Archivo di e Categoria ‘Politica’
ORANJESTAD (AAN): Ta increibel cu un persona manera Booshi Wever ainda ta pretende di por critica hendenan manera Mike Eman sin cu e ta sinti su mes malo. Un politico cu a worde humilia, ofendi door di su mes hendenan durante e periodo cu e kier a bira lider di MEP awe ta purba di hala atencion na un manera miserabel. Su comportacion ta prueba di un persona cu berdad a perde tur contacto cu realidad y a perde tur sinti di berguenza. Pesey cada pasa un poco tempo mester corda henter nos comunidad kende Booshi ta. Booshi ta e actor principal den e kiebra di MEP door di cual Marisol Lopez Tromp y Mervin Ras a core sali for di MEP. E conspiracion cu tabatin entre Booshi y Nel Oduber tabata un ehempel di lo mas baho den politica.
Minister de Meza despues di reunion den fin di siman
ORANJESTAD (AAN): Durante un conferencia di prensa Minister de Meza a amplia riba e deliberacionnan riba refineria Valero cu a tuma lugar fin di siman pasa. Minister a splica cu na luna di December Gobierno a worde informa door di e ehecutivo mas halto na San Antonio di e situacion sumamente precario di e refineria di Aruba. “E situacion di petroleo ta uno masha dificil riba mercado internacional cu tin su efectonan pa economia y mercado di Aruba tambe”, de Meza a bisa. Si compara productonan di diez aña pasa cu awe, por mira un diferencia evidente. De Meza “Esaki ta dificil y dramatico pa e mercado di Aruba. No tin un pais na mundo su so cu por controla esaki, ya cu tur hunto ta participe na e prijs halto di crudo.
Parlamentario Clarisca Velasquez
ORANJESTAD (AAN): Segun Clarisca Velasquez, por a nota den medionan di comunicacion cu Mep un biaha mas ta purba engaña nos pueblo aki cu nan a sostene e ley di BOB siman cu a pasa den parlamento pero esaki no ta cuadra cu berdad! Diabierna cu a pasa reunion publico a sigui riba e ley di BOB y Mep ausente manera hopi biaha no tabata presente pa vota pa e ley por a pasa! Danki Dios cu fraccion di A.V.P. tin 12 miembro, 1 di P.D.R. y 1 di Independiente cu e ley a worde aproba pa asina nos por bay preveni y combati criminalidad! Mep NO a vota pa e ley di BOB y nan no mester bay skirbi relato cu nan a sostene e ley pasobra nan NO tabata presente y NO a vota pa e ley por a pasa pa asina nos bay preveni y combati criminalidad!
Segun Booshi Wever:
ORANJESTAD (AAN): Aunke cu na por lo menos 6 ocasion veredictonan den Corte den primera instancia y Hoger Beroep a mustra cu e otorgamento di e proyecto di Parkietenbos a bay na un manera transparente, y den cua cada biaha Huez a dicta cu e proyecto di Parkietenbos NO tin nada di corupcion, pero a cana e camindanan corecto, minister Benny Sevinger y premier Mike Eman ta determina pa caba cu e proyecto aki a todo costo! Un proyecto cu a worde realisa cu un transparencia TOTAL, despues di un screening riguroso y supervision door di AIB y FDA, como e financiadornan di tal proyecto! E transparencia ey a worde proba diferente biaha den corte!
E ta un forma pa nos hendenan local haya oportunidadnan laboral
ORANJETSAD (AAN): Un di e departamentonan importante di DPL ta e departamento admision stranhero caminda cu dunadornan di trabao ta entrega peticion (nan) pa haya un conseho pa un of mas stranhero por subi of keda riba nos mercado laboral. DPL di su banda ta duna un conseho basa riba tur e exigencianan stipula den e maneho pa por proteha y balanza nos mercado laboral.
Manera ta conoci, entrante 1 di januari 2012 Minister Otmar Oduber a laga introduci varios cambio pa loke ta maneho di DPL pa proteha nos mercado laboral local mas tanto posibel.
Un di e cambionan aki ta relaciona cu maneho di departamento di Admision stranhero di DPL.
Parlamentario Clarisca Velasquez
ORANJESTAD (AAN): Segun Parlamentario Velasquez di AVP, pueblo mester keda preveni cu mas hende ta cai den e baho mundo di droga y nos mester cuminsa cu educa nos yiunan! pa nan e peliger ta grandi pasobra nan ta inocente y for di trempan nan mester worde educa kico ta droga y ki peliger e ta pa un hende su salud! prevencion ta e jabi pa nos futuro muchanan ta salba y aki nos mester cuminsa!
Despues di critica minister Visser cu e no ta haciendo suficiente riba e tereno di adictonan ambulante a organiza un reunion di comision di husticia caminda mi persona ta presidente pa scucha minister Visser kico e ta haciendo riba e tereno aki!
Drs Marisol Tromp:
ORANJESTAD (AAN): Parlamentario independiente drs Marisol Lopez Tromp durante conferencia a comenta riba diferente tema. Un di nan tabata riba criminalidad.
Relaciona cu e casonan di criminalidad cu ta tumando lugar na Aruba bou nos hobennan, mi ta kere cu Gobierno mester actua den un forma fuerte pa combati esaki pero mas aun mas fuerte pa preveni e casonan aki. “Den Parlamento mi a yega di trece un proposicion den forma di un mocion, cu ta tocante un dia prolonga di school pa nos muchanan den ora di merdia. E proposicion aki a worde aproba unanimamente den un reunion publico den Parlamento.
Rene Herdé
ORANJESTAD (AAN): E ley di structura academico nobo di Universidad di Aruba cu a worde aproba ayera den parlamento di Aruba (14-0 / 11 AVP, 1 MEP, 2 miembro independiente) ta e adoptacion di e structura cu ta resultado di e intento di paisnan rond di mundo pa crea mas cooperacion, mas synergia den nan estudionan y mas oportunidad pa desaroyo academico na mundo. E structura ta simpel pero nobo pa nos.
Cumpliendo cu rekisitonan di seguridad internacional
Scheepvaart en Luchtvaart
ORANJESTAD (AAN): Despues di e atentadonan na Merca 11 di september 2001, medidanan di seguridad mundial a worde revisa y varios cambio a bin, caminda specialmente Merca ta exigi standardnan di seguridad halto. A bin un tratado internacional conoci como e ISPS Code y Aruba ta forma parti di dje. E ISPS Code ta International Ship and Port Facility Security Code cu ta un serie di medidanan extenso pa mehora e seguridad di barconan y facilidadnan portuario. E codigo aki ta tuma e approach cu sigura e seguridad di barconan y facilidadnan portuario ta un actividad di maneho di riesgo y cu, pa determina ki medianan di seguridad ta apropia, mester realiza un assessment di e riesgonan den cada caso particular.
Minister Benny Sevinger:
Sistema Mericano cu o spaar placa y tempo!
ORANJESTAD (AAN) – Minister di Infrastructura sr. Benny Sevinger, a referi na e proyecto di construccion di un hospital nobo pa pueblo di Aruba, den un entrevista cu Matutino DIARIO.
E dignatario a splica cu den e ultimo lunanan a wordo forma un asina yama “stuur groep” hunto cu SOGA cu ta bay financia e proyecto aki, y gobierno ta esun cu ta bay paga e fianciamento aki, den termino largo. Hunto cu SOGA y Stuur Groep, lo mira diferente posibilidad, diferente arquitecto tanto Hulandes como Mericano, y den esey lo bin diferente cambio pa mehora e renovacion y expansion di Hospital dr.Horacio Oduber.
Pa di 4 biaha Gobierno a gana e caso entama pa Fresnos/Trusam
ORANJESTAD (AAN): Diaranson 1 di februari tabatin e sentencia di huez den e caso cu Fresnos 16 S.L./Trusam Group a lanta contra Gobierno di Aruba pa forza Gobierno otorga nan e tereno di exBushiri den erfpacht mas 10,000 m2 extra di tereno y pa daño y perhuicio den e caso di Bushiri Hotel. Fresnos 16 S.L./Trusam Group tabata pidi Afl. 100,000.00 pa cada dia cu pasa cu Gobierno no otorga e tereno erfpacht te un maximo di Afl. 20,000,000.00. Ademas di esaki daño y perhuicio.
Booshi Wever contento cu yiu di tera a bira director di HOH:
ORANJESTAD (AAN) – DIARIO a entrevista Parlamentario Independiente sr. Booshi Wever, tocante e
hecho cu un yiu di tera, esta dr. Jaime Falconi, ta ocupando e posicion di Director Medico di Hospital dr. Horacio Oduber, for di entrante 1 di Februari.
Parlamentario Marlon Sneek cu pregunta:
ORANJESTAD (AAN): E siman aki, pueblo di Aruba a haya e noticia cu dr. Maikel Kelly lo tuma su retiro for di staten di Aruba. Segun Marlon Sneek di AVP, aki nos ta wak un biaha mas cu cos ta hopi critico den e partido geel, manera ta di spera. Nos por a tuma nota cu e integrantenan di loke a resta di e fraccion di M.E.P a sali afo caba bisa cu no tin ningun problema, cu ta simplemente sr. Kelly a tuma e decision di sigui cu su trabao como dokter.
Parlamentario Donny Rasmijn:
ORANJESTAD (AAN) – Parlamentario Donny
Rasmijn a hiba palabra durante e conferencia
di prensa di fraccion di AVP, diamars mainta.
E tema cu el a toca ta e maneho di nos medio
ambiente.
Rasmijn a duna di conoce cu su fraccion ta haya hopi keho for di comunidad cu ta wak cu hopi daño ta wordo haci na nos medio ambiente, y cu esaki no ta wordo trata debidamente pa nos gobernantenan. Parlamentario Rasmijn a subraya cu maneho di medio ambiente ta un desaroyo nobo na Aruba y cu aunke hopi ta wordo papia riba e tema akinan, un maneho serio y constructivo pa loke trata medio ambiente nos no tin ainda.
ORANJESTAD(AAN): Drs Marisol Lopez Tromp a traha un comunicado relaciona cu algun asunto cu e ta siguiendo di cerca e dianan aki. Den e dianan aki den medio di comunicacion mi a tuma nota cu SABA ta pidi Gabinete Eman pa acelera e procedura y desicion pa loke ta nombracion di mas personal pa e trabounan pa nos grandinan. Dia cu nos comision di Bienestar dirigi pa parlamentario independiente sra Wyatt Ras, a bishita e Centro di Cuido na Palisiaweg na San Nicolas pa un bishita di trabou, nos a haya un bista den e bon trabou cu e trahadornan ta desplegando. Tambe nos a bishita y papia cu varios di nos grandinan den nan casita den e centro. Alavez nos a wordu informa di nan necesidad pa mas trahador na entre otro e Centro di Cuido na Palisiaweg cual procedura ta tumando demasiado tempo segun nan. Considerando cu segun nos estadisticanan, relaciona cu e proceso di Vergrijzing/envehecimiento di nos poblacion, lo bai tin un percentahe mas halto di personanan di edad na Aruba den e proximo añanan y decadanan. Esaki kiermen cu mas trahador califica ta un necesidad actual y tambe pa den futuro cercano. Tambe tin un parti dje facilidadnan di e Centro di Cuido na San Nicolas cu no ta den uso ainda.
