Home Hudicial Seis aña exigi contra homber Colombiano pa traficacion di droga

Seis aña exigi contra homber Colombiano pa traficacion di droga

3
0
SHARE
- Advertisement -

prison barsORANJESTAD (AAN): Recientemente na corte di husticia a tuma lugar un caso contra Ramon S.C.G, kende a worde acusa di importacion di cocaina y marihuana riba 29 di April 2009.

Segun rapport di e caso un investigacion di C.I.D a mustra cu tabata tin un barco sospechoso yegando Aruba.Panther di Warda Costa a aborda e barco y a hiba esaki pa Barcadera.

Cu permiso di fiscal autoridadnan a listra e barco y den un compartimento scondi a topa cu diferente pakete.

Ora cu a haci test riba e substancianan haya, a resulta cu tabata trata di cocaina y marihuana.En total a haya 60,5 kilo di cocaina y 9522,4 gram di marihuana riba e barco.

Huez a trece dilanti cu cerca polis y huez comisario, R.G a declara cu e ta esun responsable pa e droga y cu el a tarda 3 dia pa pone e droga riba e barco.

Na corte R. a bisa huez cu loke el a declara cerca polis y Huez Comisario no tabata berdad.

El a declara loke el a declara, pasobra el a worde menaza cu si e no bisa cu e tabata esun cu tabata responsable pa e droga, nan lo mata su famia na Colombia.

Huez a puntra e acusado ken ta e personanan cu a menaze y el a bisa cu ta un tal Pedro y un tal Rocendo de Luque.El a splica cu Rocendo a menaze riba e barco na caminda pa Aruba.

Huez a puntra e acusado tambe si ta e a pone e droga den e compartimento scondi y el a bisa cu no.

Huez a puntra R. tambe di con ta te awor e ta bin dilanti cu e berdad y el a bisa cu e ta haya cu esnan responsable mester paga pa loke nan a haci.

R. a worde puntra tambe ta con nan a yega na dje pa e bay riba e boto y el a splica cu ta door cu nan sa cu e ta piscador.

Huez a mustra riba e hecho cu e Capitan di e barco a bisa cu ta R. a bin cerca dje pa pidi pa bay Aruba cune, pa busca bateria di auto y otro articulonan.

Huez a puntra e sospechoso si e tabata bay ricibi placa y el a bisa cu nan tabata bay dune 1000 dollar y e kier a uza e placa aki pa yuda su mama kende tin cancer di garganta.

R. a worde puntra tambe di con nan tabata tin mester di dje, si de Luque tabata riba e barco y el a bisa cu esaki tabata pa si cos bay malo, e tuma e responsabilidad.Fiscal a exigi 6 aña di castigo y huez lo duna su veredicto dentro di 2 siman.

- Advertisement -

DUNA COMENTARIO

Please enter your comment!
Please enter your name here