Archivo di e Categoria ‘Politica’

Plan di PPA ta pa pone un Warda di Polis na ex-John F Kennedy school

Publication: Saturday, 25 February 2017. Categoria: Politica

Eddy Bennet di PPA:

ORANJESTAD (AAN): Partido PPA ta den proceso pa prepara e proximo programa di gobernacion cu lo presenta na pueblo pa eleccion 2017.

Den e cuadra aki e ‘Think Thank’ di PPA a reuni y a pa prepara diferente proyecto basa riba vision y maneho real. PPA tin un vision pa henter Aruba y cual nos ta yama ‘Aruba HUB den Caribe !

E vision aki ta basa riba un planificacion real y factibel cu PPA a bin cune algun decada atras caba y cu awe ainda ta valido y ehecutabel pasobra e vision a largo plaso di PPA a demostra di a funciona y cu adaptacionnan inovativo di e Think Tank awor ta cla pa bay worde implementa!

Otmar Oduber a presenta Marisol Lopez-Tromp como candidato di Partido POR

Publication: Friday, 24 February 2017. Categoria: Politica

ORANJESTAD (AAN): Durante un conferencia di prensa, Otmar Oduber di Partido POR a revela nan siguiente candidato, kende a bira Marisol Lopez-Tromp.

Pues ademas di Joselin Croes, y Ronny Maduro, y mester menciona tambe Eddy Ras, Michella Lacle y Jacky van Putten, awor tin Marisol tambe den nan frontline.

Otmar Oduber a presenta Marisol Lopez-Tromp como candidato di Partido POR

Publication: Friday, 24 February 2017. Categoria: Politica

ORANJESTAD AAN: Sr. Otmar Oduber di Partido Por a anuncia un momento hopi special pa plataforma E Forza Nobo, mirando riba e forza cu e partido ta creando y cosechando den comunidad, y trece dilanti un momento hopi special cu ta trata di anuncio di un colega nobo cu a  uni na e plataforma aki y cu naturalmente ta duna mas contenido na e nomber y apodo cu nan a haya den comunidad ‘E Forza Nobo’.

Pakico Mervin Wyatt-Ras tin miedo di yama reunion cu Ministro Dowers

Publication: Friday, 24 February 2017. Categoria: Politica

MEP ta puntra su mes…

ORANJESTAD (AAN): Ya ta bay haci dos siman cu fraccion di MEP a pidi un reunion urgente cu minister Dowers pa atende cu e criminalidad cu tin henter Aruba den ansha. Despues MEP a ripiti e peticion pa minister Dowers bin duna cuenta di tur e acusacionnan cu e minister a haci den direccion di su ex-colega Otmar Oduber, di ilegalidad y cosnan cu no ta bon, pero mas ainda pasobra minister Dowers a laga sa cu e tin mas cos di conta.

Sinembargo te ainda e presidente di p[arlamento no a yama e reunion. E pregunta grandi ta: di con?  Acaso Mervin Wyat-Ras tin miedo di yama e reunion?

Acaso Mike Eman a duna orden na Mervin pa no yama e reunion, sino mas puito di sushedad ta sali di e macuto berde?

“Awe ta un dia historico den historia politico di Aruba”

Publication: Friday, 24 February 2017. Categoria: Politica

Andin Bikker:

ORANJESTAD (AAN): Segun Parlamentario, Sr. Andin Bikker, ayera tabata un dia historico y transcedental den historia politico di Aruba, pasobra desde Status Aparte, si wak considera e plataforma aki, e experiencia cu esaki ta contene, no tin opcion den 30 aña di gobernacion y eleccionnan cu a tuma lugar compara cu e plataforma ‘E Forza Nobo’ y Partido Por.

E Parlamentario a splica cu ora nan a cuminsa cu combersacionnan cu Otmar, nan a delibera y dicidi di trece dilanti un alternativa cu pueblo electoral lo bisa esaki ta un alternativa aki ta un combinacion y un balansa perfecto, pa loke ta trata hendenan cu experiencia politico, gobernamental, pero tambe esnan cu kier sirbi nan pais y ta disponibel pa voto electoral, e combinacion aki ta duna pueblo loke nan por spera di nan.

“Gobierno no por resolve problemanan di pueblo cu propagandanan bunita”

Publication: Friday, 24 February 2017. Categoria: Politica

Marisol Lopez-Tromp:

ORANJESTAD (AAN): Despues di anuncio di su candidatura cu Partido Por y Forza Nobo, señora Marisol Lopez-Trump a gradici apoyo cu el a haya y a bisa cu p’e ta un honor pa ta presente pa asina un biaha mas bay pa e reto pa e pais y bay un eleccion, y prepara pa esaki hunto cu su coleganan, cu nan experiencia pero tambe tur esnan cu a bin nobo acerca y esnan cu ainda falta pa worde introduci.

E kier a splica pakico el a uni su mes na E Forza Nobo, cu punto mas importante cu ta uni nan ta cu nan a realiza cu na Aruba, den momentonan aki tin necesidad urgente pa un di tres poder den gobernacion.

Ningun doño di aerolinea por presiona Departamento di Aviacion Civil

Publication: Friday, 24 February 2017. Categoria: Politica

Glenbert Croes:

ORANJESTAD (AAN): Segun Glenbert Croes di MEP, nan a tuma nota di e conseho di e Departamento di Inspection di Aviacion di Hulanda riba e funcionamento di e Departamento di Aviacion Civil di Aruba.

Apesar cu Gabinete Mike Eman 1 & 2 ta den proceso pa caba di destrui tur loke nos grandinan a construi pa Pueblo, e sed di destruccion di Aruba door di AVP ta pone nubia scur riba full e aparato di Gobierno.

Pesey su mensahe na Departamento di Aviacion Civil di Aruba, kendenan mi ta respeta enormemente, por fabor den nomber di pueblo y den nomber di e bon nomber di e isla, pa no permiti Ministronan di AVP, Parlamentarionan di AVP intromete den nomber di doñonan di aerolineanana pidiendo flexibilidad riesgoso pa nos pueblo, nos pais y nos turismo.

MEP a briya cu ausencia net riba reunion encuanto Abuso Sexual di Mucha

Publication: Thursday, 23 February 2017. Categoria: Politica

ORANJESTAD (AAN): Segun Clarisca Velasquez di Partido AVP, Comision di husticia a yama minister di husticia na parlamento pa trece preocupacion di pueblo pa cu abuso sexual di menor un biaha mas.

Henter parlamento ta worde invita pa e reunion aki y tur esnan cu no ta miembro di e comision tambe ta worde invita pa atende e reunion aki mirando cu e ta un preocupacion den pueblo.

Segun Velasquez, a tuma nota cu parlamentarionan di Mep a atende e manisfestacion dilanti ministerio publico riba e preocupacion diamars ultimo cu nan derecho pero awe diaranson cu ta nan deber pa atende e reunion importante aki aunke nan no ta miembro nan no a yega parlamento.

POR ta para banda di tur lucha contra abuso sexual di mucha y pa castigo minimo

Publication: Thursday, 23 February 2017. Categoria: Politica

Otmar Oduber:

ORANJESTAD (AAN) – Den conferencia di prensa di partido POR e plataforma nobo, señor Otmar Oduber a referi na un accion cu a tuma lugar recientemente, contra abuso sexual di mucha y particularmente e kehonan cu tin den comunidad tocante e castigonan cu ta wordo exigi door di e Fiscal.

Esaki den sentido cu e castigonan cu e hueznan ta duna na esnan pedofil. Oduber a expresa cu POR ta sinti como organizacion cu na momento cu nan asumi e responsabilidad despues di September venidero, y cu e poder di Dios naturalmente y di nos pueblo, cambionan mester tuma lugar pa manda un señal cla y raspa na e malhechornan cu ta comete e tipo di actonan aki.

Otmar Oduber a elabora riba POR su eventual plan di accion di reactivacion economico

Publication: Thursday, 23 February 2017. Categoria: Politica

ORANJESTAD (AAN) – Otmar Oduber lider di Partido POR, a indica den conferencia di prensa den e cuadro di e programa di accion cu e plataforma nobo kier ehecuta, cu nan ta bay crea un economia di start up.

“Caminda cu bo ta haci di Aruba un centro di exportacion di conocemento unda cu nos atrae mundialmente companianan grandi pa establece nan mes sea den freezone of den un forma huridico como research centers, di manera cu di aki nos por exporta e conocemento cu ta wordo crea.

Aruba tin un clima sumamente atractivo pa por haci esaki. Nos ta hayando cero na diversificacion economico aworaki, kiermen nos tin tur e posibilidadnan pa crea incentivonan fiscal pa atrae e gruponan aki na Aruba, cu por crea un pilar real economico, cu  ta mundialmente desaroya na e momentonan aki. Banda di loke nos a inicia y cu definitivamente nos lo continua cu ta e posibilidadnan maritimo cu nos tin.

POR ta bay fomenta e sistema di financiamento colectivo pa yuda den e desaroyo agricola

Publication: Thursday, 23 February 2017. Categoria: Politica

ORANJESTAD (AAN) – Den conferencia di prensa di e plataforma nobo POR, mr. Andin Bikker a menciona e intencion di e organizacion politico aki, di impulsa e financiamento pa empresarionan cu kier cuminza un negoshi, of cu kier agranda un empresa pero no tin financiamento.

Parlamentario mr. Andin Bikker a indica cu siman pasa el a reuni cu diferente instancia, y el a bin constata cu diferente persona na Aruba y den tur ramo di economia tin bon ideanan.

E politico a elogia e cantidad grandi di talentonan cu tin na Aruba y cu a expresa cu  nos bay cualkier otro pais rond mundo, den cualkier municipio di diez mil hende y haci un comparacion ta increible con nos talentonan ta resalta.

Parlamentario mr. Xiomara Maduro mustrando cu Gobierno actual no ta e sostenibilidad di berdad

Publication: Thursday, 23 February 2017. Categoria: Politica

ORANJESTAD (AAN): Nos tur kier biba den un Pais sostenibel na unda cu nos ta cuida nos naturalesa y nos ta tuma pasonan pa asina nos conserva nos recursonan natural pa nos mes y pa nos yiunan. Nos Gobierno a hala atencion na Aruba y na mundo cu e tema aki di sostenibilidad.

Pero lamentablemente e bon intencion aki no a concretisa den cuido di nos naturalesa, pero mas bien ta un farce berde bou di cual capa hopi danio ta worde haci na nos Pais. E farce berde na Aruba no ta e sostenibilidad di berdad.

E Plataforma Forza Nobo ta bay trece Aruba nos profesionalnan hoben cu ta afo!

Publication: Thursday, 23 February 2017. Categoria: Politica

Joselyn Croes:

ORANJESTAD (AAN)—Joselyn Croes, miembro di Partido POR, a elabora tocante dos tema den conferencia semanal di prensa.

Na prome lugar el a splica kico e Plataforma Forza Nobo ta bay haci pa trece nos hobennan profesional cu ta afo, bek na Aruba.

Na di dos lugar el a referi na Criminalidad, di cual e tambe a yega di bira victima di hortamento di prendanan cu balor di indole familiar, algun tempo pasa.

NOS HOBENNAN:

A logra baha criminalidad cu 50% usando tecnologia

Publication: Wednesday, 22 February 2017. Categoria: Politica

Hulanda ta duna ehemplo di vision y boluntad:

ORANJESTAD (AAN) – Partido Pueblo Orguyoso Respeta, Plataforma nobo den conferencia semanal di prensa, diamars, a trece diferente punto di atencion dilanti, atravez di su lidernan mr. Andin Bikker y sr. Otmar Oduber.

Na prome lugar mr. Andin Bikker a hiba palabra expresando: “Si tin boluntad y vision tin solucion pa combati criminalidad”.

Un hecho interesante el a referi na dje, unda a splica con na Hulanda en su totalidad criminalidad a baha substancialmente, y specificamente na Rotterdam criminalidad a baha cu 50 porciento. Noticianan divulga dialuna a mustra esaki.

Otmar Oduber di E Forsa Nobo lo reglamenta y haci transparente e dunamento di tereno

Publication: Wednesday, 22 February 2017. Categoria: Politica

ORANJESTAD (AAN): Otmar Oduber di e plataforma politico POR a expresa cu dunamento di tereno di cas y tereno comercial mester ta transparente y lo ta back central na e departamento concerni despues di september ora  cu POR drenta gobernacion.

Durante conferencia di prensa di E Forsa Nobo, Otmar Oduber a bisa claramente cu despues cu siman pasa a atende e tema di dunamento di tereno, a haya un avalancha di yamadanan di disgusto pa loke ta e maneho cu ta worde hiba na Aruba.