Archivo di e Categoria ‘Politica’
IMSAN ta keda San Nicolas, Minister Visser a aclarea
Ta garantiza tur empleado nan trabao y pa nan keda trankil!
ORANJESTAD (AAN): Minister di Salud Richard Visser den un conferencia a splica un tiki inkietud a ser crea door di Booshi Wever di MEP rond di e proyecto di IMSAN. Segun e mandatario, como Gobierno nan ta para pa San Nicolas. Cu locual nan ta deal aworaki ta IMSAN. A subraya cu IMSAN ta bay keda y nunca nan a bisa cu e ta bay.
ORANJESTAD (AAN): Durante conferencia di prensa di Gobierno relaciona cu firmamento di un protocol pa yuda criadornan di bestia y agricultornan pa haya awa di WEB cu ta worde uza pa spula equipo, Minister Benny Sevinger a gradici tur persona envolvi den e proyecto. El a elogia e manera creativo cu a busca un solucion pa yuda e cunukeronan cu ta planta y ta cria bestia.
Ora bo haya bo mes den un temporada unda cu awa no a yobe, bo tin cu busca solucion y e protocol firma sigur lo yuda.
Parlamentario Lainda Kemp:
ORANJESTAD (AAN): Luna pasa parlamentario Lainda Kemp-Westerhof a dirigi un serie di preguntanan na Minister Arthur Dowers tocante NOP (Nationaal Onderwijs Plan). E motibo di esaki tabata su preocupacion tocante e situacion unda a worde lanta BINOP (Bureau Implementatie Nationaal Onderwijs Plan) pa asina ehecuta e NOP cu tabata mara na un contract sumamente ridiculo. Den e contract aki e persona cu mester a keda encarga pa haci e NOP posibel ta gana Afl. 20.000,- como salario pa luna, Afl. 8250,- ta worde paga na huur di edificio y sin conta e Afl. 4100,- cu ta worde paga na awa, corriente y gas.
Autonan placha ta wordo hiba dump pa despues wordo recicla…
ORANJESTAD (AAN)- Siman pasa funcionarionan di oficina di Minister Benny Sevinger hunto cu polis di bario y City Inspector a pasa inspecciona varios santana di auto. A papia cu e doñonan di e lugarnan aki y a pidi nan permiso pa deshaci di e autonan bieu cu ademas di ta duna un mahos bista, ta un criadero di djaca, tur sorto di insecto y tambe malesa. E doñonan a duna permiso y ayeramainta tempran Minister Sevinger y funcionarionan di su despacho a bay prome na un santana di auto na Bushiri pa wak con e trabao ta bay worde haci.
Minister Michelle Winklaar contento cu e resultadonan
ORANJESTAD (AAN): E meta di e mision comercial na Colombia y Panama tabata pa explora posibilidadnan y oportunidadnan pa comercio, tambe pa atrae inversionnan entre Aruba, Colombia y Panama. Minister di Asunto Economico, Asunto Social y Cultura, señora Michelle Hooyboer-Winklaar a topa cu diferente mandatario Panameño y comerciante nan renombra na Panama durante di e mision di comercio organiza pa Camara di Comercio di Aruba. Aruba tabata presente na Expocomer 2010 cu a tuma lugar na Panama entre 3 y 6 di maart 2010, cu un delegacion di comerciantenan Arubiano, miembronan di Camara di Comercio di Aruba, Departamento di Asunto Economico, Comercio e Industria di Aruba y Departamento di Relacionan Exterior di Aruba.
Minister Sevinger cumpliendo
ORANJESTAD (AAN): Minister di Infrastractura Benny Sevinger a pone como meta su dilanti pa percura pa nos tur por biba riba un Aruba limpi. Ta pesey mes cu funcionarionan di su despacho den cooperacion estrecho cu City Inspector Marlon Pieters, cu polis di bario y cu Serlimar, ta traha duro pa tene e isla aki limpi. A pasa den diferente bario caba pa haci limpiesa rigoroso. Ta keda na cada un di nos pa mantene nos isla den limpi despues.
Minister Arthur Dowers:
ORANJESTAD (AAN) — Minister di Husticia mr. Arthur Dowers a duna su comentario na nos redaccion, tocante e reunion cu el a tene cu e gobernante Hulandes señor Hirsh Ballin y sra. Magaly Jacoba, Minister di Husticia di Antiyas. E dignatario a menciona cu gobierno a keda hopi satisfecho cu e reunion aki, cual a bay den un ambiente hopi positivo. El a duna di conoce cu Aruba a presidi e reunion aki, y e tabata tin e responsabilidad pa organiza henter e reunion y guie.
Minister Dowers ta reacciona tocante critica:
Pero polis ta haci su trabao dentro di margen di ley!
ORANJESTAD (AAN) — DIARIO a entrevista Minister di Husticia y Enseñanza mr. Arthur Dowers, relaciona cu un critica fuerte cu a ser haci rond di su persona, debi na cierto medida cu el a stipula den e contexto di orden publico. E mandatario a splica cu como minister di husticia, e ta carga e responsabilidad politico pa e trabao cu Polis ta haci. Pero e no ta na haltura directamente di kico a sosode den e caso cu e persona ta critica, y Polis cu ta responsable di e area di Hotel, pa peticion di turistanan y managernan di Hotel, a actua contra e personanan cu lo ta bende time sharing (OPC).
Durante promocion impagabel den “Early Show” na CBS
Mas di 4 miyon televidente a mira “The Super Dancers”
ORANJESTAD (AAN): Cu un biento frieu suplando, e bailarinanan di “The Super Dancers” a haci nan presentacion dialuna mainta trempan durante “Early Show” na CBS. Aruba Tourism Authority hunto cu Minister Otmar Oduber a logra regla pa Aruba haya cobertura durante e show, specificamente durante e segmento di tempo. Aki e presentador a sali y e publico para pafor tur tabata bisti cu T-Shirt di “I Love Aruba”. A scohe colornan bibo di T-Shirt, manera ta berde, geel y blauw cla. Tambe tabatin borchinan promoviendo nos isla.
Den encuentro cu Minister Mike de Meza:
ORANJESTAD (AAN) — Minister di Meza a bishita Distrito di San Nicolas, diasabra cu a pasa, den e marco di e compromiso cu Gabinete Mike Eman-1 tin, di ta cerca di pueblo. Den entrevista cu nos redaccion e dignatario a bisa nos cu Minister Presidente mr. Mike Eman, tambe ta reuniendo cu comunidad den e diferente Hulpbestuurskantoor y centronan di bario, manera por a tuma nota cu a sosode siman cu a pasa, y e compromiso ta pa cada un minister tambe duna consulta.
Un promedio di 500 meter di coriente a ser corta e luna aki…
Esaki ta parti di e maneho social di gobierno!
ORANJESTAD (AAN): Den e dianan cu a pasa a tende algun critica riba cortamento di coriente na diferente cas. Esaki tin di haber cu clientenan cu no a paga nan recibo. Elmar a laga sa cu na dado momento nan no por keda sin atende cu esnan cu debe. Si nan laga recibonan keda habri sin paga e ta trece problema pa cu e maneho di Elmar. Den entrevista cu minister Mike de Meza a puntre kico gobierno por haci den un situacion asina.
Un poco dia prome cu eleccion den un analsis politico bao di e titulo “Befehl ist Befehl” nos a trece padilanti cu berdad e maneho di e gobernantenan di MEP den hopi caso ta criminal. Nos a bisa acerca cu esaki ta normal pa MEP. Pero durante e ultimo añanan nan a haci cosnan cu hasta pa hopi simpatisador di MEP mes tabata di mas. Un di e partinan di nan maldad tabata e trato den casonan di permiso pa estadia. E manera cu un cantidad di ser humano a worde trata tabata contra tur principionan di derecho di hende.
Segun René Herdé,
ORANJESTAD(AAN): Durante conferencia di prensa di fraccion di AVP, lider di e fraccion René Herdé a comenta riba caida di Gobierno Hulandes tambe. El a bisa cu mirando cu den Reino y na Hulanda partidonan ta comparti e idea di un contenido nobo di un reino comun, pa Aruba caida di Gobierno Hulandes no ta bay tin mucho efecto. Pa Antiyas cu ta den un proceso di restructurizacion e por conduci na tardanza. Esaki segun Herdé, kende a sigui bisa cu fraccion di AVP ta spera cu ta solamente un tardanza di e temanan di restructurizacion di Antiyas cu tin hopi aña ta andando, cu nan lo por considere como un ehecucion di decisionnan cu ya a wordo tuma y cu e no lo stroba pa nan yega na e restructurizacion y finaliza esey pa 10 di October.
Segun lider di PDR,
ORANJESTAD(AAN): Recientemente durante conferencia di prensa di partido Democracia Real, DIARIO a puntra lider di e partido Andin Bikker, su pensamentonan riba caida di Gobierno Hulandes. Segun Bikker, den Parlamento di Aruba siman pasa a trata e tantisimo leynan cu ta regarda e desmantelacion di Antiyas y e leynan aki ta den un proceso, Gobierno tin un continuum. Bikker a bisa cu mirando e acuerdonan cu a wordo cera, e no ta kere cu caida di Gobierno Hulandes cu ta pone cu ta bay bin eleccion nobo, ta bay tin un impacto grandi riba desmantelacion di Antiyas.
Segun René Herdé,
ORANJESTAD(AAN): Durante conferencia di prensa di fraccion di AVP, lider di e fraccion René Herdé a trece dilanti cu e contenido cu AVP kier duna Reino ta pa tin metanan comun cu ta na beneficio di Hulanda, Antillas y Aruba. Nos mester tin metanan comun riba tereno di seguridad, defensa, calidad di salubridad, calidad di enseñanza y riba tereno di bon gobernacion. “E temanan grandi ey ta hasi cu nos como Reino ta haya caracteristicanan comun, apesar di e diferencianan di distancia, apesar di diferencianan di cultura, incluyendo cultura politico”.
IMSAN ta keda San Nicolas, Minister Visser a aclarea
