni Aruba tin e deseo di daña e relacionnan excelente cu ta existi entre e dos miembronan aki di Reino. Di cu Gobernador a tuma un decision, esey ta core pa su cuenta, pero di otro banda, pa e ser acusa di a comete un abuso di poder ta insolito, fuera di lugar y completamente censurable. No tin ningun base pa sostene un acusacion asina pasobra e decision cu el a tuma el a considera como parti di su competencia di acuerdo cu un articulo cu e ta cita for di e Constitucion vigente.

            Mi ta haya cu Prome Ministro Mike Eman a actua cu hopi prudencia y sabiduria, evitando cualke confrontacion cu e Gobierno di Hulanda, y alavez a haci e maximo esfuerzo posible pa mantene e autonomia di Aruba intacto. El a bay di acuerdo pa sali di e impase aceptando o co-proponiendo un estudio imparcial den loke sea cu e presupuesto por a causa den e mente di e tumadornan di decision envolvi.  Gobernador Refunjol a nenga di firma y e impresion tabata cu el a hacie bao e mandato di Hulanda, pero esaki a nenga cu nan lo a dune cualke instruccion al respecto. Awor mester spera e resultado di e tarea ey pa determina si tin base pa Gobernador nenga di firma e presupuesto, aunke algun experto na Hulanda ta bisa cu e no tin e tipo di competencia ey.

Editorial: E MUHER LOCO CU KIER KIMA ARUBA!

Publication: Friday, 13 June 2014. Categoria: Editorial

     Ta ki clase di “defensor” di derechonan humano Edwina Henriquez ta? Ta den un mente defectuoso so e idea horendo di kima Aruba por a haya acogida. Ta con e, cu ta carga un titulo asina importante manera e “defensor di Derechonan Humano” por a expresa un deseo cu den prome lugar ta atenta contra tur e derechonan humano di e ciudadanonan di Aruba? Acaso e no a pensa sikiera, den su odio ciego contra Mike Eman, cu loke e kier mira sosode ta bay linea recta contra e derechonan humano di nos poblacion? Ta kico e ta kere cu lo pasa si en berdad algun amargado dicidi di ehecuta un plan asina desastroso pa nos isla? Ta nan ta bay keda sin trabao, ta nan ta bay sufri e consecuencianan di un acto asina iresponsable; ta nan ta bay cay den e miseria di un isla sin produccion, sin e capacidad di sostente su propio poblacion riba un nivel acceptable.

Editorial: ALGUN DUANERO NA AEROPUERTO

Publication: Tuesday, 3 June 2014. Categoria: Editorial

            Parce cu unda cu tin un relacion, aunke remoto, cu e Ministro di Finanza, cosnan ta bruha y alevosia ta reemplaza educacion. Te unda cu mi sa, ta e ta e hefe maximo di Duana. Na aeropuerto a bin un cambio drastico den e actitud cu algun persona uniforma como duanero ta aplicando na e Arubianonan cu ta bay exterior y ta bin back cu algun cos cu nan a cumpra pa nan mes. Asina nos a mira e caso di un DJ cu a pasa cu 6 maleta sin cu nan a sikiera pasa nan den e mashin cu ta controla e interior di nan; en cambio un dama cu a bin cu dos jeans cu el a cumpra na Miami, y cu el a usa tambe, pasobra e no a adkiri nan pa bende, sino pa su uso personal, y kico e muher duanero a haci? El a hole e crotch pa ta sigur cu nan no ta nobo, y djey el a bisa e dama cu ni maske el a usa nan un biaha, e mester paga derecho di importacion riba nan tog! Den e dos casonan aki mi kier a ilustra e nivel cu e actitud di algun di nan na aeropuerto a alcanza, especialmente cu Arubianonan. Tin hopi mas keho, pero mi ta kere cu e dos casonan aki ta ilustra e trato preferencial y hasta por bisa discriminatorio cu ta ser aplica pa algun duanero na aeropuerto, especialmente di parti di e muhernan bisti cu e uniform di e cuerpo ey.

Editorial: NA CAMINDA PA DESASTRE!

Publication: Saturday, 31 May 2014. Categoria: Editorial

            E gobierno actual tin Aruba enfila directamente pa un caminda di desastre, y lo peor ta cu nan no tin e vision o simplemente no kier enfrenta e realidad nan dilanti, o sea cu e  hecatombe ta biniendo, pero cu na lugar di enfrenta e problemanan serio cu e Ministro di Finanza ta empeorando, PromeMinistro a dicidi di biraun verfdo temporal! Ate ribacayademostrando cu e tambeporpone pinturanoboriba e viviendanan di un caya di pabou, comosifuera cu e resto di e comite cu ta acompañando e no sa con ta verf un muraya di cas, o convencenos cu algo cu nossa di mes, o sea cu ninguntrabao ta menospreciable. Esaki ta e estado lamentable den cual e Gobierno actual a cay: un Prome Ministro cu na lugar di pone su atencion total na loke ta pasando na Aruba a dicidi di pasa man pa un kwashipa probablementehacipolitica cu verfmento di cas. Awor, lo tin un persona sensato den henter e partido ey cu por aclarea pa mi con y den kico e verfmentoey ta yudae economia di Aruba? Pasobra ta ey e cabuya ta preta, no riba e fachadanan di casnan cu e doñonanmespormehoraaplicandoun man di verf nobo.