Archivo di e Categoria ‘Judicial’

Desaroyadornan di Hard Rock Hotel lo start bodemprocedure contra Gobierno

Publication: Friday, 19 December 2014. Categoria: Judicial

ORANJESTAD (AAN): E veredicto den Corte, a pone gerencia di e compania cu kier a bin cu Hard Rock Hotel, haci un estudio, y awor a tuma decision.

   Pues e siman aki, Southwest Hotel Development & Management N.V.   informa cu despues di a tuma nota di y a evalua e veredicto di Corte den Promer Instancia di Aruba, den e casonan sumario contra Land Aruba, e decisión a worde tuma cu lo apela e veredicto.

Hopi hende incluyendo fiscal cu awa na wowo den corte

Publication: Saturday, 13 December 2014. Categoria: Judicial

durante tratamento di caso di morto di turista dilanti di Gusto

ORANJESTAD(AAN): Diabierna na corte di husticia a tuma lugar tratamento di e caso unda cu un turista Mericano a perde su bida, ratonan despues cu un bouncer di e establecimento nocturno Gusto, a dal e cu mokete na su cabez.

E bouncer ta R.J.V y Diabierna el a aparece dilanti di huez.

Tabata tin basta hende den sala di corte, incluyendo famia di e persona Mericano cu a perde su bida.

Entre otro su mama y tanta a bula bin Aruba for di Minnesota.

R.V den su declaracion a splica cu door di un problema den Gusto, el a haya su mes ta saca e persona for di e lugar.

Huez nan di Hof a mantene e castigonan igual, den caso di atraco riba RBC Palm Beach

Publication: Tuesday, 9 December 2014. Categoria: Judicial

ORANJESTAD (AAN): Dialuna atardi hueznan di corte di prome instancia a lesa e veredicto cu hueznan di corte superior a manda pa Aruba, den e caso di atraco riba RBC Palm Beach, cu a tuma lugar na comienzo di 2013.

 Den e caso aki  varios acusado a haya castigonan di entre 30 luna y 8 aña.

Tres di e acusadonan a tres siman pasa na corte, door cu nan a dicidi di apela e castigo cu nan a haya.

O.M tambe a apela, door cu nan ta haya cu e castigonan duna tabata mucho abao.

E tres sospechosonan cu a presenta ta J.S.O, M.D.D y J.R.P.B.

Homber acusa di exportacion di cocaina, a haya 15 luna di castigo, di cual 6 ta condicional

Publication: Monday, 8 December 2014. Categoria: Judicial

ORANJESTAD  (AAN): E acusado I.N.D.F.B.V. a wordo cita pa bay corte di husticia di prome instancia recientemente, door cu el a wordo acusa di exportacion di cocaine riba 23 di Mei 2014.

Huez a repasa e procesverbal di e caso y a hais diferente pregunta, despues di cual fiscal a bin dilanti cu e acusacion y e evidencia den e caso.

Despues el a  hasi su exigencia di castigo, unda cu el a pidi huez pa condena I.B.V na un castigo di prison incondicional di 15 luna, kitando e tempo cu el a sinta caba den detencion preventivo.

Homber acusa di purba manda 1.8 kilo di droga pa Inglatera declara liber di tur acusacion

Publication: Friday, 5 December 2014. Categoria: Judicial

ORANJESTAD (AAN): Diahuebs e acusado Narciso Wouter a presenta dilanti di huez, pa tende veredicto di huez den su caso.

Wouter a wordo acusa di exportacion di 1.8 kilo di cocaina riba 3 di Mei 2013 y e caso a wordo trata dia 13 di November.

Ta asina cu el a bay manda un pakete pa Inglatera cu UPS y na dado momento e mes a habri e caha pa controla kico tur tabata tin den e caha, mirando cu ta un muher cu kende e tabata tin un relacion, a pidie pa manda esaki pe.

E no a wak nada sospechoso, pero e cacho anti droga a hole cu algo no tabata cuadra.

Acusado tin cu paga propietario di cas 25.000 florin, despues di wordo haya culpable di cende e cas na candela

Publication: Friday, 5 December 2014. Categoria: Judicial

ORANJESTAD  (AAN): E sospechoso O.M.B.V. mester a presenta dilanti di huez na corte di husticia Diahuebs, pa tende veredicto di huez den su caso.

El a wordo acusa di intencionalmente cende candela den un cas riba 24 di November 2012, dor di pega e sofa na candela, dor di cual e cas a kima totalmente of parcialmente y a forma un peligro pa e casnan bisiña.

E cas cu a wordo kima ta cas di e ex pareha di O.V cu cual e tin yiu.

Riba dia 13 di November ora cu e caso a wordo trata, Huez a puntra e sospechoso den sala di corte si el a cende  e cas na candela y el a bisa cu no.

SAC su caso sumario contra Gobierno ta Diamars awor pa 2’or di atardi

Publication: Saturday, 29 November 2014. Categoria: Judicial

ORANJESTAD(AAN): Otro siman e caso entre SAC y Gobierno ta bay tuma lugar.

Recientemente tabata tin un caso sumario planea na corte, cu SAC a entama contra Gobierno relaciona cu e permiso pa organiza tur e actividadnan di Carnaval pa temporada di 2015.

Esaki debi na e hecho cu den medionan di prensa a Sali afo cu Gobierno lo a otorga e permiso na e fundacion nobo esta SMAC.

Sinembargo, riba e dia cu e caso mester a tuma lugar, e abogado di SAC  a haya un carta di abogado di Gobierno, den cual tin para cu Minister di Asuntonan General (Mike Eman), esun encarga pa duna e permiso, no a duna ni SAC ni SMAC e permiso oficialmente.

Huez, fiscal, abogado y griffier a wak video di sex den sala di corte

Publication: Friday, 28 November 2014. Categoria: Judicial

tabata parti di tratamento di caso di violacion

ORANJESTAD(AAN): Diahuebs e sospechoso Venezolano J.D.R.A. mester a bay corte di husticia, door cu el a wordo acusa di a viola un persona, a intencionalmente priv’e di su libertad y a maltrat’e den e periodo di 14 pa 28 di December 2013.

E persona cu e lo a viola ta su ex pareha, mama di su yiu.

E acusado no a presenta na corte, pero e caso a wordo trata.

Ta asina cu e muher a entrega un denuncia na polis cu riba e dianan en cuestion, e homber cu ta su ex a obligu’e di hasi sex cune.

Tin indicacion cu chofer Joselito a gana caso di apelacion entama pa Arubus!

Publication: Friday, 28 November 2014. Categoria: Judicial

Dialuna ta deadline pa e bolbe trabao:

ORANJESTAD (AAN) – Pa varios luna, algun pasahero di Arubus a keda pendiente riba kico ta bay pasa cu e chofer di Arubus Joselito, yama “Obama” entre su coleganan di trabao, despues cu e compania dun’e su retiro, basa riba un banda di medaya so.

Esaki ta e caso di e chofer di Arubus cu a reacciona riba e agresion di un mucha muher, alumno di un school na San Nicolas.

E chofer no a wordo suspendi manera kizas mester tabata e caso mirando cu e alumno a coba su mama y ademas a dal e chofer causando cu el a reacciona.

Abogado General a cuestiona con acusadonan a malcria atracadornan

Publication: Tuesday, 18 November 2014. Categoria: Judicial

Den caso atraco RBC Palm Beach:

ORANJESTAD(AAN): Dialuna atardi hueznan di corte superior (Hof) tabata na Aruba, entre otro pa trata e caso di apelacion relaciona cu e atraco cu a tuma lugar riba RBC Palm Beach na comienzo di 2013.

Den e caso aki  varios acusado a haya castigonan di entre 30 luna y 8 aña.

Tres di e acusadonan a presenta na corte Dialuna, door cu nan a dicidi di apela e castigo cu nan a haya.

O.M tambe a apela, door cu nan ta haya cu e castigonan duna tabata mucho abao.

E tres sospechosonan cu a presenta ta J.S.O, M.D.D y J.R.P.B.

Acusado ta para ariba cu e no a cende cas di su ex na candela

Publication: Monday, 17 November 2014. Categoria: Judicial

ORANJESTAD  (AAN): E sospechoso O.M.B.V. a presenta dilanti di huez na corte di husticia recientemente, door cu el a wordo acusa di a intencionalmente cende candela den un cas riba 24 di November 2012, dor di pega e sofa na candela, dor di cual e cas a kima totalmente of parcialmente y a forma un peligro pa e casnan bisiña.

E cas cu a wordo kima ta cas di e ex pareha di O.V cu cual e tin yiu.

Huez a puntra e sospechoso den sala di corte si el a cende  e cas na candela y el a bisa cu no.

Huez a mustre si riba e hecho cu riba e cama a wordo haya un boter di cervez y un stanley mes y cu testnan di DNA riba e stanley mes a mustra cu rastronan di DNA di O.V a wordo haya riba dje.

Den Corte Superior castigo den caso di abuso sexual riba mucha a keda 4 aña

Publication: Friday, 14 November 2014. Categoria: Judicial

ORANJESTAD  (AAN): Recientemente Hof a duna su veredicto den un caso di apelacion.

Ta trata di un caso den cual e sospechoso A.L naci na Ukraine y biba na Merca y Aruba a wordo acusa y despues a haya un castigo di prison di 4 aña, pa comete actonan sexual inmoral cu un mucha muher cu tabata tin 7 aña, durante un periodo di casi 1 aña, esta di 19 di Augustus 2012 te cu 3 di Augustus 2013.

Mirando cu e homber semper a para ariba cu e no a comete e acto aki cu ta inclui penetracion sexual, el a dicidi di apela su sentencia y e caso di apelacion den Corte Superior a tuma lugar dia 13 di October.

Castigo di 6 luna den detencion hubenil pa acusado cu problemanan di agresividad

Publication: Monday, 10 November 2014. Categoria: Judicial

ORANJESTAD(AAN): Recientemente e sospechoso G.C.B mester a presenta na corte di husticia, debi na e hecho cu el a  wordo acusa di a intencionalmente maltrata un persona riba 7 di Augustus 2012, dor di dal e cu mokete den cara.

Banda di esaki el a wordo acusa di a menaza un y/of dos persona cu un crimen contra nan bida y/of maltrato y/of cendemento di candela riba 7 di Augustus 2012, dor di grita nan na un forma menazante: “Mi ta wak pa boso wordo mata. Mi ta wak pa nan basha bala riba boso. Mi ta bay mata boso. Pafor nos lo regla cuenta. Wak mi no wak boso riba caya, esey lo bira boso fin” y/of palabranan parecido y/of cu e lo cende e edificio di Centro Ortopedagogico na candela.

Chofer den caso di accident fatal a haya castigo condicional di 2 siman y multa di 1.400

Publication: Friday, 7 November 2014. Categoria: Judicial

ORANJESTAD(AAN): Diahuebs e sospechoso J.C.A. mester a presenta na corte di husticia, debi na e hecho cu el a wordo acusa di a stuur auto riba 9 di April 2013 despues di e bebe alcohol di tal manera, cu e nivel di alcohol den su rosea tabata 900 microgram pa liter di rosea saca, mientras cu e maximo permiti ta 220.

Banda di esaki el a wordo acusa di a comporta su mes di tal manera como chofer di un Nissan Frontier riba 9 di April 2013, cu el a stroba libertad di trafico y/of a trece seguridad di trafico den peligro, dor cu el a core mucho duro y/of tabata bao influencia di alcohol y/of no a stop na ora, dor di cual el a boks cu un otro auto, un Getz, a consecuencia di cual un y/of dos persona a fayece.

J.A no a presenta na corte y su Abogado Chris Lejuez a splica huez cu su cliente aonda tin problemanan psiquiatrico door di e accidente y cu pesey e no a bay corte.

Castigonan te cu 9 aña exigi den caso di atraco riba dos Joyeria

Publication: Tuesday, 4 November 2014. Categoria: Judicial

ORANJESTAD  (AAN): For di siman pasa Diaranzon a cuminza cu tratamento di e caso di atraco riba e joyerianan Shiva’s  y Time Square Gold & Gems. E sospechosonan den e caso aki ta N.L.G.M, C.G.C.H, T.M, M.M.R.R, A.O.R, S.A.A.G, F.E.A y A.J.L.

Diahuebs, Diabierna y Dialuna tambe nan a presenta dilanti di huez na corte di husticia.

Nan a wordo acusa di a tira un atraco riba Shiva’s na Maart 2012 y un atraco riba Time Square Gold & Gems na October 2013.

Tambe algun di e sospechosonan a wordo acusa di posesion di arma y droga y labamento di placa.

E sospechosonan C.G.C.H y F.E.A a wordo acusa di a participa na ambos atraco, pero ambos a nenga di a hasi esaki.