Archivo di e Categoria ‘Cultura’

Aspirante arquitecto Arubiano ing. Roxsen Schwengle ta resalta na Tweede Kamer na Hulanda

Publication: Wednesday, 23 March 2011. Categoria: Cultura

ORANJETSAD (AAN): Recientemente E Presidente di Parlamento Hulandes Gerdi Verbeet hunto cu Alexander Pechtold (lider di e fraccion D66) a habri Diaranson 9 di maart e exposition: ‘Theaters van Democratie’.

   E exposicion ta e resultado di un estudio over di arquitectura di salanan plenario di Parlamento realisa door di e achitectenbureau XML hunto cu studiantenan di arquitectura di TU Delft.

POPO

Publication: Thursday, 3 March 2011. Categoria: Cultura

PARADA

Awe POPO ta bolbe riba e parada di mucha di Dialuna ultimo. Na comienzo prome cu parada por a nota claramente cu e ambiente di parada no tabata tey manera custumber. Pero asina cu e parada a cuminza pasa, a lubida riba esaki y lubida tambe cu ta un fecha nobo. Bo a sintibo atrobe “den Diadomingo di parada”. Ta na final bo ta bin realiza cu e parada a caba y ta otro dia nos ta den y no e dia normal di parada.

 

POPO

Publication: Wednesday, 2 March 2011. Categoria: Cultura

WEEKEND

LARGO

E cambio di fecha di parada di lucha a haci e fin di siman bira un fin di siman largo. Ata POPO cu Stellage di Majestic den touw, y despues ata Mr. Forlaif  90 tambe den otro pidiendo POPO pa busca Popina. POPO a bisa Forlaif pa tira bista riba su  Cranberry y mira cuanto “missedcall” el a ricibi di POPO . Keto bay: “Mi ta ocupa awor, laga bo mensahe” y … piiiiiieeeeepppp. E contestacion nunca ta bin, ni ora cu Popasita yama. Pesey POPO no mester di un Popina, e tin Popasita caba. E Stellage sa masha bon cu diasabra anochi POPO no tabata tin su bril bisti.

Carnaval 57

Publication: Saturday, 26 February 2011. Categoria: Cultura

POPO

Publication: Saturday, 26 February 2011. Categoria: Cultura

HEBBE

HEBBE

 Awe si POPO a haya oportunidad pa skirbi poco mas riba Hebbe Hebbe di e aña aki. E exito grandi e aña aki sigur tabata na grandi pa e bandanan musical cu a toca a pesar cu e transmision na television tabata di “nos ta duna boso loke nos kier y voor de rest mond dicht!” “Boso no tin nada di bisa !!”

 

Ziana Reina Lillyputters Peuterschool

Publication: Friday, 25 February 2011. Categoria: Cultura

lillyputters5ORANJESTAD (AAN) – Den Occidental Hotel ballroom tabata tin un bunita atardi di eleccion di Lillyputters Peuterschool caminda nan a escoge su princesitanan pa 2011.

  Tur e participantenan tabata masha bunita mes y a keda manera un barbie.

POPO

Publication: Friday, 25 February 2011. Categoria: Cultura

E SAPATO

Diaranzon anochi mi a pusta y mi a gana. Mi a pusta cu algun amigo di mi yiu cu nan por mira Tele Aruba numa den e transmision dilanti Postkantoor, di Hebbe Hebbe y cu nan lo no mira Le Groove y kizas ni Rincon Boyzz. Ora nan a puntrami pa kico, mi a contesta cu ta pasobra Tele Aruba ta corta e programa tur aña ora cu e banda of bandanan final tin cu toca ainda. Nan a keda persisti cu mi ta kiboca. Despues di a bishita Hebbe Hebbe mi a bin topa nan sinta pafo, y nan tabata tur desapunta cu tin.

Mi a compronde ayera cu ta masha hopi hende a keda desapunta y ta cos di custumber. Nan ta lubida cu na Aruba “bo ta conta ora tin un interes di gana cu bo”. Canalnan di television parce no tin interes di nan televidentenan y e canal cu lo kier dedica na esaki mes lo no drenta tampoco si tin otro ta transmiti e evento… Tur esey ta haya y tur sorto di excusa tin pa tapa, manera no tin overtime, sponsornan no ta cubri gastonan, cierto programa tin prioridad of ta paga etc.

 

Bunita Concierto Presenta Pa Marco Bakker Y Ernst Daniel Smid Na Aruba

Publication: Thursday, 24 February 2011. Categoria: Cultura,General

cculturconc5ORANJESTAD (AAN): —Diadomingo ultimo a tuma lugar e concierto di Marco Bakker y Ernst Daniel Smid, kende nan ta e popular baritonnan Hulandes di musicals y operette.

Nan a bini Aruba especialmente pa tene e concierto aki cual a worde organiza pa Circulo Arubano Pro Arte cu cooperacion di algun patrocinador.

Un publico grandi a presencia e bunita concierto aki.

 

 

Kiana De Cuba, Reina Di Carnaval Di Debby Doo

Publication: Thursday, 24 February 2011. Categoria: Cultura,General

debby doo elec. ep 240ORANJESTAD (AAN)- Durante un atardi yena cu fantasia y creatividad a tuma lugar e eleccion di reina di Debby Doo pa carnaval 2011.

  Un decoracion bunita haci pa Tia Debbie, y un tremendo show organiza pa jufrouw Emeli Trimon cu su ayudante jufrouw Liz Becker y cu cooperacion di tur e jufrouwnan hunto cu tur mayornan y demas invitadonan a eligi Kiana de Cuba como reina di carnaval di Debby Doo.

Popo

Publication: Thursday, 24 February 2011. Categoria: Cultura

MES

 RUTA

 Diamars anochi a tuma luga e reunion entre SAC y e Gruponan cu ta bai participa na e Lighting Parade diasabra awor.   E anochi a bai den un bon ambiente durante cual SAC oficialmente a participa na e gruponan cu SAC ta bai encarga y coordina Lighting Parade cuminsando e aña aki..  SAC a informa na e gruponan cu SAC como e fundacion cu ta encarga cu Carnaval lo sigui cu e fiesta aki y lo percura pa hacie mescos of miho, mirando cu esaki ta un di e actividad cu ta trece hopi mirones.

Hopi ta arubianonan bibando den exterior of turista cu ta bin di afo specialmente pa forma di e Lighting Parade.. Tambe a wordo informa na e gruponan cu cada grupo lo haya un miembro di SAC cu un crew kende nan ta encarga cu e grupo pa si acaso tin cualquier emergencia.

POPO

Publication: Tuesday, 22 February 2011. Categoria: Cultura

PARADA

 

POPO a tira un bista diadomingo riba e parada di mucha. Locual POPO tabata sigur di lo mira a resulta tambe. Lidernan di grupo, y cu esey mi kiermeen esnan cu ta dirigi e muchanan y esnan cu ta pusha roadpiecenan etc. POPO a kere di lo mira e ehemplo porfin pero ta bebida fuerte tabata manda. Mester pasa cu cervez den man y otro bebidanan alcoholico.

Pero na banda, ta e fiesta di alcohol a tuma lugar atrobe y si mira potretnan mes, no por mira hende sin cu nan tin e bebida den man. Carnaval di Aruba a parce carnaval di “show me your alcoholic drink”.

Asina cu fotografo kier saca portret, e boter of glas di bebida tin cu sali prome pa wordo hisa pa saluda e fotografo of camarografo di television.

 

WEEKEND

 

Fin di siman ta tras di lomba. Locual POPO a wanta atras diadomingo, POPO ta cuminza cune y esey parce a bira un topico di hopi papiamento. POPO no a publica di dje ayera pa por a pone e carnaval di mucha dilanti pa laga otro cosnan pa despues.

 

JENNYREE

 

For di diabierna POPO a cuminza haya mensahenan via e-mail for di Corsow den cual a elogia masha hopi e presentacion di Jennyree como e representante di Aruba na e certamen Internacional. Nan a haya tambe cu e candidata di Aruba no a wordo huzga corecto. Loke si POPO a bisa algun  persona ta cu e candidata di Aruba Jennyree no a cay den premiacion, pero e comentarionan ta mustra su trabao perfecto cu el a haci como representante di Aruba. POPO a mustra hasta riba publicacion den un corant hulandes for di Corsow cual publicacion a carga e show di Jennyree, y eseynan bo ta sinti orguyoso sin cu bo tabata tey y cu e publicacion aki a ser haci. Pabien Jennyree di parti POPO pa bo representacion di nos isla.

 

PARTICIPA

 

POPO a haya tambe e comentarionan di cu Aruba y St. Maarten lo no participa mas loke a wordo confirma ayera, pero tambe POPO a tende di otro pais cu lo a laga sa di lo no participa mas den e certamen ey. E pregunta cu ta yega den mente di POPO un biaha mas ta: “Pakico tur ora cu tin algo entre Aruba y Corsow ora ta un competencia, mester tin problema of malcontento?”

 

LIGHTING

 

Ata POPO a tende di problema den asunto di organizacion di Lighting parade. POPO no a kere cu ta un problema locual tambe POPO a haya sa. Tur cos ta sigui normal. E unico cos ta cu despues di 30 aña e coordinacion y direccion di e parada ta pasa den man di SAC. POPO a keda cu solamente un pregunta: “Kico nos ta bin haya awor di Aruba Tivoli Club cu a pone e fundeshi pa nos Carnaval?”.

Eleccionnan, carosanan, ballonen parade, fakkeloptocht, lighting Parade, cu a engrandece e celebracion di pueblo.

 

HEEEEEEY

 

Awe POPO no por keda sin grita HEEEYYY.. POPO a spera diadomingo y ayera pa scucha e kehonan y criticanan relaciona cu eleccion di Reina di Carnaval. Tur aña nos ta critica resultado di hurado na grandi, tambe tin pleito di con esaki si y esey no, y cu a kibra reglamento tur caminda. E biaha aki…..heeeeeyy  Aruba a keda keto. Nos a cuminza maduro…. Heeeyyy,, nos a cuminza acepta decision di hurado manera hende grandi… heeeyyyy… Pabien!!!

POPO

Publication: Saturday, 12 February 2011. Categoria: Cultura

PARLAMENTO

HUBENIL

Riba e pagina aki por mira e miembronan di Parlamento Hubenil Durante di e campaña “Stima bo curpa”.  Carnaval Aruba 2011, varios hobennan boluntario di Parlamento Hubenil Aruba y boluntarionan di Women’ s Club Aruba lo join hunto den e proyecto “ I LOVE MY BODY” di Famia Planea , Ciad y Wit- Gele Kruis den e parti di prevencion y concientisacion repartiendo condoms  pa combati tur e malesanan transmiti y embrazonan indesea.

POPO

Publication: Saturday, 5 February 2011. Categoria: Cultura

Awe nochi ta e cos den Joe Laveist Sport Park. POPO ta contento cu tur e discusion cu tabata tin ta tras di lomba y cu awe nochi por pasa den un anochi alegre tranquil sin ningun dolor.

 MISS CANADA

 ADICTO

 Awe entre e potretnan por mira Miss Canada. Di tempo cu el a cuminza bishita Aruba el a bira adicto na Carnaval di Aruba y no por keda afo. E ta haciendo promocion na Canada pa carnaval di nos isla y por spera tambe yegada di esnan cu el a contagia pa e paradanan den cual tambe e ta participa.

E biahe Creativo na school di Arte ta sold out

Publication: Thursday, 3 February 2011. Categoria: Cultura

ORANJESTAD (AAN): Esaki si a kibra record!  School di Arte ta desea di informa cu e Biahe Creativo den ambiente di carnaval, cu lo tuma luga diasabra dia 5 di februari ta sold out. Tur cupo ta yen.

   Cupo tabata limita pa sigura atencion debido na cada mucha/hoben participante. Y awor school di Arte ta informa cu no por inscribi mas pa participa pa e Biahe Creativo di diasabra awor.

POPO

Publication: Wednesday, 2 February 2011. Categoria: Cultura

Nos a drenta e dianan di Calypso y Roadmarch Contest, sinembargo awe nochi caba ta di tres anochi y nos lo bay conoce e finalistanan pa diasabra awor. E prome anochi caba por a scucha algun bon prospecto pa gana e corona of cay den premiacion mescos cu posibilidadnan pa clasificacion di varios di nan.