Booshi Wever su deseo ta cumpli y aproba pa hunta di comisario
ORANJESTAD(AAN):–Algun dia pasa caba DIARIO a publica cu gobierno of minister Booshi Wever su deseo ta pa Alwin Lin y tambe Juancho Ridderstap bira director di AZV.Esey a sosode algun siman atrás na momento cu DIARIO a papia cu e mandatario na momento cu a lanza e apertura pa preparación pa dokter di cas na Aruba mes.E dia ey ainda ningun di e dos personanan na cabez di AZV a solicita pa bira director.E mandatario tabata desea pa nan solicita.
Ya caba e dos directornan Alwin Lin y tambe Juancho Ridderstap tabata den nan ultimo dianan di nan contrato di seis luna.
Diario a tuma contacto cu Juancho Ridderstap kende a confirma cu nan ta e directornan cu a ser nombra.
Casi 30 persona a solicita y den nan na ultimo momento un dia prome Juancho Ridderstap a solicita.
Tambe Alwin Lin a solicita ultimo momento.Diahuebs den oranan di atardi e dos directornan a anuncia esaki oficialmente na e trahadornan.
E trahadornan a ser notifica cu e dia anterior e dos directornan nobo Alwin Lin y tambe Juancho Ridderstap a ser yama dor di hunta di comisario y oficialmente bisa nan cu nan ta bira esnan cu lo sigui cu e maneho na AZV.
Ta di spera cu nan lo por pas tambe cu e maneho di e gobernación proximo después di dia 25 di September.
Asina tambe minister Booshi Wever su soño a bira realidad pasobra e tabata kier pa nan sigui como director.
