Home General Gabinete Oduber a konkel fiansa di placa

Gabinete Oduber a konkel fiansa di placa

1413
0
SHARE
- Advertisement -

Un caso cu ta surgi awor cu bukinan ta habriendo ta un fianza externo cu Gabinete Oduber a haci na 2004 caminda a konkel cu e structura pa lague pasa como un fianza lokal evita cu mester a haya aprobacion di Conseho di reino.

Rond di 2004 Conseho di Minister di Reino a cuminsa alarma cu e forma con Gabinete Oduber tabata duplicando debe di pais Aruba y a cuminsa scrutina finazanan externo di Aruba. Na e momento ey Gabinete Oduber y Minister Nilo Swaen y Promer Minister Nel Oduber a dicidi di bai orcestra un formula pa sigui fia placa den un forma cu no mester haya autorisacion di Conseho di Reino maske Statuut ta stipula esaki.

Documentonan cu DIARIO tin y lo pone den man di autoridadanan concerni na Aruba y Merca (fianza externo sin autorisacion) ta mustra cu aki ta trata di un acto fraudulento pa sigui fia placa sin autorisacion di Hulanda.

E dos Ministernan Oduber y Swean manera e documentonan aki ta indica lo mester entrega nan retiro pendiente investigacion. Segun pruebanan cu a bin dilanti ta mustra cu Nel y Nilo lo a mal usa un banco lokal di Aruba , pa busca prestamonan for di mercado international y “konkel” pa bypasss control y aprobacion di Hulanda.

Door cu Gabinete Oduber sa cu Conseho di reino ta questionando nan maneho financiero desastroso Nel Oduber y Nilo Swaen a decidi di usa tacticanan fraudulento pa “bypass” control segun articulo 29 di Statuut. E endeudamento aki di e pueblo Arubano a debilita posicion monetario di Aruba gravemente.

Leynan di comptabilidad a wordo kibra na 2004 na momento cu Nilo a firma e contract(nan) cu e Banco lokal pa tin e derecho exclusivo y miyonario como “underwriter” SIN tene un destaho publico (na merca ta exigi pa destaho pubico wordo teni ora di scohe un banco como underwriter) Tambe tin indicacion fuerte cu e banco a wordo ofreci door di Nilo (den nomber di gobierno di Aruba)“extra incentivo!!! (extra plaka)” pa fix e prestamo como uno “local”, cu lo costa pueblo miyones mas.

Den documentacionan cu DIARIO tin por constata cu Banco Central no tabata di acuerdo cu Gabinete Oduber ta “by-pass” e aprobacion di Conseho di Reino. DIARIO ta dispone di memonan den cual ta ataca Banco Central masha feroz pa pone nan bao presion pa participa na e aprobacion di e fianza aki den e forma camufla cu Nel y Nilo a construi.

E complot lo wordo finalisa ora cu di parti di Nilo e ta zorg pa busca aprobacion den Staten di su fraccion pa laga aproba pa ley e prestamo aki como “local” pa despues bay prensa y ganja cu economia ta asina bon cu pesey tin hopi liquideza localmente mientras ta net lo contrario.

E forma con a “by-pass” artikulo 29 di Statuut por hasta haci e contractnan cu e banco(nan) pa busca financiamento pa e Bonds Nietig (nulo) segun articiulo 31 de ley di compatbilidad y concecuentemente Nilo Swaen y Nel Oduber por bira personalmente responsabel pa e prestamonan y interes cu mester wordo paga.

E escandalo aki lo tin su concecuencianan no solamente pa credibilidad di Aruba pero internacionalmente pa Hulanda tambe y tambe pa e geldschietersnan di cual mayoria probablemente ta sali for di banconan Mericano pa cual probablemente gobierno Mericano tambe lo tin di cay aden. Pa e actonan aki tambe Aruba por bai cai riba blacklist mericano.

E caso aki DIARIO lo bin cune ampliamente den e dianan aki hunto cu e documentonan cu ta caba den man di autoridadanan competente na Merca.

- Advertisement -

DUNA COMENTARIO

Please enter your comment!
Please enter your name here