Archivo di e Categoria ‘Judicial’
Den caso di dificultad pa paga IBG:
Lider di PDR mr. Bikker ta splica
ORANJESTAD (AAN) – Tin varios persona cu ta acercando Fundacion Pro Husticia en busca di conseho huridico debi cu nan tin problema cu e debe y cobranza di financiamento di estudio cu nan a adkiri cu IBG, tempo nan a studia na Hulanda. Parlamentario mr. Andin Bikker a splica cu door di aspecto di Euro, y kizas cu nan no a haya e trabao cu nan no a haya na Aruba, nan tin varios problema pa paga e debe aki. E Parlamentario a señala cu ora di revisa e cobranzanan aki, por ripara cu tin discrepancia ta tumando lugar, cu den su concepto ta inaceptable.
ORANJESTAD (AAN): Diaranzon na corte a tuma lugar un caso sumario entama pa habitantenan di Caya Betico Croes, contra Club 21 cu ta situa den Hotel California Aruba.
Esaki debi na e hecho cu e habitantenan di e bario a indica cu nan tin molester di sonido di musica cu ta Sali for di e club.
Abogado Theresa Croes representando e habitantenan a bisa huez cu varios biaha e musica ta keda te 5’or di mainta of mas y diferente di e habitantenan y specialmente esun cu a busca e abogado ta haya problema di drumi anochi. Mr. Croes a splica cu door di e desorde e personanan no ta drumi bon y esey ta trece problemanan di salud pa e personanan.
E abogado a splica tambe cu varios biaha e habitantenan ta yama polis y polis ta bin pa atende cu e problemanan di sonido.
ORANJESTAD (AAN): Diahuebs Marina I.W mester a presenta dilanti di huez na corte di husticia, debi na e hecho cu el a worde acusa di como ambtenaar na Registro Civil comete malversacion den su funcion y falsificacion.
Esaki den e periodo di Januari te cu October 2007.
E muher no a presenta ni tampoco un abogado.
Huez a bisa cu anteriormente e caso a bin dilanti na corte y mirando cu e muher no tabata tey, a pospone tratamento di e caso pa e por tey.
Awor un biaha mas e muher cu a bay biba na Curaçao no a presenta, pero e caso a worde trata asina mes.
E caso a bin dilanti ora cu e hefe di Registro Civil di e tempo ey a sospecha cu sra M.W tabata comete fraude.
ORANJESTAD (AAN)*– E empleadonan di corte ainda ta den incertidumbre y esnan cu a pasa pa Hof a bay atras pa loke ta beneficionan secundario.
Esaki mirando cu e empleadonan publico tin un areglo especial cu AZV, na unda cu e pakete cu nan tin ta mas beneficioso cu esun cu hof ta brindando nan.
Hof a duna un aumento di salario pero loke e trahadornan ta bay atras cune ta mucho mas cu e aumento cu nan a ricibi.
No tabatin ningun tipo di preparacion mirando cu e ex-minister di husticia sr. Rudy Croes manera mucha mal cria no tabata kier a inicia e proceso pa e cambio proponi di parti di Hulanda.
Awor e empleadonan di corte a keda cu e incertidumbre pa loke ta nan futuro y ki efecto esaki tin riba nan entrada of sea beneficionan secundario cu ta pa nan mes y nan famia.
*E homber su famia a bandone y e tin problema di salud
ORANJESTAD (AAN): E Italiano di 84 aña biba na Venezuela, esta Vito S. a aparece dilanti di mesa berde di corte di husticia recientemente, door cu el a worde acusa di exportacion di cocaina riba 29 di Juli 2011. El a worde deteni na aeropuerto ora cu e tabata viahando pa Hulanda, pa despues bay Spaña. E cacho anti droga a reacciona positivo riba maleta di e Italiano naci na 1927 y ora cu douane a controla e maleta, nan a haya un caha y den e caha tabata tin algo lora den foil.
ORANJESTAD(AAN): Diabierna na corte di husticia huez a duna su veredicto den un caso contra Jason H.L.
El a wordo acusa di intento di homicidio door di tira un persona den barica cu arma di candela, maltrato cu arma y posesion di arma di candela.
Fiscal durante di tratamento di e caso riba dia 14 di October, a exigi un castigo incondicional di 5 luna contra e sospechoso.
Huez Diabierna a bisa cu e no ta haya cu intencionalmente y premedita e sospechoso kier a mata e persona, pero si huez ta haya cu Jason mester por sa cu si e tira un persona den su barica usando un arma di candela, e chens ta grandi cu e persona lo por perde su bida.
ORANJESTAD(AAN): Diabierna huez na corte di husticia a duna su veredicto den un caso contra Edward A.M, Luis M.A.S y Jonathan J.P.K. Nan a wordo acusa di ta hunto y los tiro riba cas di hende, treciendo bida di hende na peliger y causando e hendenan aki di sinti nan mes menaza.
Tambe nan a wordo acusa di posesion di arma di candela. Fiscal durante tratamento di e caso a exigi un castigo di 6 aña contra Luis S., contra Jonathan K. el a exigi 4 aña y contra Edward M. el a exigi 15 luna. Ta asina cu Edward M. lo tabata tin problema cu un persona y el a bay den auto cu Jonathan K. y nan a core cerca di cas di e persona y a los tiro. Edward M. a admiti cu el a tira, pero el a bisa cu el a tira den laira.
ORANJESTAD(AAN): Diahuebs na corte di husticia ta bay tuma lugar diferente caso penal.
E prome caso ta un caso den cual L.M.D. ta wordo acusa di, riba diferente fecha den e lunanan October y/of November 2009, a falsifica un I.D. y/of un uitreksel di bevolking y/of un werkgeversverklaring di un persona. E ta wordo acusa tambe di, riba diferente fecha na November 2009, a intencionalmente haci uso di un of mas documento falsifica pa cumpli cu e condicionnan di haya un prestamo.
ORANJESTAD (AAN): Marlon J.B a aparece dilanti di mesa berde di corte di husticia Diabierna, despues di a worde acusa di varios biaha comete destruccionnan na auto di un persona den e periodo di 15 pa 16 di Mei.
El a worde acusa tambe di a los cabel di telefon di un restaurant riba 16 di Mei 2011 y di e manera ey a intencionalmente destrui of daña esaki.
Tambe e ta worde acusa di intento di ladronicia di belanan y otro obhetonan di un misa riba 25 di Maart 2011.
E ta worde acusa banda di esaki di ladronicia di 250 Florin di un persona riba 2 di April 2011.
Fiscal durante tratamento di e caso a exigi un castigo incondicional di 10 luna.
ORANJESTAD(AAN): Diabierna na corte di husticia, huez a duna su veredicto den un caso contra Alexcius A.K, kende a wordo acusa di maltrata un señora na April 2011, door di dal e mokete den su cara y lastra e muher ora cu el a cay abao. Esaki a sosode na Texaco Tanki Leendert. E muher su braza a kibra y el a indica cu tres di su dientenan a bira los. Huez a haya e maltrato comproba, pero e no a haya cu intencionalmente A.K a kibra braza di e muher, mirando cu e no tabata sa cu ora e muher cay e braza lo kibra. Sinembargo huez a indica cu e ta un caso hopi serio, mirando cu e homber a dicidi di maltrata un muher cu e ni conoce.
ORANJESTAD(AAN): Adnis G.P.B a presenta dilanti di huez na corte di husticia Diahuebs, debi na e hecho cu el a wordo acusa di a menaza un persona cu un crimen contra su bida riba 18 di October 2009 dor di, na un forma intencionalmente menazante, mustre un arma di candela y bise: “Tu no crees que soy capaz? No piensa que hay bala? Te voy a explotar la cabeza” of palabranan parecido. E acusado ni su abogado a presenta dilanti di huez, pero e caso a wordo trata.
Fiscal a exigi 5 aña di castigo pa intento di homicidio
ORANJESTAD (AAN): Jason H.L a presenta dilanti di huez na corte di husticia, debi na e hecho cu el a worde acusa di a comete un intento di tuma bida di un persona riba prome di Mei 2011, door di tira un of mas biaha cu revolver den su direccion, door di cual e persona a worde raca na su barica. Tambe e ta worde acusa di a intencionalmente maltrata e mes persona aki cu un arma riba prome di Mei 2011, door di dal e varios biaha cu e arma di candela riba su cabez. Alavez L. ta worde acusa di posesion di un arma di candela y bala di prome di Maart 2011 te prome di Mei 2011. Huez a repasa rapport di e caso cu ta bisa cu dia prome di Mei polis a worde manda pa un cas unda cu hendenan lo a tira riba otro.
ORANJESTAD(AAN): Diahuebs na corte di husticia un biaha mas ta bay tuma lugar diferente caso penal. E prome caso ta un caso contra J.P.T.G.C. y R.R.J. Ta asina cu J.C ta wordo acusa di intento di homicidio y posesion di arma riba 9 Januari 2011, mientras cu J.C. y R.J. ta wordo acusa di ladronicia conhuntamente cu un otro of otronan riba 22 di Januari 2010. Despues A.D.C. tambe tin cu presenta dilanti di mesa berde di corte di husticia, debi na e hecho cu e ta wordo acusa di a intencionalmente maltrata un persona riba 23 di Juli 2010, dor de tene na su garganta, dal e varios biaha na su cabez y/of curpa, dal e varios biaha su cabez contra auto(nan), dal e cu su cabez na su cabez y/of scop e varios biaha na su enkelnan y curpa, dor di cual e persona a sufri dolor y/of a resulta herida.
ORANJESTAD (AAN): Recientemente Errol D.N.R, Alberto B.L.C y Alfredo J.N.M a presenta dilanti di huez na corte di husticia, debi na e hecho cu nan a worde acusa di, conhuntamente cu un otro of otronan, venta y/of entrega y/of transporte y/of posesion di cocaine den e periodo di prome di Juni 2010 te 17 di Juni 2011.
Ademas di esaki Alfredo N.M. a worde acusa di ladronicia di un bays den e periodo di 14 te 15 di Juni 2011.
Banda di esaki Errol R. a worde acusa di a intencionalmente maltrata un persona cu un tubo di hero riba 5 di Augustus 2009 na su rudia y/of braza y/of cabez.
ORANJESTAD(AAN): Awe na corte ta bay tuma lugar un caso contra L.B.T. Ta trata di un caso unda cu un muher y un homber riba brommer a cay cerca di Four Season Bar Restaurant na Tanki Leendert, despues di cual un pickup a dal nan y mientras cu nan tabata benta riba vloer, un van shinishi a pasa riba e muher, segun testigonan. E chofer di e van no a para, pero L.B.T kende tabata maneha e pick up si a keda na e sitio. Tres Ambulance a bin na e sitio, pero lamentablemente e homber cu tabata core e brommer a perde su bida, mientras cu e dama a keda seriamente herida, te cu e mester a keda den cuido intensivo na hospital.
