Mahestuoso hora loca pa Oriana
La hora loca a bira un tradicion den cierto paisnan latino. Na Aruba tambe el a cuminza bira hopi popular caminda na e casi final di un fiesta of un bruid, e musica ta bira hopi alegre y despues cu fluit, sombre, cadena, armband, pito, carta y hopi articulo loco ta wordo reparti na e invitadonan ta baila sin stop y sin pareha na e ritmo di e musica di carnaval.
Elegantisimo y espectacular tabata e fiesta di diez cinco aña di Oriana Mansur cu a tuma lugar na Renaissance Convention Center.
E cumpleañera a yega e ballroom den limousine caminda el a wordo acompaña pa su tata Jossito Mansur pa drenta e mahestuoso sala di fiesta cu a wordo decora pa e guru Gareth Tromp, mientras cu Ronchi de Cuba a percura pa e produccion y Sra. Luisa a percura pa e bolo excepcional.
Awor den lobby di Renaissance Marina Tower
ORANJESTAD (AAN): Un sucursal nobo di Starbucks a habri su portanan na Aruba! Despues di a goza di un popularidad inmenso den pueblo, un outlet nobo a caba di keda inaugura, y e biaha aki e ta worde presenta den un forma mas chick, y tropical!
Den e lobby di Renaissance Marina Tower, Starbucks a habri cu un decor sumamente yamativo, incluyendo uso extenso di muraya di palo, como tambe un plafond abstract, combina cu algun Ceiling-Fan masha artistico.
Pa di 10 aña consecutivo
ORANJESTAD (AAN): Ta trata aki di un tradicion cu Aruba Bank a bira masha conoci pe bou di miembronan di prensa. Tur aña riba dia 1 di September “Dia di Prensa”, e banco ta celebra e dia special aki cu tur esunnan cu ta traha den e ramo aki. E ta un forma pa gradici e cooperacion y sosten cu Aruba Bank ta ricibi henter aña for di tur medionan di comunicacion.
Durante e anochi bon atendi na Milano’s den South Beach Mall, Shanoulle Bikker, Marketing/Public Relations Manager di Aruba Bank, a gradici tur miembro di prensa pa nan presencia y a felicita tur riba nan dia. A repasa e rol vital cu prensa tin den nos sociedad y alavez a enfoca riba e trabao aki cu ta exigi hopi sacrificio, dedicacion y boluntad.
Lansamento di e fragancia nobo di Fergi
ORANJESTAD (AAN): Avon na Aruba, representa door di Aruba Trading Company, a organiza un tremendo fiesta pa lansa nan fragancia mas nobo, cu ja ta causando furor den exterior, Outspoken by Fergie.
Tur representante di Avon tabata presente y bisti biña, pa sera conosi cu e fragancia aki cual a worde crea door di Avon y Fergie, kende ta e cantante principal di e grupo “Black Eyed Peas” cu ta hopi conosi pa tur nan hits musical, inclujendo “I got a feeling”.
Nan side-menu nobo pa Value Meal!
ORANJESTAD (AAN): Tabatra Diahuebs, cu DIARIO tabata presente ora cu a introduci algo nobo.
Burger King ta sigui cu e promesa di duna su clientenan mas opcion y continua honra e lema di Burger King , Have it your way. E promesa, como un marca mundialmente reconosi, ta pa duna su clientenan e poder di adapta e menú di Burger King pa esaki por fit nan lifestyle y diet.
Segun Ana Maria Ramirez representando Burger King a splica, cu e compania a reconoce cu e deseo di su clientenan pa mas opcion y variación ta cada dia mas grandi y pa por satisface e deseo aki, awe nan a tuma un step grandi door di introduci e SIDE MENU nobo.
ORANJETSAD (AAN): Durante fin di siman Rush Magazine a lansa su di 11 edicion oficialmente riba mercado. Esaki ta un logro sigur pa e revista hoben aki. Un revista cu ta expone tanto na nos hobennan, como na e adultonan un bida sano y saludabel den deporte extremo y den e estilo di bida aki. Den cada un di su 11 edicionnan Rush Magazine a haci tur esfuerso pa trece lo miho pa e publico lesado, pa mantene e publico na haltura di tur acontecimento cu a tuma luga den deporte extremo y pa promove e estilo di bida extremo.
ORANJESTAD(AAN)– Un delegacion di Zomercarnaval di Rotterdam a haci un bishita di cortesia diahuebs 29 di Juli na Cas di Aruba. Akinan e delegacion a keda ricibi pa Minister Plenipotenciario sr. Edwin Abath. E delegacion tabata consisti di presidente di e Fundacion di Zomercarnaval sr. Karel Willems, Reina di Ortel Zomercarnaval 2009 Naila Blancheville di e grupo Peopleo’s Choice, prome finalista Danielle Ramos di e grupo di carnaval Aruba Uni y segundo finalista Petra Smit di e grupo Kingdom under the Sun. Tambe tabata tin dos reportero di De Telegraaf kendenan ta haciendo un cobertura di e bishitanan e.o. na Cas di Aruba pa e website di De Telegraaf.
ORANJESTAD (AAN): Den temporada di mundial McDonald’s como e restaurant oficial di Copa Mundial di FIFA 2010 tambe a tene su campaña. Den e campaña aki e cliente cu cumpra un McCombo Large na cualkier un di e restaurantnan di McDonald’s tanto na Aruba como Curacao ta haya un tarheta cu dos area pa raspa. Den un di nan e cliente ta haya beneficio di productonan di McDonald’s ganando un premio instantaneo, y den e otro e ta haya un pronostico cu posibel resultado di e ultimo wega di Copa Mundial di FIFA di 2010, cu a tuma lugar na Sur Afrika dia 11 di juli 2010 ultimo.
Amistades mas cercano
y famia a reuni na
residencia di
Patricia Mansur pa celebra
cumpleaños di nan amiga Evelin.
Tur presente por a disfruta
di Chic Martini’s, entre
e favorito,
e “ Dirty Martini ” tambe
e Peach, Apple of Cosmopolitan!
Tur prepara especialmente
door di Ian Molina pa e invitadonan
cu a pasa un anochi
sumamente ameno!
ORANJESTAD (AAN): Recientemente, Señores Mary Ann & Robert McLane como tambe Señora Barbara Jean Stibler a worde honra como Embahador di bon voluntad di Aruba, como tambe Señora Jeanne Nickersonn a worde honra como huésped distingui pa e isla di Aruba. E pareha McLane tin 25 aña consecutivo bishitando Aruba mientras cu e Señora Stibler tin 20 aña consecutivo ta bishitando Aruba.
ORANJESTAD- (AAN)– Ayera den oranan di atardi capitan di e seleccion Hulandes na Sur Africa a yega Aruba pa disfruta di un vakantie bon mereci. Manera tur hende ta bon na altura e equipo Hulandes a titula sub campion mundial. Un logro grandi. Prome cu nan a bai Sur Africa caba Giovanni van Bronckhorst a anuncia cu e lo stop despues di e mundial aki. Den un wega amistoso diadomingo cu a pasa den “de Kuip”, e stadion di su equipo Feyenoord na unda el a cuminsa su carera na edad di solamente 7 aña, van Bronckhorst a hunga su ultimo wega contra e equipo Real Mallorca.
ORANJESTAD (AAN)– Prome-Minister di Antiyanan Hulandes, señora Emily de Jongh-Elhage y Prome-Minister di Aruba, sr. Mike Eman, a bira miembronan honorario di Sociedat Bolivariana de Curaçao. Esaki na ocasion di 227 aña di nacimento di Libertador Simon Bolivar y na ocasion di 73 aña di fundacion di Sociedad Bolivariana de Curaçao. A honra tur dos mandatario diasabra anochi durante un atardi y anochi placentero den sede di Sociedad Bolivariana riba Scharlooweg/Simon Bolivar Plein.
ORANJESTAD (AAN): E sumamente famoso streya Hulandes di futbol a dicidi di bishita Amazonia Churrascaria un anochi e siman aki, hunto cu un grupo di su miembronan di famia y amigonan, pa disfruta di un tiki anonimidad y un sentido di un berdadero vakantie. Esaki tabata su di dos bishita na e restaurant. Na un manera priva el a bishita nos isla aña pasa, na Juni, pa un vakantie hunto cu su famia, y e biaha aki el a worde invita pa Aruba despues di e Weganan di FIFA Copa Mundial cu un cantidad di su coleganan cu ta forma parti di e ekipo Hulandes final di 23 miembro, como un invitado di Gobierno di Aruba, mustrando su gratitud pa e tremendo prestacion di e hungadornan.
SWIM, SUNSET & SWAROVSKI’S……na South Beach Miami
ORANJESTAD (AAN): E diseñonan sumamente exclusivo cu a ser presenta den e pelicula di e famoso Tv series Sex & The City por a ser admira na durante e fashion Miami Fashion Week .
Ivana Sert ta e diseñadora cu a presenta e coleccion resort di su linea ” Beach Fashion World”, cu trahenan unico di baño, cu piedra Swarovski cosi detayadamente na man.
