Nos a drenta e dianan di Calypso y Roadmarch Contest, sinembargo awe nochi caba ta di tres anochi y nos lo bay conoce e finalistanan pa diasabra awor. E prome anochi caba por a scucha algun bon prospecto pa gana e corona of cay den premiacion mescos cu posibilidadnan pa clasificacion di varios di nan.
Cu invitado special Antoni Gario
ORANJESTAD (AAN): Riba 19 di januari 2011 Instituto Pedagogico Arubano (IPA) a haya bishita di Profesor y linguista Hubert Devonish hunto cu su studiantenan di “The University of the West Indies ” di Mona, Jamaica.
Nan bishita tabata den cuadro di investigacion riba Papiamento y multilingualismo na Aruba. Drs. Joyce Pereira tabata encarga cu nan guia.
Riba un demanda grandi, awenochi 9:10 atravez di Tele Aruba..
ORANJETSAD (AAN): Aruba su gran cantante y genio tocador di acordeon, Vicente Kelly, a celebra su 60 aña den un forma super special recientemente den City One.
“E Cantor di Pueblo”, considera como Aruba su Leyenda Viviente Musico, Embahador di nos Musica Cultural a marca historia na 1994 representando Aruba cu su orquesta “Los Pimentosos” durante e prestigioso Festival di Vallenato na Valledupar, Colombia.
TUMBA
CRITICA
POPO a usa “tumba critica” pero no e concurso sino mas bien e comentarionan cu POPO a ricibi ultimo dos dia. POPO a papia cu varios cantante y tambe musico, y ademas a haya comentarionan di expectadornan etc. POPO a haya masha negativo cu tin cantantenan di tumba cu ta critica cu cierto participantenan no a cay den premiacion; cu cantantenan ta critica cu nan tabata mihor cu otronan; cu cantantenan cu nunca a gana of cay en premiacion ta papia como si fuera nan ta e mihornan y cu hurado anualmente ta kiboca den huzgamento, y asina por sigui.
POR FIN
POR FIN
Por fin POPO a mira un concurso di Calypso y Roadmarch infantil y Hubenil cu PPO a goza di comienzo te fin. Un concurso caminda cada un di e participantenan a CANTA mustra nan talento cu mehoracion di un aña pa otro, y debutantenan cu no a baha cabez tampoco pa esnan cu e experiencia di escenario caba.
Un concurso caminda e musica di e banda cu a acompaña e participantenan tabata tin bo den e ambiente cu calidad musical y en bibo.
WOWO HABRI
NA TEMPO
POPO a haya e informacion cu Reina di Pleasers and Teasers, Shanella Lopez no ta participa na eleccion di reina e aña aki. Despues POP Oa tende di e motibo y a bisa : « Ta bon tambe cu su mayornan a habri wowo na tempo y a tuma e decision cu ta esun cu por a tuma ».
Pa hopi aña POPO ta mustra tur hende cu no ta con cu ta bo ta manda candidatonan pa prins y Pancho, ni pa infantil, ni pa hubenil ni pa grandinan, si bo no tin manera pa cubri e gastonan cu ta bin riba bo.
TIN 25 LUGAR
MAS HABRI
Baby Champagne ta informa cu e tin 25 lugar mas habri pa mucha muher pa parada di mucha ya cu ta 25 hala mas so tin.
Pa mucha homber si e inscripcion ta keda habri.
Prijs pa mucha ta 175 cu ta inclui tur cos.
E banda di Baby Champagne ta Youth Xtreme.
Awe POPO ta dedica na informacionnan di carnaval cu a ricibi ya cu ayera POPO y hopi hende tabata ocupa durante dia cu locual tabata tin di haber cu entiero di e gran carnavalista Don Albertico Arends y no tabata tin movecion riba tereno di carnaval, dunando respet na e momentonan di tristeza.
PARADANAN
DI MUCHA
POPO ta cuminza informa tocante e paradanan di mucha tanto esun di SanNicolas como esun di Playa.
CELEBRACION
Tirando un bista riba e añanan cu ta tas di lomba, POPO ta manda un pabien na Scorpio Garcia cu su 35 aña cu su programa di Aki Aya. POPO cu Scorpio ta moviendo cabez cabez den dunamento di informacion di carnaval. POPO no sa si el a corda tempo cu hunto cu Django nan a cuminza mula cu e programa radial cu a bira despues di un di programanan mas popular di carnaval. El a wanta su programa te awe ainda ta energetico. “Popo ta informa” tambe ta celebrando cu un glas di awa cu ijs, y dos buscuchi soda e dianan aki. Den paradanan POPO semper ta bisa carnavalistanan cu nada ta mas dushi durante e dia aki cu un awa bon frieu na lugar di otro bebidanan. Bebiendo awa bo ta pasa un carnaval tranquil y no tin cu kibra cabez tampoco na busca e WC publico canto di e ruta.
Ultimo oportunidad pa bishita Expo “Rancho” na Museo
ORANJESTAD (AAN): Salanan di exposicion di Museo Arqueologico Nacional Aruba lo ta habri pa publico dia 25 di Januari proximo, riba celebracion di Dia di Betico. E dia aki tambe ta e ultimo oportunidad pa bishita e exposicion temporario “Rancho” na Museo, ya cu e fecha aki Museo Arqueologico lo cera e exposicion temporario aki. “Rancho” a habri dia 26 di Juli 2009 y tabata e prome exposicion temporario na Museo su ubicacion nobo na Schelpstraat 42 na Oranjestad, net patras di Kong Hing Supermarket den Havenstraat.
PABIEN
Awe POPO ta cuminza na felicita nos prins y panchonan cu a keda eligi diadomingo como dirigentenan di paradanan di carnaval di nos isla den nan categoria. POPO ta felicita tambe tur e participantenan den tur e categorianan pa e curashi di a participa y trata di trece un bida pa e publico goza di dje. Nan siquiera a pasa den un experiencia mas den nan bida, un experiencia cu tin caminda habri pa mehoracion den futuro.
Lo bin cu un re-encuentro!
ORANJESTAD (AAN): Un comision organizador ta trahando duro pa prepara algun actividad pa e ex alumno y docentenan di Colegio San Antonio en conexion cu celebracion di dicho school.
Esaki lo tuma lugar dia 19 di maart proximo. No solamente ta un bon oportunidad pa topa otro despues di hopi aña durante un gran reuni.
ORANJESTAD (AAN): Fundacion Rancho a worde funda dia 20 di april 2010 cu e meta di conserva/proteha e Historia Social Cultural di e bario di Rancho. Manera e arte di Piscamento, trahamento di Boto di Piscado, pustamento di Boto di Piscado y tambe e trahamento y pustamento di e Boto Miniatura.
Cual porcierto a bira un Actividat Social masha grandi y masha bunita mes. Cu awendia ainda ta worde practica y no solamente aki na Aruba, pero na nos hermana islanan tambe. Pues e ta parti di un Historia cu ta mara e tres islanan cu sa partisipa activamente na actividatnan cu cada un di nan sa organiza.
Aruba Arts Community/Creative Island
ORANJESTAD (AAN): Na December 2009, e NGO Aruba International Arts Foundation, a crea e website ‘Aruba Arts Community / Creative Island’ pa establese un plataforma online pa tur disiplina di arte na Aruba. Esaki tabata un iniciativa local di e artista y maestro di arte Arubiano Stan Kuiperi.
Aruba Intl. Arts Foundation (AIAF) ta conosi pa su proyectonan profesional y internacional den arte y educacion di arte, manera den pasado e Aruba International Dance Festival cu for di añanan ’80 te añanan ’90 a trece e festival di baile internacional y profesional mas impactante den Caribe riba esenario na Aruba.
HAPPENING
Diamond Carnival Group (DCG) cu happening awe. E aña aki DCG tin como banda Oreo, ya cu DCG lo participa den e parada hunto cu O.P.C. y nan tema lo ta un homenahe na Claudius Phillips. Diseñador nobo di DCG e aña ki ta e conocido Anthony Angela cu a diseña pa O.P.C.
Awe nochi DCG lo tin nos happening na su Sede Hooiberg 14 A.
Pa esnan cu ta nobo y no sa e direccion, e sede ta keda net patras di Bright Bakery y Dennis Snackbar. Awe, bin inscribi of yena formulario pa participa cu DCG y dal un brindis cu e grupo di 8or pa 12or anochi.
NAN TA CLA
E comiconan cu lo subi escenario diadomingo den eleccion nan di Prins y Pancho, ta 3-2-3, esta 3 pareha den infantil, 2 den hubenil y 3 pareha den grandinan.
Den Seccion Infantil participantenan nr 1 ta: Prins Taki -Sachiёl Tromp y su Pancho Berde cu ta Gerald Maduro
Participantenan nr 2 ta: Prins Ritmo cu ta Ferdinand Bontekoe y su Pancho ta Alegria den persona di Jadon Maduro.
E participantenan nr 3 ta: Prins Arepita cu ta D-Qon Le Grand y su Pancho Con Queso ta Nathan Winterdaal
Den seccion hubenil a haya participantenan nr. 1 Prins Magia cu ta Xavier Maduro y Pancho Negra cu ta Frangere van der Linde
Participantenan nr. 2 ta Prins Shon Bati cu ta Jesmar Pantoha, y Pancho Compa Buli cu ta Silvion Pardo.
Den seccion di e adultonan , e grandinan cu lo ta prins y Pancho di Carnaval 2011 pa hunto cu e infantilnan y hubenilnan lo dirigi actividadnan, tin e candidatonan nr. 1 Prins Por fin Tin cu a Gilbert Croes y Pancho Un Homber cu ta Gerald Sarda.
Participantenan nr 2 ta Prins Cuenta cu ta Raymbert Bikker y su Pancho ta Ohm cu ta Donovan Henriquez y finalmente e participantenan nr. 3 ta Prins Pin cu ta Sander Bermudez, y su Pancho Mi ta Elroy Geerman.
HURADO
Pa eleccion di Prins y Pancho tambe e huradonan ta cla pa sinta na mesa diadomingo awor. Nan ta Sra. Vicky Dirks-Thiel, Sra. Zuleika Arends, Sr. Emilio Martijn, Sr. Geoffrey Angela, Tica Basha Abao, Presidente di hurado representante di Ernst & Young, Presidente di hurado representante di Ernst & Young (tur dos representante di Ernst & Young ta SIN derecho di voto). E eleccion ta tuma lugar den Aruba Entertainment Center pa 6:30pm. Porta ta habri for di 5:30pm. Entrada ta costa Awg. 5,00 pa mucha te cu 12 aña y Awg. 10,00 pa 12 aña bai ariba. Tur esunnan cu ta desea pa sinta lo por trece na mesun stoel.
CHAMPAGNE
Baby Champagne cu ta patrocina pa Frasa e aña aki ta casi sold out. Tur e muchanan cu tur aña ta bai cu Baby Champagne den Parada di Mucha ta wordo informa aki cu a resta solamente 30 luga den e massa “Butterfly Masquerade”.
Mira e fotonan cu POPO ta presenta awe den e seccion aki.
E motibo cu no por a bay pa mas mucha ta cu ta solamente 125 hala a bin for di Alabama y OP is OP.
Asina ta, pasa awe mes na Bee Ware pa bo reserva bo luga pa bo no keda afor. E tema di e aña aki ta “Masquerade Fantasy”. Champagne lo wordo acompaña pa e banda di nos hobennan Youth Xtreme. Champagne ta gradici Francis Saladin y Frasa pa nan sosten unico na Baby Champagne pa e ultimo 5 añanan aki. Sin nan Champagne lo no por a brinda e prijs special di Afl. 175,= pa parada. E prijs special aki ta cubri tur cos dus, costuum, hala, coi cabey, musica, coi come y coi bebe. Nos ta warda boso na Bee Ware sin falta e siman aki.
TUMBA
CORSOU
POPO ta contento cu e reaccionnan ricibi ayera riba e informacionnan relaciona cu Festival di tumba di Corsou cu POPO a publica. Hopi pregunta a bin dilanti y cu POPO a contesta via telefon, pero tin tambe tocante cual POPO por publica ainda. Loke si POPO no por bisa ta cu POPO no sa si tin vuelonan special pa tumba na Corsou y cual compania apesar cu e organizadornan a menciona un compania como un di nan patrocinadornan.
UNIFORM
Loke POPO a cay ariba den e reglamentonan di Corsou ta cu no ta permiti logo ni propaganda di ningun compania comercial riba uniform, si no ta di un di e companianan patrocinador di e festival. No ta permiti ningun logo of nomber di ningun compania cu ta competidornan di e patrocinadornan, riba uniform di cantante of banda. E companianan cu ta conoci como “branding Partner” ta esnan cu ta duna e aporte financiero cu derecho exclusivo riba tarima. E branding partnernan ta paga sumanan halto pa “brand” of promove nan producto y nan tin amplio exclusividad.
TOILET
PA PUBLICO
Tambe POPO a cay riba e informacion di toilet pa publico. Ta pone spiel den toiletnan di dama y pa yuda cuida e toiletnan, ta pone trahadornan di limpieza na cada toilet y Serlikor lo percura cu tin suficiente na diferente caminda den e festival center.
STANDNAN
E standnan di cuminda y bebida a keda reduci e aña aki den e Festival center. E splicacion cu a ser duna ta cu a sali na cla cu tin demasiado stand cu ta haci cu hopi operador no por cubri nan gastonan di inversion debi na e competencia. Esta cu e demanda di publico no ta coresponde cu e cantidad di stand operacional. A exigi si pa tin un variedad di cuminda y prijs di cuminda y bebida mester ta rasonabel y ta cuadra cu e aspecto carnavalesco . AMAK y instancianan di gobierno lo controla tur e standnan durante anochi riba e parti di higiena den barnan y standnan di cuminda.
BEBIDA Y
HURADO
A wordo puntra na POPO si hurado na Corsou ta bebe bebida alcoholico. POPO mester a busca den 70 pagina di documentacion pa haya e punto aki na pagina 53. “Miembronan di hurado no ta permiti pa bebe mas cu 4 bebida alcoholico pa anochi. E miembro di hurado mester tin control completo di su habilidad mental. Cuerpo ehecutivo ta controla e uso di bebida alcoholico pa evita cu lo surpasa e cantidad y president di hurado lo controla segun instruccion.
Mas di hurado POPO lo bini despues cu esaki (nan).
