Archivo di e Categoria ‘General’
Zulaika Peña a splica:
ORANJESTAD (AAN) – Matutino DIARIO a entrevista e trahador di e compania SATA, cu ta funciona den Aeropuerto Reina Beatrix, sra. Zulaika Peña, di departamento di Costumer Services, cu ta atende cu maletanan perdi. El a refleha e sentimento di otro trahadornan cu no ta contento pasobra nan bonus no a wordo paga, y manera ta conoci nan Contrato Colectivo a pega, y e bonus ta algo cu ta hancra den e CAO y e dunador di trabao mester cumpli cune. Zulaika Peña a subraya cu si e doño di trabao ta manda su trahadornan un carta bisando cu den tal fecha nan ta wordo paga, pero no ta cumpli cu esey, e no por tin confianza den e compania.
ORANJESTAD.(AAN): Relaciona cu a bin descubri un artefacto sospechoso den baño di Colegio Arubano den oranan di anochi, director a pidi presencia di polis. Segun e version director di dicho colegio debi e manera a describi e artefacto a wordo diseña a lanta sospechoso cu aki lo por trata di un explosivo (bom).
Polis a involvi mesora e bom unit y otro autoridadnan concerni. E patruya di polis cu a presenta na Colego Arubano, e director di Avond Havo cu ta e homber di inicialnan R.M. y el a declara e lo sigiente. Segun e director, dos studiante a presenta na su oficina debi cu nan a wak un artefacto raro cu ta parce un bom den baño localidad 59-62 na suela.
ORANJESTAD (AAN) – Manera ta conoci trahadornan di e compania SATA NV, cu ta duna servicio den Aeropuerto Reina Beatrix, a tene un accion di protesta, debi cu nan salario di luna pasa no a wordo paga ainda.
Mediador Anselmo Pontilius a interveni den e situacion y e tin comprension cu bao e circumstancianan aki ta dificil pa convence e trahadornan pa reanuda nan labor, ya cu si nan no ta cobra nan no ta dispuesto pa traha.
Mediador Anselmo Pontilius:
ORANJESTAD (AAN) – Mediador Anselmo Pontilius a interveni den e situacion entre SATA NV y su trahadornan, cu ainda no a cobra nan salario y a drenta den accion. Anselmo Pontilius a reuni cu algun Minister riba e asunto aki, y tocante e resultado di esaki el a duna su declaracion pa prensa. Señor Pontilius a splica cu locual el a haci ta trata di haya sikiera un parti di e salario di e trahadornan, pasobra logicamente tur hende kier cobra fin di luna, y e ultimo biaha cu e trahadornan aki a cobra tabata na December. Mas di 130 trahador ta wordo afecta cu e situacion aki. Mediador Anselmo Pontilius a mustra su speranza cu alomenos un parti di e salario e trahadornan lo por a cobra cash despues di merdia, y wak si entre diasabra cu dialuna nan salario completo por ta den man.
Bill Klesse
Fin di e 1e cuartal lo tuma decision difinitivo
E resultado di e ultimo cuartal di 2011 di Valero a bira conoci, na unda cu a repasa e periodo aki cu tabatin retonan sinembargo a logra ganashi, debi di ganashi mas abao den su plantanan den Gulfo. E resultado di e ultimo cuartal di 2011 ta mustra e velocidad, e volatilidad di e industria di petroleo, Bill Klesse a duna di conoce durante e presentacion di e compania na prensa. Klesse a menasa e refineria na Memphis si e trahadornan dicidi di strike, mientras cu e sindicato ta representa mas di 30 mil trahador di refineria na Merca, pero a core agrega cu e ta positivo di logra un acuerdo cu e sindicato.
RESULTADO
Segun cifranan di e di 4 of ultimo cuartal di 2011, entrada netto di $45 miyon akeda registra of 8 cent pa share, compara cu un perdida di $438 miyon of 77 cent e aña anterior. Valero a logra un perdida chikito di 2 cent pa cada share compara cu e average cu 13 rapport analista.e entrada total di Valero a resulta di ta $34.7 biyon di $22.2 biyon di e aña prome.
ORANJESTAD(AAN):Aunke no por papia di un paz laboral, por lo menos e emocionnan ta menos bou di e empleadonan di SATA. Enbes cu nan sindicato a logra yega na solucion, ta e propio Mediador di Gobierno mester a intermedia pa logra un suma di 300 florin como “voorschot” pa cada trahado. E intencion ta pa reuni cu henter e personal dialuna mainta 10or na oficina di SEPPA den cual lo duna mas informacion riba con lo paga e resto di salario. Cu e adelanto aki awo den forma “cash” den un envelop, e trahadonan a priminti di reanuda trabou. Aunke cu a bisa di lo no bisti uniform si mientras cu e conflicto no ta completamente regla.
Minister Presidente ta splica cu:
Esfuerzonan grandi ta worde haci na Aruba!
ORANJESTAD (AAN) – DIARIO a acerca Prome Minister mr. Mike Eman pa puntre tocante e ultimo desaroyonan di e refineria Valero, cu manera ta conoci ta pasando den momentonan dificil, mescos cu tur otro refineria na mundo. Na Aruba, tanto gobierno como Parlamento, sin distincion di fraccion ta mustra nan preocupacion cu tin, tocante nos refineria. E dignatario a expresa: “ Nos ta poniendo un atencion nacional riba e tema aki, pasobra for di December, nos a haya comunicacion di Valero cu a bira hopi urgente pa e refineria haya un partner cu ta dispone di crudo.
Ora di papia tocante di sostenebilidad ainda tin hopi ehecutivo cu ta pensa cu esaki tin di haber cu solamente nos medio-ambiente of cu factornan social. Y si acaso nos pensa mes riba cambio climatologico of cambio demografico, tin cu ta pensa cu esey ta algo pa aki 20 aña y cu no ta relevante p’awe of p’nan. Obviamente e crisis financiero y e ‘clima economico’ no ta yuda tampoco ora di papia di sostenebilidad y desaroyo duradero. Pa hopi compania y empresario chikito, ‘sobrevivencia’ ta mas importante cu ‘sostenebilidad’, y cu tur razon. Investigacion ta mustra cu menos cu 10% di empresa akinan na Aruba ta enfoca explicitamente riba desaroyo sostenibel, unda ta tuma na cuenta, di forma strategico, integral y formalisa, nan crecemento financiero, impacto medio-ambiental, y nan responsabilidad social.
Minister dr. Richard Visser na ocasion di celebracion di 25 aña di existencia
ORANJESTAD (AAN)* Recientemente PAAZ a celebra 25 aña di existencia. Su raisnan ta bon hancra den nos comunidad, aunke cu pa hopi tempo no a dun’e e atencion debido p’e sigui desaroya manera e cuido medico en general. Cu e celebracion di 25 aña aki, esaki tin nificacion enorme pa nos isla y Minister dr. Richard Visser ta sigur cu awo t’e momento apropia pa sigui traha riba desaroyo y innovacion di nos cuido mental, cu ta di sumo importancia tambe pa nos comunidad.
ORANJESTAD.(AAN): Awor ta un bon oportinidad pa autoridad atende esnan envolvi den e bululu na altura di EPB.Hato. Pero lo ta bon tambe den futuro probecha fuera di e delito cu lo a wordo comete y kico esnan deteni ta haci pa bida. Nan a bay school, nan ta traha, nan no por haya trabao of ta bao di palo nan ta sinta den dia, anochi y te laat di marduga. Mayornan lo no tin grip mas riba esun of esnan deteni. Tin facilidad y oportunidad pa bay entre otro Enseñansa pa Empleo tin diferente curso cu nan por particupa nan dje. No ta traha, pero si ta core auto some where placa ta drenta con dios sa pa cumpra gasolin pa trip.
Roland Peterson di SNBA
E presidente di San Nicolas Business Assosiation, SNBA , sr. Roland Peterson ta urgi gobierno pa bin cu alternativanan relaciona cu e situacion di e refineria Valero. “Ya caba e Caya Grandi di San Nicolas ta parce un ghost town y ainda Valero no a sera mes”, asina sr.Peterson a duna di conoce den un entrevista via di telefon cu Profil Economico.
Pueblo ta sclama pa laga nan keda encarcela te despues di Carnaval…
ORANJESTAD (AAN): Diahuebs tabata un merdia keto na e school Educacion Profesional Basico (EPB) ora cu e paz a kibra cu tiro y gritonan di hoben den confrontacion di dos gang parti pafo.
Esaki ta e grupo di Seroe Patrishi y Dakota den cura pafor di e school na Hato. Tabata algun minuut pasa despues di 12 or di merdia ora un hoben biba na Dakota tabata tras di stuur a haya susto di su bida ora a tira baranca riba su windshield.
Minister Presidente ta splica:
ORANJESTAD (AAN) – Na e momentonan aki gobierno ta finalizando un M.O.U, unda ta wordo separa un poco, e proyecto di LNG for di cualkier stadium di operacion di Refineria Valero.
Asina Minister Presidente mr. Mike Eman a declara den un entrevista cu DIARIO, y el a agrega cu den e M.O.U ta pone hopi acento riba un contrato unda por cumpra hopi of menos gas, pa asina aki e proyecto por continua.
Abogado mr. Jose Figaroa:
ORANJESTAD (AAN) – Matutino DIARIO a acerca Abogado mr. Jose Figaroa, ken ta representa den Corte un grupo di empleado di Marriott Casino, cu algun siman pasa a hiba e gerencia dilanti, debi na cambionan cu nan a impone riba nan pit managernan. E cambio constante e hefenan halto ta causa cu cada bez nan kier bin cu cambionan cu ta afecta e trahadornan.
E Caso mes a tuma lugar dos siman pasa y diaranzon Huez a tuma decision y a ordena Marriott pa e cambionan ey no worde ehecuta.
Esaki ta nifica cu nan no por implementa e shift nobo cu lo haci e pit managernan traha te cu 7’ or di mainta, y a pone un lumpsum di 2500 Florin pa dia pa un maximo di 100 mil Florin pa cada dia cu nan no cumpli cu e prohibicion di laga e empleadonan traha te cu 7’ or di mainta.
ORANJESTAD(AAN): E homber riba e foto aki a yega Aruba procedente di Curacao. E homber ta di nacionalidad Dominicano.
El a ser gara cu marihuana den su ekipahe. mesora el a keda deteni pa personal di douane.
Despues di e proceso legal a entrega e sospechoso na polis cu a sigui cu e investigacion.
