ORANJESTAD(AAN):–E tabata comentario di dia algun siman pasa na momento cu a drenta informacion cu tin un investigacion hopi grandi andando den e refineria.E top di e refineria mes a laga haci un investigacion riba e placa cu a ser mafia na un manera hopi profesional.Dia cu a cuminsa papia di detencion Diario a tuma contacto cu ministerio publico cu a confirma cu no tin ningun tipo di keho entrega te pa bai over na detencion.
Parce cu esnan den refineria a prefera di tin nan asuntonan regla prome y ora cu tin e seguridad kendenan y kico a pasa exactamente a bai over na entrega keho.Ta ser papia te hasta cu a busca manera di settle cu algun pa nan paga bek.
Finalmente tabata tin situacionnan cu lo no a cana bon den supuesto settlement pasobra keho a ser entrega e prome detencionnan a cay.Den e caso aki a pone man riba dos local.Aki ta traga di Giovanni K y tambe Ivan B.
E dosnan aki no ta traha bao di Valero pero ta haci negoshi cu Valero. Nan lo ta traha cu esnan cu ta duna cierto servicio na e refineria. Awor cu e detencion a cay lo bai over na interogacion profundo di esnan envolvi.
Ta papia pa un di e casonan so di suma di mas cu cinco miyon florin.No ta descarta cu tin mas detencion y tambe mas placa cu lo por ta envolvi den e fraude aki cu a costa e refineria miyones.
