Archivo di e Categoria ‘Politica’
Parlamentario Ruiz-Maduro (Fraccion MEP):
ORANJESTAD (AAN): Durante e reunion publico riba e presupuesto suppletorio pa aña 2011 nos por a tende nos Minister President y nos Minister di Finanzas splica cu nan a haya e finanzas publico di nos Pais na werki na aña 2009 ora nan a tuma mando.
E mandatarionan tambe a indica cu na 2001 e Gabinete di signatura Eman e tempo ey a laga yen di placa den caha di Gobierno y pesey awor nan ta lamenta cu no tin placa mas. Pero e cifranan publica pa Banco Central di Aruba den e Annual Statistical Digest di 2010, ta duna un bista completamente otro di locual e mandatarionan aki ta treci dilanti awe.
MEP: Politiconan Hulandes tambe a worde ciega pa show y fantasia?
ORANJESTAD (AAN): E declaracion recien di e miembro di CDA y amigo di AVP sr. Jan van Bochove – na nomber di Comision di Relacionnan di Reino di Tweede Kamer – esta cu nan lo no bay trata contenido di e carta cu e partidonan di oposicion di Aruba, MEP y PDR pa locual ta nan keho contra Gabinete Mike Eman, ta mustra un biaha mas e ignorancia total cu ta biba den mente di e miembro aki.
Xiomara Ruiz-Maduro (Fraccion MEP):
ORANJESTAD (AAN): Gabinete Eman a presenta un presupuesto suppletorio pa aña 2011 na unda a pone fondonan disponibel pa drecha e schoolnan na Noord cu a sufri daño a causa di un hos devastador.
Den e mesun presupuesto aki Gabinete Eman a haci uso di e oportunidad pa haya haci cambionan den diferente ministerio. Remarcabel ta cu hopi di e cambionan aki tabata tin di haber cu gastonan di personal cu ta mas di locual a worde premira na promer instante.
MEP ta condena expresionnan di Clarisca Velasquez
ORANJESTAD (AAN): Según MEP, den un reunion, cu normalmente ta bay sin incidente, señora Clariska Velásquez a haya ta na su lugar pa lansa un ataque baho riba señora Xiomara Ruiz-Maduro.
Tabata trata di presupuesto di Contaloria General, den cual señora Ruiz-Maduro, representando oposicion, tabata tin preguntanan critico riba e hecho cu kier nombra e miembronan di e Contraloria como “full time”.
Drs Marisol Tromp:
ORANJESTAD(AAN):Hopi te discusionnan encuanto e concepto di ley di pensioen general, cual ley su enfoke ta riba seguridad financiero pa ora cu yega e edad di pensioen. Aruba ta den un proceso di vergrijzing dje poblacion, cual ta encera en corto cu e porcentahe di personanan di edad halto den nos comunidad ta subiendo, mientras cu hopi vez e cantidad di yiu(nan) cu ta nace den nos famianan y e cantidad di hobennan den nos pais, no ta aumentando mes lihe cu e cantidad di ancianonan.
Mervin Wyatt-Ras:
ORANJESTAD(AAN):Durante conferencia di prensa, parlamentario independiente, Mervin Wyatt Ras a trece su preocupacion padilanti pa locual Banco Central a constata. Den nos comunidad tin un cantidad di ciudadano cu ta gasta mas placa cu nan ta gana y tin debe.
Drs Booshi Wever:
ORANJESTAD(AAN):Den un comunicado Sr. Booshi Wever ta menciona cu e caso sumario cu Ruben Croes a entama contra Hospital a logra di haya un cobertura grandi via prensa na Aruba.
E cobertura aki a revela informacion clave, esta cu e problema NO ta solamente entre sr. Croes y e director actual di hospital, sr. A. Boesten, sino entre e personal di hospital y e directiva di hospital. Amigoe di Aruba, den su edicion di 17 di december ultimo, a ilustra esaki di un forma bastante cla door di declara cu “kloof personeel en directie HOH pijnlijk duidelijk” y cu “ binnen het ziekenhuis een verdeelde, zelfs verziekte sfeer hangt”. Kico esaki ta nifica?
ORANJESTAD(AAN): Na parlamento di Aruba tin un reunion andando relaciona cu ley obligatorio di enseñanza. Un reunion cu a cuminsa algun dia pasa pero cu a ser posponi ora cu algun fraccion a bay atende cu manifestacion. E reunion a sigui. Dialuna tabata tin reunionnan caba cu a cuminsa. Dos presupuesto importante a worde atendi. Durante e reunion tabata tey casi tur miembro di parlamento cu excepcion di Drs Marisol Lopez Tromp cu a yama bisa cu ta malo.
Pa e fraccion di MEP ta solamente Xiomara Maduro tabata tey dialuna. E dos reunionnan aki a termina cu sosten di tur esnan cu a keda den sala. Diamars reunion a sigui riba e ley obligatorio y esaki a bay cu ausencia di henter e fraccion di MEP. Solamente Xiomara Maduro di MEP tabata tey atrobe. Algun colega parlamentario a cuminsa cuestiona ausencia di esnan di MEP pasobra ta un ley importante.
ORANJESTAD (AAN): Dialuna durante tratamento di e Presupuesto 2012, Presidente di Parlamento di Aruba, hunto cu e comision di asuntonan domestico di Parlamento a haya aprobacion den forma unanime pa cu e presupuesto presenta pa 2012. Durante e presentacion Presidente di Parlamento drs. Paul Croes a mustra riba e maneho hiba den 2011, mustrando riba e diferente proyectonan cu a keda ehecuta durante e aña tras di lomba. A mustra riba un aña bastante ocupa unda cu e celebracion di 25 aña diferente tabata e proyectonan presenta. Tambe sr. Croes a elabora riba e cantidad di reunionnan y leynan trata den Parlamento di Aruba, unda cu a mustra riba un parlamento cu ta moviendo den e direccion corecto. Mester a resalta cu banda di e mas di 200 reunionnan yama parlamento di Aruba incluyendo reunionnan di comision, reunionnan public, vragenuren, bijeenkomsten etc.
Kico ta berdad y kico ta ficcion?
ORANJESTAD (AAN): Ya ta dos luna caba cu Parlamentario Evelyn Wever-Croes a hala atencion di Minister Mike de Mesa riba e asunto di Lotto pa Deporte. “Ta ki miedo e por tin di contesta mi preguntanan? Si e no tin nada di sconde lo el’a contesta nan dia biew, pero aki un biaha mas nos por mira un actitud cobarde di Gobierno. “Algun luna pasa mi a scucha un grabacion di Minister cu Lotto ta bendiendo miho cu nunca y cu hopi mas placa ta kedando den caha di Lotto compara cu tempo di e gobernacion anterior. Awor diripiente nos a tuma nota di declaracion di e Minister cu e mester a forma un “strategic alliance” cu CBN pa refinancia e debenan di Lotto sino Lotto lo ta bay ta den un problema financiero grandi.
Segun Evelyn Wever Croes,
ORANJESTAD (AAN): Diaranzon durante conferencia di prensa, lider di fraccion di MEP Evelyn Wever Croes a trece dilanti cu e ta haya e asunto di democracia parlamentario aki na Aruba hopi preocupante. “Nos parlamento ta den intensive care”. “Nos ta sinta den un situacion awe cu un reunion cu oposicion a pidi dia 17 di November cu ta casi 4 siman pasa, te awe no a worde yama door di presidente di Parlamento”. “Ora cu prensa a haci su trabao diligentemente y puntra presidente di parlamento pa su banda di medaya, presidente di parlamento a bisa cu e ta mucho ocupa y cu na parlamento tin hopi trabao”.
Analisis politico
Durante e pleitamento den MEP kende ta bira lider di partido hopi biaha nos a trece padilanti cu e doño di MEP a dicidi cu ta Evelyne Wever nunca mag worde lubida pasobra e ta asina tipico MEP y ta determinante pa futuro di e partido. Pesey pa historia nos mester keda ripiti e drama cu a desaroya den top di partido. Prome pa haci caminda liber pa Evelyne bira lider mester a deshaci di Marisol pasobra Marisol tabata e votegetter mas grandi despues di Nel y tabata e dirigente di partido cu mas experiencia como miembro di Staten y como ministro di basta aña. Normalmente lo no tabatin ningun manera cu Evelyne lo por a gana Marisol den un reunion di lider. Pero pa saca Marisol for di partido tabata algo hopi dificil.
Segun lider di MEP,
ORANJESTAD (AAN): Lider di fraccion di MEP Evelyn Wever Croes a indica durante conferencia di prensa di su partido, cu fraccion di MEP ta lamenta profundamente cu Prome Minister Mike Eman na Hulanda ta bin cu gritonan bisando cu oposicion ta buscando independencia.
“Nos a bisa na varios occasion cu esey no ta e caso y e kier pusha nos den e skina di defensa di independencia y nos no kier drenta eyden”. “Lamentablemente el a combina esey cu un grito y yamada na studiantenan na Hulanda, pa nan bay demostra contra presencia di Andin Bikker y Adi Thijsen na Hulanda y esey si a caba di daña e sanger di e Hulandesnan completamente”.
Segun Minister Otmar Oduber,
ORANJESTAD (AAN): Minister di Transporte y Turismo Otmar Oduber durante un conferencia di prensa a reacciona riba locual parlamentario di fraccion di MEP Eddie Briesen a bisa recientemente pa loke ta e sentencia di huez den e caso di e taxistanan. El a bisa cu segun Briesen, den un forma sin manera el a dicidi di no otorga e permisonan di e taxistanan, relaciona cu e promesanan di Gobierno di MEP na e taxistanan aki, algun dia prome cu nan a worde baha como Gobierno. Segun Oduber, el a tende su cu Briesen a cambia su tono caba si.
*Segun Wever Croes, tin hende cu no a manifesta door di intimidacion
ORANJESTAD (AAN): Dialuna lider di MEP sra Evelyn Wever Croes a cuminza conferencia di prensa di e partido gradiciendo tur esnan cu a sostene e partido durante e manifestacion di Diabierna. “Personalmente mi ta hopi satisfecho cu e response cu nos a haya”
“A worde specula cu ta entre 250 cu 500 hende tabata tey dilanti di bestuurskantoor, pero mi por garantiza bo un cos, e ambiente y rosea cayente cu tabata tin riba e dos personanan na cual nos a entrega e carta, a haci un impacto hopi grandi”. Esaki segun sra Wever Croes, kende a sigui bisa cu ora cu presidente di parlamento mester a ricibi e carta, bo por a wak cu e tabata tin hopi tension y hopi nerviosismo.
