Archivo di e Categoria ‘General’
Mientras cu ex–minister di MEP tabata tin boca yen cu palabranan manera traidor y entreguista durante reunionnan den parlamento…
ORANJESTAD (AAN): Reunionnan den Parlamento di e ultimo dianan a mustra un parlamentario Eddie Briesen constantemente ta yamando un cantidad di hende di partidonan contrario na di dje, pa “traidor” y “entreguista”. Aunke cu henter e fraccion di MEP tabata mustra satisfecho di por a grita e palabranan aki den voz halto, tabata Sr. Eddie Briesen cu a resalta cu su cinisismo usando e palabranan menos agradabel y decente pa insulta un cantidad di hende cu e no ta di acuerdo cune.
Ocho aña como Prome Minister di pais Aruba
ORANJESTAD (AAN): Dos mandato sigui lider di MEP, Nel Oduber a haya for di pueblo di Aruba pa goberna e pais, te ora cu mesun pueblo a dicidi di kita e mandato aki for di Nel, pa motibo cu e no a cumpli cu e pueblo Arubano. For di 2005 ta den discusion y deliberacion e cambionan di Statuut relaciona cu cambionan estatal cu tin cu tuma lugar den Reino Hulandes, pues Gobierno di Nel Oduber, tabatin cuatro aña pa delibera, discuti y atende cu Gobierno Hulandes riba e leynan aki.
Despues cu a insisti y grita pa pospone reunionnan den parlamento henter mainta
ORANJESTAD (AAN): For di 10’or di mainta, fraccion di MEP, bou liderazgo di parlamentario di MEP, Booshi Wever, a insisti fervientemente pa pospone e reunionan den Parlamento di Aruba.
Cada pasa 10 minuut e tabata pidi y grita cu e kier pa pospone e reunionnan. Esaki, segun Sr. Wever, pa motibo cu e lo kier lesa cierto “stukken” pa e por haya un mihor idea kico ta tratando den Parlamento di Aruba. Tur esaki a pasa ariba e di dos dia cu parlamentarionan di Aruba ta tratando e Statuut nobo di Reino Hulandes.
Manera ta birando custumber:
ORANJESTAD (AAN): Aruba ta por ta masha bergonza un biaha mas di e manera con partido MEP ta instigando su hendenan pa asina por crea pandemonio durante di reunionnan publico den Parlamento di Aruba. Segun informenan cu nos a ricibi y tambe basa ariba testimonio ocular, varios di e sostenedornan di e partido tabata aparentemente (pa falta di un mihor palabra) intoxica. Parce cu sr. Nel Oduber ta decidido pa cueste loke cueste causa disturbionan pa e por hustifica su liderazgo den partido MEP. Parce cu partido MEP ainda ta den gara di e persona aki cu ta kere cu e mihor manera pa ciudadanonan Arubiano anda cu otro ta bringando y den desacuerdo constante.
Pero tog tabata satisfecho
ORANJESTAD (AAN): Presidente di Parlamento drs. Paul Croes a bisa cu e reunion turbulento den Parlamento riba cambionan di Statuut tabata uno bon concuri. “Esaki ta cas di pueblo. E caminda unda bo representantenan ta sinta. Na momento cu ta trata topiconan di interes halto bo ta haya cu un publico grandi ta asisti”, asina Presidente di Parlamento a comenta. Croes a haya cu pa gran parti e reunion a bay bon y aunke cu naturalmente e emocionnan tabata halto, su tarea como Presidente di Parlamento ta pa mantene ordo durante un reunion asina. E ordo cu mester worde mantene no ta solamente pa coleganan, pero tambe pa henter e sala.
Esaki ta yama “Tira piedra, sconde man” un acto di cobardia
ORANJESTAD (AAN): Un dia prome Aruba a pasa den un berguensa irremplazable ora cu e potret di e casa di ex Prome Minister Glenda Oduber-Croes a skeiro mundo rond na unda por a mira claramente con e tabata grita, tabata habri brasa y haci masha mahos mes den tribuna di Parlamento. Su vocabulario tabata masha bou nivel y manera un disco raya e palabranan histerico di un alma malo tabata drenta e hogar di hendenan drechi.
Parce cu Booshi Wever y Evelyn Wever-Croes no conoce un version di historia di Aruba sin palabranan insolente
ORANJESTAD (AAN):Varios biaha por tende integrantenan di Movimiento Electoral di Pueblo ta papia di historia di Aruba y for di esaki nan ta hustifica insultonan manera (entre otro) “traidor” y “entreguista”. For di tempo cu Nel Oduber a tuma liderazgo di e movimiento, a cuminsa un aparente insistencia pa inclui palabranan manera “traidor” y “enteguista” den historia di Aruba.
Ayera Sr. Booshi Wever y Señora Evelyn Wever-Croes a tuma oranan largo den Parlamento di Aruba pa insulta un y tur cu tin un opinion diferente cu nan.
ORANJESTAD.(AAN);– Keto bay sa drenta informe na polis cu na haltura di hotelnan high rise turistanan ta wordo molestia. Tin segun version entre otro cu bendedornan di droga ta circula y ta ofrece e bishitantenan substancia pa cumpra. Cada vez tambe ta asina cu ora polis actua apesar cu e sospechosonan ta conoci pa husticia nan ta scapa na wowo di hangua.
Ora cu listra nan no ta haya nada di droga of substancia den nan poder.
Diaranzon pa alrededor di dos’ or y 42 minuut , central di polis a dirigi patruya Noord na haltura di “Sr. Frogs” riba J.E. Irausquin pa un homber cu ta molestia turistanan.
Entrante 1 di januari 2011
ORANJESTAD (AAN): Entrante 1 di Januari 2011 stranheronan cu ta desea di haci un peticion pa naturalisacion na Aruba, lo mester pasa examen tanto na papiamento como na hulandes.
Pa por entrega un peticion pa obtene e nacionalidad hulandes pa medio di naturalizacion, candidatonan mester pasa un examen di naturalizacion prome. Na Aruba e instancia encarga cu e examen ta Examenbureau. Den e situacion actual ta permiti e candidato pa scoge si e ta pasa e examen na papiamento of na hulandes.
El a bolbe despues di un descanso bon mereci… pero,
ORANJESTAD(AAN):Hopi hende por a corda con prome y durante campaña electoral 2009 tabata parce cu “stress” tabata tin e ex–prome minister, Nel Oduber, hopi influencia. Expresionnan cu el a haci e tempo ey tabata legendario y na e mesun tempo chistoso. Pero pa un prome minister e no tabata pas. Aki por corda con el a referi na cuerpo policial pa un grupo di padvinder of c u ta hungador di domino bou palo. Pesey mes, hopi siguidor politico, a pensa c u ta na su lugar pa e politico di 30 y pico aña den politica, manera cu e mes ta referi na su mes, merece un bon descanso.
ORANJESTAD.(AAN):Por poco situacion a sali for di man ora cu un homber no tabata di acuerdo cu a kita un suma di placa for di su credit card. Tabata diamars atardi alrededor di 4’or cu patruya di Noord a wordo dirigi na un carrental situa na Bubali pa intermediacion. E patruya cu ta na caminda a ricibi mensahe di central pa e bay cu rapidez na e carrental ya cu un turista a bay laira cu gerente di e compania.
Den un fraccion patruya a presenta y pa cuminsa polis a papia cu e homber di inicialnan B.G. di 29 aña naci na Albaña.
Clarisca Velasquez na Evelin Wever-Croes:
ORANJESTAD (AAN): Mi a tuma nota den medionan di comunicacion cu e politico Evelin Wever-Croes ta practicando politica barata y bou nivel manera
ela bin ta haciendo cu e tema di cambio di statuut bisando cu un voto na fabor di e cambio di statuut ta traicion di nos pueblo. Traicion di nos pueblo na unda? No bin tira cos pa hunga cu sentimento di pueblo!!! bin cu argumento pa bisa di con e ta traicion di nos pueblo?
Prome Minister:
ORANJESTAD (AAN): Riba e aceptacion di tratado pa cu articulo 27 lid 3, Prome Minister Mike Eman a duna di conoce cu nada no ta cambia di e relacion di Aruba pa cu Hulanda. E cambio di statuut ta pa Corsow haya status aparte manera Aruba tin, pa Sint Maarten haye y pa e otro islanan bira parti di e comunidad hulandes. Aruba ta keda cu su status autonomo den Reino Hulandes cu e mesun derechonan cu nos tabata tin semper.
Premier Eman a subraya: esey tin di haber cu cambio den leynan civil
ORANJESTAD (AAN): Durante un entrevista cu Prome Minister Mike Eman a mustre cu e cambio di e articulo 27 y aceptacion di tratadonan internacional, ta ser interpreta door di oposicion cu lo acepta matrimonio tambe di mesun sexo na Aruba. A pidi e prome mandatario pa aclarea e asunto aki mesora. El a splica cu nada di esey ta parti di e cambio di statuut. A bisa hopi cla durante di e Conferencia di Mesa Rondo y di e reunionnan cu tabata tin na Hulanda, cu e cambionan cu tabata tin den e leynan civico di Hulanda ta basa riba cambionan di loke ta ser yama “maatschappelijke opvatting” cu a cambia na Hulanda. Esaki na Aruba no a cambia, a subraya.
Segun piscador Rudolf Lacle: e ta cumpliendo cu ley!
ORANJESTAD (AAN): Rudolf Lacle pa mas cu un decada ta piscando cu canaster. Ultimamente e ta hayando masha problema pa por logra haya pan pa su yiunan riba mesa. E siman aki un biaha mas e tabata den diferencia di opinion cu un grupo di hende. Constantemente e ta worde molestia pa asunto di canaster. E ta cumpliendo cu tur leynan existente. Pesey mes e no por saca afor kico ta e problema cu guarda costa ta persigui e solamente cada biaha. Den entrevista cu DIARIO el a duna di conoce cu un par di luna el a haya algun problema ya cu nan a haye cu canaster piscando pafor di awanan teritorial. E tempo ey a prohibie pa pisca cu canaster pafo den awanan profundo.
Mientras cu ex–minister di MEP tabata tin boca yen cu palabranan manera traidor y entreguista durante reunionnan den parlamento…
