Cumpliendo cu rekisitonan di seguridad internacional

Aruba como parti di Reino Hulandes ta mara na regla y tratadonan internacional riba tereno di seguridad maritimo y aereo.

Pa loke ta trata seguridad aereo, e tratado aki a drenta na vigor na aña 1944 y esun maritimo na 1974. Manera menciona ariba, despues di e atentadonan di 9/11 e tratadonan aki a bira mas pisa y stricto caminda tin exigencianan mas pisa pa tanto seguridad riba tereno maritimo como aereo, pero tambe pa e barco y avionnan. Pa cumpli ci e tratado aki na 2004 Aruba a bin cu un Scheep- en luchtvaartbeveiligingverordening.

E verordening aki tanto aeropuerto como nos wafnan mester cumpli cu un serie di medidanan di seguridad estrableci. Aruba a implementa e diferente medidanan di seguridad necesario, pero US Coast Guard, cu ta e entidad designa pa control den nos area, semper tabatin e comentario cu nos isla no a crea un entidad cu tin e tarea pa supervisa e cumplimento di e leynan di seguridad internacional.

Den e cuadro ey, Minister Otmar Oduber, cumpliendo asina cu e rekisito aki, a bin cu un departamento nobo, Inspectie Beveiliging Scheepvaart en Luchtvaart (IBSL). E departamento aki a worde institui aña pasa y aunke e no ta completamente operacional ainda, ya caba a cuminsa funciona. Diensthoofd di e departamento aki ta Doti Quant kende ta conta cu 5 persona cu ta resorta bou di dje.

Tarea principal di IBSL ta pa sigura cu ta cumpli cu e leynan di seguridad internacional. Nan mester wak si nos puertonan ta conta cu un plan di seguridad, aprobe y zorg pa e beheer cumpli cune tambe.

Creacion di e departamento aki ta worde considera pa Minister Oduber como algo hopi importante pa salvaguardia nos pilar economico cu ta turismo, ya cu nivel di seguridad den tur sentido ta hunga un rol importante den e conseho y scohencia di destinacion pa pasa vakantie. “Aruba su nivelnan di seguridad portuario ta hopi halto y cu e departamento nobo, nan ta worde reforza mas ainda y ta cumpli tambe cu un di e rekisitonan riba nivel di seguridad internacional”, Minister Otmar Oduber a duna di conoce.

Un toren ta tuma un dak, un fundeshi y menos muraya cu e plan original cu lo mester a inverti den tres dak, tres fundeshi y mas muraya segun e dignatario. Esaki ta un sistema cu arquitectonan hunto cu expertonan Mericano lo ta haciendo na Merca, y hunto cu e Stuur Groep, lo evalua esaki.

Minister Sevinger ta convenci cu e sistema aki ta ideal pa Aruba, e lo baha e gastonan di construccion y lo cumpli cu e proposito cu gobierno tin, di duna un mehor servicio na nos pueblo.

E proyecto aki ta bay cuminza entre Juni cu Juli, si tur cos cana bon. Na momento cu e toren aki keda cla lo renova e hospital existente, y den esaki tambe tin cambio. Prome e intencion tabata pa renova piso pa piso, pero aworaki lo renova toren pa toren. A determina cu den e hospital existente tin dos toren, di cual ta bay renova un pa un completamente.

Otro cambio cu a bin acerca ta reforza e sistema di coriente, e sistema di seguridad, locual no tabata tin den e prome plannan y cu aworaki a bin acerca. Kiermen, tin un plan completamente nobo cu ta bay duna un empuhe positivo na e proyecto aki, den e direccion cu gobierno kier, y na final duna un mehor servicio na nos pueblo.

E cambionan aki a trece un retraso den e desaroyo di e proyecto, pero gobierno ta den combersacion cu e Arkitectonan pa haal in esaki, den e periodo cu ta pinta e mapanan y haci bestek, y lo purba di traha oranan extra of traha cu shiftnan pa por tin un hospital up to date, logicamente den un periodo cu tur hende por biba cune, segun e dignatario.

Pa di 4 biaha Gobierno a gana e caso entama pa Fresnos/Trusam

Despues di esaki a sigui cu algun negociacion, pero pa un proyecto practicamente di otro magnitud completamente diferente na esun cu nan a worde otorga inicialmente.

Concretizacion di e proyecto nunca a tuma lugar y e grupo Fresnos/Trusam nunca a cumpli cu e rekisitonan y pa tal motibo, Gobierno di Aruba tabatin tur derecho di para e negociacion cu e grupo aki.

Pa Minister Otmar Oduber e tres veredictonan di huez ta un mensahe cla pa e grupo Spaño,pero na mes momento ta crea mas pregunta riba e forma di proceder di Gobierno anterior pa loke ta trata e negociacionnan cu nan tabatin cu e grupo en cuestion, caminda no solamente tabata trata di Bushiri Hotel, pero tambe di terenonan di APA, sin cu esaki tabata carga aprobacion di APA ni Parlamento.

Contrario na e situacion ey, na e momentonan aki tin un proceso transparente pa otoroga e construccion di un hotel cu un training centrum. Tin cuatro grupo cu a bin na remarke pa desaroyo di e hotel y na maart nan lo mester entrega nan propuesta pa asina e comision encarga cune evalua esaki y duna su recomendacion na Minister Otmar Oduber y finalmente logra elimina e ruina cu tin na e momentonan aki y trece un hotel di cual henter Aruba por ta orguyoso atrobe.

Booshi Wever contento cu yiu di tera a bira director di HOH:

hecho cu un yiu di tera, esta dr. Jaime Falconi, ta ocupando e posicion di Director Medico di Hospital dr. Horacio Oduber, for di entrante 1 di Februari.

Parlamentario Wever a bisa cu e ta contento cu otro yiu di tera ta ocupando e posicion aki, despues di hopi tempo cu e gobierno na mando ta nombrando solamente hende di afo, den cargonan importante na Aruba.

E ex-minister di Salubridad Publico a bisa cu e sa cu dr. Falconi a pasa den hopi trabao pa por a haya e posicion aki, y den hopi cos e mester a pasa, pasobra si ta pa sr. Boestem, e lo a haci tur posible pa un Arubiano lo no a worde nombra.

Dr. Jaime Falconi ta un persona cu e parlamentario conoce di hopi tempo, y e ta hopi contento cu su nombramento y ademas e tin e confianza cu e lo sa di hiba Hospital na unda cu e mester bay.

Na e remarca cu ta e mesun gobierno na cual sr. Wever a sirbi como Minister a nombra dr. Boestem, el a contesta cu gobierno tin masha poco di bisa den nombramentonan di director di Hospital, pero nan kier a hinke den e wega di billiard aki e tempo ey, pasobra e no tabata di acuerdo y a bisa cu e ta prefera yiu di tera.

Parlamentario Wever a subraya cu tabata tin yiunan di tera cu por a haci e trabao aki, pero Raad van Toezicht a scoge pa no haci esey, y na final cu nan a tuma e decision ken lo a bira director nan tabata kier pa e tuma parti den e decision locual el a nenga.

El a acentua cu e no tabata tin nada, pero nada di haber cu nombramento di dr. Boestem, y el a acentua cu sr. Boestem no a nifica nada positivo pa Hospital dr. Horacio Oduber, solamente pa yena Hospital cu Hulandesnan Europeo.

El a bista tambe cu e problema cu a surgi cu sr. Ruben Croes tabata un wega di cual Minister Visser a forma parti di dje, y el a exigi un onderzoek den cual su propio hendenan tabata envolvi pa core cu sr. Ruben Croes.

Tempo cu sr. Booshi Wever tabata Minister di Salubridad e no por a deal bon cu sr Boestem, y segun su palabranan el a hasta a haci hopi pa boicotea e Centro di Cardiologia na San Nicolas, cu awor ta boicotea pa Minister Visser, y cu ta un joya di proyecto cu ta putriendo pariba aya.

Tambe el a pidi Boestem pa haci su esfuerzo pa construccion di un hospital nobo, pero lamentablemente esaki no a sosode y mas bien el a traha contra e idea aki.

E Parlamentario a agrega cu e ta lamenta cu e mesun AIB cu e tempo cu e tabata kier bin cu un hospital nobo a bisa cu e edificio actual no ta adecua pa Hospital, y cu e ta keda un edificio bieu, awor ta colaborando cu gobierno pa bin cu un edificio nobo den e mesun lugar aki, mientras cu esey no ta e lugar ideal pa un hospital.

E no ta kere cu dr. Falconi por haci algo pa cambia e rumbo aki, pasobra segun’e ya tin un deal mafioso den henter e asunto aki, na unda hendenan cu tabata envolvi den e proyecto di racetrack, por ehemplo Baptist, y el a manda preguntanan entre otro na AIB, cu nan no ta dunando contesta riba esakinan.

Segun Booshi Wever un “click” ta trahando rond, na unda cu tur hende cu ta sinta den e oficina di e presidente di Raad van Toezicht di San Nicolas, ta “wiel and deal” henter e asunto aki.

El a agrega cu señoramr. Monica Kock ta haci tur ley y pueblo di Aruba tin cu paga pa nan strica placa y pueblo di Aruba tin cu strica pa Baptist bin Aruba. E Parlamentario ta lamenta cu tur hende ta keto, mientras cu e tin entendi cu AZV lo tin cu paga Baptist 12,5 miyon dollar anualmente.

E Parlamentario ta pro pa Gobierno tin mas di bisa den e maneho di hospital, y el a publica un comunicado di prensa den cual el a bisa cu e mesun AIB cu ta colaborando cu e gobierno actual, den pasado a yega di bisa cu hospital mester di un structura nobo unda cu e Raad van Toezicht cu tin awor lo a disparce, na unda cu gobierno, AIB y FDA lo tin mas di bisa.

Parlamentario Wever a subraya cu mester bin un evaluacion obhetivo, pasobra loke ta core rond ta cu den e seno di Raad van Toezicht tin conflicto di interes den Hospital, y tanten cu e evaluacion aki no sosode e sospecha aki ta keda, y e ta spera cu e sindicato AVB haya e oportunidad di apunta e compania cu lo mester haci esaki.

Kico Nel ta bay haci awor: Destino ta bolbe pone un oportunidad den man di sr. Nelson Orlando Oduber. Segun Sneek, e ta kere cu awor Nel mester tuma e curashi di bin staten y defende pueblo y stop di grita manera alma malo na radio y television.

“Nos kier tende di sr Oduber su mesun persona si un biaha mas e ta bay laga e pueblo un banda y keda cas zoja den stul of si e ta bay asumi su responsabilidad y bin Staten y traha pa pueblo.”

Parlamentario Donny Rasmijn:

Tin stapnan ta wordo tuma y den Staten nan ta forzando hopi riba e aspecto aki, pero semper e ta bin na di dos lugar despues di economia cu ta ocupa e prioridad. Parlamentario Donny Rasmijn a acentua cu a yega tempo pa nos pensa riba nos futuro generacionnan. Rasmijn a trece como ehemplo un famia cu tin un tereno, pasobra nan kier pa dia di mañan nan yiunan tambe por tin un tereno cu por traha un vivienda riba dje.

El a splica cu mescos ta sosode cu Aruba. Nos kier pa nos pais keda disponible pa e futuro generacionnan, pasobra si no, y si nos no cuida nos lugar, kico nan ta bay tin mañan.
No obstante por mira cu matanan ta wordo destrui keto bay den nos pais.

Sinembargo pa ley un mata cu ta riba un tereno di gobierno no por wordo destrui sin mas, sinembargo e manglenan di Pos Chikito a wordo destrui siendo cu nan ta riba tereno di gobierno, y tabata tin tin basta reclamo di publico tocante esaki.

Banda di esey, tin matanan cu ta wordo ranca sin previo aviso ni permiso. Esaki mester wordo trata cu mas seriedad y cautela, segun e Parlamentario. El a agrega cu na dia 11 di April 2011, den Staten a wordo pasa un mocion unanime, basa riba un rapport di medio ambiente cu a señala cu na Aruba diferente departamentonan di gobierno cu ta cay bao diferente minister, ta responsable pa ehecucion di maneho di medio ambiente y naturaleza, siendo cu esaki ta wordo mehor sirbi pa un solo minister y un solo directie ta responsable pa henter nos medio ambiente y naturaleza.

E mocion di Staten ta pa un solo minister y directie encarga cu maneho di medio ambiente y naturaleza, pa por tin un bon enfoke riba dje, pasobra no por ta asina cu un minister ta manehe di un manera y otro minister na un otro manera.

E tempo ey den e mocion Parlamento a urgi gobierno pa dentro di tres luna bin cu un plan di implementacion, incluyendo consecuencianan financiero y organizatorio. E conseho haci den e rapport a wordo inclui den e mocion, cu e meta pa Aruba bira e pais mas berde den Caribe y nos Isla ta wordo propaganda den exterior como un Isla cu ta cuida su medio ambiente.

Rasmijn a subraya cu Parlamento kier pa haci un cambio den e medio ambiente di nos pais, y cu esaki haya atencion debido.

Esaki ta algo cu ta bay wordo treci dilanti den tratamento di presupuesto, pa wak cuanto placa tin disponible pa cuido di nos medio ambiente y cuanto hende lo wordo destina pa mantene e cuido di nos medio ambiente y naturaleza.

E centro aki ta unico y moderno y ta importante pa Gobierno sostene SABA pa nan por tuma tur e pasonan pa realmente usa cada parti di e facilidadnan moderno y costoso aki. No por ta asina cu un parti dje centro ta keda para bashi, siendo cu e facilidad tey pa wordu usa.

Como miembro di Parlamento independiente lo mi sigui enfoca riba nos grandinan, y ainda ta wardando e contestanan di diferente minister, riba e preguntanan cu mi a haci relaciona cu e vision di Gobierno pa cu e retonan di vergrijzing y e accionnan cu lo mester wordu tuma.

Contestanan di Gobierno riba preguntanan di parlamentarionan representando pueblo, ta un parti esencial pa por controla Gobierno su maneho.

El a duna di conoce cu AVP ta bezig pa yama un reunion cu SABA pa wak unda e problema ta sinta, of si ta Departamento di Finanza no ta pagando esaki. E Parlamentario a reitera cu e placa a worde poni disponible y sigur via un presupuesto, y el a remarca cu señora Wever- Croes ta gaña ora e ta bisa cu e ta e persona cu a zorg pa e trahadornan di SABA tin e pension aki, unda cu MEP ni señora Wever- Croes no a vota pro e presupuesto concerni. Si nan a vota contra, con nan kier a garantiza pa e personanan aki haya nan pension.

Minister Otmar Oduber sumamente satisfecho cu resultadonan di turismo durante 2011

Tambe el a indica cu despues cu Merca a presenta cifranan di 0 crecemento, por a mira cu den luna di december a logra toch un crecemento di 2.3% for di e mercado Norte Americano.
For di e mercado Sur Americano por a mira un crecemento na december di 12.3% y for di e mercado Europeo un crecemento di 1%.

Pa loke ta cifranan di aña 2011 Minister Oduber a comenta cu a conoce un aumento di 5.7%, lo cual ta mustra cu a redobla e pronostico di 3% di crecemento cu a worde stipula pa aña pasa. Den total a ricibi pa aña 2011 871,316 bishitante, mientras cu na 2010 esaki tabata 824,330 turista.
E Mercado Mericano a keda practicamente flat na 2011 mientras cu e mercado Latino Americano a conoce un crecemento di 26.8% caminda cu aña pasa a ricibi 184,977 bishitante for di e region aki compara cu 145,889 na 2010. E mercado Europeo a conoce tambe un crecemento di 7.2%.

E ‘tourism receipt’cu ta worde calcula pa Banco Central ta mustra cu nos a conoce un crecemento di 10%, esta 10% di entradanan adicional cu a bin for di turismo pa nos economia compara cu 2010.

Tambe e mandatario a elabora riba e cifranan di turismo crucero caminda el a mustra cu den luna di december por a mira un crecemento di casi 25% den e cantidad di bishitantenan crucero.
Pa loke ta henter 2011 por mira cu e cantidad di turistanan crucero a crece cu 5.4%, sobrepasando e meta poni di 5%.

Minister Otmar Oduber a expresa di ta sumamente satisfecho cu e cifranan aki, mirando e retonan cu tabatin caminda oficina di turismo a conoce un transicion di 180 grado. “Den un aña di transicion asina y toch funciona y duna resultadonan aki ta danki na esfuerzonan cu a worde haci door di oficina di turismo y tambe tur nos partnernan, e relacion cu tin pa cu aerolineanan y cruceronan cu ta continua tambe na 2012”.

Proyeccion cu tin pa 2012 ta di un crecemento minimo di 3% pa loke ta trata cantidad di bishitantenan pa Aruba y pa turismo crucero un crecemento di rond di 5% un biaha mas.
Den e mesun cuadro aki el a expresa cu den e temporada off-season aki, despues di hopi aña lo haya un cantidad di entre 17 pa 18 barco crucero cu lo bishita nos isla. Esaki despues cu pa basta tempo tabata solamente 2 of 3 barco so tabata drenta entre mei y september.

“Mi ta mira cu positivismo 2012 a pesar cu tin retonan grandi”, Minister di Turismo a duna di conoce. El a bisa cu Europa ta bay bira un reto grandi e aña aki, economia Europeo ta pasando den retonan y pesey mes ta reuniendo y ATA ta preparando un documento riba instruccionnan di Gobierno pa por bay busca den mercadonan potencial Sur y Centro Americano, manera entre otro Brazil, Ecuador, Chile y Argentina. Tambe ta aumentando esfuerzonan na Venezuela y Colombia, mescos cu na e mercado existente cu ta creciendo pero cu ta kere cu tin un potencial hopi mas grandi, manera ta e mercado Canades.

Den aspecto di barconan crucero, lo bin cu intentonan mas intensivo pa cu barconan Europeo, es decir, barconan cu ta sali for di Europa mirando cu den e temporada di mei pa september hopi barco ta worde reubica for di akinan te na Europa y sondea e posibilidadnan pa Aruba por bira parti di e itinerario aki.

Den esaki a busca un compania cu lo asisti Aruba den dje y a base di e relacionnan cu tin lo cuminsa un proceso hopi mas intensivo den cuadro tambe di un relacion hopi mas intensivo cu lo tin cu APA. A yega na un acuerdo caminda cu e minister di Turismo lo ta esun encarga cu e aspecto di turismo crucero.

Finalizando, Minister Oduber a comenta riba e proyectonan hotelero cu ta den proceso. Akinan el a menciona cu den e promer siman di maart e 4 companianan cu a pasa pa e siguiente ronda lo mester haci entrega di tur e requistonan pa por yega na un decision. Igualmente el a menciona e proyecto Blue, cual su construccion ta cuminsa e luna aki, mientras cu diferente otro hotelnan ta continua cu nan proceso di remodelacion y reconstruccion.

Pero asina mes Booshi por a bira lider di MEP pasobra e no tabatin mester di Nel su sosten pa gana cualkier confrontacion den e reunion di lider. Pesey e periodo a bin cu Booshi cu unico temor tabata e posibel candidatura di Evelyne Wever Croes.

Atrobe palabranan di Booshi mes a trece den publicidad con falso Evelyne ta pasobra cada biaha cu Booshi tabata puntra Evelyne si e ta bay pa lider di partido Evelyne tabata garantize cu e no ta pone su mes como candidate.

Esaki Evelyne a keda convence Booshi te ultimo momento cu el a bay inscribi un paar di minuut prome cu e ora lo a pasa. Di biaha Booshi a retira su candidatura pa laga e liderazgo di MEP bay pa Evelyne.

E motibo cu tin tras di e decision di Booshi ta bay causa cu e lo ta un fracasa total como lider di e partido cu e ta bay lanta. Booshi tabata sa masha bon cu si el a confronta Evelyne den un reunion di lider e lo a gana y bira lider di MEP. Pero e problema pa Booshi tabata cu esnan tabata kier pa Evelyne bira lider tin documentonan na cantidad encuanto e periodo cu Booshi tabata ministro y e documentonan aki lo yega cerca ministerio publico y polis e mesun dia ey.

Ta pesey Booshi a cobardia y no a confronta Evelyne pasobra manera nan a splica Booshi cu e por gana Evelyne den e reunion di lider pero pa su mañan e lo ta lider di partido tras di trail na KIA.

Ta pesey tambe nos ta mira un Booshi awe tur dia no ta mishi ni cu Evelyn ni cu MEP. Loke ainda no ta conoci ta si esnan cu tin e materialnan lo permiti Booshi lanta su mes partido pasobra mescos ta conta ainda cu si nan no ta desea di mira un partido di Booshi cu lo molestia Evelyne un poco e mesun mensahe lo bay pa Booshi cu e resultado cu Booshi lo no lanta ningun partido y probablemente e ora ey bay cu pensioen.

Ta cu ki cara si nan permiti Booshi lanta su partido e lo bay splica e voradornan cu el a laga nan scop e for di MEP worde yama traidor y awo e kier nan voto. E votadornan ta bay puntre pakico e kier nan voto awo y e no a bira lider di MEP.

Pakico e kier nan voto awo lagando e partido cu e ta stima bay pa bin cu un partido insignificante pa bringa AVP hunto cu MEP pero den un partido cu lo fracasa. Ta con e ta bay splica e posibel votadornan cu ora cu Evelyne a bira candadato pa bira lider di partido e no por a keda pasobra su futuro lo tabata uno hopi scur.

Ta con e ta bay splica cu Evelyne cu a comete un acto di traicion contra dje e no ta mishi cune. Un rato den su emocion e dianan ey el a yama Evelyne falso pero di biaha a stop cu esaki y despeus di e dia ey e a bira mucha manda di Evelyne