Gobierno nobo lo ta Gobierno di e Pueblo

Mike Eman:
ORANJESTAD(AAN)—Den su discurso ayera na momento di a logra victoria di AVP cu 12 asiento, lider di partido Sr. mike Eman a papia riba e compromiso cu AVP tin cu e pueblo di Aruba.
El a bisa di a tende ultimo añanan cu AVP nunca a saca e mayoria, pero “conte awe nochi”.
E sentimentonan cu nos a mira den cada skina di nos pais, e pobreza cu nos a constata lucha y bringa pa no yega den nos hogarnan. E cantidad di medidanan cu a wordo tuma pa enriquece amigo y familiarnan a pone nos pais sinti un desapunto grandi. Pesey ora nos a mira e dolor y sinti e desapunto nos a tuma e
Awe nochi bosonan masalmente a vota pa e cambio aki. E trabao lo no ta un facil,. Nos a mira un crisis grandi, un banda Valero cu su shutdown y na otro banda nos industria turistico cu ta den crisis tambe di 8 aña di negligencia cu a laga nos pais den un dolor.

Mirando e multitud y conociendo capacidad di e cantidad y a plan di partido mi tin confianza cu nos lo haci aruba feliz atrobe.
Nos mester atrobe gobernantenan cu ta stima e pueblo aki y cu kier haci sacrificio pa e pueblo aki y cu kier entrega nan mes na e pais y e causa di e pais y esey lo bay haci cu e gobernacion aki di AVP.

El a mustra cu Aruba a sufri hopi na man di politiconan yena cu rabia y odio.. E 8 añanan di trsiteza y dolor cu tin den comunidad awe ta falta di dirigentenan di MEP no ta di e votadornan di MEP.

!2-8 ta e engaño cu 70 aña a hiba contra AVP y e resultado awe ta reflexion di e 12-8 cu un resultado di 12 asiento pa AVP y 8 pa MEP, el a mustra.Un di e prioridadnan sigur lo ta eliminacion di BBO, el a laga sa.

Tambe el a mustra riba e compromiso cu AVP tin cu e pueblo di percura pa mas seguridad.
E gobierno nobo ta un gobierno cu lo ta dedica na tur hende el a bisa gradiciendo tur hispano y cu e gobierno lo ta un gobierno humano cu lo trata tur hende mescos. Esaki tabata e promesa y lo bira e compromiso.

El a gradici haitianonan ademas pa nan confianza y prohimonan di tur pais cu mester cera den un lazo di amistad y solidaridad.
Palabra di gradecimento e tabata tin na e votantenan cu a traha historia cu e cantidad di votonan na AVP. Gradecimento na e 26 mil votantenan , na e 29 candidataonan cu a cana cas pa cas y bario pa bario y pone nan curazon na pecho di e pueblo pa sinti kico ta nan dolor. “E cambio ta bin! E cambio ta bin!”

El a splica con el a papia cu polisnan na caminda pa Cas di Partido y cu lo duna polisnan loke nan mester pa haci e isla aki sigur. El a menciona tambe di lo duna nan e leynan cu nan mester pa haci e isla sigur.

Segun sr. mike Eman, e ta haci e compromiso cu e pueblo cu su gobierno lo ta accesible caminda tur hende por mira y papia cu ministernan y no manera ultimo añanan cu no por yega cerca ningun ministro.
“Mi ta aki danki na e pueblo y lo mi keda accesible pa e pueblo y den braza di e pueblo. E gobernacion aki lo ta un gobernacion di e pueblo”, el a duna di conoce.

“E soño nunca a termina y awe nochi hunto nos a realiza esaki”, el a laga sa y indica cu tin tambe un compromiso mañan pa celebra e victoria di un pais, di un pueblo.

El a manda felicitacion na su amigo y colega Sr. Andin Bikker cu a logra su asiento den parlamento y na esnan cu tabata tin menos bon resultado, el a mustra cu esaki ta resultado di un trayecto electoral.