Archivo di e Categoria ‘Politica’
Evelyn Wever-Croes:
ORANJESTAD (AAN): Den un veredicto fecha 12 di juni 2013 Corte di Apelacion a dicta na fabor di Carl Giel, politico riba lista di MEP. Den un conferencia di prensa duna pa su abogado Anthony Ruiz na e bufete di abogado, lider di MEP tambe a hiba palabra.
“Husticia a vence, y awe persecucion politico a caba. Y mi mester bisa cu den e caso aki Gobierno, y specificamente Minister Otmar Oduber, a abusa di e sistema legal. Nan a fabrica storia, nan a lastra nomber di Carl Giel, y tambe di directornan di companianan priva bon conoci den nos comunidad, nan a nenga di duna documento, djis pa sirbi un proposito di persecucion politico.
ORANJESTAD (AAN): Diabierna awor Partido AVP ta presenta un candidato fuerte pa e bario di Savaneta. E no ta un desconoci den politica di Aruba. Señora Mervin Wyatt-Ras tabata varios aña miembro y tambe presidente di Parlamento di Aruba.
Despues di un conflicto den su partido pa motibo di a para pa principio den caso di reforma di pensioen di miembronan di Parlamento Wyatt-Ras hunto cu su colega Marisol Lopez-Tromp a cera conoci cu e furia di partido MEP. Ambos a worde saca na mal ordo di e partido cu nan tabata representa den Parlamento di Aruba.
E motibo di e conflicto tabata e reforma di pensioen pa miembronan di Parlamento pa cual ambos a vota na su fabor. Un ley na fabor di Aruba, pero cu a perhudica ambos politico financieramente. Asina mes, door cu nan a haya cu e tabata un bon iniciativa di ley nan a vota pro.
MEP ta bati alarma
ORANJESTAD (AAN): Partido MEP a bati alarma! Nan ta mustra cu Gobierno aki a perde tur escrupulo. Campaña electoral nan ta hasiendo cu placa di pueblo.
Cada minister ta organisando encuentronan miyonario na hotelnan ofresiendo especialmente hobennan cos di come y bebe a cambio di un voto.
Y ken tin di paga tur esakinan? Pueblo naturalmente.
Segun MEP, Mike Eman y su gobierno ta abusa di placa di pueblo, ganja hasi cu ta actividad di gobierno, pero ta cla y raspa cu ta actividad politico nan ta.
Riba e ehempel adhunto por mira e simbolo politico di Arthur Dowers y e flyer ta bisa cu ta Minister Dowers ta invita. Pues claramente por mira cu ta actividad politico e ta riba custia di pueblo.
Lider fraccion drs. Rene Herde:
ORANJESTAD (AAN) – Den conferencia di prensa di fraccion di AVP, drs. Rene Herde, lider di e fraccion a señala cu AVP a cana di school pa school y saca potret pa mustra con e cura di e schoolnan tabata y e tempo ey no tabata tin e mesa ainda.
El a subraya cu envez di puntra ken a haci fout AVP, sin cera wowo pa e realidad, a lora manga y no a busca culpable pa persigui pero nan a tuma e problema y traha riba dje.
Drs. Rene Herde a remarca cu awendia envez cu e economia ta cay e ta crece tiki, pero e ta crece!
Bruce Harms, hoben profesional cu a participa den e Think Tank di Minister Oduber
ORANJESTAD (AAN): Diamars anochi den Radisson Ballroom a tuma lugar e ‘Think Tank event’cu profesionalnan hoben, organiza pa Minister Otmar Oduber. E anochi aki tabata uno sumamente exitoso caminda riba 100 profesional hoben a participa den diferente terenonan di experticio pa duna nan sugerencianan, critica y observacionnan y specialmente nan contribucion pa loke ta bay bira e futuro maneho di nos isla.
Tur participante y moderadornan a keda hopi contento y entusiasma cu e anochi, e tabata asina exitoso cu nan ta pidiendo pa realiza un di dos sesion di dje.
Un di e hobennan cu a participa durante e anochi aki ta Bruce Harms. El a participa den e sala dedica na e pati di turismo. Bruce a felicita Minister Otmar Oduber y ATA pa cu e sesion aki.
ORANJESTAD (AAN): Segun MEP, ta increibel con na Aruba nos tin un gobierno cu su modus operandi ta di manipula cu cifranan compila door di instancianan imparcial y profesional y pa cual e gobernantenan ta haciendo como sifuera cu tur cos ta positivo den e pais aki.
Den e ultimo siman y dianan aki nos por a mira con e cifra oficial di e deficit financiero 2012 ta worde troci di tur banda door di e gobierno actual y ta trata di bende pueblo un otro cifra cu nan mesun ‘expertonan’ a fabrica den Bestuurskantoor.
Politica
ORANJESTAD(AAN): For di bon fuente, tin informacion cu e candidato fuerte cu AVP lo lanza diabierna ta drs Mervin Wyatt-Ras.
Esaki ta un candidato cu a bandona e fila di MEP despues di e mal trato cu el a haya den e partido cu pa añanan largo su famia y e mes a kere den dje. Mescos cu Mervin Ras tin tambe e colega drs Marisol Tromp cu a pasa den mesun situacion.
Tabata tin diferente combersacion unda finalmente tin un decision cu diabierna awor esaki lo bira e candidato fuerte cu lo worde lanza na apertura di e Cas di Partido AVP na Savaneta.
Evelyn
Aki 108 dia anochi Evelyn Wever Croes ta bay puntra esnan cu a forze bira lider di MEP pakico nan a haci esaki cune. Evelyn tabata inspector di belasting durante añanan cu AVP tabata den gobierno.
Pa maneha e situacion financiero e tempo ey tabatin un comision financiero special cu tabata reuni un biaha pa siman caminda decisionnan importante tabata worde tuma. Evelyn tabata miembro di e comision aki y tabata cumpli cu su trabao na un manera ehemplar.
ORANJESTAD (AAN): Lider di e partido mr. Andin Bikker ta bisa esaki pasobra canando riba caya y tambe pueblo cu tin canal 46 por ta testigo cu e nivel den parlamento pa hopi aña caba ta bahando riba un nivel inaceptabel.
E partidonan tradicional constantemente cada bez ta bay pidi voto di pueblo y nan ta garantisa pueblo cu ora nan haya e mandato nan lo drecha pa bin cu un nivel den parlamento.
Pero sinembargo PDR ta constata cu signatura ta cambia di berde, geel, geel, berde y nada no ta pasa.
ORANJESTAD(AAN): E siman aki lo tin un anuncio grandi den politica di Aruba. Partido AVP lo tin apertura di un Cas di Partido na Savaneta y ta worde spera cu lo tin anuncio grandi y sorpresivo na e momento ey. Speculacionan ta hopi, pero e partido no ta divulgando e persona cu lo bay forma parti di e equipo fuerte di AVP.
Partido AVP algun siman pasa caba tabata tin anuncio di un candidato sumamente fuerte pa Savaneta y Aruba henter den persona di Dokter, Specialista, Alex Schwengle.
Mr. Desiree Croes di AVP kier sa,
ORANJESTAD(AAN): E atake sin sentido di Edwina Henriquez riba Minister Hooyboer-Winklaar a laga un sabor hopi amargo atras. Sigur pasobra esaki no ta sirbi ningun meta y riba dje el a core hala su palabranan baho aden ora cu e Minister a cuminsa cana e caminda legal.
Cada ken por lanta telefon y habri afo nan su antoho contra un hende cu no a mishi cu ne pa ofende sin tin base pa esaki.
Miembro di AVP, mr. Desiree Croes tambe den pasado a haya su mes den un kimera cu e mesun señora aki pasobra cu segun señora Henriquez e ta e unico persona na Aruba (of podis’e hasta den henter mundo) cu mag di papia di derechonan humano.
ORANJESTAD (AAN): Lider di MEP a duna e siguiente splicacion pakico e no por a sostene e presupuesto di pais Aruba. “esaki ta e presupuesto mas irealistico cu nos a trata di gabinete Mike Eman. Ta mescos cu e gabinete aki mes ta competie cu su mes cual ta mas irealistico cu otro.
Pakiko mi ta bisa esey ta pasobra Banco Central y IMF a splica cu gobierno ta manipula cu cifras. Aña pasa segun Minister de Mesa e deficit tawata 271 miyon y segun CBA e tabata 442 miyon, pues 170 miyon mas halto cu gobierno kier pretende. Dificilmente bo por confia un gobierno asina. .
Pero e presupuesto aki no ta carga mi aprobacion psobra tin prioridadnan ekiboca. E gobierno aki ta pone prioridad na klinker y asfalt, den e reunion aki so nos a tende Ministernan usa e palabra klinker mas di mil biaha.
ORANJESTAD (AAN) — Diabierna atardi Partido Democracia Real a presenta un candidata nobo den persona di Zuleika Coffie.
Zuleika ta un conocido hoben modelo y actriz cu a participa den varios produccion local (short films y propaganda) cu por wordo mira riba youtube.
Manera conoci Democracia Real kier introduci incentivonan di belasting pa atrae companianan pa produci video clips, films, novela, mini series na Aruba.
Parlamentario Clarisca Velasquez
ORANJESTAD (AAN): Despues di tanto medida di un gobierno anterior e gobierno nobo a pone como prioridad pa inverti den nos hendenan.
Segun Clarisca Velasquez di AVP, nos hendenan mester a bira central despues cu e gobierno anterior a haci su famia y amigonan e tema central pa goberna.
Ora e gobierno Mike Eman 1 a asumi responsabilidad na aña 2009 a cuminsa cu su inversion den nos hendenan.
A cuminsa na baha e “monster” di BBO cu mitar y a laga e loonbelasting ( e flankerend beleid) mescos cu e tabata ora a introduci e BBO na aña 2007.
Inversionnan ta necesario pa trece pan riba mesa di hopi di nos famianan
ORANJESTAD (AAN) – Den entrevista cu Matutino DIARIO, den oranan di madruga, e Parlamentario Independiente drs. Mervin Wyatt-Ras a duna di conoce su motibonan pa cual a vota na fabor di presupuesto 2013, apesar cu e tabata un decision dificil pe.
Esaki pa motibo cu tabata tin diferente presentacion por ehemplo di Banco Central y Camara di Comercio, cu a mustra cu tin un deficit considerable, pero di otro banda mester tene cuenta cu nos pais ta pasando den un situacion dificil unda cu no tin Valero mes, y mester haci inversionnan pa asina nos hendenan por pone pan riba mesa di hopi di nos famianan.
