Archivo di e Categoria ‘Politica’

Parlamentario (EWC) ta haya salario di 144 trahador

Publication: Friday, 24 October 2014. Categoria: Politica

Fraccion di A.V.P ta informa.

ORANJESTAD (AAN): “Un parlamentario den apenas 5 luna ta cobra salario di 144 trahado humilde ganando sueldo minimo”, esaki ta conclusion di fraccion di AVP den e escandalo cu ta rondona lider di MEP.

   Inhusticia ta e palabra pa califica e abuso aki. “Esaki ta locual nos a haya na informacion pre-liminar, pero tin mas na caminda. Fraccion di AVP a recibi informacion cu tin mas prueba contra e lider di MEP Evelin Wever-Croes na caminda. E suma di e 5 transaccionan bancario (cu te awor aki a sali publica) ta equivalente na salario di 144 trahado.

Partido MEP lo bay tin otro lider pa proximo eleccion

Publication: Friday, 24 October 2014. Categoria: Politica

ORANJESTAD(AAN)— Pa proximo eleccion na 2017, partido MEP lo presenta probablemente un lider nobo, cual proceso ya caba a wordo inicia den gruponan preocupa cu loke ta tumando luga ultimo tempo.

Desde cu Evelyne Wever Croes a bira lider di e partido reemplasando Nelson Oduber, MEP no a conoce progreso pa loke ta popularidad di e partido den pueblo, loke a lanta preocupacion grandi cerca un grupo di hende yega na e partido, cu no ta kere cu MEP lo por pasa den un proceso igual pa e ultimo aki.

MEP a bolbe cay den total di asiento y mientras varios candidato, entre nan e lider Wever Croes y Xiomara Maduro a bay dilanti den total di voto personal, esaki mas bien a tuma luga ora cu votadonan di e ex lider Nel Oduber, a bay over pa nan persona sin cu esaki a mustra un adelanto real di e partido.

Edificio di Ex Brenchie no a ser bendi y no ta na benta

Publication: Wednesday, 22 October 2014. Categoria: Politica

Evelyn Wever Croes y Karel Maduro di MEP ta sigui gaña…….

ORANJESTAD(AAN): Ta dificil pa haya Evelyn Croes lider di MEP papia berdad. Of ta dificil pa gare ta papia berdad. Cada biaha un storia. Un muher cu ta gaña asina hopi kier sigui intenta pa un dia bin goberna e pais aki. Un muher cu tin mas duda riba dje pa transaccionnan pisa cu e ta haciendo na banco y via nan negoshinan di famia cu papa etc a enriquece nan mes.

Poco dia pasa Evelyn Croes a presta su mes pa gaña riba minister Mike de Meza cu el a dal auto. Berguensa pa Evelyn Wever Croes pasobra Mike de Meza tabata ausente di Aruba. Asina por sigui menciona un cantidad di cos mas unda Evelyn ta gaña. E ta un malesa di gañamento cu ta contagioso tambe.

Contagioso pasobra awor Karel Maduro di MEP tambe a pega cu esaki. Den nan programa di Rochela na radio di MEP den oranan di anochi a tende Karel Maduro tambe cu su virus di Evelyn riba gañamento. Parce e tin un dolor cu e doño di e edificio. Karel Maduro ta wordo considera un politico bobo cu ni sikiera por traha un articulo.

Participantenan di ‘Green Aruba – Europe Meets the Americas’ ta paga nan mes pasashi, hotel y estadia na Aruba!

Publication: Wednesday, 22 October 2014. Categoria: Politica

MEP y Grupo di 7 no kier pa pueblo sa cu:

‘Macaco ta sigui hunga cu e wowo di su yiu te ora e sake’

ORANJESTAD(AAN): Recientemente MEP y Grupo di 7 a manda campañadornan pa ‘campaña’ na Hotelnan siman pasa y e resultado tabata uno prediciblemente straño. Turistanan a keda bruha pa e accion ey y no tabata mucho contento cu esaki. MEP y Grupo di 7 a anuncia cu nan lo sigui cu e strategia ey. Kico MEP y Grupo di 7 kier logra involucrando turistanan den asuntonan of opinionnan interno di MEP? Niun hende sa! Niun hende por compronde.

Pero awo nan a pone nan bista riba e conferencia ‘Green Aruba – Europe Meets the Americas’. Según MEP y Grupo di 7, lidera pa e ‘revolucionario’ Rocky Kelly, e conferencia no ta bon pa Aruba pa tur sorto di motibo bruha. ‘Green Aruba – Europe Meets the Americas’ ta un conferencia cu a duna resultado caba creando poco poco un pilar economico nobo na Aruba.

“Mi ta reta Evelyn Wever Croes pa habri su cuentanan di banco pa publico y ami lo haci mescos”

Publication: Tuesday, 21 October 2014. Categoria: Politica

Parlamentario Clarisca Velasquez

ORANJESTAD (AAN): “Mi ta reta Evelyn Wever Croes pa e ta sincero cu pueblo.”   Esey ta loke Clarisca Velasquez di AVP a remarca.

   Loke un matutino a publica di un cuenta di banco cu e tin ful autoridad e ta nenga te awe cu e cuenta ey ta di dje.

   Segun Velasquez, Evelyn a bin cu tur storia. Prome ta e matutino a screen shot e cuenta. Despues ta falsifica nan a falsifica su nomber na e cuenta. Despues ta cuenta di su casa y su tata.

Evelyn Wever ta e arkitecto intelectual di CFT

Publication: Tuesday, 14 October 2014. Categoria: Politica

El a priminti Hulanda di lo coopera pa cambio di constitucion

ORANJESTAD   (AAN): Mas o menos 5 aña pasa e lider nobo di partido MEP, mr. Evelyn Wever-Croes a cuminsa cu e prome intentonan pa yega na locual awe ta “College Financieel Toezicht”, CFT, pa Aruba. Esaki ta un instrumento cu Hulanda kier uza pa haya control riba finansa di Gobierno di Aruba.

Despues di a drenta den e status nobo, dia 10 di october 2010, Gobierno di Hulanda a logra impone e maneho aki riba tanto Corsou como Sint Maarten, cu si ta raporta regularmente na e organisacion CFT. Desde e tempo ey, na mas di un ocasion, a purba di tur forma pa implementa e mesun formula riba Aruba, pero Gobierno nunca a permiti esey. A purba forsa e decision, poniendo presion, pero Gobierno a para duro y no a sucumbi.

Tin varios motibo dicon no por compara Aruba cu e otro paisnan autonomo den Caribe Hulandes. E otro nan a haya un areglo cu masha beneficio ora a acepta e status nobo, entre otro a paga tur nan debenan pa asina e paisnan por a cuminsa di nobo, sin ningun debe. E mesun suerte ey Aruba no tabatin na aña 1986 ora cu nos a haya nos Status Aparte.

Evelyn Wever-Croes ta admiti cu e ta bruha, pero no mester bruha Pueblo!

Publication: Monday, 13 October 2014. Categoria: Politica

Parlamentario Sr. Jeffrey Kelly:

ORANJSTAD (AAN): Segun Jeffrey Kelly di AVP, e lider di Mep mes a declara durante un rueda di prensa cu el a keda mas bruha ora cu el a sali di reunion di comision di Finanzas. Ora bo yega laat reunion y bo no tey pa ricibi informacion importante y valioso cu Minister di Finanzas a duna, ta logico cu bo ta bruha, pero bo no mester bay bruha pueblo.

   Esaki segun Parlamentario Kelly ta un di e hopi problemanan cu Mep tin, esta cu no ta percura pa haya e informacion corecto. Consecuentemente ta duna informacion robes na Pueblo, causando duda y panico. Ta parse cu esaki ta draaiboek di partido Mep: (*) Sembra odio.  (*) Crea duda y panico.  (*) Instiga Pueblo.  (*) Troce e berdad y mal informa Pueblo.

  E hamber pa poder ta asina obvio cu ta parse cu si nan por bende nan alma nan lo haci’e, pero no pa sirbi pueblo, sino pa puro interes personal. 

Ta mas cu obvio cu cuenta di banco miyonario a wordo habri

Publication: Monday, 13 October 2014. Categoria: Politica

Parlamentario Clarisca Velasquez

 despues cu ley di politico a pasa na dec 2010

ORANJESTAD(AAN)– Segun parlamentario Clarisca Velasquez, lider di Mep ta nenga te awe cu loke medio di comunicacion a publica ta berdad. Pero loke medio di comunicacion a publica ta “make sense” pasobra e cuenta cu lo mester bira e cuenta miyonario a wordo habri despues cu ley di politico a pasa den parlamento 17 december 2010 caminda ta bisa cu un parlamentario no por tin otro entrada.

A usa un “constructie” cu no ta usual cu ta un VBA y despues a habri un cuenta na banco 11 maart 2011 mes dia cu a inscribi na Camara di Comercio. Hopi biaha ta usa e “constructie” aki ora tin hopi negoshi di famia. Ora lider di Mep ta bisa cu e no tin nada di haber cu negoshi di famia e ta ganja pasobra placa di otro negoshi di famia ta bai directamente riba cuenta di banco cu e lider di mep su nomber tin ful autoridad riba e cuenta.

Loke e medio di comunicacion ta “make sense” pasobra ta mas cu logico cu tata ta manda placa pa su heredera riba e cuenta miyonario. Loke e medio di comunicacion a publica ta ” adelanto di ganashi” ta logico cu e heredera tin cu sigura e placa di su tata.

E integridad di e lider di MEP ta den discusion

Publication: Monday, 13 October 2014. Categoria: Politica

Parlamentario Marlon Sneek

ORANJESTAD (AAN): Segun Marlon Sneek di AVP, dianan ta pasa bay, simannan tambe pero ainda e lider di MEP, sra Evelyn Wever Croes, no a bin dilanti duna un splicacion na pueblo di Aruba,  riba e transferencia grandi di placa cu nos por a mira den un matutino cu a pasa riba un cuenta bancario caminda su nomber ta aparese, un cuenta cu ningun hende tabata na altura di dje.

   E splicacion fofo cu el a duna siman pasa, no ta splicacion, caminda Evelyn a trata di  culpa tur hende,  acusa un matutino di ta gaña cu miembronan di AVP ta core peliger di haya nan mes den un caso di daño y perhuicio pa ‘ripiti’ loke a sali publica den medionan di comunicacion, pero sin aclaria nada riba e  asunto serio aki.

Evelyn a bay Hulanda hunga ‘mooi weer’,  entre otro el a bin haya sa cu e departamento caminda cu e tabata traha (belastingdienst), no ta apto pa cumpli cu su compromisonan, mientras cu personalmente e mes no ta cumpliendo cu su obligacionnan como ciudadano ehemplar cu e mester ta como representante di pueblo.

Lider di Mep ta busca tur cos pa desvia atencion di riba cuenta di banco miyonario

Publication: Monday, 13 October 2014. Categoria: Politica

Parlamentario Clarisca Velasquez

ORANJESTAD(AAN)– Segun parlamentario Sra. Clarisca Velasquez di AVP, “nos a tuma nota cu e lider di Mep ta buscando tur cos pa desvia atencion di riba su cuenta di banco cu un medio di comunicacion a publica.”

 Prome el a declara cu e no tin ningun otro fuente di entrada. Gañamento atrobe pasobra loke medio di comunicacion a publica ta bisa claramente cu e sra aki tin cuenta na banco cu den apenas 3 luna a ricibi cas mey miyon florin riba e cuenta ey. Despues e ta declara cu loke a publica den medio di comunicacion ta falsifica.

Gañamento atrobe paso e medio di comunicacion cu a publica e cuenta di banco tin prueba cu e tin e cuenta ey cu e ta nenga. Despues e sra aki ta declara cu ta cuenta cu e tin mas cu 25 aña na e banco.

Ruiz-Maduro ta pidi pa morto, Wever-Croes ta insinua un Hit & Run y na final e victima ta Señora Wever-Croes?

Publication: Friday, 10 October 2014. Categoria: Politica

Un herment esencial den politica ta un spiel:

ORANJESTAD(AAN): Xiomara Ruiz-Maduro ta un persona cu ta vocifera su opinion pafo y pa den di Parlamento di un manera unico. Hopi biaha, e ta papia su boca ‘voorbij’ of simplemente e ta papia loke e ta pensa. Aunke esey riba su mes den politica no ta algo malo, e consecuencianan ta un poco fastioso mayoria di biaha.

   Tempo cu tabata tin reunionnan encuanto Valero den Parlamento, e parlamentario aki a haya ta bon, den un reunion pa duna incentivo pa Valero keda Aruba, pa yama Valero pa Satanas y Minister de Meza ta diabel pa purba traha cu Valero. Expresionnan, mininalmente, for di sla.

E parlamentario aki a impone un track-record serio di tipo di expresionnan di e tipo aki. Algun siman atras el a expresa cu e lo kier pa pueblo “kill” Prome Minister Mike Eman ora cu e ta bishitando bario entre otro.

Aruba mester ta na prome lugar ora di manifesta

Publication: Thursday, 9 October 2014. Categoria: Politica

Parlamentario Clarisca Velasquez

ORANJESTAD (AAN): Segun Clarisca Velasquez di AVP, nan a tuma nota cu partido Mep ta orkestrando manifestacionnan y welganan den nan sed pa poder politico y nos a tuma nota e direccion peligroso cu nan kier instiga nan hendenan pa atenta contra nos unico pilar economico cu ta nos turismo.

   Turismo ta e pilar cu a sostene nos pais ora e refineria Valero a sera.

   Pesey mester ta conciente como Arubiano of como hende cu ta stima nos pais cu no ta tur cos cu politiconan hambra pa poder kier pone nos haci cu nos ta bay hacie ciegamente.

Lider di MEP ta bolbe confirma cu tur accion y tur vision ta dirigi riba progreso propio y di famia

Publication: Thursday, 9 October 2014. Categoria: Politica

Segun Parlamentario Marlon Sneek

ORANJESTAD (AAN): Cualkier transaccion di suma di placa grandi, tin cu worde raporta segun leynan existente, ley di MOT. Den partido MEP tin un ex funcionario di e departamento aki como miembro di Parlamento, cu lo por splica su lider ta con e ley ta inca den otro.

   “E solo hecho cu lider di MEP den solamente tres luna di tempo manera a worde publica den un matutino, a move mas di 300 mil Florin ariba un cuenta cu e ta maneja, anto por conclui cu di 2011 cu e V.B.A a worde lanta, e cantidad di placa cu a move di un caminda pa otro riba cuenta di e lider di MEP, lo por a yega 2 miyon Florin.

   Un posibel 2 miyon riba cual no tin splicacion y caminda e asunto mas serio ta e hecho cu Evelyne Wever Croes no a pone Parlamento di Aruba na altura cu e tin entradanan adicional na su salario como miembro di Parlamento.

Evelyn Wever-Croes a spera cu un masa di hende lo a bin ricibie na Aeropuerto como ‘Heroe’

Publication: Tuesday, 7 October 2014. Categoria: Politica

ORANJESTAD(AAN): E siman cu a pasa, MEP, bou capa di Comision Accion Nacional, cu ta un comisión cu a worde forma den cede di MEP na Sta. Cruz, a organiza un manifestacion cu un poco mas di 500 hende riba pia.

   Na cuminsamento e manifestacion tabata uno hopi trankil pa standard nan di MEP, pero ora cu esun cu tabata responsabel pa e manifestacion, Sr. Hendrik Tevreden, a cuminsa pidi tur hende pa bay cas, Señora Xiomara Ruiz-Maduro a coy e microfoon for di Sr. Tevreden y a anuncia cu ningun hende mester bay cas. Aunke a mayoria a scohe toch pa bay cas, un grupito a keda, incluyendo hendenan intoxica y otronan cu menos bon intencion.

  Consecuencia ta cu mas laat den anochi e situaciona bay for di man ora cu Polis a purba convence esnan presente pa bay cas. Aunke cu SeñoraXiomara Ruiz-Maduro, cu apenas algun siman pasa a pidi pa morto di Prome Minister Mike Eman, a pidi e anochi aki un paro nacional y pone Aruba plat, pa su mañan mainta, el a subi e prome vuelo di Insel Air y a bay vakantie Miami.

Evelyn Wever-Croes gara ta lanta falso testimonio di Minister Mike de Meza

Publication: Monday, 6 October 2014. Categoria: Politica

Segun informacion, e lider di MEP ta purbando di tur manera pa desvia atencion di e Escandalo Miyonario cu e ta hinca aden!

ORANJESTAD    (AAN):Lider di fraccion di AVP varios biaha ta uza un dicho refiriendo na e MEP lidera pa Sra. Evelyn Wever-Croes, “Bo no por gara nan ta papia berdad!” E fin di siman aki un bes mas Sra. Wever-Croes, herself, riba facebook a purba lanta calumnia riba un prohimo.

   Aparentemente e lo a haya un potret for di un informante di dje y el a pone riba su facebook cu e potret ta prueba  cu Minister Mike de Meza lo ta involucra den un Hit & Run. Pero pa su mala suerte, Sr. Mike de Meza y su famia tabata cu vakantie y no tabata riba Aruba.