Minister Mike de Meza:
ORANJESTAD (AAN): Fundacion Lotto pa Deporte su “core business” ta loteria y e fundacion su tarea ta pa percura pa e administracion di esaki bay bon y tin semper reserve pa paga su ganado y rebendedonan, Minister di Finansa, Comunicacion, Utilidad y Energia Mike de Meza ta splica.
Dialuna Parlamento a aproba e cambio di e ley pa opera un casino na Aeropuerto Internacional Reina Beatrix y e mandatario ta satisfecho cu Fundacion Lotto pa Deporte no ta envolvi mas den e negoshi di casino aki cu tabatin resultadonan hopi negativo pa e loteria.
Solamente un tercera parti a bay vota diabierna
ORANJESTAD (AAN): For di 340 miembro cu derecho di voto den seno di S.P.A., solamente 105 a haci uso di nan derecho pa asina brinda sosten na e directiva nobo. Ya caba tin mas di 150 miembro di Cuerpo Policial cu no ta miembro di e sindicato, pa cual esunnan cu ta miembro mes awor no a bay sostene.
E resultado aki awor ta motibo pa un analisis serio den seno di e directiva nobo, cu e presidente eligi Angelo Davelaar. Pasobra tin varios factor cu lo por a hunga un rol den e decision di e miembronan pa NO sostene nan propio sindicato. E miembronan a haci esey na dos ocasion tras di otro.
Mama di victima a haci suplica na supuesto medico pa no haci tratamento estetico riba su yiu!
ORANJESTAD (AAN): Diaranzon Jose Gregorio Guaimacuto Rojas di Venezuela a presenta dilanti di mesa berde di huez na corte di husticia, despues cu el a wordo acusa di causa morto di e hoben Taheely Pietersz na December 2011, door di hasi cierto proceduranan medico riba dje, cu a bay robez.
El a wordo acusa tambe di hasi como si fuera e tabata un medico certifica pa hasi e proceduranan estetico cu el a hasi.
Banda di esaki el a wordo acusa di uza cierto productonan riba e persona, cu e tabata prohibi di wordo uza, sin e conocimento y preparacion adecuado.
Segun famia Koolman
ORANJESTAD (AAN)- Relaciona cu e sucedido di Diamars na un cas na Sabana Blanco, DIARIO a haya reaccion di famia Koolman di locual a sosode.
Segun famia Koolman, nan ta desmenti categoricamente cu tabata tin reglamento di cuenta.
Segun nan splicacion, Sr. Koolman tabata drumi riba cama ta warda su yiu caba di baña pa e hibe trabao. Diripiente dos homber a presenta riba dje cu cara tapa, cu pechi y bril bisti y nan a cuminza batie.
ORANJESTAD (AAN): Diaranson merdia a bati alarma di bringamento cu victima hinca na EPB San Nicolas. Mesora un batayon di Polis a mobilisa pa e scol riba Caya Jose Geerman. Aki a topa cu e victima herida, a yama Ambulance bin mesora atende cu e victima y transporte pa Hospital. E agresor a huy laga victima cu cuater hinca atras.
ORANJESTAD (AAN): Pa por combati crimen ta haci hopi mas falta di solamente papia encuanto balornan. Ta necesario pa establece esfuerzonan den strategia a largo plazo. Pa tal motibo HW Training and Development Associate den cooperación cu drs. Rudolf de Kort, kende ta e coordinador di e evento “Mind Your Eye” ta dedica atención especial e aña aki riba e topico “Combati y Preveni Crimen” atrabes di un Conferencia anual, cu lo tuma lugar Diabierna 24 di Mei 2013 den Conference Room di Hyatt Regency Aruba Resort & Casino.
Por registra ainda Diabierna 24 di Mei 2013 for di 9:30 am – 10:15 am. Combati y preveni crimen riba su mes ta un tema di gran complexidad.
Interes pa meter prepago ta aumentando
ORANJESTAD (AAN): Desde cu NV Elmar a introduci su meter di coriente prepago, tin un interes grandi y clientenan cu ta cambia di e sistema “postpago” pa e sistema nobo di “prepago” ta aumentando diariamente. E motibo cu cliente ta cambia ta pasobra e sistema aki ta dunabo e oportunidad pa controla bo gastonan mensual di coriente, asina evita consumo halto di energia.
Por compara meter prepago cu e uzo asina popular y conoci di e celularnan prepago, unda cu bo djis tin cu cumpra bo carchi, hinca e numbernan y bo tin acceso na servicio.
Loyd Wever Presidente saliente:
ORANJESTAD (AAN): Recientemente miembronan di Cuerpo Policial a vota pa un Presidente nobo di Sindicato di Polis (SPA). Manera ta conoci, despues di cu Guilfred Bessaril a retira pa motibo cu el a drenta Politica, a keda na su luga Lloyd Wever, kende a keda den e posicion aki te momento di e eleccion.
E eleccion a tuma luga diabierna ultimo na POVA Club unda cu un poco mas di 100 miembro a presenta pa vota, y di e cantidad aki, 77% a deposita nan vota riba nomber di Angelo Davelaar, kende di e manera aki lo bay guia SPA di 2013 pa 2014. Vice Presidente a wordo eligi ”Abi” Croes.
Riba dia di eleccion, segun Lloyd Wever berdad cu tabatin hopi miembro cu no a duna acto di presencia pero esaki ta debi cu nan a haya nan mes stroba door di lesnan cu nan ta sigui pa nan estudio. Na mesun momento tabatin algun colega di Cuerpo na Boneiro.
ORANJESTAD (AAN): Recientemente e pais di Peru a bira e prome pais den Sur America cu ta prohibi productonan “GMO” (Genetically Modified Organisms), cual ta productonan cu ta worde geneticamente modifica.
E productonan aki ta worde modifica geneticamente usando cualkier bacteria, pesticida of otro methodo di modificacion, cual ta haci cu e plantacionnan aki ta bira resistente na cierto typo di insecto como tambe secura.
Den e forma aki Peru ta comberti su mes den e promer y unico pais den Sur America cu ta pone un prohibicion di 10 aña riba productonan geneticamente modifica.
Embahador di Reino na Panama Wiebe de Boer
ORANJESTAD (AAN): Den cuadro di e conferencia ‘Europe Meets the Americas’ e embahadornan di Reino di e Hemisferio Occidental a pone nan mes na haltura di e hopi desaroyonan positivo na Aruba. Loke e ‘corps diplomatique’ mas tanto kier sa ta con for di nan post nan por yuda realisa e concepto Aruba Gateway.
Embahador di Reina na Panama Wiebe de Boer “Mi a yega 16 luna pasa na Panama cu dos maleta pa habri e embahada aki.
Prome cu esey mi tabata director suplente Siguridad y coordinador di crisis na Ministerio na Den Haag. Nos tin un poco mas cu un aña habri.
Mi ta hay’e un reto pa ta na Panama. E Panameñonan a reacciona entusiasma. Na nan turno nan a habri un embahada na Den Haag”.
ORANJESTAD (AAN): Pa di 7 y 8 biaha den 7 aña, AAA a ricibi aprecio for di su aerolineanan cliente pa su esfuersonan di airline marketing: pa di 4 aña consecutivo, AAA tabata ‘highly commended’ y a ricibi e status di runner-up den e categoria regional “The Americas” pa excelencia den Airline Marketing durante e conferencia anual di ROUTES na Nassau, despues di Boston Logan International Airport.
Melvin Tromp di AVP:
ORANJESTAD (AAN): Parlamentario Melvin Tromp cu hopi asombro a tuma nota con Sr Andin Bikker lider di PDR a expresa su mes den direccion di e pueblo di Playa Pabou.
Esaki pa motibo cu actualmente ta tumando lugar cambionan ariba tereno di infrastructura pa locual cu ta aceranan y espacionan pa parkeer y alavez sleeping police pa e bario di Playa Pabao.
Esaki ta cuadra den e programa di nos partido y mas ainda e intencion ta cu tur bario lo bay conoce un cambio structural di cinco estrea.
Peter Steinmetz :
ORANJESTAD (AAN): Den un entrevista cu Peter Steinmetz e director di aeropuerto a puntre riba e reunion cu tabata tin den Parlamento di Aruba.
Esaki ta relaciona cu e localidadnan estilo casino cu jackpot cu tin den aeropuerto. Lotto a cuminsa cu esaki algun aña pasa pero ta un mal proyecto cu a costa nan masha hopi perdida.
Miyones Lotto mester a paga aeropuerto sin cu tabata gana placa. Awor den Parlamento a cambia e ley pa asina aeropuerto mes haya esaki.
Schiphol Group contento cu Aruba:
ORANJESTAD (AAN): Desde April 2004 Schiphol Group ta encarga cu e maneho di aeropuerto di Aruba. Durante un entrevista cu e director Peter Steinmetz, el a splica con tur cos ta bayendo. Desde 2004 bin ariba a conoce hopi cambio na aeropuerto di Aruba.
El a bisa cu durante e conferencia di Europe Meets America, e CEO di Schiphol Group sr. Niewhuis a bisa cu su organisacion ta satisfecho cu e relacion cu tin y sigur lo kier sigui cu esaki den futuro.
ORANJESTAD (AAN): Pension Fund Tourism Sector Aruba ta preparando pa su Asamblea General anual, Sra. Sanaa Baroud directora di Fondo di Pensioen di Sector di Turismo durante un conferencia di prensa a haci un invitacion cordial na pueblo general, pero specialmente companianan cu ta cay den sector di turismo, cual el a señala, cu si nan no ta sigur si nan ta cay bao di sector aki, nan por check libremente riba nan website www.pftsa.com.
Sra. Baroud a recorda cu plan di pension ta obligatorio pa ley, y tur compania mester cumpli cu esaki prome cu 31 di December 2013, y e kier a urgi companianan cu ainda no a haci esaki, pa acudi cerca nan.
