Moda plus size na Aruba tin solamente un adres, Trash By Ronchi, situa na Sibeliusstraat 8 ta e lider den moda plus size na nos isla.

   E boutique a caba di ricibi un coleccion espectacular di moda pa e hende muher cu mas curva. Jeans full na moda, bermudas, saya di jeans como tambe un selecion impresionante di tops den diferente color y estilo ta parti di e coleccion aki. E tendencianan mas remarcable di moda internacional ta obtenible na Trash By Ronchi.

Colornan di tera, tononan di blau y berde, cora, preto y blanco, y tambe tononan di roos y binja ta algun di e colornan mas “hot” pa e temporada actual.

Pa locual ta trata piezanan di jeans mester remarca cu Trash By Ronchi ta presenta diferente jeans cada un cu diferente corte, tratado, y uso di materialnan especial. E boutique ta habri di 10′or di mainta te 7′or di anochi non stop.

Ta asina cu señora Ina Janga y sra Verna Vidal a cumpli respectivamente 45 y 30 aña den servicio di e tiendanan.

General Manager di De Witt & Van Dorp Stores sra Beaujon a bisa cu e ta hopi contento cu e trabao di e señoranan aki.

El a bisa cu mirando e decadanan durante cual nan a traha, e ta sigur cu nan lo por skirbi un buki hopi interesante di tur locual nan y e tiendanan a pasa aden atravez di e añanan durante cual nan a traha.

“Nos ta spera cu nan lo keda hopi aña mas cu nos”, segun sra Beaujon.

ORANJESTAD   (AAN):    Den cuadro di celebracion di fin di aña, como tambe nan di 25 aña di aniversario di Pelican Adventures, sirbiendo Aruba su turismo cu nan tan conoci catamarannan, actividadnan aquatico como tambe recoridonan rond di nos isla, team di maneho y empleadonan di companianan Pelican Adventures NV y Pelican Nest Bar & Seafood Grill, a uni, den un forma celebrativo, pa nan cena di fin di aña.

    Un anochi yena cu gozo, bebida y delicioso cuminda di The Pelican Nest Bar & Seafood Grill.
    Managing Director Sr Martin Molina a habri e anochi yamando bon bini na tur presente, y a comparti brevemente ariba e trabao duru, pero sigur cu exitoso lorgonan durante e ultimo 25 añanan. Na mes momento a gradici tur su empleadonan pa nan aporte y sostén na e compania, como tambe a reparti placanan di debido reconosimento pa e empleadonan di ambos compania, di acuerdo seniority. (señorio)
    Esnan cu a ricibi placa di reconosimento tabata: Sandra Simmons, trahando 19 aña cu Pelican Adventures, Verna Beaujon 18 aña, Robert Geerman 17 aña,  Robertson Thomas 17 aña, Romulo Nelly 15 aña, Pina-Davila Segundo 14 aña, Robert de Kort 14 aña, Jeanine Hoeverts 13 aña, Pina-Davila Carlos Augusto 12 aña, Aida Arends 12 aña y Roel Ignacio 11 aña.
    Den un atmosfera di union y harmonía, tambe masha hopi premio a worde rifa, di manera cu ningun invitado a bay cas sin un regalo. Asina ‘ki tambe Sr Molina, a sera e anochi cu un brindis di champagne, deseando un y tur felis dianan di fiesta, como tambe, lo mehor pa e aña benidero.

Shoco Awards Recognition:

Den mesun gozo y reconosimento, personal y maneho di ambos Pelican Adventures NV, como Pelican Nest cu hopi orguyo tambe a celebra nan ganador di SHOCO Premio Nacional di Turismo 2011, Pelican su propio y estimado, Robertson Thomas, cu tin 17 aña laborando cu Pelican Adventures NV, a gana e titulo “One Happy Island Ambassador.”

Un titulo bon merci cu ta cuadra den tur sentido di e palabra cu e personalidad y amabilidad di “Robby.” Un persona laborando den e area di turismo, cu a sa di añadi un sonrisa y sentimento di gozo na mayoria turista cu el a bin den contaco cun’e. E amabilidad di “Robby” ta un di e berdadero personalidadnan ehemplar y puntonan clabe, cu turistanan ta scohe pa bin Aruba sea pa prome biaha,

como tambe bolbe back nos isla atraves di e añanan. Algo cu nos hendenan a sa di pone Aruba destaca p’e, encompara cu hopi otro destinacionan turistico.

Representante di Vice Versa den un entrevista cu DIARIO a gradici Aruba Trading cu a ‘host’ e anochi cu Harmony.

Tambe el a gradici Eirine Croes di Magic FM kende tabata e MC durante e tremendo show di moda cu Vice Versa a presenta riba e anochi.

E establecimento ta un combinacion di un tienda di moda y un beauty salon.

Pues specialidad di Vice Versa ta beyeza y articulonan di moda cu ta inclui pues paña, zapato y varios otro accesorio.

Relaciona cu su aniversario di 10 aña,  Vice Versa tin un campaña actualmente unda cu e clientenan tin e oportunidad di gana un pasashi cu Tiara Air pa Curaçao, nan por gana un celular Android di Setar N.V, nan por gana basketnan di L’Oreal y Matrix, como tambe un full ‘make over’ di Vice Versa, cu ta bin cu un profesional foto shooting di Jason Margarita.

E clientenan di Vice Versa por gana tambe ticket pa e ‘Dinner Show’ di Occidental hotel, tres luna di Zumba duna pa ‘Zumbalicious’ di Mariline y varios basket ofreci pa Aruba Trading.

   Despues di hopi dia di ensayo e frutanan a resalta riba e stage di Cas di Cultura. E obra teatral dirigi door di politico y activista cultural John Leerdam a causa furor bou di e publico presente. Claus! ta un obra cu ta recorre e bida di Principe Claus na un manera excepcional.

   Door di experiencia e obra teatral aki bo ta realisa ken Principe Claus tabata en berdad. E casa di Beatrix cu a fayece na aña 2002 tabata tin un curason hopi grandi y un passion grandi pa yuda su prohimo. Den e obra teatral por mira tambe con e principe mester a ahusta su bida den hopi sentido door di ta casa cu su Altesa La Reina Beatrix.

   E show a worde introduci cu un baile estilo Africano cu entre otro bailado y actriz conoci Alydia Wever pa despues e publico por sigui gosa di Claus!.

  Monrick E. Croes master den Service Management  cual ta e persona encarga cu “The Art of Dining Award 2011” por ta sumamente orguyoso di e nivel cu e proyecto a obtene y cu alavez a conta cu participantenan riba nivel internacional.  “The Art of Dining Award 2011” ta e prome premio den su estilo, cu ta duna contenido real na loke ta keda denomina como ‘food critic’, ‘service critic’ y evaluacion di calidad general di un restaurant. Esaki ta haci e premio obtene door di LG Smith Steak and Chop House aun mas prestigioso.

  LG Smith Steak and Chop House a worde nomina den no menos cu 4 diferente categoria den “The Art of Dining Award 2011” cual ta; categoria di seleccion di biña, categoria di presentacion di cuminda, categoria di “dinning experience” y e categoria di Lampchop. E competencia tabata uno fuerte pero LG Smith Steak and Chop House a sa di conkista e titulo absoluto di ‘Best Dining Experience” y di tres finalista den e categoria di miho seleccion di biña.

Cu masha orguyo Chef  Sr. Micheal Gomez  y restaurant manager Señora Heidi Michiels a ricibi e premionan siman pasa y awe LG Smith Steak and Chop House por comparti e momento inolvidabel aki cu su staf y personal.

“LG Smith ta un restaurant excepcional den tur sentido; sea ta e fresh catch of the day, certified Angus Beef, U.S.D.A. inspected steaks of berdura fresco, un cos ta sigur cu cada receta tin su propio historia” esaki di acuerdo cu Chef  Sr. Micheal Gomez.

Riba fotonan adhunto por haya un impresion di staff y personal di LG Smith Steak and Chop House contento cu nan premio; muestra di calidad y prestigio!

   Esaki tabata un oportunidad excelente cu e modelonan no a laga pasa, pa demostra tur loke nan a siña durante ultimo lunanan.

E session di potret ta forma parti di e plannan di e organizacion pa 2011 cu e obhetivo di traha di manera integral y profesional na beneficio di su modelonan. Ambos dia di sesion fotografico a tuma luga na e facilidad bunita di B55 Restaurant na Balashi. E luga su decoracion rustico y area natural a crea un bunita fondo pa e potretnan.

   E modelonan, den su mayoria femenino, a saca potret den diferente vestuario, for di trahe di baño te na paña elegante pa e lens di fotografo conoci Jason Inesia y coordina pa modelo profesional y lider di e grupo, Mimi Williams. E muchanan a sa di demostra nan capacidad no solamente den creaccion di diferente look, pero tambe den pose y expresion.

  E potretnan ya caba ta visibel na e pagina di Mini Knock Out Models riba Facebook y ta hayando un cantidad grandi di reaccionnan positivo y constructivo. Un danki special ta bay na Sr. Hans, gerente di B55 Restaurant y su personal pa e cooperacion y servicio amabel duna na henter e ekipo.

  Recientemente tambe e modelonan a participa den un casting pa e marca L’Oreal kende su agencia distribuido na Aruba, esta Romar Trading, a scoge e caranan cu lo representa e liña di productonan infantil y hubenil den e mercado local. Lidernan di Mini Knock Out Models ta sinti nan hopi satisfecho di wak con e studiantenan ta avansando riba tereno di pasarela, pero tambe fotografia y etiketa.

   E siguiente proyec to di Mini Knock Out Models ta e show grandi moda cu lo tin pa marca nan di cinco aniversario. E produccion aki lo ta den luna di October. Ta invita un y tur pa keda pendiente ya cu pronto lo duna mas detaye rond di e actividad. Mientras tanto e muchanan ta sigui entrena fuertemente.

Un coleccion enorme di jeans, den diferente estilo y corte, cu un surtido impresionante di tops ta forma parti di e coleccion plus size di Trash By Ronchi. 

Colornan manera “bubble gum pink”, “geel canary”, “violet”, “corra”, y preto ta domina e fabuloso coleccion nobo.  Pa locual ta trata bistinan pa plus size Trash By Ronchi a ricibi un grupo fabuloso di bistinan “day to evening”.

     E bistinan aki tin uso doble mirando cu nan por worde usa pa actividadnan den dia y tambe pa eventonan anochi. 

Telanan liviano cu ta adequado pa nos clima combina cu cortenan contemporaneo pa duna realse na e curvanan femenino ta algun di e caracteristicanan mas atractivo di e coleccion plus size nobo obtenible na Trash By Ronchi.

    Fuera di moda espectacular mester menciona cu Trash By Ronchi a ricibi diferente items di moda y beyeza cu ta fungi como un regalo ideal pa Dia di Mama.  Set di perfume, perfume, holoshi, bril di solo, y cadeau bon por worde busca pa haci e Mama mas contento ainda ariba su dia especial. 

Trash By Ronchi ta situa na Sibeliusstraat # 8 y ta habri di 9′or di mainta pa 6′or di atardi.  Diasabra awor e boutique lo ta habri te 7′or pa asina esnan cu mester busca un regalo haci esaki ainda.

ORANJESTAD (AAN): E asina yama KOMA Models ta e agencia mas reconoci di Caribe y Latino America.  Un agencia cu ta dedica su mes na desaroya jovenan local y converti nan den modelonan profesional.

    Entrenamiento rigoroso di pasarela, foto pose, expresion, casting personality, y tambe un series di photo shoots cu fotografo Jason Margarita pa asina prepara nan pa nan lanzamiento.

   E grupo di modelonan nobo ta trece dilanti un variedad di “look” cu ta sumamente importante pa e agencia.  Modelonan masculino y femenino cu ta cay den categorianan di “teen model”, “commercial model”, y “fashion model”.  Durante e anochi aki prensa, invitadonan especial, publico general, lo sera conoci cu e modelonan nobo di KOMA Models y asina mira e aire fresco cu e agencia ta presenta den e arena di moda local.

   Un anochi esquisito di “wine & canapes” na Suikertuin (situa na Wilhelminastraat) lo duna inicio na e caranan nobo cu lo forma parti di e mundo di modelahe local.  Entrada ta obtenible na TRASH By Ronchi. 

   E studiantenan ta worde selecciona for di Middle School y High School, di acuerdo cu nan resultado, liderato, personalidad, y servicio tanto na comunidad como na school.

   E miembronan nobo ta LeeAnn Rassool, Oriella Mansur, Dylan Guest, Oriana Mansur, Jonah Juliao, y Maria Andrade.