ORANJESTAD(AAN)— Renaissance Marketplace, e lugar ideal pa ta cu henter bo famia hunto cu nos, lo celebra Dia di Betico en grande un biaha mas e aña aki.
P’esey mes di trempan un invitacion ta bay pa e henter pueblo di Aruba, pa marca dia 25 di januari den bo agenda, pa bo no lubida di bin Renaissance Marketplace, ya cu tin un actividad special cu lo tuma lugar den oranan di anochi.
ORANJESTAD(AAN)– Diamars, dia 25 di Januari, entre 10’or di mainta pa 2’or di merdia publico en general ta bon bini pa hasi un recorido na Museo Arqueologico Nacional Aruba y Museo Historico Aruba.
Salanan di exposicion lo ta habri gratis pa pueblo di Aruba riba e dia di fiesta nacional. Na Schoenerhaven, entre 9’or di mainta te cu 6’or di atardi interesadonan por disfruti di hungamento di boto miniatura, un actividad organisa pa Stichting Rancho cu meta pa conserva tradiccionnan tipico di e bario di Rancho.
ORANJESTAD (AAN) – Otro siman, dia 4 di Februari Koningin Wilhelmina Fonds ta conmemora su di 50 añanan di existencia, sirbiendo comunidad di Aruba riba tereno di cancer, tanto preveni como pa sostene hopi pacient y nan famia den e momentonan cu e malesa toca nan porta.
Manera ta conoci KWF ta un fundacion sin fines di lucro, cu ta dedica su mes na brinda ayudo na pacientnan di cancer, tanto e hendenan muher cu ta sufri di cancer na pecho como tur otro ciudadano, cu ta acudi na nan, pa causa di e malesa aki.
ORANJESTAD(AAN)– Manera ta conoci FARPA (Fundacion Arte Pro Arte) a lansa un campaña specialmente pa hobennan. Esaki ta trata di e proyecto ‘Stars On Stage: SOS.
E proyecto aki, cu ta worde patrocina dor di UNOCA, Cede Aruba.
Dia 29 di januari proximo:
ORANJESTAD (AAN):— For di October 2010 e dirigentenan di Scolnan Basico y Preparatorio Mon Plaisir a cuminsa cu un proyecto pa mehora nan educacion fisico. E proyecto ta basa ariba e plan di Minister Visser cu ta hiba e lema: “Plan Nacional Aruba 2009-2018 pa combati sobrepeso, obesita y tur loke cu ta relaciona cu salud”.
E rapport aki ta describi ampliamente con e situacion ta na e momentonan aki. E resultado ta hopi tristo, pasobra a keda constata cu entre e muchanan un promedio di mas di 37 porciento di mucha tin sobrepeso y bou di e adultonan esaki ta un promedio di 77 porciento di cual 44 porciento ta obesitas (un sobrepeso cu ta causa problema pa salud). Ademas a keda constata cu un promedio di 20% di gastonan di AZV ta bay pa cubri gastonan relaciona cu e maleza “Diabetis”.
Weekend a start!
ORANJESTAD (AAN): Servicio di Aduana ta cla cu nan preparacion pa celebra “Dia Internacional di Douane 2011” cu sa worde celebra tur aña dia 26 di januari. E fecha aki ta worde conmemora door di e Departamentonan di Douane rond Mundo, debi cu riba 26 di januari na aña 1953 e miembronan di e Customs Corporation Council (CCC) cu ta conoci awor como “World Customs Organization” (WCO) a reuni oficialmente pa di prome biaha na Brussel.
Pa conmemora y festeha e dia Internacional menciona, Servicio di douane a organiza diferente aktividad riba e dianan 22, 23, 24 y 26 di januari proximo.
Sirbiendo un menu netamente Arubiano
ORANJESTAD (AAN): E lugar conoci como Cilo City Lounge situa na Renaissance Marketplace ta den pleno celebracion pa dia 25 di Januari na honor di e fecha natal di Aruba su gran politico mihor conoci como “Libertador” Gilberto François “Betico” Croes. Como costumber e pueblo di Aruba ta celebra e dia di fiesta nacional aki den grandi; entre otro cu bailenan folklorico, Musica y cumindanan tipico Arubiano, hungando weganan y etc.
Na CILO tambe tin un menu special, un menu tipico Arubiano cual ta consisti di: Soppi di Carni Arubiano, Wahoo Tataki, henter un Piska Cora “Red Snapper” den su sauce criollo acompanja cu Pan Bati, e famoso Keshi Yena di Galinja y Quesillo. CILO su menu ta consisti di varios opcionan sabroso y exkisito pa saborya, wak pa bo no perde e opportunidad sabroso aki.
ORANJETSAD (AAN): Diabierna 28 di Januari VitalChoices International N.V. lo ripiti e charla gratis tocante salud na Club Don Bosco na Noord di 7:30-9:00pm den e sala grandi. Nos disculpa na tur esnan cu a bin diamars ultimo y cu no por a drenta pa falta di cupo.
Esnan cu si a haya chens pa scucha e charla a haya informacion balioso con nan por traha na un miho salud den e aña nobo cu a caba di cuminsa. Bin scucha con un bon Detox por yuda bo pa cuminsa traha na e bon salud ei. Bunitesa ta cuminsa di paden, vital pa esaki ta un Limpiesa Interno Regular.
ORANJESTAD (AAN): The Casino na Radisson ta organizando un evento di “Super Saturday” e fin di siman aki ora e lo revela su atraccion special, esta un Suzuki SX4 completamente nobo.
Tur bishitante na e Casino na Radisson riba diasabra anochi lo ricibi un carchi di rifa, dunando nan e oportunidad tambe pa gana! Ruben Garcia, Melvin Garcia y e ekipo di Riba Bou, acompaña pa Miss Aruba y Miss Carnival, lo yuda e Casino na Radisson revela e auto. Asina ta, no perde e ambiente, cuminsando pa 7 pm cu cocktails, pasapalonan y entretenimento en bibo.
ORANJETSAD (AAN): Otro siman dia 10 di december 2010 coro di hende homber, God’s Sons, bou di direccion di Gregory Goedgedrag y Demis Thielman lo presenta nan concierto di Pasco den Teresita Center.
E concierto aki ta organiza pa yuda trece e pueblo di Aruba den su totalidad den e dushi ambiente di Pasco. Teresita Center a conoce un face lift danki na Filomena College y awor God’s Sons ta organiza nan prome concierto oficial di Pasco pa publico. E anochi aki lo presenta algun artista mas como sorpresa pa e publico.
ORANJESTAD (AAN): Universidad di Aruba ta bay tin un expo hopi interesante cu un klas cu a organiza.
Docente Earney Lasten ta duna di conoce cu Aruba ta depende hopi di Solo Lama y Beach cu ta atraccionnan cu e turistanan ta bin nos isla. Tin momento nos ta lubida hasta riba nos localnan di kico mas tin pa nan cu nan tambe por disfruta di nan propio pais. E studiantenan di Universidad di Aruba busca otro posibilidadnan unda cu nos por hinca nos marketing Dollar pa promove Aruba internacional y pa aki na Aruba mes tambe.
ORANJESTAD (AAN) — Diadomingo awor ta e dia grandi, esta Dia 14 di November, Dia Mundial di Diabetes y Fundacion Diabetico Arubano ta tene su canamento anual, riba e fecha aki, y e biaha aki na Oranjestad.
Den entrevista cu presidente di e fundacion sr. William Philips, el a duna nos redaccion e siguiente informacion:
Cu amor pa prohimo
ORANJESTAD (CUA) – Diadomingo dia 24 di October a tuma lugar e gran actividad anual titula “Ban Topa cu Opa” di Organizacion Parkinson Aruba (OPA) pa 10’or di mainta na Manchebo Beach Hotel. E aña aki e fundacion a celebra 15 aña di existencia.
A hiba palabra presidente, señora Rita Lopez Henriquez. El a duna palabra di bon bini na tur presente, entre nan señor Frank Velasquez, fisioterapista di OPA.
Jeffrey Matos a splica:
Generacion nobo di 60 plus hopi interesa den e parti tecnologico!
ORANJESTAD (AAN): DIARIO a tene un entrevista cu Jeffrey Matos, Coordinador di Centro Kibrahacha relaciona cu nan proximo actividad pa recauda fondo.
El a bisa cu Diadomingo awor Centro Kibrahacha tin un fund racing grandi. Nan ta organice tur aña pero e biaha aki nan ta hacie mas grandi esaki den cuadro di 25 aña di nan fundacion.
ORANJETSAD (AAN): YouthConnection y YouthFever dos organizacion di hubentud pa prome biaha ta uni pa trece un tremendo proyecto nobo y diferente.
Un idea cu a cuminsa for di basta luna caba pa trece algo diferente pa e hubentud du Aruba. Awendia internet ta worde hopi uza pa diferente cos door di nos hoben/mucha nan.
