Archivo di e Categoria ‘Policial’
Hopi negoshi y ciudadano a bira victima…
ORANJESTAD (AAN): Ladron di coper lo a bati na Lands Laboratorio situa den Caya Ing Roland Lacle. Lamentablemente no tabata tin mucho informe relaciona cu asistencia di e caso aki. Manera ta conoci hortamento di coper e ultimo tempo ta hopi den noticia policial. Tin school, cas di famia, casnan bao di construccion y tin empresanan tambe, igual proyectonan deportivo a bira victima di ladron di coper.
Awor hasta Lands laboratorio tambe a bira victima di raaf nan cu ta circulo cu no por wak tubo, waya of otro artefactonan cu ta contene coper.
Mas ainda esnan cu tin e curashi di cumpra coper horta. Sin pensa un rato cu e locual e ta cumpra mayoria ta procedente di ladronicia.
Mas ainda ta cantidad di empresa y ciudadano a bira victima di ladronnan sin escrupulo. Hinca nan den problema financiero pa bolbe inverti ya cu nan no por keda sea sin coriente of awa.
Ohala Cuerpo Policial hunto cu Cuerpo di Douane por sera cabez y carga esnan cu ta manda e copernan horta pa exterior.
Esnan cu ta manda kilonan di coper pa exterior mester proba cu factura di unda a cumpra y for di kende fuera con el a den su poder. Na momento cu para e proceso pa e supuesto exportacion y gara e cabeziyanan ladronicia di coper y hasta prendanan lo baha drasticamente riba e pida baranca aki.
Pero husticia mester di Bols pa pone un team special riba papia pa salvaguardia ciudadanonan ya cu manera situacion ta na e momentonan aki comunidad ta sinti nan mes defrauda. Nan no tin caminda pa bay ni pa cana ya cu nan no ta haya e atencion debido.
ORANJESTAD.(AAN); Un señora biba den bario di Brazil, a solicita presencia di polis via di central. Ultimo tempo ladron di koper a bolbe lanta cabez. Ta varios famia a bira victima di e ladronnan di coper y na varios scol tambe koper a desaparece . Tin caso cu famia a lanta mainta y a resulta cu no tin awa. O a bay averigua si ta WEB tin problema of tubo por a kibra den e bario a resulta cu esaki no ta e caso. Ta ladron a desmantela delaster tubo di koper den cura y laga e famia sin un lek di awa. Tabata dialuna mainta aparentemente e denunciante lo a lanta y a constata cu e no tin awa.
ORANJESTAD.(AAN): — Dos hende grandi di 78 y di 66 aña di edad a bira vitima di ladronicia y e elementonan malandro ta liber canando rond den comunidad cu tur tranquilidad. Hendenan no por a defende nan mes tampoco y e ley cu ta roga pe pa habitantenan por tin derecho di defende nan mes den nan propio cas no a pasa ainda tampoco y parce cu lo kier inclui clausula cu finalmente toch e doño di cas ta keda perhudica si e actua pa proteccion propio.
Turistanan molestia pa bendedornan di droga
ORANJESTAD (AAN): E siguiente informe ta di spera cu autoridad combina e organizacion di hotelnan muy en particular esnan High Rise cuminsa aumenta vigilancia y instala mas camera sofistica pa garantiza seguridad di trahador di hotel y tambe bishitantenan. Diabierna mainta trempan den dia cla un individuo a acerca huesped di hotel y a ofrece pa cumpra Cocaina y Marihuana. Segun e informe cu turista di inicial S. a yama polis y reporta cu un homber color scur sin mustashi, sin barba a acerca su persona y a ofrece marihuana y coca.
ORANJESTAD.(AAN):– Tabata den careda di 5’or diaranzon cu central di polis a ricibi yamada cu na un cas situa na Bubali lo tin un caso di amenasa. Patruya cu a presenta na e direccion a atende e señora di inicialnan J.A.T. di 40 aña di edad, cu ta encarga cu un oficina seguridad. E señora a splica polis cu un ex trahador di inicialnan E.G. di 52 aña, a drenta den oficina cu intencionnan menos bon. Ora cu ex trahador a blo den oficina e tabata arma cu un bat di “Softball” y a exigi na mal orden su check. E no kier a tende storia y a expresa palabranan vulgar.
ORANJESTAD.(AAN): Patruya di Noord a wordo dirigi diamars anochi pa atende un caso di intermediacion na Esmeralda. Patruya a yega na e direccion y a atende e señora di 32 aña di inicialnan M.C. E señora a splica agentenan cu su ex amigo, e homber di inicialnan L.B. di 38 aña, cu ta tata di su yiu, a bay cu e mucha su cacho. M.C. tambe a agrega, cu e homber L.B. lo a skirbi mensahe riba su auto. Locual e señora a desea tabata pa polis intermedia pa e yiu haya su cacho bek ya cu e criatura tambe ta traumatiza pa e problema entre pareha cu existi basta tempo caba .
Polis despues di a scucha e version, a acerca tambe e homber L.B. cu a laga sa di lo no debolbe e cacho pasobra ta su persona a cumpre .
ORANJESTAD.(AAN); Keto bay recherche ta buscando e lugar na unda un ciudadano tragicamente a perde su bida. Manera a wordo publica di e caso tragico na unda un hoben a perde su bida pa medio di bala cayente cu a perfora su frente cu resultado fatal. Ta asina cu dialuna anochi, e ora exacto no ta cla pa autoridad y tampoco na unda e accidente fatal a tuma lugar e victima Francis Gomez a wordo transporta pa hospital cu herida na cabez , den un vehiculo modelo B.M.W. Pero na poli nada no por a hasi mas pa Francis ya cu practicamente e lo a yega morto na poli.
ORANJESTAD.(AAN) Na Moko diadomingo marduga patruya di Noord a bay atende un caso relaciona cu problema familiar. Alcohol lo a hunga un rol y esaki lo a causa e problema entre un pareha. Polis a presenta na e direccion y pa cuminsa a scucha e señora di inicialnan R.K. naci na Guyana di 46 aña. El a bisa polis cu su casa, e homber di inicialnan M.N. tambe naci na Guyana di 49 aña a presenta na cas burachi y a bise cu e tin boshi di homber. E señora a sinti su mes ofendi y a rabia, pasa man pa e boter di rum y a benta esaki afor. Pero e homber tambe lo a rabia pa e accion di e señora y a destrui windshield. Pa colmo e homber kier a keinta zeta cayente pa basha riba e señora.
ORANJESTAD.(AAN):Na Seroe Blanco tin persona cu mester di yudanza segun informe suministra na polis a menciona. Patruya a presenta na e direccion y ta atende e señora di inicialnan E.A. di 47 aña. El a bisa cu su yiu homber B.A. cu na e momento ey ta den Bislip straat lo a menase., pero E.A. no ta desea di entrega keho, pero si ta desea pa polis papia cu su yiu homber. E señora a bisa cu motibo di problema ta cu e tin relacion cu mihor amigo di su yiu homber.
ORANJESTAD.(AAN); Diasabra mainta trempan pa 6’or y 30, patruya di Noord a wordo dirigi pa un cas situa na Altovista. Ta trata segun e asistencia solicita di un problema entre pareha.
Parce cu homber no kier a habri porta pa señora drenta cas. Mientras polis tabata na e direccion e yiu homber a dicidi di habri porta pa asina mama por a drenta . E señora a splica polis cu e homber a maltrate y tambe e homber a destrui windshield di su auto. Pero e no ta desea di entrega keho contra su homber.
ORANJESTAD (AAN): Un hende muher cu curpa basta cansa, esta bao di influencia, a worde señala drumi den un auto na haltura di un station di gasolin. Corectamente esnan cu a tuma nota di e situacion a reporta esaki na central di polis. Tabata diahuebs tres or di marduga e informe a yega na oido di central di polis y mesora a dirigi patruya pa atende e asistencia. E patruya cu a presenta a topa cu un auto color preto staciona y a constata cu bentana di chofer tabata habri y tras di wiel tin un hende muher morto na soño y tabata hole fuertemente na alcohol.
ORANJESTAD (AAN): Tabata 5’or y 30 di mainta diahuebs cu patruya di San Nicolas tabata pasando den Captain Robert Rodgersstraat y nan ta worde para pa un homber. Tabata trata di un homber Hulandes di inicialnan R.P. di 29 aña. E hulandes a splica polis cu el a worde maltrata pa un homber color scur bisti cu camisa blanco. Tambe dos muher cu e homber en cuestion tabata tin como compañante, a worde maltrata. Polis despues di a scucha e version a drenta den e localidad y agentenan a papia cu e doño. Segun e doño R.P. a drenta den VIP room y a cera esaki na lock.
ORANJESTAD (AAN): Den transcurso di diaranzon mainta, presencia di polis a worde solicita na un cas den Palm Beach. Parce segun informe suministra na polis un homber burachi tabata haci fastioso. Mientras tanto patruya di Noord a presenta na e cas y polis a atende e homber di inicialnan E de. L. S. di 52 aña di edad, naci na Filipinas/ Segun e Filipino el a discuti basta pisa cu e homber di inicialnan J.F. di 52 aña. E discusion na dado momento a sali for di man debi cu J.F. a bira agresivo y a dale e Filipino cu un pida palo.
ORANJESTAD (AAN): E prome informe a drenta, indicando cu lo tin un ladron a worde gara den Havenstraat. Despues a haya informe extra, cu ta un stranhero ilegal a worde captura. Kende a efectua e captura? A resulta cu dos persona, conoci como “Choller”, a haci e trabao di autoridad.
Ora cu a bira conoci cu tin un ilegal canando den e area di Plaza Daniel Leo, y cu el a comete un of mas fechoria… no tabatin Polis den vecindario.
Pero no ta bay scol y no por haya trabao
ORANJESTAD(AAN)–Atrobe tabata tin un caso di un yiu grosero cu ta haci bida na cas insoportable. Pero den e caso aki segun e yiu su relato por a ripara con hobennan sin papel no ta haya trabao ningun caminda, no por bay scol pasobra no tin placa tampoco y esaki ta causa problema den hopi famia tambe.
Hopi negoshi y ciudadano a bira victima…
