Archivo di e Categoria ‘Judicial’
ORANJESTAD (AAN): Diahuebs na corte di husticia ta abogadonan E.D. y P.M.E.M conhuntamente cu E.F.M, L.E.M y M.V.C mester presenta dilanti di huez. Nan a worde acusa di pa baha e derechonan di acreedornan di L.E.M., na un manera fraudulento, a (entre otro) saca un of mas articulo di e ‘boedel’, ya cu durante e bancarota a keda sin informa y/of responsabiliza un serie di hechonan cerca e curator y di e manera aki a tene e cosnan y/of goederen y/of sumanan aki pafor di maneho di e curator, door di cual e derechonan di e acreedornan di e bancarota a worde limita.
ORANJESTAD (AAN): Diaranzon huez a duna su veredicto den un caso cu directora di Departamento di Cultura Ruby Eckmeyer a entama contra Gobierno di Aruba. Señora Eckmeyer a entama e caso, door cu Minister di Economia y Cultura Michelle Hooyboer Winklaar a apunta Jan van der Straten como director ad interim pa algun tempo, door cu tabata tin diferente problema entre e directora y empleadonan di e departamento.Durante tratamento di e caso riba 2 di Maart, abogado Kuster kende a representa Gobierno a trece dilanti cu no ta asina cu sra Eckmeyer a worde manda cas of cu el a worde suspendi.
ORANJESTAD (AAN): Recientemente durante un entrevista, a mustra Fiscal Mayor Peter Blanken riba e hecho cu hopi hende den comunidad ta rabia ora cu un ladron cu a causa destruccion y a horta articulonan for di cas di hende, despues di un tempo relativamente cortico ta Sali back for di prison y ta sigui comete crimen. Segun Blanken, ta asina cu unda cu un kiebro tuma lugar un denuncia ta worde entrega na polis y si por e asina yama servicio tecnico (technische dienst) ta haci un investigacion y asina ta wak si por haya evidencia pa acusa un hende pa e hecho criminal.
ORANJESTAD (AAN): Diabierna na corte di husticia diferente sospechoso tin cu presenta pa casonan penal contra nan. Sinembargo e biaha aki tur e casonan ta proforma. Esey ta nifica cu nan lo no worde trata. E sospechosonan pa ley tin cu presenta si dilanti di huez si. Prome caso proforma ta un caso den cual J.A.L. ta worde acusa di ladronicia den un cas di propiedadnan di un persona riba 5 di November 2009. Despues J.A.S, R.A.R y R.V.W tin cu presenta dilanti di mesa berde.
Segun abogado Kuster, te cu tin trahadornan bao di tratamento psiquiatrico
ORANJESTAD(AAN): Diamars na corte a tuma lugar un caso sumario cu directora di Departamento di Cultura Ruby Eckmeyer a entama contra Gobierno di Aruba. Señora Eckmeyer a entama e caso, door cu Minister di Economia y Cultura Michelle Hooyboer Winklaar a apunta Jan van der Straten como director ad interim pa algun tempo, door cu tabata tin diferente problema entre e directora y empleadonan di e departamento.
Segun Fiscal Mayor,
pero e ta caro
ORANJESTAD(AAN): Diamars durante un entrevista a puntra Fiscal Mayor Peter Blanken tocante e problema di choller na Aruba y e ultimo desaroyonan pa cu esaki. Segun Blanken, si e wak e situacion na Hulanda pa loke ta e adictonan cu ta comete hopi crimen pa satisface na adiccion, na Hulanda ta existi medidanan contra esaki. E medidanan sinembargo ta medidanan hopi caro.
ORANJESTAD(AAN): Recientemente na corte a tuma lugar un caso den cual Carlos M.A a wordo acusa di intencionalmente cap un persona na su braza cu machete riba 20 di October 2009. Huez a repasa rapport di e caso, den cual tin para entre otro e denuncia di e victima. E victima a splica cu e tin 2 yiu cu su ex pareha kende ta bibando cu Carlos A. y na dado momento el a topa cu un di su yiunan cu tabata yorando y e yiu a bise cu Carlos a bise cu e no ta sirbi. Na dado momento el a bay YMCA na San Nicolas riba scooter pa busca su otro y segun e victima el a wak Carlos Sali for di auto y bin den su direccion cu machete den man.
ORANJESTAD(AAN): Diabierna na corte a huez a duna su veredicto den un caso contra Jason Mathilda., kende a wordo acusa di a kita bida di Gilbert Regales door di hinke cu cuchio.
Algun siman pasa e caso a wordo trata y fiscal a exigi 8 aña incondicional contra e acusado, kende durante un pelea dilanti di Bam Bam Café aña pasa, a hinca Regales na su garganta.
Huez a bisa cu e ta rechaza defensa di parti di abogado di J.M, cu J.M lo no tabata tin intencion di tuma bida di e victima.
*Huez a haya cu declaracion di e mucha so, no tabata suficiente
ORANJESTAD(AAN): Loreto W. a presenta dilanti di huez Diahuebs, pa scucha veredicto di huez den un caso contra dje. Loreto W. a wordo acusa di a comete abuso sexual riba un mucha.
Huez a cuminza na bisa cu e no ta haya suficientemente comproba cu L.W a comete abuso sexual riba e mucha. El a splica cu a acusacion ta bisa cu e homber lo a haci diferente cos cu e mucha incluyendo mishi cune na cierto partinan di su curpa y hinca lenga den su orea, pero segun huez, no tin para cu e homber lo a hasi tur e actonan aki na mesun momento.
ORANJESTAD(AAN): Diahuebs na corte a duna su veredicto den un caso contra Brian K., kende a wordo acusa di a maltrata un persona severamente usando e cabo di un piek. Fiscal durante tratamento di e caso algun siman pasa a exigi un castigo di 3 aña. Huez cuminza na bisa cu e ta haya e acusacion legalmente y convincentemente comproba. Segun huez, e ta rechaza ponencia di defensa di e acusado, cu e lo a actua na defensa propio. Huez a indica cu no tabata necesario pa Brian K. dal e victima na su cabez.
*fiscal a indica cu O.M ta bay hasi un investigacion riba e negoshinan aki
ORANJESTAD(AAN): Diabierna na corte a tuma lugar un caso den cual Challier A.B a wordo acusa di ladronicia di joyas, perfume y otro articulonan for di un cas na Boroncana riba 7 di Augustus 2009. El a wordo acusa tambe di ladronicia di joyas, laptop y play station for di un cas na Tankileendert riba dia 10 di Augustus 2009. Ademas di esaki el a wordo acusa di intento di ladronicia for di un cas na Kudawecha riba 10 di Augustus. Huez a repasa e diferente rapportnan di e casonan.
ORANJESTAD(AAN): Diahuebs na corte a tuma lugar un caso den cual Germain B.I.D, Germaine J.W y Garteyth G.W a worde acusa di menaza un of mas hende cu un crimen contra nan bida riba 15 di November 2008.Esaki door di bisa “awor boso ta bay wak kico ta bay pasa” y “boso tur ta bay haya bala”. Banda di esaki D. a worde acusa di posesion di un cantidad di marihuana riba mesun dia. E menazanan a bin entre otro ora cu polis a kita brommer for di un di e acusadonan y nan a worde deteni.
ORANJESTAD (AAN): Diahuebs na corte a tuma lugar un caso den cual Rachyt J.A.L a worde acusa di conhuntamente cu un otro of otronan, ladronicia di motorcycle di un persona y/of di Polis y/of di Pais Aruba riba 10 di Juni 2006. Tambe e ta worde acusa di ladronicia den un auto di propiedadnan di un persona y/of di ladronicia den un otro auto di propiedad di otro persona riba 8 di Juli 2007. L. a worde acusa ademas di tabatin un patronchi den su pertenencia riba 6 di Februari 2008, sin cu e tabatin permiso pa esaki.
Ivantje a pidi 60 mil y lo haya 29 mil…
ORANJESTAD (AAN): Ivan Kelie conocido locutor cu a traha station manager pa algun aña na Magic FM a bay corte despues di a haya retiro inmediato for di e stacion cu e tabata maneha. E tempo ey DIARIO mes a trece publicacion riba esaki. Despues di e retiro Ivan Kelie a busca su derecho den corte. Ivan Kelie na dado momento a haya su mes den un ambiente di desconfianza despues di tabata preparando hende pa otro radio cu ta preparando pa habri den e curazon di Sta Cruz.
ORANJESTAD(AAN): Diabierna na corte a tuma lugar un caso den cual Brian T.K kende tabata traha na Kustwacht a wordo acusa di maltrato severo usando e palo di un piek. Den su acusacion tin para cu el a maltrata e persona cu intencion di tuma su bida. Ta asina cu riba 25 di Juli pafo di e establecimento Samba Caramba tabata tin un discusion entre Brian K y su casa, unda cu entre otro B. lo a ranca su casa y su tas a cay riba vloer. Un persona cu tabata eybanda a mira esaki y kier a bay intermedia den e problema.
