Archivo di e Categoria ‘Politica’
ORANJESTAD (AAN): E siman aki por a scucha e miembro di parlamento Sr. Maikel Kelly, cu parce awor ta sinta den wandel- gang pa scucha cosnan, lansa insinuacionnan pa crea impresion robes y hunga politica barata. “Sr. Kelly y su coleganan sa masha bon e berdad, esta cu mi a distancia mi mes di e companianan di Visser Holding na momento cu mi a bira Ministro den Gabinete Mike Eman. Esey ta significa cu mi no ta envolvi cu e companianan aki den ningun sentido for di dos aña pasa caba. Visser Holding cu su mesun Staff semper desde 45 aña pasa ta participa activamente den comercio di Aruba y Caribe den un forma integro. Hasta prome cu ami y Sr. Kelly a pensa di bay studia Visser Holding tabata haci negoshi y participa den destahonan publico, sea gana of perde, sin tin mester di mi persona.
Analisis politico
ORANJETSAD (AAN): E degeneration den MEP no ta bay para den futuro mirando e actuacion di e lider nobo. Den e corto tempo cu Evelyn Wever Croes ta maneha e partido geel e a demostra cu e ta baha na un nivel mas vies cu Nel Oduber tabata haci. Ya caba e ambiente politico rond di dje ta malisimo. Ya caba den corto tempo e a mustra cu papia berdad no ta algo pe. Ya caba e ta un politico cu cada rato ta worde gara cu mentiranan flagrante. Un di su prome mentiranan grandi tabata cu e cambionan di ley cu gobierno a introduci kitando privilegionan di e politiconan tabata leynan pa beneficia e politiconan. Puro mentira!
Anto ariba un topico serio.
Segun Parlamentario Westerhof..
ORANJESTAD (AAN): E temporada di Pasco y aña nobo a pasa tras di lomba , awor nos ta den un aña nobo cu mester sigui mira cosnan positivo nos dilanti. E aña aki ta un aña cu retonan nobo y cu Gobierno di AVP ta sigui duna e pueblo di Aruba loke cu e merece. E aña cu a pasa tur loke cu Gobierno a priminti den su campaña a cumpli ya caba cu un parti di dje. E aña aki ta pa sigui cu tur e retonan cu tin. Un di e logronan grandi cu a tuma luga ta e ley di enseñansa obligatorio pa e hobennan na Aruba. Tambe a traha riba diferente schoolnan cu tabata den mal estado. Awor e hobennan por haya nan lesnan den un miho ambiente y cu nan por ta orguyoso di nan school.
Drs. Paul Croes, presidente di Staten:
ORANJESTAD (AAN): Dia 16 di Januari awor, tin e prome reunion riba presupuesto. Asina drs. Paul Croes, presidente di Staten a duna di conoce den entrevista cu DIARIO. El a menciona cu mescos cu aña pasa, den e ley di presupuesto di 2012 tur ministerio ta hinca den dje.
El a recorda cu antes cada presupuesto tabata worde trata separadamente, kiermen siete diferente ley, pero awor ta un ley loke ta nifica cu ta bay tin reunionnan largo unda cu e turno pa cada orador lo worde amplia, pa duna espacio na miembronan di Parlamento pa por trece nan puntonan dilanti, y despues di esaki lo trata e presupuesto cu Presidente di Staten ta calcula cu lo dura ocho dia.
ORANJESTAD(AAN): Lider di fraccion di AVP René Herdé a bisa durante conferencia di prensa di su partido Diabierna, cu den e dianan aki sigur oposicion lo sigui reclama y critica cu nan ta wordo exclui y cu fraccion di AVP ta purba cera nan boca. Tambe cu e fraccion berde ta purba elimina nan di hasi nan trabao y stroba nan di hasie. “Lagami bisa enfaticamente cu nos no por hasi esey y nos no kier hasi esey”. “Nos no kier y nos no por stroba nan di hasi nan trabao”.
“No solamente pasobra nos ta kere den un democracia fuerte cu ta inclui un oposicion fuerte”.
Esaki segun Herdé, kende a sigui bisa cu fraccion di AVP ta kere cu ta importante pa oposicion, pa pais Aruba y pa parlamento en general funciona bon.
Durante e tratamento di e Leynan di Pensioen, segun parlamentario Lrona C. jansen Varlack
ORANJESTAD (AAN): Hendenan ta lubida cu ora di tira un bala contra un muraya e ta bin bek hopi mas duro. Durante di su disertacion, Parlamentario sr. Marlon Sneek a otorga premio di aña 2011 na Parlamentario Evelyn Wever-Croes. Banda di e premio cu el a haya di Woman of the year, awor e por pega na su muraya e premio di Pinocchio, el a sali na di dos lugar cu e premio di ausencia den Parlamento pa 10 ley cu a wordo trata e luna aki y por ultimo el a haya e premio di e mihor storianan ficticio inventa.
Rene Herdé:
ORANJESTAD (AAN): Segun Rene Herde, durante di tratamento di e leynan di pensioen general pa tur trahadonan den sector priva y pa trahadonan cu ta traha riba nan mes (= taxista, contratista chikito, drechado di computer, chicado di pos, etc.) e partido MEP a purba crea e impresion cu nan tin un miho plan. E realidad ta cu MEP nunca a pensa riba un pensioen general pa trahadonan, pero si kier pasa pa e partido “di ” trahadonan. E lider di MEP a menciona un “vision” di su partido pa un pensioen general y e ex-lider di MEP (Booshi Wever) a bisa cu e no ta kere mes den un pensioen general, pero den un fondo di spaar. E realidad ta cu ningun di nan a yega di dedica tempo na pensa riba un plan pa sigura tur trahado un miho entrada ora nan stop di traha.
Segun Benny Nisbet….
ORANJETSAD (AAN): Mester implementa un maneho pa cu lugar rond di Aruba, unda varios vez incidente di hogamento a tuma lugar, autoridad NO por core pa e responsabilidad aki mas.
Na final di aña 2011, Baby beach tabata den noticia atrobe pa cu fayecimento di un turista. Algo cu nos ta lamenta profundamente, pero hunto cu hopi otro den nos comunidad PPA ta cuminsa preocupa pa cu e bon nomber y imagen di Baby Beach na San Nicolas.
Parlamentario Ciudadano Booshi Wever
ORANJESTAD (AAN): E titular di Salubridad Publico a haya ta necesario pa reacciona riba “diferente critica coriendo riba caya”, manera e mes a declara den su rueda di prensa ultimo.
Ta trata aki di dos tema, esta e cantidad di stranhero laborando na hospital, y e acuerdo cu lo kier haci cu Baptist Hospital di Miami.
Booshi Wever
ORANJESTAD (AAN): Según Parlamentario Booshi wever, den dos articulo anterior relaciona cu introduccion di un pensioen general obligatorio, mi a trece dos punto cardinal dilanti.
E prome tabata cu e pensioen ta un areglo à la casino, como cu e cliente sa kico e ta contribui na e fondo, pero e no sa kico e ta haya back! E di dos tabata e pregunta si e areglo ta beneficia cada un di e participanten!
Parlamentario mr. Xiomara Ruiz-Maduro (Fraccion MEP):
ORANJESTAD (AAN): Según Xiomara Maduro di MEP, nan a tuma nota cu contricantenan politico cu no tin mucho argumento a laga publica un articulo den prensa pa laga mustra cu mi persona den e reunion di presupuesto suppletorio pa 2011, lo a referi na collega parlamentarionan Ady Thijsen y Andin Bikker cu nan lo ta bisti carson den dia y broeki anochi.
Mi mester remarca cu e articulo aki no a sali di mi pen y esaki ta bisto como cu e no ta contente ningun informacion alcaso pa Pueblo. Ademas mi mester remarca cu mi trabao parlamentario ta dirigi na controla Gobierno di Aruba y pesey mi no por perde tempo valioso pa sinta manda mensahe den corant na otro parlamentarionan.
Evelyn Wever-Croes
ORANJESTAD (AAN): Durante reunion den Parlamento diamars ultimo diripiente Minister Presidente Mike Eman a cuminsa papia di autonomia di Aruba y acusa oposicion cu oposicion ta busca independencia.
Lider di MEP, Evelyn Wever-Croes, den su stem motivering, a bisa “Awe nos a mira un Minister Presidente cu hopi curashi, pasobra dirpiente el’a cuminsa papia di autonomia, di Samenwerkingsprotocol, di Parlatino. Pero lamentablemente sin cu nos tin derecho di replica. Pasobra ya nos tabata den tweede ronde caba, y nos no por a contesta, ni debati.
Segun MEP: pueblo di Noord no merece esaki
ORANJESTAD (AAN): Den parlamento gobierno a pasa un ley pa duna 5 miyon Florin pa renobacion na schoolnan di Noord despues di e hoos cu a pasa na Noord.
Pero tras di e 5 miyon aki, Gobierno a core sconde cantidad di otro gastonan di luho, y kier laga hende kere cu tur e placa ta pa pueblo di Noord.
Xiomara Ruiz Maduro na Ady Thijsen:
ORANJESTAD (AAN): Durante reunion publico den sala di parlamento di Aruba, tension a escala un poco na momento cu prome minister Mike Eman tabata contestando e preguntanan haci na su persona.
E contestanan di prome minister tabata encuanto di loke cu Ady Thijsen a declara na parlatino denunciando Hulanda cu kier hinca Aruba back den colonisacion y esaki no a cay den bon tera cerca e parlamentario.
Parlamentario Ruiz-Maduro (Fraccion MEP):
ORANJESTAD (AAN): Durante e reunion publico riba e presupuesto suppletorio pa aña 2011 nos por a tende nos Minister President y nos Minister di Finanzas splica cu nan a haya e finanzas publico di nos Pais na werki na aña 2009 ora nan a tuma mando.
E mandatarionan tambe a indica cu na 2001 e Gabinete di signatura Eman e tempo ey a laga yen di placa den caha di Gobierno y pesey awor nan ta lamenta cu no tin placa mas. Pero e cifranan publica pa Banco Central di Aruba den e Annual Statistical Digest di 2010, ta duna un bista completamente otro di locual e mandatarionan aki ta treci dilanti awe.
