Home Hudicial Caso di hortamento di arma di cas di docter awe na corte

Caso di hortamento di arma di cas di docter awe na corte

2
0
SHARE
- Advertisement -

criminal_justice_jurisprudenceORANJESTAD (AAN): Awe na corte ta bay tuma lugar diferente caso penal.E prome caso ta e caso den cual S.M.G. y G.J.K. ta worde acusa di, conhuntamente cu un otro of otronan, ladronicia di un of mas auto y/of un of mas pieza di auto den e periodo di prome di Augustus 2008 te 2 di Mei 2009.

Tambe nan ta worde acusa di a participa na un organizacion cu tabatin como meta pa comete crimennan, esta, ladronicia di auto y/of pieza di auto y/of posesion y/of entrega di armanan di candela y patronchi, den e periodo di prome di Augustus 2008 te 2 di Mei 2009

Alavez nan ta worde acusa di posesion di arma di candela den e periodo di prome di Augustus 2008 te 2 di Mei 2009, sin cu tabatin permiso pa esaki. E caso ta bin dilanti Pro forma.

Despues ta bay tin e caso den cual E.E.A. y J.J.A. ta worde acusa di ladronicia den un cas di un of mas arma di candela y/of un of mas municion y/of un laptop y otro pertenencianan di un persona riba 21 di April 2009.

Tambe nan ta worde acusa di, conhuntamente cu un otro of otronan, posesion di armanan di candela den e periodo di 21 di April 2009 te 2 di Mei 2009, sin cu tabatin permiso pa esaki.E caso aki tambe ta bin dilanti Pro forma.

Despues di esaki R.A.Q. mester presenta dilanti di mesa berde, door cu el a worde acusa di exportacion y/of posesion di cocaina riba 27 di April 2009.

Despues ta bay tuma lugar e caso den cual R.S.C.G. ta worde acusa di, conhuntamente cu un otro of otronan, importacion y/of posesion di cocaina riba 29 di April 2009.

Tambe e ta worde acusa di conhuntamente cu un otro of otronan, importacion y/of posesion di marihuana riba 29 di April 2009

H.J.R. tambe tin cu presenta dilanti di huez, door cu el a worde acusa di ladronicia den un tienda di un of mas radio di auto, pertenencianan di e tienda y/of un persona, riba 16 di Mei 2009.

Penultimo caso awe ta e caso den cual G.Z. ta worde acusa di intento di abuso sexual di un persona riba 15 di Februari 2009.

Ultimo caso awe ta e caso den cual S.S.G., E.P., R.G.B. y A.G.G. ta worde acusa di, conhuntamente cu un otro of otronan, cu e intencion pa na un forma premedita tuma bida di un persona, a hinca e persona cu un cuchio den su pecho riba 2 di Mei 2009, dilanti di Taco Bell.

- Advertisement -

DUNA COMENTARIO

Please enter your comment!
Please enter your name here