Archivo di e Categoria ‘Policial’
ORANJESTAD (AAN): Diabierna e Venezolanonan Alvaro L.A.C y Jhonny P.S a presenta dilanti di mesa berde di huez na corte di prome instancia. Nan a worde acusa di transporta 4 persona ilegal pa Aruba, riba dia 9 di November 2011. A.C tabata capitan di e boto, mientras cu J.S kende ta padrino di yiu di A.C, a yude. Huez a repasa rapport di polis y kustwacht di en caso aki. Ta asina cu riba e anochi en cuestion, e radar di Kustwacht a detecta un boto sospechoso riba laman. E boto di Kustwacht a bay investiga y cerca di Nanki Club na Sero Colorado, nan a topa cu e boto coriendo cu velocidad halto. Mirando cu e boto no kier a para, miembronan di tripulacion di e boto di Kustwacht a los tiro di advertencia.
ORANJESTAD (AAN); Den dia cla parti mainta, Central di polis a dirigi patruya di polis den vecindario di Well Well na Sero Biento, pa un chofer burachi.
Segun mirones a wak con un auto ta zig zag riba caminda y e chofer a logra para altura di un cas situa na Morgenster.. E vehiculo modelo Toyota Yaris color di oro a baha for di caminda segun informe pa un of otro motibo y consecuentemente wiel banda drechi a worde destrui.
Polis a atende e chofer y el a declara di ta hopi cansa. Control hiba pa polis a resulta cu e chofer femenino lo ta bao influencia di un que otro substancia.
ORANJESTAD (AAN): Un choller segun informe cu a yega na oido di polis diadomingo merdia a trata di horta bateria di un hijskraan.
Polis a bay altura di Linear park situa riba L.G. Smith Boulevard. E supuesto choller lo ta bon bisti den camisa color blauw y na yegada polis no a tope. Polis a controla e grua y a keda constata cu e ta intacto.
ORANJESTAD.(AAN); Diasabra pa alrededor di 1’or marduga, central di polis a dirigi patruya Oranjestad altura di Museum den West straat relaciona cu bringamento, parce cu dos haitiano lo tabata bringando cu otro.
Na yegada polis no a topa ningun alma y nan a sigui core y a wordo para pa un choller y el a bisa cu un rato prome un homber a wordo maltrata pa dos otro homber.
Y e homber maltrata lo tin kap na frenta segun su version na polis.
Durante cu polis ta wordo informa nan por a wak na unda nan ta staciona cu tin bringamento andando patras di Sport Caribe ta trata di un grupo haitiano.
ORANJESTAD (AAN); Centro di Alarma a notifica central di polis cu un grupo di mucha a pinta cu verf riba edificio di Oceania resort resident na Palm Beach. E informe a drenta dialuna 3’or y 30 di marduga. Central di polis a despacha mesora su patruya na e lugar. Na yegada informe compila a indica cu e grupo a verf cu pintura blauw riba e edificio y nan a move den dos auto direccion pa beach. Polisnan a inicia cu nan investigacion y den un di e vehiculonan nan a bin haya verf color blauw den e auto. Tambe un di e sospechosonan polis anota di tin color di e verf blauw na su man.
Segun Inspector Kramers:
ORANJESTAD (AAN) — Inspector Kramers a señala den conferencia di prensa tocante seguridad den trafico, cu asina cu e proyecto di verkeers drempel keda cla, lo cuminza implementa e sistema di wiel klem un bez cu minister bay di acuerdo cu esey. E ta mira necesario pa hacie mas pronto posible, mirando cu polis ta man yen cu towmento di auto den Oranjestad y cu no tin ningun clase mas di respet pa ningun di e borchinan di prohibicion pa staciona auto den caminda publico. Ya ningun hende ta worry cu e sorto di borchinan aki, Kramers a remarca, y polis mester cuminza un manera pa actua.
ORANJESTAD (AAN); Den Byronstraat na un cas, ta
sospecha cu choller a horta un BlackBerry Smartphone.
Diaranzon atardi patruya di Oranjestad, a
worde dirigi na e cas y polis a atende e señora
di inicialnan M.A.V. naci na Colombia di 48 aña.
Segun MAV su version di ta traha na e cas y e
tabata paden den cas y el a wak un choller via
di bentana ta core bay.
ORANJESTAD (AAN): Un homber biba na Spaans Lagoen, diamars pasa di 10’or mainta a presenta na warda di polis. Ta trata di e homber di inicialnan V.M.C.
E ciudadano aki a declara, cu e dia anterior pa 6’or di atardi un auto modelo Mustang a para dilanti su porta di cas.
Denunciante a declara di a bay pafor pa atende e homber den e Mustang color shinishi. Segun V.M.C. cu ta trata di un desconoci di mas o menos 40 aña di edad y ta bisa su faam of nomber P.
E homber P. a bisa di tin wowo riba residencia di denunciante y e boto cu e tin den su cura ta di un tal “Andy”.
ORANJESTAD (AAN): Patruya di polis encarga cu distrito San Nicolas, riba Dialuna mainta a worde dirigi pa Central di Polis na un residencia na Pos Chikito.
Aki un homber desconoci tabata plunder un cas.
Na yegada, polisnan ta topa cu e homber di inicialnan E.v/d.B. y el a declara cu e ta hunto cu e homber di fam C. ta desmantela un tubo di chumbo.
ORANJESTAD (AAN): E trabao di security guard, no ta facil! Esaki por a conclui na momento tin di deal cu hende burachi.
Na dump situa na Parkietenbos, un guardia obliga a pidi presencia di polis pa un persona bao di influencia cu a presenta na dump y porcierto e homber tabata haci masha fastioso.
Hasta na dado momento e homber a cuminsa bringa cu guardia segun informe suministra na polis.
Na yegada di e patruya di polis distrito Oranjestad, a resulta no a tuma lugar pelea, pero si un homber bao di influencia riba tereno di dump ta piki desperdicio.
E homber no ta duna oido ora guardia a bise e tin di bandona dump. Polis a atende e homber di inicialnan R.P. di 48 aña di edad debidamente riba su comportacion.
ORANJESTAD.(AAN):– Algun siman pasa polis a bay atende un homber hulandes di inicialnan J.O. cu lo tabata molestia clientenan den Excelsior Casino. Na diferente ocasion el a wordo saca y hasta lo a wordo prohibi pa drenta e casino debi na su comportacion.
Diabierna ultimo atrobe asistencia a wordo solicita pa J.O.
E yamada di asistencia a drenta diabierna pa 2’or y 50 minuut via central di polis.
Na yegada di e patruya, dos guardia di e casino tabata den lobby cu e tal J.O. y nan a declara cu e lo ta molestia e bishitantenan den casino.
Sindicato SPA kier haya sa…
ORANJESTAD (AAN); Un biaha mas SPA ta constata cu tin rumornan persistente riba un posibel caso di maltrato di parti di un alto funcionario di Cuerpo Policial.
Segun informacion di fuentenan fededigno, un Alto Inspector di Polis a haya su mes den un problema familiar, cu a termina den un maltrato pisa.
Esaki lo mester a tuma lugar den presencia di e amiga actual di e Alto Inspector. E amiga mes no pora haci nada pa evita e sucedido, pero ex di e Alto Inspector si a caba ta haya un par di wanta fomal na man di e funcionario.
ORANJESTAD (AAN): Informe oficial di polis ta relata e candela cu a tuma lugar dialuna den oranan di mainta na altura di Rancho Monte Blanco.
Ta parce cu tin un trailer cu ta worde usa pa choller lo tabata na candela. Central di polis a dirigi patruya na e lugar na yegada personal di brandweer tabata na e lugar y nan ta pagando e candela.
Segun e personal di brandweer na yegada no tabata ningun hende presente, e unico cu nan a haya ta un auto Chevy color di oro y tabata sera completo riba lock.
ORANJESTAD(AAN):Riba e prome dia di aña 2012 cu apenas algun ora nos isla a conoce e prome morto den trafico.
Prome accidente cu herido pa 2012
ORANJESTAD(AAN):– Algun minuut di aña 2012 ya caba a sosode e prome accidente di trafico. Un peaton a subi caminda y auto a dale fuertemente.
Te hasta el a bai halto dal den windshield di e auto. E golpi tabata fuerte. Aunke e peaton tabata na tino, e dolornan tabata hopi fuerte.
