ORANJESTAD(AAN)– Despues di dos tremendo concierto na Aruba, un na Scol di Arte y e otro na Cas di Cultura, Idyllmist a duna un delaster presentacion, prome cu tur su integrantenan bai bek na e país unda nan ta studiando actualmente.
E biaha aki ta e muchanan di Rosa College cu a haya e oportunidad di gosa di un tremendo presentacion.
CORSOU
PROME
Awe POPO ta habri cu Corsou prome y despues ta sigui cu informacionnan relaciona cu Aruba . Diaranzon na Corsou AMAK a tene un conferencia di prensa relaciona cu festival di tumba 2011. Tin informacionnan cu a bin dilanti cu POPO ta kere cu lo ta di interes pa amantenan di tumba di carnaval di Aruba ta na altura di nan .
RECORD
Dia 8 di Januari AMAK, e asociacion di musica y artistanan di Corsou a cuminza cu un “gimick” atrobe y a logra bende 500 carchi na 50 florin den tempo record. Na momento di presenta nan “gimick” ya nan tin un idea mes ora despues die interes cuposiblemente lo tin e anochinan di festival.
Fundacion Muchila Creativo en cooperacion cu desaroyo di curiculo y cu sosten di UNESCO ta presenta
ORANJESTAD (AAN) – Louise Montello ta un terapista di musica y psicoanalista certifica y un cientifico di investigación.
Ademas Dr. Montello ta fundador y director di e programa “Creative Arts Therapy”
NOORD
Manera por a lesa ayera Noord ta moviendo y POPO a cumpli Marlin Ignacio di publica su comunicado, a pesar cu no tabata den POPO pa falta di espacio e momentonan cu a habri e e-mail. Noord a cuminza inscripcion pa reinasitanan pa e eleccion di 5 di februari na Centro di bario noord. Nan por tuma contacto cu Marlin na 565-8712 despues di 5 or y mey atardi pa inscribi y haya informacion.
ORANJESTAD(AAN)— SAC a laga publica loke hurado ta tene cuenta cune durante eleccion di Prins y Pancho.
Nan a mustra riba introduccion di e candidatonan; presentacion; mensahe; contenido; actuacion; vocabulario; comico humoristico; animacion y apoyo.
POPO ta habri awe cu e coronacion di Reina di Pleasers and Teasers. Dialuna cu a pasa a corona e Reina Grandi cu lo representa Pleasers & Teasers den Stadion dia 19 di Februari. E Reina a keda den persona di e conocida carnavalista, cantante, Chanella Lopes el a wordo corona pa Leoncita Arends, Faridi Werleman Daou, Harish y Max di Geekay. Chanella ta yiu di Cecilito y Marisela Lopez cu ta dos persona hopi activo tambe den Carnaval.
ORANJESTAD (AAN): Despues di e tayer “Expedicion Rescate”, cu a tuma luga aña pasa na Universidad di Aruba, e aña aki lo sigui cu algun tayer den cuadro di investigacion y documentacion di nos historia y cultura.
E Centro di Investigacion (CRD) hunto cu e Centro di Lifelong Learning (CLL) di Universidad di Aruba lo prepara y organiza den 2011 diferente curso pa asina prepara participantenan pa salvaguardia dato historico di nos herencia cultural.
Prome cu POPO bin riba comentarionan di fin di siman , principalmente e Fakkeloptocht y tur su puntonan negativo y positivo cu por a tende, laga POPO cuminza na duna algun informacion cu ta importante pa grupo of pa SAC.
CHAMPAGNE
Grupo Champagne ta haci un suplica na su fiel participantenan pa pasa schrijf in e siman aki ya cu e grupo di massa lo cera cu 300 participante. Ya tin te cu ayera 180 registra y Champagne no kier pa participantenan cu semper ta fiel keda afo pasobra no tin mas headpiece. Inscribi e siman aki mes pa bo ta un di e 300 nan. E aña aki atrobe Champagne ta mantene su mes na e frase di “Op is op” pues pasa na “Bee Ware” y percura bo ta registra.
Pabien carnavalistanan! Boso a duna e pueblo un fakkeloptocht di kita sombre. Ta bon cu Digicel, Grupo Champagne y OPC tabata tin e sombrenan cu por a yuda saluda e publico cune. Ki bunita cada un di e gruponan tabata y e bomboshi pega na otro den e gruponan grandi, no a molestia otro ningun momento y ta gozo so tabata tin.
DIGICEL
Si Digicel tabata na cora cu blanco of cora cu “scur” so, esaki lo a duna un uniformidad masha bunita pa e grupo aki. Pero e comentario aki no ta kita nada di e bunita cu e grupo a presenta den parada tras di Superdancers cu tabata bunita di custumber y celebrando nan di 3 lustro como Openingshow.
Awe nochi ta e anochi.
Fakkeloptocht ta habri nos carnaval na grandi e aña aki, y awe nochi lo ta anochi di boroto, lawaai, bochincha y sonido pisa.
Awe nochi ta anochi cu mester percura pa bo tin bo earplug pasobra loke musica ta bay haci por laga nos tur surdo pa resto di temporada.
NOS KIER
Pero aunke cuanto papia y menciona con boroto di e bandanan ta caba cu bo oido, nos no ta scucha toch. Ta parce cu nos mes kier perde nos oido. E decibelnan di awe nochi lo laga oreanan tur zonza henter anochi.
TUMBERITO
S.A.C. pa ta informa tur mayor y representante di mucha y hoben cu ta pensa pa participa na e festival di tumberito 2011 cu diadomingo awor 9 di januari 2011 lo cera e inscripcion. Pues ta spera tur esnan interesa cu entre 2or merdia te cu 4:30 atardi tin e oportunidad pa registra y pa 4:45 or atardi lo tira lot. Ta spera tur persona interesa pa ta na oficina di SAC na e ora menciona.
CLAUDIUS
WHO ?
POPO a haya peticion ayera pa number di telefon di Claudius pa inscripcion den OPC.. POPO mester a puntra nan “Claudius Who? Debi na e dificultad cu POPO tin pa haya e meneer aki pa papia cune. POPO tabata tin un number di Claudius y maske cuanto bo yama, bo no ta drenta. Semper e ta ocupa. Pero POPO a sigui trata y a bin haya numbernan pa e grupo OPC y esey por mira mas abao den e lista di number di telefonnan cu POPO tin caba cu por wordo publica. OPC a cuminza inscripcion na cas di Claudius dialuna y POPO a haya informacion cu nan ta mescos cu Champagne y TOB cu ta yenando pa loco. A wordo comenta cu e camisa pa diasabra awor ta formidable, y e sombre cu luz cu bela, yen di “glow in the dark” riba casi tur cos. Tanto riba cabez, na camisa, na garganta, como armband, glas y kelkinan y ticketnan pa bar ta un pa cada dede di man.
ROBERT
Pa Fakkeloptocht, Digicel ta preparando pa ranca sali na grandi y nan tin contrata pa toca pa nan ningun otro cu Robert Jean d’Or y su solo banda show. Robert manera ta conoci ta toca tur aña pa los Laga Bay pero pa Fakkeloptocht, ta Digicel ta ranca e cabuya musical.
ORANJESTAD(AAN): Dia 2 di januari, 2011 lo bay tin un misa grandi riba Plaza Betico Croes, organiza door di Reach Out And Touch hunto cu The Good Samaritan Christian Center. Esaki ta un celebracion religioso riba plaza Betico. Tur religion ta envolvi den e evento aki.
E lo cuminsa 7or di anochi y ademas di e acto religioso lo tin tambe musica religioso. Guy Viapree a splica cu nan a organiza e evento aki pa habri aña riba Plaza Betico Croes. E servicio “Un anochi di Speranza” ta cuminsa pa 7’or di anochi y entrada ta gratis.
ORANJESTAD (AAN): Diasabra dia 8 di januari Westin Aruba Art Gallery ta habri e promer solo exhibicion di e fotografo local Annemiek (Miki) van Vliet.
Miki ta un fotografo amateur, cu ta gusta saca potret den naturaleza, pero tambe di architectura. E ta sinti mas pa e rol scientifico y periodistico di fotografia como documentacion social, dato visual, y medio di comunicacion, pero si cu wowo pa buniteza. E ta trata di captura e momento decisivo na unda harmonia visual inespera ta revela un ambiente y nificacion significante; un momento cu den un rato ta cambia of desaparece.
