Minister Benny Sevinger:
Sistema Mericano cu o spaar placa y tempo!
ORANJESTAD (AAN) – Minister di Infrastructura sr. Benny Sevinger, a referi na e proyecto di construccion di un hospital nobo pa pueblo di Aruba, den un entrevista cu Matutino DIARIO.
E dignatario a splica cu den e ultimo lunanan a wordo forma un asina yama “stuur groep” hunto cu SOGA cu ta bay financia e proyecto aki, y gobierno ta esun cu ta bay paga e fianciamento aki, den termino largo. Hunto cu SOGA y Stuur Groep, lo mira diferente posibilidad, diferente arquitecto tanto Hulandes como Mericano, y den esey lo bin diferente cambio pa mehora e renovacion y expansion di Hospital dr.Horacio Oduber.
ORANJESTAD.(AAN): Awor ta un bon oportinidad pa autoridad atende esnan envolvi den e bululu na altura di EPB.Hato. Pero lo ta bon tambe den futuro probecha fuera di e delito cu lo a wordo comete y kico esnan deteni ta haci pa bida. Nan a bay school, nan ta traha, nan no por haya trabao of ta bao di palo nan ta sinta den dia, anochi y te laat di marduga. Mayornan lo no tin grip mas riba esun of esnan deteni. Tin facilidad y oportunidad pa bay entre otro Enseñansa pa Empleo tin diferente curso cu nan por particupa nan dje. No ta traha, pero si ta core auto some where placa ta drenta con dios sa pa cumpra gasolin pa trip.
Roland Peterson di SNBA
E presidente di San Nicolas Business Assosiation, SNBA , sr. Roland Peterson ta urgi gobierno pa bin cu alternativanan relaciona cu e situacion di e refineria Valero. “Ya caba e Caya Grandi di San Nicolas ta parce un ghost town y ainda Valero no a sera mes”, asina sr.Peterson a duna di conoce den un entrevista via di telefon cu Profil Economico.
ORANJESTAD (AAN): Diabierna e Venezolanonan Alvaro L.A.C y Jhonny P.S a presenta dilanti di mesa berde di huez na corte di prome instancia. Nan a worde acusa di transporta 4 persona ilegal pa Aruba, riba dia 9 di November 2011. A.C tabata capitan di e boto, mientras cu J.S kende ta padrino di yiu di A.C, a yude. Huez a repasa rapport di polis y kustwacht di en caso aki. Ta asina cu riba e anochi en cuestion, e radar di Kustwacht a detecta un boto sospechoso riba laman. E boto di Kustwacht a bay investiga y cerca di Nanki Club na Sero Colorado, nan a topa cu e boto coriendo cu velocidad halto. Mirando cu e boto no kier a para, miembronan di tripulacion di e boto di Kustwacht a los tiro di advertencia.
Pueblo ta sclama pa laga nan keda encarcela te despues di Carnaval…
ORANJESTAD (AAN): Diahuebs tabata un merdia keto na e school Educacion Profesional Basico (EPB) ora cu e paz a kibra cu tiro y gritonan di hoben den confrontacion di dos gang parti pafo.
Esaki ta e grupo di Seroe Patrishi y Dakota den cura pafor di e school na Hato. Tabata algun minuut pasa despues di 12 or di merdia ora un hoben biba na Dakota tabata tras di stuur a haya susto di su bida ora a tira baranca riba su windshield.
Minister Presidente ta splica:
ORANJESTAD (AAN) – Na e momentonan aki gobierno ta finalizando un M.O.U, unda ta wordo separa un poco, e proyecto di LNG for di cualkier stadium di operacion di Refineria Valero.
Asina Minister Presidente mr. Mike Eman a declara den un entrevista cu DIARIO, y el a agrega cu den e M.O.U ta pone hopi acento riba un contrato unda por cumpra hopi of menos gas, pa asina aki e proyecto por continua.
Abogado mr. Jose Figaroa:
ORANJESTAD (AAN) – Matutino DIARIO a acerca Abogado mr. Jose Figaroa, ken ta representa den Corte un grupo di empleado di Marriott Casino, cu algun siman pasa a hiba e gerencia dilanti, debi na cambionan cu nan a impone riba nan pit managernan. E cambio constante e hefenan halto ta causa cu cada bez nan kier bin cu cambionan cu ta afecta e trahadornan.
E Caso mes a tuma lugar dos siman pasa y diaranzon Huez a tuma decision y a ordena Marriott pa e cambionan ey no worde ehecuta.
Esaki ta nifica cu nan no por implementa e shift nobo cu lo haci e pit managernan traha te cu 7’ or di mainta, y a pone un lumpsum di 2500 Florin pa dia pa un maximo di 100 mil Florin pa cada dia cu nan no cumpli cu e prohibicion di laga e empleadonan traha te cu 7’ or di mainta.
ORANJESTAD(AAN): E homber riba e foto aki a yega Aruba procedente di Curacao. E homber ta di nacionalidad Dominicano.
El a ser gara cu marihuana den su ekipahe. mesora el a keda deteni pa personal di douane.
Despues di e proceso legal a entrega e sospechoso na polis cu a sigui cu e investigacion.
ORANJESTAD (AAN): Diaranzon anochi den un reunion na SIMAR e miembronan di STA cu ta trahando na SATA a cuestiona nan sindicato STA. Esey a pone tambe cu e presidente a reacciona riba nan y mustra e trahadornan cu STA lo no representa nan mas.
Nan a reclama e sindicato pasobra pa algun luna caba nan sea no ta cobrando manera mester ta y ademas ta wardando ainda bonus di aña pasa. Nan a hera keda sin cobra na December.
E trahadornan ta hopi disgusta y nan sindicato STA no ta move un dede pa yuda nan. Awor cu nan a pone presion como miembro nan a haya mas bien un cori for di e presidente. Esaki ta djis un di e reaccionnan cu a drenta.
ORANJESTAD (AAN); Un tipo ultimo tempo e ta aparece na diferente biaha den informe di polis y Diaranzon atardi tabata atrobe e caso.
Patriua di San Nicolaas a bay na un cas na Pos Chikito na unda a atrapa un homber ta hortando. Na yegada a resulta cu ta trata atrobe di e tal Randy C.
Polis a topa Randy caminda cu un airco riba su lomba y el a worde deteni door di personal di garashi di polis Balashi.
ORANJESTAD(AAN): Tabata den oranan di marduga riba Diaranzon, pa ser exacto 1’or mas 35 minuut, Central di polis a dirigi patruya Oranjestad na Eet Cafe The Paddock pa atende cliente fastioso. Na yegada polis a atende e manager di e establecimento di fam G. y el a declara di a haya problema cu un cliente. Segun G. e cliente no kier a paga e cuenta y ademas e cliente ta molestia, empleadonan y otro bishitante nan.
ORANJESTAD (AAN); Den dia cla parti mainta, Central di polis a dirigi patruya di polis den vecindario di Well Well na Sero Biento, pa un chofer burachi.
Segun mirones a wak con un auto ta zig zag riba caminda y e chofer a logra para altura di un cas situa na Morgenster.. E vehiculo modelo Toyota Yaris color di oro a baha for di caminda segun informe pa un of otro motibo y consecuentemente wiel banda drechi a worde destrui.
Polis a atende e chofer y el a declara di ta hopi cansa. Control hiba pa polis a resulta cu e chofer femenino lo ta bao influencia di un que otro substancia.
ORANJESTAD(AAN): Recientemente huez a duna su sentencia den un caso entre e compania Fresnos di Spaña y pais Aruba.
Ta trata di un caso na unda cu Fresnos algun aña pasa lo tabata bay haya e erfpacht di e tereno di ex Bishiri Hotel, pa nan bin cu un hotel 5 strea.
E veredicto di huez a bay na fabor di pais Aruba.
Fresnos tabata exigi pa nan haya e derecho di e erfpacht pa nan construi un hotel riba e tereno, of pa nan haya pago di daño di perhuicio, door cu Gobierno no a duna nan e permiso, riba cual nan ta sinti cu nan tin derecho.
