Diario Online » Estilo y Eventos

Chic Martini’s cocktail celebration pa cumpleaños di Evelin Wever

alex — Thu, 29 Jul 2010 05:00:05 +0000

Amistades mas cercano
y famia a reuni na
residencia di
Patricia Mansur pa celebra
cumpleaños di nan amiga Evelin.
Tur presente por a disfruta
di Chic Martini’s, entre
e favorito,
e “ Dirty Martini ” tambe
e Peach, Apple of Cosmopolitan!
Tur prepara especialmente
door di Ian Molina pa e invitadonan
cu a pasa un anochi
sumamente ameno!

Embahador di bon boluntad na Aruba Beach Club

alex — Wed, 28 Jul 2010 05:00:30 +0000

ORANJESTAD (AAN): Recientemente, Señores Mary Ann & Robert McLane como tambe Señora Barbara Jean Stibler a worde honra como Embahador di bon voluntad di Aruba, como tambe Señora Jeanne Nickersonn a worde honra como huésped distingui pa e isla di Aruba. E pareha McLane tin 25 aña consecutivo bishitando Aruba mientras cu e Señora Stibler tin 20 aña consecutivo ta bishitando Aruba.

E Señora Stibler a haci su prome visita 42 aña pasa y a bisa di a wak tur e cambio nan cu a worde haci durante e transcurso di e e aña nan y ta contento con Aruba a desaroya. E Señora Nickerson tin 10 aña consecutivo bishitando nos dushi isla.

E acto di entrega a tuma lugar na Aruba Beach Club, e hotel unda nan ta hospedando. E pareha nan aki a bishita varios destinacionan rond di mundo y semper a considera Aruba como e number un.

Tambe nan a comenta cu Aruba ta nan di dos cas y un di e motibonan pa cual nan ta bin back tur aña ta pa nos hendenan amabel, hospitalario y tambe pa e seguridad cu ta reina na e pida baranca aki.

Nan a trece diferente famia y amistades den transcurso di añanan pa asina nan tambe por sera conoci cu e paraiso Aruba. Presente tabata Señora Moraima Giel, representante di Aruba Beach Club como tambe Rayon Koolman, reprsentante di Directie Toerisme.

Capitan di seleccion Hulandes Giovanni van Bronckhorst a yega Aruba

alex — Tue, 27 Jul 2010 04:27:30 +0000

ORANJESTAD- (AAN)– Ayera den oranan di atardi capitan di e seleccion Hulandes na Sur Africa a yega Aruba pa disfruta di un vakantie bon mereci. Manera tur hende ta bon na altura e equipo Hulandes a titula sub campion mundial. Un logro grandi. Prome cu nan a bai Sur Africa caba Giovanni van Bronckhorst a anuncia cu e lo stop despues di e mundial aki. Den un wega amistoso diadomingo cu a pasa den “de Kuip”, e stadion di su equipo Feyenoord na unda el a cuminsa su carera na edad di solamente 7 aña, van Bronckhorst a hunga su ultimo wega contra e equipo Real Mallorca.
Pa Giovanni van Bronckhorst, kende tin awor 35 aña, y cu durante su carera impresionante a hunga den e seleccion nacional Hulandes 106 biaha, e despedida tabata hopi emocional.
Na Zuid Africa e tabata capitan di e team Hulandes y a haci un bon trabou.

Su goal den e wega contra Uruguay cu a bin cu un velecidad halto y di basta leu, a impacta tur hende y tabata un di e goalnan mas bunita durante e mundial aki.

Prome Minister di Aruba Mike Eman hunto cu su colega di deporte Richard Visser a bai aeropuerto di Aruba pa yama van Bronckhorst y su famia un caluroso bon bini riba e paraiso aki.
Su cuatro coleganan cu ta aki pa mas di un siman caba a experencia e amabilidad di e comunidad aki cu a sa di duna nan e honor cu nan merece.

Van Bronckhorst sigur tambe lo sera conoci mas di cerca cu nos hendenan cu a biba e mundial aki cu hopi tension y a apoya e equipo Hulandes cu hopi entusiasmo.

De Jongh-Elhage y Eman miembronan di honor di Sociedad Bolivariana

alex — Mon, 26 Jul 2010 05:25:31 +0000

ORANJESTAD (AAN)– Prome-Minister di Antiyanan Hulandes, señora Emily de Jongh-Elhage y Prome-Minister di Aruba, sr. Mike Eman, a bira miembronan honorario di Sociedat Bolivariana de Curaçao. Esaki na ocasion di 227 aña di nacimento di Libertador Simon Bolivar y na ocasion di 73 aña di fundacion di Sociedad Bolivariana de Curaçao. A honra tur dos mandatario diasabra anochi durante un atardi y anochi placentero den sede di Sociedad Bolivariana riba Scharlooweg/Simon Bolivar Plein. Na e ocasion aki tabata presente ademas Consul-general di Venezuela, Consul-general di Colombia, varios miembro di cuerpo di consul di Curaçao mientras cu durante e mesun anochi a duna sr. Lio Capriles e maximo condecoracion di e Fundacion. Durante mesun ocasion a pone krans tambe na busto di Simon Bolivar.

Esnan ku a pone krans tabata entre otro Prome-Minister Emily de Jongh-Elhage cu Minister di Husticia Magali Jacoba na nomber di Pueblo y Gobierno di Antiyanan Hulandes, Prome-Minister di Aruba y funcionario protocolario Allan Goede na nomber di Pueblo y Gobierno di Aruba, Gezaghebber Lisa Dindial na nomber di Bestuurscollege di Corsou.

Dirk Kuyt ta Disfruta di e Hospitalidad di Amazonia

alex — Sat, 24 Jul 2010 05:00:06 +0000

ORANJESTAD (AAN): E sumamente famoso streya Hulandes di futbol a dicidi di bishita Amazonia Churrascaria un anochi e siman aki, hunto cu un grupo di su miembronan di famia y amigonan, pa disfruta di un tiki anonimidad y un sentido di un berdadero vakantie. Esaki tabata su di dos bishita na e restaurant. Na un manera priva el a bishita nos isla aña pasa, na Juni, pa un vakantie hunto cu su famia, y e biaha aki el a worde invita pa Aruba despues di e Weganan di FIFA Copa Mundial cu un cantidad di su coleganan cu ta forma parti di e ekipo Hulandes final di 23 miembro, como un invitado di Gobierno di Aruba, mustrando su gratitud pa e tremendo prestacion di e hungadornan.
Kuyt a start den tur shete partido pa Hulanda y a caba e torneo cu un gol y tres asistencia.
E waiternan y sirbidornan amabel a percura pa su experiencia por tabata uno superbo y a provee Dirk y su invitadonan cu tremendo hospitalidad y cuminda fantastico.

Diseñadora di Kim Cattrall den e pelicula Sex & The City 2 presente na Miami Fashion Week

alex — Thu, 22 Jul 2010 05:05:47 +0000

SWIM, SUNSET & SWAROVSKI’S……na South Beach Miami
ORANJESTAD (AAN): E diseñonan sumamente exclusivo cu a ser presenta den e pelicula di e famoso Tv series Sex & The City por a ser admira na durante e fashion Miami Fashion Week .
Ivana Sert ta e diseñadora cu a presenta e coleccion resort di su linea ” Beach Fashion World”, cu trahenan unico di baño, cu piedra Swarovski cosi detayadamente na man. Cada uno cu corte especial pa e dama sofistica pero alaves ” trendy ” luci na su resort, spa of beach preferi. Rriba fotonan por mira e actriz Kim Cattrall cu e diseño espectacular durante e movie set na Abu Dabi, como tambe e diseñadora Ivana Sert.

Mercedes-Benz Fashion ta trece un mezcla “eclectico” di Celebridad y personahenan VIP cu ta inclui artistanan y mas cu claro diseñadornan di un nivel halto , cu estilo di bida unico.
Entre nan e aña aki tabata presente Phoebe Price, shoe designer Lisa Pliner, Lance Bass di N*Sync, America’s Next Top Model season 7 participante Anchal Joseph, BRAVO’s Miami Social ’s Ariel Stein y e handbag designer Laura Buccellati.

Pa e diseñador Christian Audigier a presenta den e invitadonan e cantante Chris Brown’s y su model girlfriend Jasmine Sanders, hunto cu Corde Broadus, yiu rapper Snoop Dogg y Chrissy Teigen, model girlfriend di John Legend.

Tur presente na Mercedes-Benz Fashion Week na South Beach tabata “Walking Poolside like it’s a Runway”..!!!

Log on na www.diario.aw pa mas fotos y reportahe. E unico online fashion destination di Aruba. Reportahe : Evelin Wever Fotos : Damilice Mansur y George Arends.

Moda, belleza y papparazi ta sigi cautiva na Mercedes-Benz Fashion Week Miami

alex — Wed, 21 Jul 2010 19:05:59 +0000

ORANJESTAD (AAN): Informe di Florida, ta indica cu Miami Beach ta sigi cautiva presencia di fashionista nan y prensa di rond mundo durante e siman di moda. Un coleccion di verano excitante a adorna e modelo nan di Christian Audigier y Ed Hardy, Mara Hoffman y Inca designs.
Combinacion nan den oro, turquesa, plateado y tropical prints a domina e pasarela
durante show di e tres disenadornan aki.
Aruba tambe a resalta cu modelonan di Ronchi de Cuba y AMS na Mercedes-Benz Fashion Week Miami. Den proximo edicion DIARIO y Diario Online lo presenta un reportahe exclusivo di e modelonan di Aruba riba pasarela na South Beach Miami !
Fotos: Damilice Mansur y George Arends.

Proximo aña Aruba lo tene su prome “Aruba Fashion Week”

alex — Wed, 21 Jul 2010 05:04:05 +0000

Y bira e “fashion y world-class lifestyle tourism destination” di mas renombre den Caribe y Latino America!
ORANJESTAD (AAN): Varios modelo di Aruba di e agencia di moda di Ronchi di Cuba y participante di AMS a destaca riba pasarela di Mercedes-Benz Fashion Week Miami. Nan a desfila pa diferente diseñador top di mundo manera Marc Jacobs, Donna Karan Swim, Juicy Couture, Luli-Fama, Tyler Rose y Cia Maritima a presenta un fabuloso coleccion di resort, spa y swimwear na Mercedes-Benz Fashion Week Swim na South Beach Miami.
DIARIO Aruba por a admira tambe varios celebridad y artista front row, manera personahenan di e TV series popular Entourage y Burnt Notice: e beyisima Gabrielle Anwar y Perrey Reeves. Como tambe e actriz y modelo cu a presenta Premio Lo Nuestro pa Univision den un deslumbrante diseño di e fashion icon di Aruba, Ronchi de Cuba!!!

Production Team di Aruba Fashion Week, Damilice Mansur , Evelin Wever y Ronchi de Cuba AFW Group tambe tabata presente na Miami como invitado especial di IMG Word.
Cu un record den audiencia internacional di prensa y invitado exclusivo, un biaha mas e evento a destaca y atrae miles di bishitante y asina haci Miami Beach e Capital of The Fashion World pa e temporada aki.

Aruba lo presenta su prome “Aruba Fashion Week” otro aña, cu e mesun nivel di calidad, ya cu e lo ser produci hunto cu IMG di Mercedes-Benz Fashion Week. Busca bo DIARIO y subi Diario online tur dia! Un bes mas presente como invitado especial di Mercedes-Benz Fashion Week!
Reportahe: Evelin Wever, Fotos: Damilice Mansur y George Arends.

Preparando miles di buki pa e alumnonan di Colegio Arubano

alex — Tue, 20 Jul 2010 04:53:50 +0000

ORANJESTAD (AAN): Vakantie ta den full swing. Pero “tras di cortina” na school, tin hopi trabao andando preparando pa e siguiente aña escolar. Un grupo balente di muchanan di Colegio Arubano ta casi 3 siman ocupa caba, haciendo ful un inventario di tur e bukinan cu a worde entrega door di casi 2.500 alumno di Colegio Arubano. Despues cu tur buki worde sortea, tur buki mester worde gelabel y pasa via computer di Colegio. Aki cada buki ta haya un number, cu den un caso por ehempel cu un buki worde perdi, mesora por haya sa, via e computer, di ken e buki ta.
Cada alumno lo haya un “pakket”, esta sea un of dos saco di plastico fuerte, conteniendo tur e bukinan cu e alumno lo usa durante e aña escolar nobo 2010-2011. DIARIO a nota cu e pakket di tanto Ciclo Basico-1 y Havo/Vwo-3 ta basta grandi y pisa.

Poco poco tur cos ta biniendo cla ya cu pa dia 26 di juli lo mester cuminsa entrega e pakketnan na tur alumno. Entrega lo ta segun un schedule special. Pa Colegio Arubano Oranjestad: Dialuna 26 di juli ta pa Ciclo Basico 1. Diaranzon 28 di juli ta pa Ciclo Basico 2. Diabierna 30 di juli ta pa Havo3/Vwo3.

Dialuna 2 di augustus ta pa Vwo 6. Diaranzon 4 di augustus ta pa Havo 5. Diabierna 6 di augustus ta pa Vwo 5. Dialuna 9 di augustus ta pa Havo 4. Diarazon 11 di augustus ta pa Vwo 4. Pa Colegio Arubano San Nicolas: Diahuebs 12 augustus ta pa Ciclo Basico 1, 2 Havo 3 y Vwo 3.

Horario di entrega di buki ta entre 9.00 a.m. y 12.30 pm. Si tin pregunta tokante buki por bel Boekenfonds na telefoon 583-1373.

The Kardashians a causa frenzy na Mercedes-Benz Fashion Week Miami

alex — Mon, 19 Jul 2010 05:04:41 +0000

ORANJESTAD (AAN): Mas di 25 diseñador y marca nan top di “swimwear” ta presente na Mercedes-Benz Fashion Week Swim na South Beach Miami y Beachbunny Swim Wear a sa di impacta cu nan partners, e ruman nan Kardashians cu ta cara di e linea di bikini y resortwear .
Kim, Khloe y Kourtney Kardashian a causa un “frenzy” entre e papparazi y invitadonan, ora cu nan a drenta y sinta front row pa presencia e runway show.
E modelonan a subi pasarela cu disenonan hopi atractivo y diferente , cu a ser combina cu kanchi y pluma, un look sumamente llamativo pa e muher luci na beach!
Mas cu claro tambe por aprecia e ultimo modelonan di e auto nan luhoso di Mercedes-Benz cu ta ser showcase durante e evento.
Cu un record den audiencia internacional di prensa y invitado exclusivo, un biaha mas e evento a destaca y atrae miles di bishitante y asina haci Miami Beach e Capital of The Fashion World pa e temporada aki. Y Aruba tambe pronto lo tin su prome “Aruba Fashion Week” y bira e fashion y worldclass destination di mas renombre den Caribe!

Pa mas fotonan exclusivo , busca bo DIARIO y subi Diario online tur dia! Un bes mas presente como invitado especial di Mercedes-Benz Fashion Week! Reportahe: Evelin Wever, Fotos: Damilice Mansur.