Archivo di e Categoria ‘Policial’
ORANJESTAD.(AAN);Bende alarma y instala esaki no ta tur pasobra importante ta e servicio y pa e alerta pa na momento cu e alarma activa y indica cu algo ta tumando lugar sea na e cas of establecimento na unda esaki ta instala. Dialuna ultimo casi 6 or di atardi central di polis a dirigi patruya Oranjestad na un cas den Caya Brusca pa kiebro. Ademas e centralista ta informe e unidad cu alarma di e cas a activa. Den poco minuut polis a presenta na e direccion.
Na e sitio tabata presenta guardia di seguridad di un compania di alarma.
E persona a bisa polis cu alarma a activa y mester tin persona den e cas.
Polisnan a bay parti patras di e cas pa control.
ORANJESTAD (AAN): For di Colombia nos a haya e informe cu durante un operativo di DIAN realiza na e municipio di Maicao, a confisca 2338 caha di whisky di contrabando.
Segun informe di RCN, e cantidad di whisky cu a ser tuma den beslag ta balora den mas di 1 miyon Florin.
E mercancia a ingresa procedente di Escocia bao di e modalidad di contrabando habri, via lama y supuestamente, embarca na Aruba.
Varios turista lo a keda sin casa riba 11-11-11!
ORANJESTAD (AAN): Ayera tabata un dia caminda hopi pareha a dicidi pa casa riba e dia aki, mirando cu esaki ta un fecha special pasobra e ta numbernan den secuencia. Esaki ta hacie un fecha atractivo. Sinembargo, DIARIO a haya informacion cu algo no a bay bon ora cu riba beach polis a presenta pa para algun bruid di turista. Pa casa riba beach lo mester tin permiso, segun indicacion. Posiblemente lo tabata tin di haber cu algun bruid no usual cu polis lo mester a presenta y parti boet tambe. Aparentemente e weddings planners tabata den rush ayera pa e motibo aki cu nan clientenan. Tin entendi cu por lo menos 3 bruid lo mester a keda cancela ya cu ningun a pidi permiso.
ORANJESTAD.(AAN); Atrobe a bolbe confisca papelnan di dollar falso. Ultimo tempo cantidad di dollar falso a wordo intercepta. Institutonan manera casino frecuentemente a descubri dollar falso muy en particular papelnan di 100 dolar falso. Aparatonan sofistica manera cu e papel pasa den dje ta indica si e ta falso si of no. Diadomingo atardi polis a bay na un casino relaciona cu dolar falso y aki e manager a declara cu un beach bum a bay na teller cu un papel di 100 dolar pa controla esaki debi cu e tin sospecho cu e por ta falso. E beach bum a haya e papel di 100 dollar for di un turista cu debe.
ORANJESTAD.(AAN);— Mas y mas comunidad ta bira mas consciente y no ta vacila pa filma actonan contra di ley. Mayoria di establecimento y hasta casnan di famia a laga instala camera di vigilancia pa proteha nan contra entre otro robo, atraco y otro delitonan. Diadomingo den transcurso di mainta, presencia di polis a wordo rekeri na un direccion den Weg Fontein.
Na e cas polis a atende e homber di inicialnan U.B. naci na Colombia di 43 aña di edad y el a declara cu e mucha homber di inicialnan M.L. di 15 aña, ta yude pa un siman caba den su garashi.
E diadomingo en cuestion el a wak e hoben M. riba un filmacion capta con L. y un amigo a desmantela pieza di un scooter diasabra ultimo entre 6 or di atardi y 10 di anochi na un cas cual e number di cas tambe a wordo menciona na polis.
ORANJESTAD.(AAN);– Tin varios rumor persistente e ultimo simannan y cu algun tempo caba lo ta circula, tocante di un homber cu ta predica den un misa situa den vecindario di Wayaca.
Aparentemente segun e informenan suministra e pastor en cuestion lo ta comete actonan cu cierto seguidornan cual actitud ta wordo desaproba energicamente.
Segun seguidornan, e pastor lo tin contacto amoroso cu diferente (como 5) hende muher hasta tin cu e lo a saca na estado y tambe tin yiu cu otro di su seguidornan.
E acusacion ta hopi serio y kende lo ta bay investiga e tipo di actonan asina?.
ORANJESTAD (AAN): No ta posibel ainda pa polis duna un procesverbaal of boete si e wak un chauffuer ta bezig cu su “smartphone”, por ehempel mandando mensahe, chat of lesa y type email. Pero, si esaki ta e causa di comportacion insigur den trafico, e ora si polis por duna e chauffeur un procesverbaal. Desde cu e smartphones a bin na moda y ta accesibel pa casi tur cartera, mescos cu na Merca por ehempel, polis na Aruba tambe ta worde confronta cu accidentenan sin un causa “normal”.
TOPA satisfecho di reunion cu e mandatario:
ORANJESTAD (AAN) – E reunion cu a tuma lugar entre Minister mr. Arthur Dowers y Sindicato TOPA, a bay den un bon ambiente, segun e sindicalista Rene Bernabella a bisa, den entrevista cu DIARIO. Bernabella a señala cu varios punto a worde treci dilanti durante e reunion aki, dentro di cualnan a resalta e asunto di promocion pa e trahadornan di Imigracion y di con esaki ta tardando pa esnan cu a drenta na ultimo pa loke ta concerni nan landsbesluit.
ORANJESTAD (AAN): Ta conoci cu esnan cu ta sufri di e malesa di Alzheimer ta exigi hopi atencion y cuido.
Sa socede cu un persona cu Alzheimer no ta “su mes”, y pa descuido e ta sali bay y e mes no sa unda e ta bayendo. Y ta bon pa comunidad sa pa bira mas conciente cu hende grandi cana su so riba caya pa observa si e por ta mustra of bo a haya indicacion cu e ta perdi of desorienta.
Djis acerca e persona aki ofrece yudanza, nan no ta persona peligroso.
Yama polis si acaso nan bira altera debi din an confusion. Lo ta recomendable mihor yama central di polis na e number 100.
ORANJESTAD (AAN): Un homber burachi a destrui windshield di un auto na altura di Café Capri situa na Tanki Leendert diasabra marduga. E yamada a worde registra pa tres’or mas 45 minuut via e sistema di central di polis.
Patruya di Oranjestad a worde dirigi mesora na e lugar y na yegada a atende doño di e vehiculo y tambe guardia di seguridad.
E guardia a indica polis e homber cu a destrui e windshield dilanti di e Mitsubishi lancer color cora.
Alaves e guardia a entrega polis un armband cu el a haya benta na suela banda di e vehiculo en cuestion.
ORANJESTAD (AAN): Diadomingo madruga banda di 2.20’or, un unidad di patruya ta bay Eagle Beach, pa un pelea.
Na yegada di Polis, autoridad a wak na e parti zuid di e luga di parker, dos hoben benta abou.
Un mucha homber tabata riba piso, y e otro ta tene. Polis a mira cu tur dos tabata burachi y nan conoce otro.
E mucha homber J.M.J, naci na Aruba di 20 aña, tabatin un kap na su wowo robes. Ora cu polis a puntre kico a pasa, e tabata papia bruha y a bisa polis cu nan no tin nada di bise.
ORANJESTAD (AAN): Diabierna banda di 6.30’or di mainta, patruya di Oranjestad ta bay na Caribbean Fasteners na Sabana Blanco, na unda un ladron lo tabata den e edificio.
Na yegada pols ta topa cu e doño, kende ta duna keho. Un testigo ta bisa polis cu el mira homber ta kibra pa drenta den e luga y probablemente ainda e ta den e luga. Polis hunto cu e doño a drenta den e luga y nan ta mira un homber.
ORANJESTAD (AAN): Diadomingo madruga banda di 2.50’or, polis a bay na Sr. Frog’s na Palm Beach, na unda un homber a worde haya cu Dollar falso.
Na yegada, Polis a papia cu dos turista, E A. naci na Argentina di 30 aña y e muher Venezolano Y.F.V. di 22 aña. E homber tabatin dos papel di 100 Dollar Mericano cu a resulta di ta falso. E kier a paga su cuenta cune.
Polis a confisca e placa y a ripara mesora cu e Dollarnan ta falso. E turista a bisa polis cu no tabata sa cu e ta falso y no tabatin mas placa pa paga. Al fin el a paga cu su credit card. E Dollarnan a keda confisca.
Pa tuma un posicion tocante indexering:
Gilfred Besaril ta splica
ORANJESTAD (AAN) – Manera ta conoci Presidente di Sindicato di Polis sr. Guilfred Besaril, y directiva di SPA, a tene un reunion cu tur su miembronan, den cual a trata indexering como prome punto di agenda. For di e reunion aki e miembronan a presenta un mocion cu e mandato pa e directiva acerca tur sindicato di gobierno, pa nan forma un bloke cu e meta di atende cu e asunto di indexering. E lider di SPA a subraya cu for di aña 2008 tin un protocol firma y tin un storia completo su tras tocante indexering.
ORANJESTAD.(AAN); Diaranson casi 7’or di mainta, central di polis a dirigi patruya di Noord na Texaco situa na Tanki Leendert. Aki lo tin un homber morto na soño.
Na e lugar, e cahera a declara cu un homber color scur bisti cu t-shirt geel y shinishi algun minuut pasa a spierta y a cana bay cierto direccion.
Polis a busca den vecindario y nan a topa un homber ta cana cual e descripcion ta cuadra. Ta trata di e homber cual su inicialnan R.E.E.P y polis a constata cu e ta bao di su awa y e no tin den su poder ningun identificacion.
