Archivo di e Categoria ‘Judicial’
ORANJESTAD (AAN): Marlon J.B a aparece dilanti di mesa berde di corte di husticia Diabierna, despues di a worde acusa di varios biaha comete destruccionnan na auto di un persona den e periodo di 15 pa 16 di Mei.
El a worde acusa tambe di a los cabel di telefon di un restaurant riba 16 di Mei 2011 y di e manera ey a intencionalmente destrui of daña esaki.
Tambe e ta worde acusa di intento di ladronicia di belanan y otro obhetonan di un misa riba 25 di Maart 2011.
E ta worde acusa banda di esaki di ladronicia di 250 Florin di un persona riba 2 di April 2011.
Fiscal durante tratamento di e caso a exigi un castigo incondicional di 10 luna.
ORANJESTAD(AAN): Diabierna na corte di husticia, huez a duna su veredicto den un caso contra Alexcius A.K, kende a wordo acusa di maltrata un señora na April 2011, door di dal e mokete den su cara y lastra e muher ora cu el a cay abao. Esaki a sosode na Texaco Tanki Leendert. E muher su braza a kibra y el a indica cu tres di su dientenan a bira los. Huez a haya e maltrato comproba, pero e no a haya cu intencionalmente A.K a kibra braza di e muher, mirando cu e no tabata sa cu ora e muher cay e braza lo kibra. Sinembargo huez a indica cu e ta un caso hopi serio, mirando cu e homber a dicidi di maltrata un muher cu e ni conoce.
ORANJESTAD(AAN): Adnis G.P.B a presenta dilanti di huez na corte di husticia Diahuebs, debi na e hecho cu el a wordo acusa di a menaza un persona cu un crimen contra su bida riba 18 di October 2009 dor di, na un forma intencionalmente menazante, mustre un arma di candela y bise: “Tu no crees que soy capaz? No piensa que hay bala? Te voy a explotar la cabeza” of palabranan parecido. E acusado ni su abogado a presenta dilanti di huez, pero e caso a wordo trata.
Fiscal a exigi 5 aña di castigo pa intento di homicidio
ORANJESTAD (AAN): Jason H.L a presenta dilanti di huez na corte di husticia, debi na e hecho cu el a worde acusa di a comete un intento di tuma bida di un persona riba prome di Mei 2011, door di tira un of mas biaha cu revolver den su direccion, door di cual e persona a worde raca na su barica. Tambe e ta worde acusa di a intencionalmente maltrata e mes persona aki cu un arma riba prome di Mei 2011, door di dal e varios biaha cu e arma di candela riba su cabez. Alavez L. ta worde acusa di posesion di un arma di candela y bala di prome di Maart 2011 te prome di Mei 2011. Huez a repasa rapport di e caso cu ta bisa cu dia prome di Mei polis a worde manda pa un cas unda cu hendenan lo a tira riba otro.
ORANJESTAD(AAN): Diahuebs na corte di husticia un biaha mas ta bay tuma lugar diferente caso penal. E prome caso ta un caso contra J.P.T.G.C. y R.R.J. Ta asina cu J.C ta wordo acusa di intento di homicidio y posesion di arma riba 9 Januari 2011, mientras cu J.C. y R.J. ta wordo acusa di ladronicia conhuntamente cu un otro of otronan riba 22 di Januari 2010. Despues A.D.C. tambe tin cu presenta dilanti di mesa berde di corte di husticia, debi na e hecho cu e ta wordo acusa di a intencionalmente maltrata un persona riba 23 di Juli 2010, dor de tene na su garganta, dal e varios biaha na su cabez y/of curpa, dal e varios biaha su cabez contra auto(nan), dal e cu su cabez na su cabez y/of scop e varios biaha na su enkelnan y curpa, dor di cual e persona a sufri dolor y/of a resulta herida.
ORANJESTAD (AAN): Recientemente Errol D.N.R, Alberto B.L.C y Alfredo J.N.M a presenta dilanti di huez na corte di husticia, debi na e hecho cu nan a worde acusa di, conhuntamente cu un otro of otronan, venta y/of entrega y/of transporte y/of posesion di cocaine den e periodo di prome di Juni 2010 te 17 di Juni 2011.
Ademas di esaki Alfredo N.M. a worde acusa di ladronicia di un bays den e periodo di 14 te 15 di Juni 2011.
Banda di esaki Errol R. a worde acusa di a intencionalmente maltrata un persona cu un tubo di hero riba 5 di Augustus 2009 na su rudia y/of braza y/of cabez.
ORANJESTAD(AAN): Awe na corte ta bay tuma lugar un caso contra L.B.T. Ta trata di un caso unda cu un muher y un homber riba brommer a cay cerca di Four Season Bar Restaurant na Tanki Leendert, despues di cual un pickup a dal nan y mientras cu nan tabata benta riba vloer, un van shinishi a pasa riba e muher, segun testigonan. E chofer di e van no a para, pero L.B.T kende tabata maneha e pick up si a keda na e sitio. Tres Ambulance a bin na e sitio, pero lamentablemente e homber cu tabata core e brommer a perde su bida, mientras cu e dama a keda seriamente herida, te cu e mester a keda den cuido intensivo na hospital.
ORANJESTAD (AAN): Alberto G.H a presenta dilanti di huez Diahuebs, debi na e hecho cu el a worde acusa di menaza y maltrata su ex casa y yiu muher riba dia 13 di Juni 2009. Ademas di esaki el a worde acusa di destruccion di un auto. Tambe el a worde acusa di dal su yiu muher un wanta y dal su cabez den muraya riba 4 di Mei 2008. Ademas di esaki el a worde acusa di a dal su ex casa cu mokete den cara. Huez a repasa rapport di e caso di 2008 prome. Den e rapport di polis tin para cu for di 2002 A.H y su pareha a divorcia, pero A.H ta bibando algun aña den e mesun cas cu su ex casa, pero den otro camber.
Casonan penal den corte di husticia
ORANJESTAD (AAN): Awe na corte ta bay tuma lugar diferente caso penal. E prome caso ta un caso pro forma. Ta un caso den cual J.J ta worde acusa di exportacion di cocaine riba 2 di Juli 2011. E di dos caso tambe ta un caso Pro forma. Ta trata di un caso den cual A.A.A.W. ta worde acusa di, conhuntamente cu un otro of otronan, ladronicia den un tienda di entre otro, boternan di alcohol y/of slofnan di cigaria y/of un radio riba prome di Juli 2011 Despues ta bay tuma lugar un caso den cual Juan Junior Quandt ta worde acusa di intento di asesinato y posesion di arma di candela riba 26 di Maart 2011.
ORANJESTAD (AAN): Dialuna hueznan di corte superior tabata na Aruba. Nan a atende e caso di apelacion di e Colombiano biba na Aruba Orlando A.T. O.T a worde acusa di skimming, pues di horta informacion di credit card di hende, pa asina saca probecho di esaki. Esaki tabata pa e periodo di 13 di Januari te cu 27 di Januari 2010. Den corte di prome instancia fiscal a exigi un castigo incondicional di 18 luna, pero el a worde declara liber. Ministerio Publico a dicidi di apela y pesey e caso a worde trata Dialuna. Sinembargo e fiscal cu actualmente mester a atende cu e caso, a indica na e hueznan di corte superior cu repasando e caso un biaha mas, e no ta haya cu tin suficiente indicacion cu ta sigur cu ta O.T tabata esun cu tabata horta informacion for di e credit cardnan di e clientenan di e restaurant na unda e tabata traha.
ORANJESTAD(AAN): Diabierna e rumannan Pierre G.B y Glenbert J.B a presenta dilanti di huez na corte di husticia. Pierre G. a wordo acusa di a horta boto di un persona, mientras cu Glenbert y Pierre a wordo acusa di posesion y traficacion di droga. Ta asina cu na April radar di kustwacht a detecta actividad riba laman entre dos boto. Un di e botonan aki a Sali for di Aruba y e otro tabata bin for di direccion di Venezuela. Riba radar a wak na dado momento e botonan yega cerca di otro. Ora e boto di Kustwacht a bay investiga, nana topa cu dos bulto den awa. E bultonan tabata contene 25 kilo di marihuana y 2 kilo di cocaina.
ORANJESTAD (AAN): Relaciona cu e apelacion di abogado contra decision di Huez Comisario di diaranzon 31 di augustus 2011 den detencion di e sospechoso Mericano G.V.G. den e investigacion pa e posible hogamento di e muher Mericano Robyn Gardner, Corte Comun di Husticia di Antiyas Hulandes y Aruba a tuma un decision Diaranzon 7 di September 2011.
ORANJESTAD.(AAN); Dialuna den transcurso di mainta polis a bay atende un asistencia na un direccion situa na Pos Chikito relaciona cu problema tocante balente suma di placa.
Na yegada polis a atende e señora di inicialnan G.V. di 79 aña di edad cu a declara na polis di a fia un homber di inicialnan J.T. e suma di 2000 florin.
Y cu te na momento di su denuncia e homber en cuestion no a presenta cerca dje pa debolbe e suma di placa.
ORANJESTAD (AAN): Diabierna e ruman hombernan L.R.W y J.J.W di 18 y 20 aña a presenta dilanti di huez na corte di husticia, debi na e hecho cu nan ta worde acusa di diferente caso di ladronicia y atraco arma riba diferente fecha. Un di e atraconan a worde tira riba oficina di Arubus na Wayaca. Na dado momento un empleado a tende cacho ta blaf y diripiente el a mira 5 persona bin riba dje. Un di nan tabata tin un arma di candela y e otronan tabata tin bat di baseball y un pata di cabra, cu cual nan a forza porta di e lugar. Nan no a logra habri e kluis y nan a coi telefon di e persona. Ora cu e guardia di seguridad a yega cerca e hunto cu e empleado a worde maltrata.
ORANJESTAD (AAN): Diabierna Jeffrey E.D a presenta dilanti di huez na corte di prome instancia, door cu el a worde acusa di hunto cu otro hende a horta den cas di hende.
E lo a horta entre otro bril di solo, placa y perfume.
E caso no por a worde trata ainda y huez a bisa cu lo por trata e caso riba 18 di November.
Fiscal a indica cu ainda tin un sospechoso den e caso aki cu tambe mester presenta dilanti di huez.
Huez a bisa cu den e dossier di e caso e no a wak e declaracion cu e testigo kende lo a wak e personanan drenta horta.
ORANJESTAD (AAN): Marlon J.B a aparece dilanti di mesa berde di corte di husticia Diabierna, despues di a worde acusa di varios biaha comete destruccionnan na auto di un persona den e periodo di 15 pa 16 di Mei.
